Post: #1
Title: خميسك لو تبيع قميصك ؟؟
Author: ALZOLZATOO
Date: 08-22-2002, 07:28 AM
Parent: #0
مقولة كنا نسمعها زمان من الشباب وهي ليلة المرح والسهر وكم نحن في غربتنا هذي محتاجين فعلا الى هذا الخميس كي نستجم قليلا من ضغوط العمل المضنية ونقعد مع النفس قليلا ونزور بعض الاصدقا ونحاول ان نحس باننا على قيد الحياة
لكن على ما اظن ناس امريكا والدول الغربية عندهم ليلة السبت
وبقيت ياوطني زي منفاي
زاتوووووو
__________
|
Post: #2
Title: Re: خميسك لو تبيع قميصك ؟؟
Author: يحي ابن عوف
Date: 08-22-2002, 07:54 AM
ALZOLZATOO العزيز
ياحليل الخميس وناس الخميس
نحن فى كندا اليوم الأربعاء الساعة الثانىعشر(م)
|
Post: #3
Title: Re: خميسك لو تبيع قميصك ؟؟
Author: james
Date: 08-22-2002, 08:17 AM
Parent: #2
وكما قيل في المثل العربي
القديم ( يوم الخميس صفقة ورقيص ) ولك التحية انك ذكرتنا
انو اليوم هو الخميس ،، مجرد الذكري ليوم الخميس اصبحت تفرح
|
Post: #4
Title: Re: خميسك لو تبيع قميصك ؟؟
Author: ALZOLZATOO
Date: 08-22-2002, 08:19 AM
الاخ يحيى ابنعوف تحية عطره ياخي وانت بعيدا قريبا
كندا وما ادراك ما كندا
بعد ان امتحنت الشهادة السودانية جاءني قبول من جامعة ماك ماستر في هاملتون اونتاريو اها يازول ابوي قال لي يا انا يا كندا ههههههه يكه قلت ليهو انت طبعا المهم يازول درست في السودان وماندمت اها يازول بعد اتخرجت واغتربنا اخر اجازة قلت للحاج البلد كيف معاكم قال لي والله لو لقيت لينا نحن زاتو قبول لي كندا بعد ده بنمشي هههههههههه يكه
التحية لك ياخي وربنا يرد غربتنا كلنا
زاتوووووووو
|
Post: #5
Title: الخميس الخميس
Author: abas
Date: 08-22-2002, 08:23 AM
الخميس يا الزول والله هنا في الغربه ما هو خميس يعني كل الايام واحده هنا اتزكر ايام زمان تعرف وين الحفله في حلتكم ولا الحله التانيه تكون من الصباح تكوي وتغسل في الهدوم والقميص تكون شاديه من صاحبك غايتو كانت ايام يا الزول ابو لسان طويل
جوهر صدر المحافل روحي معاك اتلطفيلا
|
Post: #6
Title: Re: خميسك لو تبيع قميصك ؟؟
Author: ALZOLZATOO
Date: 08-22-2002, 08:51 AM
جيمس
صباح الخيرات
يازول والله نحن يوم الخميس دا مابننساهو اصلو عارف ده اليوم الوحيد الواحد بيكمل فيهو النوم وبعدين انت شغال في شقق مفروشه ولا شنو ههههههه يكه لك التحيه
عباس
انتو بتقولو كده نحن نقول شنو يازول الامارات دي حتى السبت فيها خميس ههههههههه يكه
الخميس ده من الابتدائي كان الناس بتنتظرو يعني لو زول عمل معاك مشكلة يوم السبت بتقول ليهو انتظر لحدي الخميس هههههه يكه عشان يوم الجمعه يكون نسى الموضوع ويوم السبت مايمشي يشتكي للاستاذ
ياسلام لو الواحد يغمض ويفتح يلاقي نفسو في الماضي
زاتووووووووو
|
Post: #7
Title: خميسك لو تبيع قميصك ؟؟
