Post: #1
Title: انة المجروح
Author: sharnobi
Date: 08-30-2002, 04:36 AM
Parent: #0
لا أرى غيرك ولا يهمني الا رأيك.. سأغنى بصوت أبح واعزف خارج الزمن واعلم انك تعلمي بمدى حبى لك لذا سأطرب بهذا النشاز من الغناء المر..
واحبك رغم الذى يمنعنى من توطيد حبل الوصل بيننا.... سابحث عنك فى كل الامكنة والازمنة .. سارسمك فى الهواء .. لوحة خلفيتها السماء.. ساهتف باسمك شعار واغنيك آخر الاغنيات.. بالله كيف قسى هذا القلب علىّ ..اراك المحال.. بين السراب تتوارين ولى الم الانتظار خلف الازمنة.. ساصلى لك صلاة الغائب الحاضر واسجد خاشعا بين يديك.. ولانى احبك .. ساسطلى نار وجدك.. وقسوة قلبك.. وفجور خصومتك.. وافتعالك للمعارك.. من غير معترك.. ولانى استلذ عذاب عشقك .. تتفتح الاغنيات على نزف الدم وزرف الدمع.. ذدنى هات من ويلات العذاب كلما افيق من الم كلنى بنوع جديد من العذاب.. اصبحتى الجلاد... لا تأخذك بى رأفت .. على هذا الذى ملكك دنياه... هذه زلة العشق واحتضار الانا بداخلى لك.وانين يتضآل. سامحك الله
|
Post: #2
Title: Re: انة المجروح
Author: Elmosley
Date: 08-30-2002, 01:28 PM
Parent: #1
زمان ياشرنوبي انا لمن كنت صغير
ومابحمل الهبشه من هجر المحبين
الله قدرني وفي شعر مراهق عبرت عن احاسيسي بالقول
هجر الحبيب قاسي وصعيب
لكنو مابغيير علي
طعم الحياه
وماظنو يقدر يمحي
من عمري الحلاه
انا نبع حب شلال حنين
انا قلبي مابهدو الاسي
تلقاني سابح
في غناي مهما الحبيب
صده وقسي
12/1972
يديك العافيه والصحه ياصديقي
|
Post: #3
Title: Re: انة المجروح
Author: sharnobi
Date: 08-30-2002, 01:56 PM
Parent: #1
الاخ الاستاذ الصديق الفنان
الموصلى
أه منك
ما عبرت عنه فى باكورة عمرك يضاهى من الروعة ما احاول ان اعبر عنه فى شيخوختى المبكرة
وشتان ما بين هرم من الابداع ومكاجر مثلى يفتعل الاشياء
لك شوق ووحشة
|
Post: #5
Title: Re: انة المجروح
Author: Elmosley
Date: 08-30-2002, 02:12 PM
Parent: #3
معقوله ياجميل انت الخير والبركه
وهاك شاعرناابو قطاطي الطريف وبكره هتسمعها مني في بوست منفصل في وداع لناس البورد عشان ماشي اغني لي يوسف بكري ابوبكر في اريزونا
لي زمن
لي زمن بتمني القي يوم في عمري
من حبيبي محنه والفؤاد يتهني
انا لي زمن بتمني
السنين الولت من حياتي سراع
شفت فيها الوحشه واكتئاب وضياع
لو حبيبي في قلبو الحنان يتباع
اشتريهو بروحي لحظه ما بتأني
انا لي زمن بتمني
ترجمتلو عيوني شوقي والتبريح
في كلامي معاه معني حبي صريح
برضو صارف عني قلبي جمبو جريح
تزدهر ايامي لو تعطف حن
انا لي زمن بتمني
صبري قله وحبي كل يوم يزداد
رغم انو حبيبي مامنحتي وداد
لسه لي هجراني عندو استعداد
لوعطف تتبدل نار هواي لي جنه
انا لي زمن بتمني
|
Post: #8
Title: Re: انة المجروح
Author: Elmosley
