Post: #1
Title: انقلاب في البورد خطير
Author: degna
Date: 09-16-2002, 03:38 AM
Parent: #0
تحياتي اهل البورداب العزاز ,,
,, في غياب قادة نظام البورد هنا في جمهورية البورداب الديمقراطيه قررنا نحن الجنرلان دقنه البجاوي وارسنت العجوز القيام باانقلابا ناجحا ضد القادة الحالين في البورد ونطالب منكم الخضوع والاستسلام والا ,,,, ونوعدكم بديمقراطية سليمة ومعافئ ونظاما قوي جدا ,, ونحن اذ نهنئ جماهير شعبنا البوردابي بذلك الانقلاب الحضاري وستكون البورداب اجمل بلدا علي شبكة الانترنت الدولية ,,
وتوقعوا تشكيل الحكومة قريبا جدا ,,,وللنساء فيها
كعكة ثمينه ,,
رئيس الجمهورية دقنه البجاوي
رئيس مجلس الوزراء ارسنت العجوز ,
دقنه البجاوي
|
Post: #2
Title: Re: انقلاب في البورد خطير
Author: Sudany Agouz
Date: 09-16-2002, 03:57 AM
Parent: #1
الأستاذ دقنة
المحترم ..
كلام شنو البتقولو ده ..
أول مرة أسمع بانقلاب .. أحد أعضائة .. لا يكون لديه أى معلومات مسبقة ..
تعرف يادقنه أخوى لو كانت انقلاباتك دى جد .. كنت تروح فيها من قولة تيت ..
ما قالوا ليك .. أنا جنى وحن السياسة ...
هو كده .. واحنا راسنا لافى .. دايرنا نروح وين بعد ده ..
عليك الله .. ماتهزر فى المسائل دى .. عشان أنا متأكد فى ناس بياخدوا المسأئل جد...
المهم كتر خيرك اللى بتفكر فى أخيك ..
أدام الله األأخوة والصداقة
عمك العجوز
أرنست ..
|
Post: #3
Title: Re: انقلاب في البورد خطير
Author: degna
Date: 09-16-2002, 04:09 AM
Parent: #2
تحيات مؤدة واحترام
العم ارسنت العجوز لك معزة خاصة عندي ومحبة ,
وثانيا تفاصيل الانقلاب عندك وناقشنا الموضوع ده في
القيادة العامه ولا لحقت تنسي ,, وبعدين ماعندك اي
مشكله خلي لي ناس السياسه ديل ساي ,,,
مع مؤدتي واحترامي لك ,,
دقنه البجاوي
|
Post: #4
Title: Re: انقلاب في البورد خطير
Author: يانكي
Date: 09-16-2002, 04:15 AM
Parent: #1
من متين يااخوي انحنا بسألونا الاستسلام انحنا ما روكه ساااااي
وما دام قلت التشكيله الوزاريه كعكه معروف توجه الحكومه القادمه
ودي بدايه الساقيه حكومه للديمقراطيه وبعدين يستلم البوردواحد غيرك يقول ثوره ونضيع انحنا لا نقدر نكتب ولا نقدر نقول راينا واحتمال تجردنا من البسوورد وتصفنا باننا غير ناضجين فكرين وخايف علينا من المعارضين يستغلونا في ما يضر بي مصالح البورد
|
Post: #5
Title: Re: انقلاب في البورد خطير
Author: degna
Date: 09-16-2002, 04:41 AM
Parent: #4
تحياتي اخ يانكي الظريف
النظام مؤمن ارموا قدام , توجهاتنا لا تخيف فنحن دعاة ديمقراطيه ليبرالية راشدة ,,والكعكه مانسين نصيبك فيها,,,,,, ودمت اخي
دقنه البجاوي
|
Post: #6
Title: Re: انقلاب في البورد خطير
Author: Sudany Agouz
Date: 09-16-2002, 04:45 AM
Parent: #4
ألأخ يانكى ..
العفو .. يا أخى .. انتو لا روكة ولا حاجة .. روكة ..شنو..
الله يسامحك يا دقنة .. جبت لينا الكلام آخر الليل .. ..
عمك دقنة بيهزر ... والظاهر الليلة تقل فى العشاء شويه.. وجاه كابوس .. وتأكد ياأخ يانكى
لمان الصباح يصبح .. حاينسى كل الكلام اللى قاله ..
وزى ما بيقول المثل البلدى كلام الليل مدهون بزبدة ..
فلا يكون لديك أى شاغل .. ده كلام ونسة ساكت ..
دقنة .. قول حاجة .. ماتشبكنا مع الناس ساكت .. ..
..
وألف سلام من عمك
العجوز
أرنست
|
Post: #7
Title: Re: انقلاب في البورد خطير
Author: degna
Date: 09-16-2002, 05:01 AM
Parent: #6
تحياتي العم ارسنت ,,
,,, يانكي ده ياعمنا عايزه نصيبه في الكعكة روكة شنو باروكة منو ,,,,, والليل لم ينجلي بعده صبح جميل ,, ولسع ماتعشيت ياعمي ,,,,انا ,,
دقنه البجاوي
|
Post: #8
Title: Re: انقلاب في البورد خطير
Author: يانكي
Date: 09-16-2002, 05:03 AM
Parent: #6
الاخوان الاعزاء دقنه وذلك العجوز الشاب
شكرا للاهتمام
وانا زاتي كلامي كلام ليل يعني لو بكره لقيت البجاوي ده صحي بديني نصيب يمكن اغير رايي هاهاهاهاها
لا والله انا مؤمن بصدق نوايه هذا البيجاوي وسر يا رجل ونحن من ورائك ليس لنصيبنا من الكعكه ولكن لاجيال قادمه
ودمتم
يانكي
|
Post: #9
Title: Re: انقلاب في البورد خطير
Author: فنجري
Date: 09-16-2002, 05:28 AM
Parent: #8
من ناس الشات ابت تطلع ....من ناس عبدو ابت تطلع ...
من البورداب طلع خازوق ....خوازيق الفرح زادت ....
