هل يحدث لكم هذا

لما ترسلوا موضوع جديد
هل يحدث أن تضغطوا على الماوس لما تقلبوا ليه بطنوا في زر رفرش شان تشوفوا منو قرا ومنو رد؟؟؟
هل تشعرواً بفرررر قلبكم دق؟؟؟
واللا اني عويرة براي

بت قضيم
بنيتي
تبري من كل شر
وأنا شخصيا من الذين يستمتعون بأسلوبك الشيق الجميل
وهذا الحال أجمل كثيرا من أن تكتب بوستا وتذهب عنه بعيد
غير مكترث بما جلبه من مداخلات

بت قضيم

قلتي لي عويره ههاهاهاهاهاهاهاهاهاهاهاهاهاها
تسلمي انتي من العواره يا اختي كلنا بنسويها

انتى هنا بتعملى كده طيب لمه تفتحى الايميل بتعملى شنو يا بت قضيم الله يديك ا لعافيه
_

أخي قرجة صبحك الله بالخير
تسلم يا عزيزي
.. الحقيقة يعني كم البرود هنا كبير شوية
ولم اكن لاعترف بذلك السر الخطير إلا بالنفسيات الكانت مرتفعة امس قليلاً ... يا كافي البلا وحايد المحن هبطت النفسيات في الأرض وكأنما راكبة اكسبرس..قمت زعلت دلوقت من ما كتبت
لكن لا بأس والحمد لله
دمت للكلمات الطيبات


ويديك العافية اخي عباس
لكن حبة العوارة في
سلمت

الحمد لله يا الحبيب
لا احد يعبرني في البريد...وإن حدث فالبريد اكثر اريحية من هنا كتير...على الأقل تستطع خلع الكرافتة ولبس السفنجة والبرطشة براحتك
نعتذر للاسلوب والكلمات اللاحنكوشية
دمت

يقول فررررررررررررر ساكت، انا شخصيا بكون برجف عديل كده لغاية ما الماوس زاتو ما اعرف امسكو زي الناس لغاية ما اقرأ الردود حتن الواحد شوية يستريح

بت قضيم........تعرسيني!!!!!!!!!!!!!!!!!!!؟

طبعا الحاجات دي بتحصل للكتاب المبتدئين ههههههههههه يكه
بختك يابت قضيم لقيتي ليك عريس دافي ههههههههههههه يكه
اها قلتي شنو تكوني عروس البورد نشوف الحا ينط منو انتي ولا هو
انا من اسع متبرع ليك بالصيوان رايكم شنو
زاتوووووو

خلاص يا نجيب محفوظ
ويا ربي بتكتب من سنة كم في الديلي تايم
والكلام ليك يا المنطط لسانك

شكراً يا ياسر حنا للدعم الفني
يعني الحمد لله ما طلعت براي
قالوا ليك ديل الكتاب المستجدين بس البحصل معاهم كده
الله يقدمك ويثبت اقدامكم وماوساتكم
سلمت

looooool@dafi


نجيب محفوظ
الصيوان هين الكلام المهر

حلوة نجيب محفوظ دي بس لكن انا كتاباتي كلها بي لغات اجنبية
عندي كتاب بالالماني اسمو

das capital

يعني راس المال امشي معهد جوته ح تلاقي من نسخه ههههههه يكه
وعندي واحد بالاسبانية اسمو
solo

هههههه يكه اسمعي المهر مش بيدفعو العريس اكيد ح يكون عندو حق المهر او احسن يموت ونحن بنعرس ليهو عرس الشهيد ههههههه يكه
زاتوووووو

انا برضو عندي كتاب اسمه (قنبور) باللغة المريخية
احتمال تلقى نسخة في مكتبة الريح...غايتو بديك كرت توصية

والزمن ده لو كان في عريس عنده حق المهر كان حبوبتي عرست زمان
على فكرة
الأخ رباطابي؟؟؟

انا من الدمام هههههه يكه
اسمعي انتي حبوبتك ماعرست لسع ههههههههه يكه

تتصوري انا حبوبتي لو عندها شنب كان بقت جدي ههههههه يكه
قصدك مكتبة البشير الريح العامة
زاتووووووو

مكتبة البشير الريح
؟؟؟
والله احنا بنقول ليها مكتبة الريح...لا ادري إن كانت هي أو لا...وبالمناسبة السعيدة دي يا ود الدمام...هناك مكتبة بجوار السفارة الأمريكية (قديماً) في الخرطوم فيها كم من الكتب السودانية العتيقة لا يستهان به
لا ادري إن كانت هذه المكتبة موجودة للآن واللا اكتسحها الفيضان...بس نصيحة أخوية...إن ذهبت هناك يوماً أن تزورها ستجد عندها كنوزاً حقيقي جميلة
دمت