Date: 08-30-2002, 04:17 PM
Parent: #5
شرنوبي
،علي كسرت قلبك بي نار هواي دي
عمك ابوقطاطي راجل بكاي
|
Post: #4
Title: Re: انة المجروح
Author: Yassir Mahgoub
Date: 08-30-2002, 02:11 PM
Parent: #1
شرنوبي العنصر المحفز في كيمياء التماهي داخل نشيد تواصلنا و الموصلي مايسترو الذاكره المتداعيه بالألق……… فليتصل النشيد
|
Post: #6
Title: Re: انة المجروح
Author: Elmosley
Date: 08-30-2002, 02:16 PM
Parent: #4
ياشاحذ الهمم يا ملك لك التحيه
|
Post: #7
Title: Re: انة المجروح
Author: sharnobi
Date: 08-30-2002, 04:16 PM
Parent: #1
الموصلى
بمناسبة
ابو قطاطى
اهدى اليك
اغنية شن بتقولو
يما قالوا نية الزول دليل
اعمالو
والداير
مالو الريد بعاكس حالو
|
Post: #9
Title: Re: انة المجروح
Author: Yassir Mahgoub
Date: 08-30-2002, 04:24 PM
Parent: #1
يا ما قالو قالو و قالو
نية الزول دليله أعمالو
و الداير يفوز بحبيبو
مرات ما بتتم آمالو
و البتفاءل يلقى الريد
مالو الريد الريد بعاكس فالو
شن بتقولو
في الفرح البعذب سيدو
و الريد البضيع زولو
زي السامعه في أضاني و شكرا لتصدير الإحساس يا شرنوبي
|
Post: #10
Title: Re: انة المجروح
Author: sharnobi
Date: 08-30-2002, 04:30 PM
Parent: #1
عينيك مدن
صلاح حاج سعيد
عينيك مدن منسية في كتب التواريخ والزمن
عينيك وطن مشدود على وتر التباريح والشجن
ممدود على حرف(حروف) الكتابة
مكدود عنا ومكتول صبابة
وفيه حط النيل سكن
عينيك سفر مكتوب اعيش فى غربتو
وأعشق عذابو وحرقتو وليلو الطويل
واتخيلك يا حلوة زى نسمة سحر
جيتى ومعاك حلمى المطول
منتظر وعدو الجميل
عشقك زمان جواى رحل
وإتناه فى الأعماق أمل
ضمّخ رؤاى إحساس نبيل
أذهل طيوف خاطرى القبيل
جاشت ملامح روعتو
ضج السكون فى وحشتو
والكان أمل فى عيونى لاح
ذوب مدارات فرحة الوهج النضير
والمزدهر بالإرتياح
فجأة انحصد قبضة رياح
وسكت الكلام يا حلوة فى القول المباح
وغاب الصباح بعدك رحل
والكان أمل فى غيم سماك
ايقنت إنو عدم بلاك
وإنك قدر
وإنو البيحلم بى علاك
بختار ظروف أحلاها مر
عينيك لو تصدق معاى الامنية
عينيك لو أعرف ختام الأغنية
بدء الكلام والمنتهى
والمستطاب والمشتهى
كل المباهج فى المواويل والغنى
والعاشيقين قلبى وأنا
هزتنا فى عينيك تصاوير المنى
يا انيات من كم سنة
يا اغنيات كل الأماسى المستحيلة وممكنة
يا المستحيل عينيك تهون
والمستحيل قلبك يخون
ما الغدر ما طبع الوفا
والصدق ما شرط إنتفى
وأنا حالى من بعدك كفى
وأنا حالى فى بعدك
كفاهو المغنى والحب والشجن
والوحشة والشوق للوطن
والوحشة والشوق للوطن
للوطن
مالعمر قبلك ضاع سدى
والعمر بعدك ايه يكون
لو يبقى بحساب الزمن
والعمر ايه بعدك يكون ايه
بعدك يكون
لو يبقى بحساب
الزمن
(صلاح حاج سعيد/ صطفى سيد أحمد)
|
Post: #11
Title: Re: انة المجروح
Author: Elmosley