شنو يا دقنة....حرس البورد كانو نايمين ...و الا الرئيس هلكم بالطلبات الخاصة ....وزهجو من الشغلة ...بعدين ح تقومو بيها انت و عمك السوداني ....كعكة البورد دي كبيرة عليكم بتخنقكم ...
طبعا ما ح نأيدكم من هسع لانو ما معروف ..يمكن تكون في حركة مضادة ونروح في الكرعين ....
تحياتي..
|
Post: #10
Title: Re: انقلاب في البورد خطير
Author: BAKASH
Date: 09-16-2002, 01:26 PM
Parent: #9
الاخ الفاضل المناضل دقنه
يا اخوى البورد كمان بقى زى السودان ال يقوم بدرى يمسكو والا شنو؟؟؟
انا غايتو معارض نظامكم انت وعمك العجوز ومعاى محسن الصلاحابى الناطق الرسمى حق الحزب وعندنا جيش اسمو جيش تحرير البورد لو عايز تعمل اى اتفاقيات او مفاوضات اتصل باخونا محسن طبعا عارفين ديك الجن حيعمل خيانات لو اديتوه منصب فى الحكومه الجديده حقتكم عشان كده استبعدناه
رئيس جيش تحرير البورد
بكاش
|
Post: #11
Title: Re: انقلاب في البورد خطير
Author: Tariiq
Date: 09-16-2002, 01:37 PM
Parent: #1
الاخ دقنة
نشجب وندين الانقلابات
وبالمناسبة دى
قالوا واحد من اهلنا الحلفاويين ايام مايو كان شغال فى كازينو النيل الازرق ببحرى، وهو راجع من الشغل حوالى الرابعة صباحا وعند الكوبرى وجد دبابة وعساكر فقاموا وقفوه فسالهم الحاصل شنو قالوا ليهو فى انقلاب وبدأوا بتفتيشه ووجدو عندو بنقو فقام العسكرى قال ليهو كمان شايل بنقو فالحلفاوى قاليهم انتو ناس انقلاب ولا ناس بنقو؟ ما تخليكم فى حالكم وتموا انقلابكم.
فيا دقنه انتو ناس انقلاب ولا ناس.....ن
مع تحياتى
طارق
|
Post: #12
Title: Re: انقلاب في البورد خطير
Author: dreams
Date: 09-16-2002, 01:48 PM
Parent: #11
مادام قلتو لينا فيها كعكة ثمينة
مالو اقلبوها
خلونا نكعكع
|
Post: #13
Title: Re: انقلاب في البورد خطير
Author: BAKASH
Date: 09-16-2002, 01:56 PM
Parent: #12
الاخت دريمز
شنو الخيانات دى؟؟ نحن واضعنك فى لستة المعارضه خلى الناس ديل يتفاوضو معانا وبعدين نشكلك فى الحكومه الجديده ما عندك مشكله حتكونى بدل انسانه اها قلتى شنو؟؟
|
Post: #14
Title: Re: انقلاب في البورد خطير
Author: mohsin_alsla7aby
Date: 09-16-2002, 02:19 PM
Parent: #1
بكاش
ارم
لى
قدام
دقنة ده الظاهر عليهو عاوزنا نتعامل معاهو بالوجه التانى
هههههههههههههههههههه يكة يادقنة
انت اصلك قايلو قعده
ده البورد ياخوى
تحت تحت لو عرضكم كويس انا معاكم بالعشره
|
Post: #15
Title: Re: انقلاب في البورد خطير
Author: غدى
Date: 09-16-2002, 03:16 PM
Parent: #14
بكاش
طبعا انا لازم اكون مع تؤم روحى دريمز
دريمز بدل انسانه وانا بدل تغريد
LOoOoOoOoOl
تحياتى
غدى
|
Post: #16
Title: انقلاب في البورد خطير
Author: garjah
Date: 09-16-2002, 04:29 PM
Parent: #1
دقنة يا اخوي
جدك طرد الاستعمار من البلد
وكان رفيق نضال في المهدية
انت امن الشرق
خلي لي الشمال والغرب
ما تشيل هم الاذاعة دي حقتي
بعرف أشغلها
أهــــا
بس أدينا ساعة الصفر
ومافينا دفن دقون
ناس الخرطوم ديل بيسلمو طوالي الخوف من ناس أمريكا
ممكن بكري يقفل البورد ويشيل المفاتيح ويمشي
بعدين أنحنا نقلبها على منو
قال يقلبا قال
ده السيرفر هناك
والشغل كلو هناك
في أمريكا
يازول هه أقعد ساي
|
Post: #17
Title: Re: انقلاب في البورد خطير
Author: Sudany Agouz
Date: 09-16-2002, 07:41 PM
Parent: #16
هوى قرجة أخوى
سيبك .. عمك دقنة بهبهب ساى ...
من الله خلقك شفت .. أيام الحكومات دى ...
رئيس وزراء مسيحى ...
قول ليهو .. ما تتعب روحك ساكت ..
قال كعكة .. وكعكات ..
عارف يا دقنة ..
دى فيها عكة وعكات..
ووعكة ووعكات
...
يلا .. خلونا نضحك ..
عمكم العجوز
أرنست
.
