..قــف ...مــن أنت

هل تعتقد انك تعجب الناس يانسون اليك ويحبون صحبتك وحتى الذين لاتعرفهم يطلبون التعرف عليك ام ان احدا لايهتم بك وبصحبتك وقد تصل الى مكان فلا يلحظ احد انك موجود هذا ماسيتحقق منه اختبار اليوم

شيء لاترغب ابدا ان تجربه هو
أ- القفز من مظله من طائره
ب- ركوب سياره سباق تمرق بسرعه تفوق 200كم/ساعه
ج-عبور بحر المانش سباحه
حينما تقابل شخصا لاول مره تراقب بتعمق
أ-يداه
ب- فمه
ج-عيناه
صباح يوم الجمعه تفضل ان
أ-تذهب للمسجد للصلاه
ب- تتمشى بوسط المدينه وقد تشتري شئا خفيفا تاكله
ج- تتمرغ في فراشك الى وقت الغداء
يخيل اليك احيانا بعد خروجك من المنزل انك نسيت
أ0محفظتك
ب- مفاتيح المنزل
ج-ان تمشط شعرك وتتعطر
على شاطئ البحر تحب
أ-تقرا تحت الشمسيه
ب-تلعب الكره وتتشقلب على حافه الماء
ج-تتمشى


اقراعدد اجاباتك من كل الحروف ا ب ج لتعرف اي منها الاكثريه ثم اقرا اسفله دلاله هذا الحرف

اغلب اجاباتك (أ)
انت جذاب لكنك سلبي تحب ان يعجب الناس بك ويتقربون اليك بدون ان تاخذ انت ايه خطوات
نحوهم مع الذين لاتعرفهم جيدا او لاتطمئن تماما لاحكامهم انت قليل الكلام تفضل ان تحادثهم بالنظرا وتعبيرات الوجه والتصرفات اكشف عن نفسك قليلا فانت انسان جدير بالإعجاب


أغلب اجاباتك (ب)
لا شك انك جذاب وان بك مايثير اهتمام الآخرين وانت تحب ان يلاحظك الناس خاصه اذا تعمدت ان تجعلهم يلاحظوك فيعجبوا بك بسرعه انت ايضا ماهر في استخدام اسلحه الجذب العجاب كالإطراء لكنك تمل احيانا وتكسل عن محاوله أن تعجب الآخرين فتتعمد أن تهمل مظهرك وملبسك وان تجفو في تصرفاتك

أغلب اجاباتك (ج)
الحرص على أن تعجب الناس جزء اساسي من شخصيتك وحياتك انت شديد الجاذبيه لاتمر بمكان بدون ملاحظتك كل من يوجد به انت تحب ان تكون دائما في محور الإرتكاز وكل حركه منك او عباره تهدف اثاره اعجاب الاخرين وجذبهم فانت تعتبر ان الناس ليسوا الا ماده اوليه لتجربه جاذبيتهم عليهم

مع السلامه وانشاءالله اشوفكم بموضوع جديد

الاجابات كانت كالتالي


فاعرف من انا

1 \ ب

2 \ ج

3 \ ب

4 \ أ

5 \ ج

فما عرفت اصنف نفسي وين ؟؟؟؟؟


تحياتي

العزيزة شجون
بما انك اخذتيها مناصفة من ب وج فأنت شديدة الجازبيةوبتحبى ان تكونى دائما فى محور الارتكاز وتحبى ان تنهلى من الاطراء والاعجاب
اكاد ان اوفق

أخي العزيز كولا
والله موضوعك ده غاظني شديد يا أخي حياتنا كلها وقوف الحكاية شنو في الحافلة واقفين في السينما نقيف للرغيف نقيف صف للثلج في رمضان نقيف صفوف في إشارات المرور نقيف في الكورة واقفين رغم إنو مباراة بايخه والنتيجة صفر صفر لكين شفقة الناس القدامك لازم تكون واقف التسعين دقيقة عشان تعرف تتفرج لمن حالنا زاتو وقف عديل كده وقبل متابعة السير أول ما لقيت العنوان قف من أنت قلت يمكن دي حالة طوارئ المهم إتلفت يمين وشمال وتبنت جيبي لقيت ليك البطاقة في حمدت الله إنو معاي شاهد يثبت من أنا ، لكين لمن واصلت في المقال رميت ليك البطاقة هناك وقلت في نفسي ليه يعني ما يعرفوني إلا بي ورقة ليه أنا ..... المهم قربت أقتنع بأنني ..... عشان كده قلت أجاوب على أسئلتك وبالله خليك زي ست الودع كشكشي وكده وشوفيهو لي كان فيهو شي بس لا تقول لي لا تقول للناس لو شئ كعب.
1- السؤال الأول أنا جني وجن البحر شوف لي سؤال غير ده.
2- والله المراقبة تكون حسب موقعه يعني واحد في خلا غير واحد في نص الحلة غير واحد في ححفله أو واحد في حافله.
3- شوف حكاية الصلاة دي لابد منها لأنو عندنا ديك جايبنو من البلد يؤذن في اليوم الواحد عشرين مرة رغم إنو الصلوات المفروضة خمسة ويبدو لي إنو ديكنا حضاري يراعي فروق الوقت في المناطق المجاورة يعني حسب التوقيت المحلي لمدينة إنجمينا أو أكرا أو ربما سيدني عشان كده أنا يوم الجمعه بفتح الجامع مش عشان أقرب بدنه أو بقره بس عشان أبعد من الديك إن شاء الله حتي يكتبوا لي لالوبه.
4- لو قلت محفظتي أكون كذاب لأنها دائماً خاوية وزي حذاء أبي القاسم الطمبوري كلما أنساها يجيبوها لي لغاية البيت.
5- على شاطئ البحر ولا النيل وعشان ما تتعب كتير معاي النيل الأزرق ولا الأبيض ولا نهر النيل.

الاخ الملا عمر

المحفظة فاضية ....على منو...اكيد بتدكن في البنك

يا ود العمدة يا أخوي ده كلام شنو ده أبو الطيب المتنبئ قال في بيت الشعر الشهير:
الخيل والليل والبيداء تعرفني والسيف والرمح والقرطاس والقلم
ما قال الكلاشنكوف ، وآخر بنك دخلتو يا ودالعمدة يا أخوي كان بنك الدم لمن كان الدم أحمر.
لك تقديري

الأخ كولا

تحياتى لك

حلوه و الحمد لله النتيجه رائعه

مبروك القرد الجديد


كريم