مكتبة جم السفارة الامريكية الخرطوم انا مولود في المنطقة ديك طيب على يمين السفارة كان في دكان يماني اسع بقى مكتبة محل ادوات مكتبية يعني بتاعة معتز هههههه يكه ووراء السفارة في مطعم وعلى الشمال في بيوت وقدام السفارة في داخلية ومقر للشرطه وفي مطبعة التمدن وفي النجم الذهبي لكن مكتبة دي والله مامتذكر وفي محل بتاع تعليم خياطة قديم في الباب في اسدين كبار هههههه يكه وفي الكلية القبطية بتاعة البنات لالالا ما اظن في مكتبة نسال الموصلي يمكن يكون متذكر
زاتووووووو

والله مرشد سياحي بس
ناقص تقول لي وكان في عدد خمسة غنمايات بتحاومن هني + اربعة براميل كوشية

بعدين اسمها جنب...وليس جم

لا ادري...كنت قد زرتها قبل فترة وقلت افيد واستفيد بدل ما قاعدين نستعرض مهاراتنا المسيخية أنا وانت
ممكن اطلب منك طلب بالجد بدون زعل ولا هزار ولا تقليل شأن؟؟؟
عملت به اكون شاكرة أو اكون شاكرة برضو ويا دار ما دخلك شر؟؟؟
ممكن لما ترد معاي في الكلام أن لا تستعمل هييي يكه هذه لانها تصيبني بارتكاريا حادة؟؟؟
والله العظيم لا اقصد شئ لكني حقيقي اتكلم انها تنرفزني حد الزهجة من روحي
دمت

لا لا طلبك مرفوض هههههههههه يكه طيب نحن زاتووووو قصدنا نوصلك مرحلة الزهج والعصبية دي ماممكن نكون نحن في الغربة برانا زهجانيين لازم نزهج معانا كم هائل من الناس عشان نشعر بانو نحن زهجانين ودي من الشروط بتاعة الرد بتاعي لو مادايره خلاص ما ح نرد ليك تاني في اي موضوع هههههههههه يكه والله شوفتي الضحكه المعذباك دي ح اكرهك بيها السودان زاتووو يا تعملي معاي اتفاق ماشافوش وده شروطو قاسية احسن ليك منها الضحكه هههههههههه يكه
اها قلتي شنو
زاتووووووووووو

مين اساساً اساساً قال ليك اني ما زهجانة خلقة
؟؟؟
بعدين حتى لو ما زهجانة يعني...ليه الأزية دي؟؟؟
يا ساتر
المهم
انا طلبت طلب وانتم انظروا في الأمر ونكون شاكرين لو تفهمتم الوضع
ونكون شاكرين برضو لو لم تتفهموا
أما ماجاء في خطابكم بخصوص التهديد بعدم الرد فارجوك ان تكون رحيماً..فهذا عقاب نحن لا نحتمله الحقيقة يعني...وقد يصيبنا بنفسيات سيئة فنموت كدراً كما ماتت سعاد حسني من قبل...لانو اكيد لو ما رديت ساصاب بجلطة دماغية حادة وامي تطردني من البيت وابوي يزرع لي في راسي شجرة نيم

جنس حالة غايتو

سلام بت قضيم


الماوس ده اكتليهو وفكى زهجتك دى وتعالى لينا

طول الغياب بكتر الغنائم



قرنفل

الزوله الكتابه بت قضيم
تحياتنا نحن طبعا شله كدا من معجبيك لكين ما فيهم زول مشترك غيري ودايما يحملونني( يا رب صحيحه ولا لا؟؟!!اقصد يحملونني دي لاني قاده عربي عشان كدا بحاول ما اتكلم كتير بالعربي وافضح جهلي) الوصايا ليك بالله سلمي علي بت قضيم بالله قولي ليها وقولي ليها وبيني وبينك بنسي وصاياهم اصلي من النوع المخو صفايه لكن كلها وصايه جميله والله. بمناسبه ضحكه الزول زاتو مريت بفتره كدا كنت بحب انرفز ليك امي طبعا عارفه ايام الطاشرات ديك وكنت اضحك نفس الضحكه دي وعينك ما تشوف الا النور امي تصمتني ليك كف لو قريبه منهاولو بعيده تلحقني المفراكه او غتايه الحله ولا كوز المويه المهم اقلعت عنها بقيت اضحك هييييييييييييييييييييك هييك هيك وحياة الله بصوت حميري كدا وامي برضو مغتاظه لكين قالت برضو الضحك الحميري اخير من ضحكه الزول زاتو دي

تتحول دقات القلب الى طرف الاصبع
واليد حاضنه الماوس
فى اللحظه دى
..بقيف القلب لى دقه.. وبتكون نبره الاصبع على الماوس
والدهشه بت قضيم
لك الامنيات بعدم فره القلب

بت قضيم الحكايه شنو
ليه الصنه دي
طمنينا عليك

اوعى يكون الضب هو السبب
تعرفي البوست داك حاولتا اقراهو كتير لكن مع جوطه الراس ما فهمتا حاجه قلتا اطبعو واقراهو على مهل طلعت اكتر من 56 صفحه
غايتو يا ستي عندي احساس اتمنى انو يكون غلط
تحياتي