|
Post: #18
Title: Re: انقلاب في البورد خطير
Author: wadazza
Date: 09-16-2002, 07:57 PM
Parent: #17
دقنة
وآرنست
الجميلين
حلال عليكم
loool
تحياتى
ودعزة
|
Post: #19
Title: Re: انقلاب في البورد خطير
Author: BAKASH
Date: 09-16-2002, 09:19 PM
Parent: #18
الاخت غدى
والله تمام نخليكى بدل تغريد ودريمز بدل انسانه ومحسن شايفو عايز يعمل خيانات احسن نتصل بديك الجن عشان انا شايف دقنه اتصل بى محسن ووعدو بمنصب وزارى ومحسن شايفو وافق عشان كده حاتصل بى ديك الجن واوريكم الخبر
باكاش
|
Post: #20
Title: Re: انقلاب في البورد خطير
Author: BAKASH
Date: 09-16-2002, 09:23 PM
Parent: #19
يا جماعه قرجه ده ال يوقفو منو عايز يستلم الشمال قال يا اخوى شوف عرضنا نحن احسن ليك دقنه ده يضيعك بعدين
ودعزه
شنو سلمت الرايه طوالى يا اخوى خليك معانا حنخليك بدل الزول الزول
|
Post: #21
Title: Re: انقلاب في البورد خطير
Author: WAD ELGAALI#4
Date: 09-16-2002, 10:43 PM
Parent: #20
يا جماعه أنا عندى مهادنة مع الحكومة السابقة ومن الصعب على أخون الحبيب الزول زاتو لان أول حاجة صاحب أبوى وتانى حاجة هو زولا ماهو ساهل لكن فى حاجة مهمة جدا أنا من زمان عندى إتفاق مع دقنا وتماضر من زمن إنقلابنا الأول
أما إنت ياغدى لو دايرة تكونى بدل تغريد مافى مشكلة
أنا بكلملك السيد الريس دقنا وبرضو عمى العجوز راجل
معرفه اصلو كان صاحب جدى الله يرحمو المهم بكلمهم
ليك بشرط إنت بدل تغريد وأنا بدل الصادق لوووووول
أها رايك شنوأتوكل وأكلمم والله رايك شنو وااااااو
|
Post: #22
Title: Re: انقلاب في البورد خطير
Author: mohsin_alsla7aby
Date: 09-17-2002, 06:36 AM
Parent: #1
الاخوة والاخوات
بعد قليل سوف يذاع على حضراتكم بيان مهم
فترقبوه
|
Post: #23
Title: Re: انقلاب في البورد خطير (Re: BAKASH)
Author: garjah
Date: 09-17-2002, 06:41 AM
Parent: #1
يابكاش
أخوي
الجنرال دقنة أداني أكون مسعول من الصفحة الاولى في البورد
ودي زي وزارة الدفاع
كدى نشوف عرضكم شنو
|
Post: #24
Title: Re: نقلاب في البورد خطير (Re: BAKASH)
Author: banadieha
Date: 09-17-2002, 06:59 AM
Parent: #23
لوووول
وندخل في الجد: هناك حالات طارئة يمكن لأحد أعضاء الإدارة الذي صادف
وجودده وقوعها أن يتصرف بما يراه وفي اضيق الحدود في التعامل معها
واضيق الحدود هي نقل الموضوع إلى حوش الأرشيف مؤقتا على أن يتابع في غضون ذلك ردود الأفعال على المنبر الحر وأن يترقب ظهور بعض أعضاء الإدارة حيث أنه من النادر أن يتصادف وجود الجميع في وقت واحد على المنبر وذلك لمناقشة كيفية معالجة الموضوع المجمد في الأرشيف: إعادته، أرشفته، سنسرته..وفي كل الحالات يجب أن يضع عضو أو أعضاء الإدارة نفسه أو أنفسهم في محل البوردجي صاحب البوست وإستقراء ردود الأفعال المتباينة لبقية البوردجية وفي كل الحالات يحاط البوردجي صاحب البوست بما آل إليه مصير البوست
أن يظل أعضاء الإدارة الحاليين في مكانهم أو أن يأتي غيرهم فالأمر سيان: لن ينظر إليك معظم البوردجية إلا بعين السخط التي تبدي المساؤيا
أقترح عليكم بدل قطع العيش أن تنشئوا إدارة ظل تكون ندا للإدارة الفعلية على أن تتعامل مع الإشكالات المطروحة والمثارة بصفتها كإدارة ظل وتصدر قراراتها وتعرض معالجاتها..سمح؟
|
Post: #25
Title: Re: نقلاب في البورد خطير (Re: BAKASH)
Author: 7abib_alkul
Date: 09-17-2002, 08:57 AM
Parent: #24
العزيز بناديها
اول ما قريت كلامك ما عارف طوالي جاء في بالي
اسم عبد الباسط سبدرات .... ليه ما عارف؟
|
Post: #26
Title: Re: نقلاب في البورد خطير (Re: BAKASH)
Author: قرشـــو
Date: 09-17-2002, 09:06 AM
Parent: #25
المناضل دقنة
وآخرون
الاحلام مجانية وليست عليها ضرائب كذلك
بس ما تتقلوا فى العشاء عشان احلامكم تبقى مزعجة وتطير النوم من عينيكم
حبيب الكل
حبيبنا
يعنى قصدك شنو ؟؟؟
بناديها سببدرات بتشابهوا فى شنو؟؟؟؟
انت احسن امشى بوست اساسى
مع تحياتى للكل
|
Post: #27
Title: Re: نقلاب في البورد خطير (Re: BAKASH)
Author: dreams
Date: 09-17-2002, 09:15 AM
Parent: #26
بالله يا قرشو العشاء ببقى الاحلام مزعجة!!؟
طيب كويس انى ما بتعشى
|
Post: #28
Title: Re: نقلاب في البورد خطير (Re: BAKASH)
Author: passpar
Date: 09-17-2002, 11:25 AM
Parent: #27
تحياتي للجميع ,,
