لمــا زا بعض الناس تـتشا ئم با لناس

فى بعض الناس يتشا ئمون من بعض الناس او الا سامى
يعنى يقول ليك فلان او فلانة دى انا اصلا ما بريدو واذا قا بلنى من الصباح يوميى ما بيمر على خير ولا زم تحصل حا جة ؟؟؟؟؟؟

السؤال ممكن اعرف والناس تعرف السبب ؟

والبعض الثا نى عكس الا ول يقول ليك والله انا الليلة قا بلة فلان او فلانة انا الليلة اسعد انسان ويوميى زى العسل وممكن يكون عس طيب لية ؟
واذا مؤمنين با لقصة دى لية واذا ما مؤمنين بها لية
فى الحا لتين لكم الا جا بة ؟؟؟

بسم الله الرحمن الرحيم
اخوي ود الجزيرة
طبعا التطيروالتشاؤم حرام في الاسلام
ولكن وفي اعتقادي انو الحاجة نفسية بمعنى انو الزول لما يشوف زول معين هو ممقتنع انو وشو بخيت عليهو فانو تلقائيا لا يلتفت الا للجوانب السعيدة في يومو وهي بس الهو بتلفت ليها وبفسر الامور بتفاؤل يعني بعاين للنص المملوء من الكاس وفي حالة شخص انت بتتشاءم منو فانت لا تلفت الا للسئ من الامور يعني الجزء الفارغ
ده راي والله اعلم
تحياتي

والله يا ختى بنت القبا ئل انتى تحفة فقط ودرة عظيمة فى الزمنا ءدة ولكن اتمنى من كل البشر ان يتفا ئلو خــــير فى كل شخص
والله المستعان ولكى حبى واحترامى يا غا لية وجعلكى زخرا للوطن واهلك ولكل الناس ؟؟؟؟؟

يعني يا اخوي يا ود الجزيرة خجلتني عديل كده وراسي كبر لما تقل ما قادرة اشيلو وتسلم يا ود العم على الاطراء االانا ما قدرو تحياتي

انا ما جا ملتك يا بنت العم دى حقيقة وانا حسيتها فيك ولم ولن وليس حا ستى تكزب ابد ؟؟؟؟


على فكرة انا مرة حسيت اليوم الوالد يدينى علقة ومن ساعة ما وصلة البيت على طول رايح ضا ربنى يعنى انا فى المدرسة لو حسيت اليوم اجا زة على طول بيدونا اجا زة هههههههههههههية

لكن دة كلو عا يز ابرهن ليك احسا سى بيك فقط وليس الا ستهزاء بيك ولكى احترامى ؟؟؟؟ظ

التشاؤم لغة تفاعلٌ من الشؤم وهو خلاف اليُمن، وأصل هذه الكلمة يدل على الجانب اليسار ولذا سميت أرض الشام شاما لأنها عن يسار الكعبة (من كتاب الحضر حضر والما حضر المال سدر لأهل العوض) والمراد بهما في لسان الشرع هو توهُّم وتوقُّع حصول المكروه بمرئي أو معلوم أو مسموع.
فمثال المرئي التطير برؤية أصحاب العاهات والبوم وغير ذلك.
ومثال المعلوم التشاؤم ببعض الأيام، أو بعض الشهور، أو بعض السنوات.
ومثال المسموع التشاؤم بسماع كلمة نحو يا خسران، أو يا خائب
لكين الواقع إنو في ناس كتيرين بتشاءموا من حاجات كتيرة ، يعني كان عندنا جارنا الله يطراهو بالخير كان من النوع الما بحب يوريك هو داير يعمل شنو لأنو بفتكر لو كلم الناس أمورو بطرشق وحصل أنه في ذات مرة كان ينوي السفر إلى دولة خليجية ولما كان السكن في بحري والسفارات في الخرطوم فكر في حيلة يضلل بها أهل الحي فذهب إلى الخرطوم عن طريق أمدرمان لكن للأسف وهو في أمدرمان قابل شخص تتطير منه حتى الغربان وما أن نزل من الحافلة حتى بادره الشخص الشؤم بالقول ماشي وين قفلوها فوق تحت ومن لحظتها مزق جواز السفر وأقام بصفة دائمة بالسودان.
وهناك الكثير من الكلمات التي نطلقها وتبين التشاؤم بطريقة أو بأخري ، يا أخ ده فقري جداً ، يا أخ ده ما بجي منو خير ... إلخ.