قرنفل العزيز
مرة تانية
لك كل الود والياسمين
بس دي باقة جديدة ما تفتكرني بكروت فيك

العزيزة دوما
تسلمي ويسلم كل المعاك
عارفة
الأيام دي عندي حالة بلاهة كلام
كانت زمان بلاهة ابتسامة اتغيرت لبلاهة كلام
من اول فاتحة الصفحة كان الله يفتح عليا بكلمة اقولها الراس اها بغم
لا داير الكلام اطلع لا دايرة روحي تبادر
ما عارفة ليه؟؟؟

عارفة؟؟؟
لو اردتي يوما مشاهدة الإحباط،،، يعني ذي ما بقولوا الناس والله الليلة كنت ماشي في السوق شفت ،، لنقل حسين فهمي مثلاً،،، تستطيعين ان تقولي والله الليلة انا بقرا في البورد شفت الإحباط
ولك أن تضيفي
يسألني الله،،، وشه مطبق متل المفحضة
عادي
ما بزعل
لاني احس بنفسي كذلك وليس هذا حسب ،، بل ايضا بت اعلم تماماً كيف يكون شعور المفحضة الفلسانة
هي عليك الله كان ما فلسانة كان وشها اتطبق
؟؟؟
وقال يقولوا ليك شنو،،، القروش ما كل حاجة في الدنيا
كيف يعني والقروش نفسها نفسها لها المقدرة على فرد المفحضة المطبقة الشينة دي لتحيل وجهها ربيعياً؟؟؟
ما عارفة ليه اتذكرت مديري والتفاح الله يطراهم بالخير؟؟؟
وبعد
لا ادري لماذا فكيتها فيك انت تحديداً لكني لي علاقة وثيقة بالدوم من ناحية الدم
ربما
صحي انتي بتعرفي المفحضة شنو؟؟؟
ابرى منهم ناس البورد ديل وارد بره
رسالة لندن فما فوق
اششششششش
واضحكي
ههههي يكا فيك،، مؤكد غير ههههي يكا في اب لسان ده
وتسلمي يا ذوق انتي والمعاك
وبالله انت رجع لي رسايلي،، والرسايل العندي شيلها
اقصد اعملي فيني خير وقولي لي وصايا الناس الذوق دي
والله ناس فاهمة صحي رفعت معنوياتي
تسلمي تاني وحقوا امشي بيتنا لاني شكلي ما حاتسد قريب


استاذي الفاضل حمزة سليمان
انا قلت ليك سلامتك؟؟؟
إن لم افعل فبرية انت
شرك مقسم على الدقسم إن شاء الله
ووحاة الله ما عارفة يعني شنو ما تفضحني
وخلي بالك من نفسك
يغطيك ويخليك إن شاء الله
كل الود

ايهاب الصديق
الحكاية قلتها لدومة
بلاهة حديث تصيبي
بعد حرب العراق
لقيت روحي اصغر من الحاجة للحديث
ليس لاني رقيقة ما شاء الله اذابت قلبي صور الأطفال الحيصبحوا يتامى
والأطفال الصبحوا ماتوا قبل أن تتفتح زهورهم،، لا قسوة مني لكني تشبعت منذ الطفولة بهكذا صور حتى باتت والعياذ بالله تبدو طبيعية أو اعتيادية رؤيتها
يوميا أوقن،،،أن كيف لا قيمة للانسان
تسلم يا ايهاب
ولا تقلق مما قلقت بشأنه
انا عكليتة والدم زماااااااان اتصفى مني وصعب شديد،،، اني ازعل
يا قول سماح
ازعل من شنو وفوق شنو
؟؟؟
كل الود

سلام بت قضيم

اها كدي كيف؟؟

قلبك دق ولا لسه؟

لووووول يا مشتاق
بس والله الليلة بالذات كان قلبي دق يبقى جعلي صحي
لانه كمية كسرة الجمعة الأكلتها لما ما لقت فرقة في المعدة فتمددت باريحية لحدود الحجاب الحاجز،،، اثرت سلباً على دقات القلب
يا الله ويامين النفس نازل ودي ما المشكلة
المشكلة النفس الطالع،،، الله يستر
أها كان قام دق بعد ده كلو
ما يبقى بالجد بالله عليك جعلي صحي؟؟؟
حقوا نقوم نسوي ليه بطان كان ينزل الويكة شوييييية ويشد حيله يا كافي البلا تقول الدنيا ما حرب آكل قدر ده؟؟؟
الله يعين القلب المسكين ده معاي غايتو

بت قضيم
التحية اولا
انا هنا فى البيت استعمل الرفرش فى كلو فى الصفحة فى البوست فى المسنجر فى الجرائد
اما فى الجامعة فالبث فورى لارفرش ولايحزنون
قايل لى الكمبيوتر البكون محمل برامج هو البكون مستك
بضم الميم ومحتاج رفرش

زمرواي
الله يحيك
باقي لي فهمي تقيل
لكن كان فهمت ما قصدت انت
تبقى خطيييير
ملعوبة وقوية
لا بد فيك عرق رباطابي