قرارات رئاسيه جمهورية بتشكيل الحكومة الجديده ,, وتصدر وتنفذ في الحال ,,
1.السيد مارد وزيرا للداخليه والامن القومي
2. ,, ,, ابوحراز وزيرا للتموين والغذاء
3. ,,,, , قرشوا وزيرا للعدل والقضاء
4. ,,, ,, يانكي وزيرا بوزارة الماليه
5.,,, ,, حبيب الكل وزيرا للبهجة والفرح
6 السيدة تماضر وزيرة الاعلام
7. السيد يوسف الموصلي وزيرا للثقافة والفن
8.السيدة نهي وزيرة الشئون الاجتماعيه
9. السيد دريمس وزيرا للسياحة
10. السيد بكري ابوبكر وزيرا للتنظيم والتخطيط
وهناك قرارات صدرت في حق السادة التالي اسماهم
1.باكاش سجن مؤبد واشغال شاقه والحرمان من البورد للابد,
2. محسن الصلحابي مؤبد وغرامه 100 مليون دولار
وننوه لاي حركة تمرد او تحرير لن تنجح محاولاتكم
باانقلاب مضاد ابدا وبدلا من التخريب انضموا لمسيرة
البناء والتنمية ,,
رئيس الجمهورية دقنه البجاوي
|
Post: #29
Title: Re: نقلاب في البورد خطير (Re: BAKASH)
Author: BAKASH
Date: 09-17-2002, 11:48 AM
Parent: #28
الاخ الفاضل دقنه
المتهم عليه حق الدفاع عليه ارجو من محكمتك الموقره ان تسمح لنا
بالاستئناف ضد حكمك وايضا اعلان محامى الدفاع الاخ فنجرى حتى نتمكن من المفاوضات
باكاش
|
Post: #30
Title: Re: نقلاب في البورد خطير (Re: BAKASH)
Author: dreams
Date: 09-17-2002, 11:56 AM
Parent: #28
passpar
سياحة!!!!!!؟
والسيد!!!!!؟
هوى ها
يا بكاش
نقف من خلفكم ونشد على ايديكم
|
Post: #31
Title: Re: انقلاب في البورد خطير
Author: mohsin_alsla7aby
Date: 09-17-2002, 12:03 PM
Parent: #1
passpar
اولا نفهم من كده انك منتحل شخصية دقنة ولا شنو
المهم ما علينا انت شكلك كده عاوز تلخمنا من البيان بتاعنا
يا حاسد
اليكم جزء من البيان
لاننا ما فاضين هسع دى
لا تحيات للجميع ولا حاجه كلو يستجيب لما قررناه
والما عجبو يعمل ليهو موقع تانى او يشرب من البحر
ولو ما فى عندهم بحر برضو يشوف ليهو حته يشرب منها
بس تكون بعيده من هنا علشان ما عاوزين نصرف
زمنا معاهوويمش ولو قال انا ماشى حنقفل عليهو السيرفر
علشان ما فى حد يقرا كلامو وما فى طريقة
للتحانيس وماشابه ذلك
loooooooooooooool
ده القرار رقم واحد
وهنالك قرار (واااااااااااااحد) صدر في حق المدعو(.؟.)او
المدعوه (.؟.) لانه(لانها)وراء كل مشكلة.. ووراء كل لخبطة.. بيصطاد
او (تصطاد) في الماء العكر
وبنقول ليهو او ليها
اخير ليك ( ليكى ) اخطانا تب
متحدث غير رسمى باسم رئاسة جمهورية دولة باكاش
|
Post: #32
Title: Re: انقلاب في البورد خطير
Author: غدى
Date: 09-17-2002, 12:37 PM
Parent: #31
شفتى كيف يا ود الجعلى
طلعونا من المولد بدون حمص
لكن انا وانت ومحسن وبكاش
حا نرد كيدهم فى نحورهم
اليكم البيان التالى
passpar
سجن مؤبد واشغال شاقه
وحا نكون رئيفين بيه وما نحرمه من البورد
وغرامه 100 مليون دولار
نتقسمها نحنا الاربعه
وانا حا اشيل وزاره الماليه
والباقى اتقسموه انتم على كيفكم
قصرت معاكم
عاوزين نعرف المعانا منو والمع التانين منو
دريمز حياتى طبعا انت معانا صح
غدى
|
Post: #34
Title: Re: انقلاب في البورد خطير
Author: dreams
Date: 09-17-2002, 12:44 PM
Parent: #32
اكييييييييييييييد يا ورد
|
Post: #33
Title: Re: انقلاب في البورد خطير
Author: soma
Date: 09-17-2002, 12:42 PM
Parent: #1
ما قصرتى والله يا غدى .. لكن نسيتى ضيفتكالجديده فى البورد .. ادونى معاك حاجه بسيــــــــــــــــــــــــــطه بس ابنى لى بيت
اها انا طمعت فيكم ؟؟؟
تحياتى وودى
|
Post: #35
Title: Re: انقلاب في البورد خطير
Author: mohsin_alsla7aby
Date: 09-17-2002, 12:53 PM
Parent: #1
غدى
ماقصرتى تب قصر الملح يا اختى
بس نحن حنختلف فى حاجه صغيرونه كدى!؟
بالنسبة لمبلغ الـ 100.000 دولار دى انتى قلتى نقسمها على اربعة بمعنى انو نصيبك حيكون 25.000 دولار صح
بس انتى نصيبك هو مبلغ 24992.5دولار وليس 25.000 دولار
عارفه السبب شنو ؟ انتى نسيتى انو سددت ليكى قبل كده دين لكى على المدعو الزهجان الطفشان ( خدر ) ولانه لم استرجع منه المبلغ وهو
مبلغ 7.5 دولار يبقى
مخصووووووووووووووووووووووومةمنك
هههههههههههههههههههه يكة زاتو
|
Post: #36
Title: Re: انقلاب في البورد خطير
Author: غدى
Date: 09-17-2002, 01:34 PM
Parent: #35
عارف يا محسن السبعه دولاور ونص
مفروض تشيلهم من خدر
لانه هو استلفهم منى واشترى بيهم اول
ثلاثه
بيتخات للبرنامج بتاعه
ويـــــا خدر شربكتنا وزغته