Date: 08-30-2002, 04:36 PM
Parent: #10
يديكم العافيه انت الاتنين
|
Post: #12
Title: Re: انة المجروح
Author: sharnobi
Date: 08-30-2002, 05:07 PM
Parent: #1
يا انة المجروح
يا الروح حايتى جروح
الحب فيك يا جميل
معنىالجمال مشروح
|
Post: #13
Title: Re: انة المجروح
Author: Yassir Mahgoub
Date: 08-30-2002, 05:28 PM
Parent: #1
للحب لهيب في الجوف
زيو الزناد مقدوح
منو الجبابره تلين
لصوت بلالبل الدوح
تصاحبو النسمات
تفضل معاها تدوح
من نغمة الأشواق
و محاسن الممدوح
الحب و فيك يا جميل
معنى الجمال مشروح
|
Post: #14
Title: Re: انة المجروح
Author: sharnobi
Date: 08-30-2002, 05:35 PM
Parent: #1
شكرا ياسر
تاهت الكلامات منا كذورق فى عباب البحر
نجترها ونكحت الذاكرة قسرا
البركة فيك
ولكن حتى اذا تلاشت الكلمات مازات ماعنيها تلتصق فى الخيال تصور لى المعانى الجميلة
|
Post: #15
Title: Re: انة المجروح
Author: sharnobi
Date: 08-31-2002, 06:25 AM
Parent: #1
شقيش قولى يا مروح
قبال صبحنا يبوح
والله ما قادر اسيبه
اه من حزن يعترينى لا اقدر معه ان اكتم سر معاناتى
احبك
رغم انف
بخاف اسأل عليك الناس
وسر الريده بينا يضيع
سالت منك
وريدى ضاع
عشان سالت عنك
اه من هذا الذى يبعثر عنى الاستقامة
ماذا جنيت اذا سألت عنك طوب الارض
لانى احبك
ولا لى فى خراطة الدنيا موقع الا اسمك
احبك
حتى اذا كان هذا يعنى ختام المطاف
|
Post: #16
Title: Re: انة المجروح
Author: sharnobi
Date: 08-31-2002, 06:58 AM
Parent: #1
قلبى الاصلو منى شاقى وريدى
يذيد بالهم على يسفح وريدى
دى تاجوج ما اتلقت يا خملة ذيدى
|
Post: #18
Title: Re: انة المجروح
Author: Abo Amna
Date: 08-31-2002, 07:17 AM
Parent: #16
عزيزي ... شرنوبي
ان الحب عندي مقدس والحزن عندي مقدس ... وليس في نيتي ان ادخل محراب متعبد في اثناء صلاته ولكن يا عزيزي الا تعتقد معي بأن وقوفنا قد طال علي باب المعبد ...
كنت ولا زلت احد الاقلام المميزة في داخل البورد واظن ان توقفك المفاجئ جعل البورد يسير بطيئا هنالك اشخاص لا تشعر بهم حينما يغادرون لانه لم يكن لديهم وجود حينما كانوا هنا .. ولان وجودك كان طاغً لم نستطع نسيان انه كان هنا انسان ...
لا أعلم متي ستتهي صلواتك وابتهالاتك ولكن اقف خاشعاً امامها ... وانا علي باب المعبد انتظر .. وسأظل كذلك حتي ترضي عنا..
تحياتي
|
Post: #19
Title: Re: انة المجروح
Author: sharnobi
Date: 08-31-2002, 07:42 AM
Parent: #18
ابو آمنة
تسربت الى داخل هذا المعبد....... وكان ديدنى احساس صادق .. متعبد خاشع .. آمنت بما على ذلك المحراب... مستلب.. عنوة... وانا فى فى حالة خشوع.. ذلك الملحد الذى آمن فى فى لحظة إذا بى ارى ان محراب آلهتى تخون .. تسحب منى السكينة .. وتزرع فى قلبى المفعم بها بذرة الشك....
