إلى سيدات وآنسات البورد

كلما نظرت إلى قائد ناجح وجدت خلفه امرأة نهيك عن النجاح الذي حققته في قيادة دول.
المرآة السودانية دخلت المعترك السياسي وقدمت الكثير و الله يحفظها لهذا الوطن. ترى لماذا لم تتطلع إلى الحكم يوما؟؟؟؟؟ هل ............



شبيك ابوى لبيك
نحنا ولادك ديك
ساجدين امامك ليك
عشان تبقالنا حرية و عدليه وتبقالنا يابلدى ابد الابدية

السنجك

هل هنالك من تطمح الى حكم السودان ؟؟؟

ده السؤال يعنى يا جماعة ولا شنو؟

ولا هو باب لمناقشة شخصية المرأة السودانية؟

الاخ العزيز قرشو تحياتي
ومثلك اتساءل هل تطمح المرأة السودانيه يوما لحكم السودان؟؟

والا ما هي الغاية الحقيقة لدخولها المعترك السياسي؟؟
واعتقد ح نعرف كتير من خلال الاجابة النسوان ديل بالضبط عايزات شنو؟؟ كدي ما نسبق الحوداث ويلا نشوف مع بعض

كلها اسئلة نريد ان نسمع صوت الاخوات هنا فى البورد

ا
الاخت دريمز

نريد ان نسمع رد على هذا التساؤل واعتقد انه لا يخرج عن معالم وشخصية المراة السودانيه بل سيكشف لنا الكثير عن خباياها التى نجهلها . واكدك ليك يا دريمز اختي احتمال ميه فى الميه نحن وانتونعرفو دايرين شنو بالضبط والسودان داير مننا شنو

السنجك

هل هنالك من تطمح الى حكم السودان ؟؟؟

انا اطمح لحكم السودان في يوم ما
امانه ماانظمو ليكم نظام تمام
بس ياربي انتو بترضو بحكمي؟؟ ولا تقعدوا تقولوا لي اخر الزمن عشنا وشفنا حكم الحريم
لم لا تحمكنا امرأة
انا اعتقد بان المراه هي الانسب لحكم السودان
اولا انها كانت الغت الخدمه الالزاميه عشان الوليدات مايموتوا في الجنوب
ثانيا كانت حسنت العلاقات الخارجيه مع الدول الاخري بالزيارات المستمره للدول طبعا بتكون حوامه
ثالثا كانت نظمت الشئون الماليه والاقتصاديه ودخلت الدوله في صناديق مشتركه مع دول النفط والصرفه الاولي ليها
وووو والكثير الكثير

لكم تحياتي

بالله يا بت الجزيرة
والله كان عاستنا كسرةوطبقتنا

ا
بت الجزيرة
واللع شكلك كده ح تخليها خل بس هههههههه، المشكله فى الحوامة دي اكيد ح جيب ليها ندمي كده ما بخلص ، ده اذا ما كبيتي الزوقه وخلتينا لايصين من تاني، بعدين شايفك قلتي كان بترضوا يعني اذا ما رضينا بتنسي الشغله وتشوفي شيتن تاني غير السياسه الفشلوا فيها الرجال لحدي اسي؟؟

بنت الجزيرة
والله يابت امي ده الكلام الناس ديل كان خلوها للنساء كان الحال انصلح ... والدليل بنوتنا في البورد بنظامهم وكلامهم المليان وياختي من البورد ده نشكل وزاراتنا اكان للصحة يايمه نهي-خ بنت السرور والبنات الدكتورات في البورد يسندوها... وامانة الثقافة بنت الشيخ قدرها شفتيها بتقعد ليك المشاغبين في علبهم بدون زعل....اماامور النساء بس لقيتها الجندرية ياها ياختي اناقلت 3 قولي انت بعد كده...
قال المراة كان فاس مابتقطع راس ... والله نقطع جنس قط ...

السنجك والمساهمين /ات
سلام
السودان حمكته نساء في ايام اوجه الحضاري
حكمت اماني شخت والكنداكة وغيرهن من ملكات السودان العظيمات
وعندما ننجح في ازالة التراب عن وهج تاريخنا العظيم
ستعود النساء مرة اخرى للحكم
وسيحلن السودان كما فعلت جداتهن
واحة تسع الجميع
مكان يشع منه الحب للعالم كله

من هي الكنداكه ؟

الكنداكه لقب لملكات كوش ؛ او مروي القديمة ؛ والتي يصر بعض الباحثين علي تسميتها باثيوبيا ؛ وقد جاء الاسم من الكلمة المروية كينتكي ؛ وهي تحريف لكلمة كدكى او كتكى ؛ وهي تعني الملكة الام

وقد اشتهرت بهذا الاسم تحديدا اربع من ملكات مروي - كوش ؛ وهن الملكات اماني ريناس ؛ اماني شخت ؛ ناويديماك وماليكي ريابار