وبعدين يا محسن بينا سبعه دولار ونص
ما اظن
ويا سومه صاحبه الاسم الجميل
حا نديك وزاره الاسكان
وبدل بيت ابنى بيوت
وقصور كمان
بس بيتك اكون جمب بيتى
اتفقنا
ولكم كل الحب
غدى
|
Post: #38
Title: Re: انقلاب في البورد خطير
Author: degna
Date: 09-17-2002, 03:09 PM
Parent: #36
تحياتي للجميع ,,
اولا اسف لاستخدامي اسم اخي وصديقي باسبار لاني واجهت بعض الصعوبة في الدخول ولكن كل ماهو مكتوب صادر تحت توقيعي كرئيس لجمهورية البورد الديمقراطيه ,, وتصريحات المدعوا محسن وغدي وشلة
المتمردين تعبر لاغيه ملغيه ,, ام لو تراجعوا ودخلوا
في السلم فمرحبا بهم ,,,
قرجه تم تعينك وزيرا للشئون الانسانية والسلام ,
دقنه البجاوي
|
Post: #37
Title: Re: انقلاب في البورد خطير
Author: mohsin_alsla7aby
Date: 09-17-2002, 02:58 PM
Parent: #1
غدى .. وصلو تب
بيان رقم (2) يسرى مفعوله اعتبارا" من تاريخ قراءته
تم تعيين الاخت ( غدى ) وزيرة لوزارة الشئون الدينية والاوقاف
الاسباب الوجيههة التى ادت لذلك
لضمان عدم قيامها من الحته اللى فيها دى ( مصلايتها ) من يوم ما شفناها وجينا البورد ، مما يترتب عليه دعوات مستجابه مقابل الدعوات التى سوف تتخلص مننا من قبل الناس اللى حنظلمهم
بيان رقم (3) برضو يسرى مفعوله زى اللى سبقه وما دايرين اى كلام واللى عندو اى اعتراض برضو يشرب من البحر
تعيين الاخت ( سومه ) وزيرة على الاسكان
الاسباب الوجيهة التى ادت لذلك
لتتمكن اختنا من الحصول على جارة لها بمواصفات تراها فى الاخت الوزيرة المذكورة انفا
ولكن عندنا شـــــــرط عديل كده
وهو ان لا تبوح (سوما) بمكنونات حبها لعشيقها ( الهلال ) فى وجود السادة الوزراء مما يؤدى الى فصلها من الحزب غير مأسوف عليها
واذا الشمار خنقها
يسمح لها بمغازلة (عريس السودان وفارس الزمان ) مريخ مانديلا
والله اكبر ولا نامت اعين البورداب
|
Post: #39
Title: Re: انقلاب في البورد خطير
Author: mohsin_alsla7aby
Date: 09-17-2002, 03:12 PM
Parent: #1
بعد ده النمش لانو شايف
ناس شمارات كده وصلو ( من على المنبر ) وللمحافظه على هدؤ اعصابنا للفترة الجاية التى تتطلب جهد اكبر من اللذى بذل علشان نعذب ناس شمارات ديل!؟
|
Post: #40
Title: Re: انقلاب في البورد خطير
Author: ALZOLZATOO
Date: 09-17-2002, 03:46 PM
Parent: #1
اللسان ده كلو ماعملتو ليهو حساب هههههههه يكه قلنا نشوف الناس ديل امكن ح يختونا في الصورة في اخر لحظه لكن ماشايف اي حاجه عشان كده احسن تشوفو بلد تانيه تعملو فيها الانقلاب ده ههههههههه يكه
شوفو انا يا الرئيس يا ماداير
زاتووووو
|
Post: #41
Title: Re: انقلاب في البورد خطير (Re: degna)
Author: garjah
Date: 09-17-2002, 04:03 PM
Parent: #1
ده شنو يا دقنه
انت عايزنا نقلبها عليك
والا شنو
والناس يقولو الثورة بتاكل أبناءها
وزارة سلام شنو ياخي
دي وزارة هامشية
أنا عايز وزارة الصفحة الاولى بس
وشيلو باقي الصفحات بتاعات البورد كلها
اتقسموها بطريقتكم
قال سلام قال
|
Post: #42
Title: Re: انقلاب في البورد خطير
Author: mohsin_alsla7aby
Date: 09-18-2002, 05:30 AM
Parent: #1
بيان رقم (4) تعيين الزول ذاتو متحدثا رسميا باسم الحزب
برضو يسرى هذا البيان من امبارح
وههههههههههههههههه يكة ذاتو
متحدث غير رسمى لحيكومة باكاش
|
Post: #43
Title: Re: انقلاب في البورد خطير
Author: BAKASH
Date: 09-18-2002, 06:57 AM
Parent: #42
الاخوه الاعضاء الافاضل
دريمز
محسن
غدى
سومه
الزول زاتو
ادعوكم لحضور الاجتماع الهام لانو انا شايف ود عزه كمان لو الديمقراطيه فشلت حيعمل انقلاب هو وديك الجن وانا شايف انو نشكل محمه عسكريه لمحاكمة دقنه واعوانه وانا شايف انو المحكمه انو من المفروض تحاكمهم بالاعدام وشهر رمضان قرب عشان نعدمهم فى شهر رمضان بس انشاء الله يتمو 25 عشان نكون قللنا من الكميه الكبيره دى
وبالنسبه لو ودعزه وديك الجن نعمل ليهم عقوبه خفيفه يمارسو حقهم من داخل المنزل يعنى عقوبه مع وقف التنفيذ لاننا ما بنقدر نستغنى عنهم لانهم ناس خبره فى سياسة الحكم ووضع الدساتير
باكاش
|
Post: #44
Title: Re: انقلاب في البورد خطير
Author: dreams
Date: 09-18-2002, 07:28 AM
Parent: #43
هسه انا قلت حاجة
|
Post: #45
Title: Re: انقلاب في البورد خطير
Author: النورس الحزين
Date: 09-18-2002, 07:37 AM
Parent: #43
المناضــــل /دقنة
عمنا العجوز
لكم التحية ايها السادة