فلا قلب لى ولا هاجس غير انى فشلت ان ان اسحب خطاى من دائرة الخوف..
ان كنت صديقى
ساعدنى
كى ارحل منك
|
Post: #17
Title: Re: انة المجروح
Author: sharnobi
Date: 08-31-2002, 07:12 AM
Parent: #1
مشتاق ليك كتير والله
احس بانك عنوة سلبت منى حق ان ابدع واغنى
انت اخذت منى ناصية الكلام اجلمت لسانى
وانت تعرف لحدت وين بعزك
وفى اعماقى حسيتك
بس
انا
انا
انا
خايف
اذا جيتك
حكاية الريد بينا تزيع
ومن ايديا ان تضيع
واعيش بعدك حياتى
واخاف
يا انت لو
تقول جافيت
انا
ونسيتك
الملم فى خطاى الشوق
وازور بيتك
بخاف
اه
اه
اه
اه
|
Post: #20
Title: Re: انة المجروح
Author: hero
Date: 08-31-2002, 08:56 AM
Parent: #17
...
..
.
شرنوبى
صاحب الاحساس الرهيف
الموصلى الشفيف
وياسر الجميل حد الانتباه
كتيبة الحب ..
وثلاثية الجمال فى الزمن الردىء لكم الود
واصلوا الدوزنة واشتعال حريق الكلام ..
كلنا صمت .. اصغاء
وانتظار ...
|
Post: #21
Title: Re: انة المجروح
Author: Elmosley
Date: 08-31-2002, 10:07 AM
Parent: #20
hero
يا
hero
لك تحياتي
|
Post: #22
Title: Re: انة المجروح
Author: sharnobi
Date: 09-02-2002, 06:26 AM
Parent: #1
لاتذدنى جراحا فلن تجد موضعاسالما فى قلبى والا جرحته لقد فاض بى الحزن وانت تقسو على ويفيض هجرك ويعم ظلمك وانا الذى اتوسل لرحمتك.. واتودد لوسع ودك... تهجرنى بلا سبب ابحث عنك.. تقاطعنى بلا ذنب اتوسل لوصلك.... احترت مع هذه العلاقةالمتعبة.... احترت مع هذاالقلب الذى تدجن بقسوتك ماذا جنيت غير انى طواعا سلمتك قلبى واهديتك حياتى.. وتخطيت حواجز الانا وذوبت فيك نفسى.. وارتحت من ذاتى من اجلك
|
Post: #23
Title: Re: انة المجروح
Author: ensana
Date: 02-27-2003, 11:40 PM
Parent: #22
|
Post: #24
Title: Re: انة المجروح
Author: sharnobi
Date: 02-28-2003, 01:21 AM
Parent: #1
وارتاح على الجمل التى تاتى بلا مضمون
ولا معنى اذا غاب الكلام المر
واعيش اللحظة لمن تبقى اخر المنية
وابكيك
لو الدمعة جفت وذى اسماعيل ولد هاجر
بكخف رجلى اخلى الزمزم منابع للحياة
وارتاح على المغنى
البجينى عديل
واتوسد كلامك منك
كلام معقول
كلام ذى لحن منساب من عيونك لى
واحترت
|
Post: #25
Title: Re: احزان الصقيع
Author: sharnobi
Date: 03-01-2003, 03:29 AM
Parent: #1
للمرة الثانية
تهزمنى انسانة وترسل عبر الاسير اغنية للذى اتحلل مع نغماته ابو عركى
يا خوانا امسكو البت عليكم
طلعت من عينى النهار
وجعلتنى سبية وحق مشروع للجميع
واحترت
اكتب بعد الغناء اللذى يسربلنى
عفوا
الموصلى
حمزة
عزيز
وكل الذين يشدون اوتار الكلام بين النجوم
ويعزفون اياع
متسامى
يكسر الخاطر
|
Post: #26
Title: Re: انة المجروح
Author: sharnobi
Date: 03-01-2003, 08:28 AM
Parent: #1
ورجعت ذى ما كنت قبلك
|
|