لقد كانت كنداكات مروي مختلفات عن ملكات مصر ؛ فملكات مصر كن في الغالب يرثن السلطة عن ازواجهن ؛ اما كنداكات مروي فقد كن يتوارثن السلطة فينا بينهم ؛ حيث كانت الكنداكة في الغالب تتبني زوجة ابنها؛ وتنقل اليها وراثة الملك

كان للكنداكات كذلك دور كبير في اخنيار الزوج - الملك ؛ والذي كان دوره محدودا ؛ حتي ان العديد من الباحثين يزعموا بان مروي لم تعرف ملكا ذكرا؛ كما كن مقاتلات اشدات؛ ومن بينهم الملكة اماني ريناس - صاحبة العين الواحدة - ؛ والتي وصفت بانها كانت طويلة ذات عضلات ؛ والتي حذرت الاسكندر الاكبر من دخول بلادها ؛ او عدم احترامهم لانهم سود ؛ وينقل عنها انها قالت له : لا يغرك انك ابيض ونحن سود ؛ فنحن في قلوبناوارواحنا اكثر صفاءا ونقاءا من اكثركم بياضا

وعندما احتل الرومان بقيادة بيترونيوس اراضيها؛ انتظرت حتي انشغلوا في حرب اخري ؛ وهاجمتهم ؛ وحينما ارسلوا لها جيوشا اكبر ؛ قاتلتهم دون هوادة ؛ الامر الذى اضطرهم للتراجع والبحث عن حل سلمي ؛ وارسلت من بعد سفيرها الي القيصر اغسطس ؛ والذي وقع معها اتفاقية سلام ؛ رسمت علي اثرها الحدود بين الامبراطورية الرومانية ومملكة كوش

وقد ورد اسم الكنداكه في العهد الجديد - الانجيل - حيث ورد في اعمال الرسل كيف قابل فيليب زائرا من اثيوبيا - مروي - ؛ والذي اتضح انه وزير خزانة الكنداكه ؛ كما تم ذكره في كتابات المؤرخ القديم بليني ؛ والذي وصف مروي ونقل ان ملكتها تسمي بالكنداكة ؛ وهو لقب متوارث من ملكة الي اخري لعقود طويلة

لقد استمرت مملكة مروي لمدة 1500 سنة ؛ وكان اسم الكنداكة يستعمل فيها لمدة 500 سنة ؛ هي غالبا فترة حكم الملكات القويات ؛ اما باقي الملكات فقد اشترك معهم ازواجهن وابنائهن في الحكم ؛ وقد سمي الفربيون الكنداكه كانديس ؛ وهو اسم لا يزال مستعملا حتي الان في الدول الغربية

مراجع لقراءة اضافية :

Black Women in Antiquity, Ivan Van Sertima (ed.). Transaction Books, 1990.

Blacks in Antiquity: Ethiopians in the Greco-Roman Experience, Frank M. Snowden, Harvard University Press, 1970.

Candace: Warrior Queens of the Kingdom of Kush, Dawn E. Reno, Books for Black Children Incorporated, 1999.

Women Leaders in African History, David Sweetman. General Publishing Company, Limited, 1984.

جزاك الله خيرا اخي عبدالعاطي علي هذه المعلومات القيمة والتي نحن في امس الحاجة اليها فكما عرف عن المصريون اهتمامهم الشديد بآثارهم وتاريخهم البعيد قيل القريب وعلم المصريات دليل على ذلك. عرف عنا نحن السودانيون تقصيرنا الشديد في معرفة تاريخنا وخاصة القديم منه فمعظمنا (وليس كلنا) يكاد لا يعرف شيئا عن تاريخه القديم او عن مملكة مروي الا قصاصات من هنا وهناك .وتنقصنا المعرفة الحقيقية المزودة بالوثائق ..لهذا ارجو ان توافينا بكل ما تقدر عليه.
كتر خيرك وبارك الله فيك
جدو

العزيو جدو

تحياتي وشكرا لكلماتك الطيبة

لمعرفة اوسع عن التاريخ القديم للسودان؛ احيلك الي موقع اركماني ؛ باشراف استاذنا البروفسور اسامة عبد الرحمن النور

www.arkamani.org

عادل

عادل
شكراً
للتوضيح وازالة اللبس

الاخوة الاعزاء
المراة لو بقت فاس ما بيكسرها الفاس
نحن لا نطمح الى حكم السودان لانه بالفطرة كدة بنخاف على سمعتنا
العواسة مالها يا جماعة ما ياها الربيتو بيها اذا العواسة مسيئة
للدرجةدى نقول للنسوان سيبو العواسة واعملو بيرقر يمكن نملى عيونكم
لا تغركم قوة عضلاتكم وضعفنا لكن جوانا قوة الصبر عليكموعلى كل الحكام الخربوا البلد


محظوظة