ومبروكــــــ بالسمينة
بس ادوني حاجة بسيطة انشاء الله وزارة المالية هههههيكة
ورونا برنامجكم الجديد وكده ونظرتكم لمشكلة الجنوب في البورد حتعملو ليها شنــــــــــــــــــو انا سامع تحت تحت انو القيادة
ماراضية بي كده ودايرين النظام جيــــــــش بس ميري ميري
مع الود
النورس الحزين
|
Post: #46
Title: Re: انقلاب في البورد خطير
Author: mohsin_alsla7aby
Date: 09-18-2002, 08:45 AM
Parent: #1
سعادة الرئيس
بكاش
دستووووووووووووووووووووووووور
الناس ديل عملوها
دساتير دى ياتو فيهم !؟ اللى بتقول فيها انو ناس
ود عزة
وديك الجن
خبرات فيها
ود عزة ما عارف لسه ما جربناهو
بس ديكو المسكين لو كان بتاع دساتير كان
lOoOoOoOl
الظاهر علينا حنلخبط
|
Post: #47
Title: Re: انقلاب في البورد خطير
Author: mohsin_alsla7aby
Date: 09-18-2002, 08:56 AM
Parent: #1
بيان رقم (5) تعيين الاخ
الحزين جدا بسبب تشجيعه للهلال
وزيرا" للمالية
الاسباب الوجيهة التى ادت لذلك
لملء خزينة نادى الهلال بالاموال لمواكبتهم للتطور
او احراز اى شى حتى علبة صلصة
عشان نقول زمن حيكومة باكاش
سوينا
انجاز
مع العلم ان الفترة محدوده لانو احتمال تمشى معاهم ويقومو يحرزو اكثر من كأسات المريخ الكتييره ديك
واذا اضطرينا ممكن نقوم نغيرو بواحد تانى
متحدث غير رسمى باسم حيكومة باكاش
|
Post: #48
Title: Re: انقلاب في البورد خطير
Author: النورس الحزين
Date: 09-18-2002, 10:16 AM
Parent: #47
سلام ياشباب
ياخوانا ماشفت لي الطيب عبد الله او صلاح ادريس
خلاص شوف لي البرير
قال خزينة الهلال قال
الكلام ليك ياالمطير عينيك
النورس الحزين
|
Post: #49
Title: Re: انقلاب في البورد خطير
Author: النورس الحزين
Date: 09-18-2002, 10:22 AM
Parent: #48
تاني سلام ياشــــــــــباب
انا سمعت قبل فترة انو نادي الرشاشات كان داير
يبيعو في مزاد.......هههههههههيكة
قال شنو قال ابوحراز
بالله يالصلحابي لمن تتحكر في القيادة نرجو منكم التكرم لي نادي الرشاشات بمبلغ وقدره ...............وهوعبارة عن حوافز للاعبين
وايجار النادي ومنزل اللعيبة
ههههههههههههههه يكة
مع الود
النورس الحزين
|
Post: #50
Title: Re: انقلاب في البورد خطير
Author: BAKASH
Date: 09-18-2002, 10:47 AM
Parent: #49
يا دريمز وحسن
يعنى لازم تدققو فى الدساتير
انا قصدى دستوووووووووووووووور يا فكى شطه دستوووووووووور
وبعدين بخور التيمان ما تنسوه
باكاش
|
Post: #51
Title: Re: انقلاب في البورد خطير
Author: noha_g
Date: 09-18-2002, 11:03 AM
Parent: #1
هيييييييييييييي يا شباب
أولا لغيتوا انقلابي مع تماضر و حليمة السمينة و دقنا البجاوي
تاني هام أديتوني وزارة كحيانة ما بتأكل عيش
شوفوا لي مكان الهبر الصاح
و الا بقلبا فوق رأوسكم
قايلني ساهلة؟؟؟؟
أفو أنا بت الجعليين
قال السيدة نهى بالله عليك الله شوف سحبت مني لقبي بدلته بلقب تاني و تجي تقول لي وزارة الاجتماعيات دي
لا لا لا
لن نرضى بحكم الجبابرة
|
Post: #52
Title: Re: انقلاب في البورد خطير
Author: BAKASH
Date: 09-18-2002, 01:00 PM
Parent: #51
الدكتوره نهى
وزارتك محفوظه بس اوعك تقولى عايزه وزارة الماليه لانها اتقسمت وانتهت شوفى ليكى واحده تانيه
باكاش
|
Post: #53
Title: Re: انقلاب في البورد خطير
Author: noha_g
Date: 09-18-2002, 01:10 PM
Parent: #1
بكاش أكان ما المالية وزارة التجارة و الصناعة و اكان معاها الطاقة بكون كويس يعني أنا بالمختصر المفيد عاوزة عائدات البترول كلها تخش جيبي و العنده كلام يحتفظ بيه أنا لما أشبع بوزع الفائض عليكم
أها قلت شنو و الا أقلبها؟؟؟؟؟؟؟؟؟؟؟
يقلبها البلا
|
Post: #54
Title: Re: انقلاب في البورد خطير
Author: BAKASH
Date: 09-18-2002, 01:35 PM
Parent: #53
الدكتوره نهى انتى طماعه خالص لكن قبلناها نعمل شنو مجبورين بس ما تنسينى رسلى لى نصيبى وانا اعمل نفسى ما عارف حاجه
|
Post: #55
Title: Re: انقلاب في البورد خطير
Author: Sudany Agouz
Date: 09-18-2002, 02:18 PM
Parent: #54
يا اخوانا ...
اللى يقرا كلامنا ده ...
يقول الجماعة ديل فضيانين جنس فضينة ...
دقنة هوى .. شوفليك شغلانة تنفعك...
وسيبك من حكايات ود نفاش دى .. ...
وألف سلام من عمك
العجوز أرنست
ملحوظة
======
شايفك بتغلط فى كتابة اسم عمك .. لكن برضه معليش ..
أخوانك العرب قالوا ..
" أعجمى فالعب به "
ولك منى كل تحية..
|
Post: #56
Title: Re: انقلاب في البورد خطير
Author: النورس الحزين
Date: 09-18-2002, 05:54 PM
Parent: #55
سلام ياشبــــــــــاب
شكرا سعادة الرئيس
مع الولاء والطاعة
بس كان شوفت لي حاجة ادقش بيها في السوق كده
انشاء الله المواصلات ولا الطاقة
امسكو الخشب ياناس البورد
والله دي الليلة قلبا بي عديل كده
الراجل صدق
مع الود
النورس
|
Post: #57
Title: Re: انقلاب في البورد خطير
Author: mohsin_alsla7aby
Date: 09-18-2002, 06:00 PM
Parent: #1
ياخى حتجننا مال؟
ما قلنا ليك خلاص
وزرارة المالية
ودى منى دعوة مجانية
انشاء الله تتغلبو الليلة من القادسية
وتبهدلكم
وتديكم بدل الاربعة
مية
وبعد المباراة ياخدو لعيبتكم
الخدمة الالزامية
وتتعشى يا نورس ياحزين
بى فول حاف بدون طعمية
|
Post: #58
Title: Re: انقلاب في البورد خطير
Author: النورس الحزين
Date: 09-18-2002, 07:33 PM
Parent: #57
سلام ياشبــــــــــاب
يااخوانا الحقو الزول ده صدق جد جد
كمان بوزع فيها هههههه يكة
هو نحن لو بقت بنديك ليك
بعدين تجي تقول لينا التحكيم فاشل وتشيل الكورة
وتقول مادايرين مادايرين مادايرين
ههههههههههههههههههه يكة
قال زيكو قال
النورس الحزين
|
Post: #59
Title: Re: انقلاب في البورد خطير
Author: mohsin_alsla7aby
Date: 09-18-2002, 08:57 PM
Parent: #1
التحكيم فاشل؟
ولا
مادايرين
حدد موقفك؟
|
Post: #60
Title: Re: انقلاب في البورد خطير
Author: النورس الحزين
Date: 09-18-2002, 09:03 PM
Parent: #59
الصحابي
صدارة الدوري بس
غيرو مانرضي
قال زيكو قال
تاني بتجو التوبة تاني بتجو التوبــــــه
مع الود
النورس الحزين
|
Post: #61
Title: Re: انقلاب في البورد خطير
Author: mohsin_alsla7aby
Date: 09-18-2002, 09:19 PM
Parent: #1
حلم الجيعان عيش
ودى مقدور عليها
حلم الهلالاب كأس
دى ما اظنو تّب
|
Post: #62
Title: Re: انقلاب في البورد خطير
Author: degna
Date: 09-23-2002, 04:16 AM
Parent: #61
تحياتي للجميع ,,
وكما يقولون ( ان غائب الاسد العب يافار )
مجمل الاوضاع هنا في جمهورية البورداب تتسم بالفوض والموامرات التي تستهدف هيبة الدولة ونظامها
الحضاري ولكن ستعود الامور لنصابها كما كانت وستتم
تغيرات جزريه للحفاظ علي وحدة وتماسك البورداب
ومن اجل ذلك صدرت القرارات التاليه ,
1. حل الحكومة السابقة بجميع وزراها الفاشلين الذين تامروا مع حركة باكاش العميلة
2. تعين السيدة نهي رئيسة للوزراء والدفاع
وعلي السيدة نهي تعين وزراء حكومتها فور سماع هذه الانباء والقرارات
دقنه البجاوي الرئيس الشرعي للبلاد
|
Post: #63
Title: Re: انقلاب في البورد خطير
Author: النورس الحزين
Date: 09-23-2002, 09:33 AM
Parent: #62
دقنة
مادايرين مادايرين مادايرين مادايرين
مادايرين ماراضين مادايرين ماراضين ماراضين مادايرين
تسقط السلطة الجديده
لن يحكمنا لن يحكمنا
النورس الحزين
|
Post: #64
Title: Re: انقلاب في البورد خطير
Author: noha_g
Date: 09-23-2002, 09:54 AM
Parent: #1
هييييييييي
بما أنه تم تعييني رئيس للوزراء و وزير للدفاع فإنني قد قررت الآتي
حل الحكومة السابقة و إلقاء القبض على الخونة و المتمردين على النظام الحالي
كل من تسول له نفسه بالاتقلاب على السلطة الحاكمة ستتم شوكشته على الملأ و من ثم نفي أي بوست له إلى الارشيف مع وقف الرد السلمي على بوستاته
و ستتم نشر بقية التشكيل الوزاري في وقت يتم إعلانه لاحقا
موسيقى عسكرية
|
Post: #65
Title: Re: انقلاب في البورد خطير
Author: mohsin_alsla7aby
Date: 09-23-2002, 10:09 AM
Parent: #1
فلتسقط ((الحكـ....))هه.. ركة بتاعتكم دى
|
Post: #66
Title: Re: انقلاب في البورد خطير
Author: رقم صفر
Date: 09-23-2002, 10:12 AM
Parent: #65
يادقنه
دايرني معاكم ، ادوني الرئاسة
اي رئاسة مجلس الثورة
ورئاسة مجلس الوزاء
ورئاسة البرلمان
ورئاسة لجنة البورد
ومكان بكري زااتو
يا ما معاكم
لديك 24 ساعه للرد
|
Post: #67
Title: Re: انقلاب في البورد خطير
Author: degna
Date: 09-24-2002, 00:07 AM
Parent: #66
تحياتي ,
السيده نهي رئيسة الوزراء
,, اتقدم لك بطلب وتوصية خاصة بقبول وتعين السيد الرقم صفر رئيسنا للبرلمان والشئون القانونيه ,
تعليمات صارمة بحبس المتمرد الخائن النورس الحزين
25 سنة قابلة للتجديد ,
نفي المتمرد المشاغب محسن الصلاحابي لتورا بورا
باافغنستان ,
السيده نهي عليك تشكيل الحكومة سريعا ,,
دقنه البجاوي ,
|
Post: #68
Title: Re: انقلاب في البورد خطير
Author: بت القبايل
Date: 09-24-2002, 02:08 AM
Parent: #1
بسم الله الرحمن الرحيم
يعني تغيرو وتشيلو وتختو وتحبسو وتنفو
والامم المتحدة دي قاعدة ساااااااااااااااااااااااااكت بكرة دي قوات حفظ السلام تحاوط المنطقة وحقكم راح وياهو الاتقسم البورد ده
|
Post: #69
Title: Re: انقلاب في البورد خطير
Author: degna
Date: 09-24-2002, 06:09 AM
Parent: #68
تحياتي
,, الامم المتحدة مافاضيه لينا نحن خليها تشوف موضوع العراق هسع وبعدين انت يابنت القبايل بتهددينا ولا شنوا ?,,,,,,,,,,,,,,,,,,,,,,,,,,,,,
دقنه البجاوي الرئيس الاجماع السكوتي
|
Post: #70
Title: Re: انقلاب في البورد خطير
Author: degna
Date: 09-24-2002, 07:06 AM
Parent: #69
hay yashba wen noha
|
Post: #71
Title: Re: انقلاب في البورد خطير
Author: النورس الحزين
Date: 09-24-2002, 07:11 AM
Parent: #69
الأعزاء/دقنـــــه ونهي
لك التحية
ياتدوني وزارة يااحطمها بحطمها بحطمها
(المتحدث بقوات التحالف )
النورس الحزززززين
|
Post: #72
Title: Re: انقلاب في البورد خطير
Author: noha_g
Date: 09-27-2002, 02:00 PM
Parent: #1
سيدي الرئيس حفظك الله و رعاك
أولا تك تنفيذ القرار بنفي المتمرين محسن الصلحابي و النورس الحزين تم نفيه بعد معاقبته دون رحمة
التشكيل الوزاري الجديد
إنسانة وزيرة للأعياد الوطنية البوردابية
غدي وزيرة العلاقات الاجتماعية دريمز نائب أول
وليد 500 وزير العلاقات الدينية والأوقاف هيثم نائب أول
ود الجيلي وزيرا لعلاقاتنا مع دولة ود الامين
الموصلي وزيرا للتوزيع الموسيقي
تماضر وزيرة للعلاقات المسرحية
ود عزة وزيرا للثقافة
بكاش و أبوحراز وزيرا الزواج و التجهيزات له و العلاقات البوردابية
عاطف عبدالله وزيرا للقصة
جمال السنوسي و سوما وزيرا الشعر و معاهم اشراقة مصطفى نائب أول
و صبحي نائب تاني
الزول زاتووووووو وزيرا للمكاواة
ديك الجن متحدثا باسم الشباب
حمزة سليمان وزيرا للأغنية
السمندلاوي وزيرا للتحليل الموسيقي
و سيتم الاعلان عن بقية التشكيل الوزاري لاحقا
و على جميع الوزراء الذين تم تكليفهم التبليغ و أداء القسم بمقر الرئاسة
|
Post: #73
Title: Re: انقلاب في البورد خطير
Author: النورس الحزين
Date: 09-27-2002, 07:24 PM
Parent: #72
السيد /رئيس الحكم الانتقالي الجديد
اتقدم بشكوتي هذه راجيا من الله ان يسجلها في ميزان حسناتكم
وبعد
بماانني عضو في البورد اطعن في القرار الوزاري الصادر بالتاريخ اعلاه وذلك لعدم توافقة مع لوائح النظام الحاكم بقوله تعالي
(وامرهم شوري بينهم )
لذا أرجو من سعادتكم أن يكون العدل هو الشعار المرفوع وأن ينال كل أنسان ديكتاتوري عقابة وينال كل ذي حق حقة والله من وراء القصد
مع فائق احترامي للرئاسة الجديدة
العضو المرشح لوزارة المالية النورس الحزين
اسمعي يادكتوره شايفك نسيتي اسمك ولا دي اللعبة ذاتهههههههههه يكة
مع فائق احترامي لك يادكتوره
(لوحتي يلاحتملها الجدار)
النورس الحززززززين
|
Post: #74
Title: Re: انقلاب في البورد خطير
Author: noha_g
Date: 09-27-2002, 07:54 PM
Parent: #73
المتمرد النورس الحزين
الحكومة عسكرية لا تقبل النقض في الحكم
ثانيا أنا رئيسة الوزراء و وزير الدفاع
لذا يتم العمل بالتشكيل الوزاري الصادر من تاريخ إعلانه
و ستتم مخاطبة جميع المارقين و المتمردين على السلطة منتاريخه و تقديمهم للمحاكمة العسكرية و سوف لن يتك توكيل محامين لهم من قبل السلطة
وقع في دولة البورداب
المجلس التشريعي
التاريخ اول يوم من عودة البورد
|
Post: #75
Title: Re: انقلاب في البورد خطير
Author: BAKASH
Date: 09-27-2002, 11:21 PM
Parent: #74
عملتى خيانات يا دكتوره خلينى ارجع ليكى تانى
بكاش
|
Post: #76
Title: Re: انقلاب في البورد خطير
Author: النورس الحزين
Date: 09-28-2002, 07:20 AM
Parent: #75
الساده الرئاسة
السلام عليكم ورحمة الله تعالي وبركاته
الي السيده /رئيسة الوزراء ووزيره الدفاع ووزير السودان ذاتووووووو
لاكن والله خطره خطره عديل كده حته واحده كده هيييييييكه بس انا خايف عليك من الطياره وسفره
من هذا المنبر انأشد كل أنسان حادب علي مصلحة الوطن والبورد أن نلتف ضد الديكتاتورية والدكاترية والحضور للأجتماع الهام الطارئ الذي سيتم في المكان المعلوم في وقت الصفر وللاهمية نرجو الحرص علي الحضور وذلك لمناقشة أمور الحزب والتفاكر في إيجاد الحل الأمثل للعدو الغاشم والتفكير في الدخول للغابة
ودمتم
(لوحتي لايحتملها الجدار
النورس الحززززززززين جدا
|
Post: #77
Title: Re: انقلاب في البورد خطير
Author: degna
Date: 09-30-2002, 04:54 AM
Parent: #76
تحياتي معالي رئيس الوزراء
تقدمت لك بطلبا بضرورة تعين السيد رقم صفر رئيسا للبرلمان والشئون السياسية ولم اري اسمه بعد في الليست ,,
دقنه البجاوي
|
Post: #78
Title: Re: انقلاب في البورد خطير
Author: noha_g
Date: 03-26-2003, 10:59 PM
Parent: #1
فليحيا الشعب
و لتسقط الدكتاتورية
و إلى جميع الوحدات التشريعية و المدنية
الاجتماع في ساحة البورد العامر
لإضفاء روح القتال على الصفحة الأولى
بدلا من سحب الأحزان و الموات نتجية الحزن على الحرب
و يا ترى هل بقي في صفوف التمرد كثيرون؟
أم وارت أجسادهم تربة الغياب؟
|
Post: #79
Title: Re: انقلاب في البورد خطير
Author: degna
Date: 03-27-2003, 04:04 AM
Parent: #78
sister noha, salam and good to see you back ,
there is a war in the baord ,
degna
|
Post: #80
Title: Re: انقلاب في البورد خطير
Author: ود عقاب
Date: 03-27-2003, 06:46 AM
Parent: #1
شباب اهل البور
انتو تقسموا ساكت
ونحن ناس حقوق الانسان ما جابنلينا خبر
انا قبلت كل الشكاوى المقدم من الشعب ومطالب بحقوق الانسان
دى طاقه وانفتحت اقدروا سدوها
ودعقاب مقرر حقوق الانسان بجمهوريه البورداب الديمقراطيه
|
|