Author: garjah
Date: 08-22-2002, 10:05 AM
أخوي الزول زاتووووو
تحياتي وانت دائما سكينك في اللحم الحي
واليلة الخميس
وما دام الموضوع موضوع زكريات
فلقد كنا مجموعة أصدقاء نسكن الخرطوم بحري
ويوم الخميس هو يوم
البلو نايل
سينما النيل الازرق
كانت تعرض دائما الافلام الراقية
كنا كلو واحد
بيدفع ريال (سوداني موش
ما تقول لي انت عايش من زمن السينما بيريال
والريال كان بيكفي دخول السينما والعشاء والسجاير للجماعة البيدخنو
وسبب أني كنت مدخنا في يوم من الايام هو هذا الشيرنك فالواحد كان بيدفع ريالو والجماعة يدخنو
وكنت ارى اثار الكيف واضحة عليهم فبدات بتخميسة ثم سيجارة
ومن ديك وعيك
وأذكر أننا عند العودة من السينما كنا غالبا لا نجد مواصلات لبحري
وكنا نقطع الكوبري مشيا
لنتعشى جنب وطنية بحري
فعلا كانت ايام
ليتها تعود
|
Post: #8
Title: Re: خميسك لو تبيع قميصك ؟؟
Author: ALZOLZATOO
Date: 08-22-2002, 10:20 AM
ياسلام ياقرجه
يوم لقيت صحبانا في الحلة شايلين عكاكيز اصغر من بتاعك ده شويه كده قلت ليهم الحاصل شنو قالو خاشين الدور التاني قلت ليهم والله البطل زاتو لو شافكم ح يقوم جاري هههههههههه يكه
زاتووووووو
____________
يازمن وقف شويه
|
Post: #9
Title: Re: خميسك لو تبيع قميصك ؟؟
Author: سمندلاوى
Date: 08-22-2002, 12:01 PM
Parent: #8
!! الزول
والله انت عارف يوم الخميس دا , عندنا هناك كنا بننتظر جكس الداخليات لما يكونن مارقات ماشات اهلن , عليك امن الله اليوم داك مافى زول بتغدى فى بيتو , كلها صياعة ومبارات ضلله ,, وكمان زى ماقلت الواحد من الصباح هاك ياغسيل وهاك يامكوة , اصلو الواحد بكون عندو برومس وبعد داك يتمها حفلة ولو كانت فى الواغ الواغ ,,, آآآآآآآآآآآىخ من خميس رفاعة وجكسها البشبه البلور
سمندلاوى
|
Post: #10
Title: Re: خميسك لو تبيع قميصك ؟؟
Author: bamseka
Date: 08-22-2002, 02:34 PM
Parent: #9
الزول زاتووو
سلام يا جميل يامنتهى الالفة
انت عارف انا كنت يوم الخميس دا مابشتغل فيهو ابدا
والبرنامج الف فيهو لكن الان وحياتك يازول بشتغل 18 ساعة فى اليوم وياحليل ايام زمان
تحياتى زاتووووو
|
Post: #11
Title: Re: خميسك لو تبيع قميصك ؟؟
Author: زهره
Date: 08-22-2002, 03:53 PM
Parent: #10
الاخ العزيز الزول زاتو
اختمال يكونو ناس اوروبا عندهم يوم السبت اجازه
..لكن يا اخوي يعميني من الاجازه دي كلها عاملاها نظافه وغسيل ومكوه
احييييييييييي انا من المكوه بكرهها عمي ولما خلاااااص القي لي وقت
امشي انجدع انوم واول ما النومه تبقي سمحه اقوم مخلوعه ذي المجنونه
من صوت شكل الولدين اصلو ما بيحلي ليهم الشكل الا وانا نائمه
وفي لحظتها ديك اقرررب اظعمط شعري .... احييي انا... يا حليل السودان
ولمه يوم الجمعه مع الاهل والحبان
الله يرجعنا السودان
|
Post: #12
Title: Re: خميسك لو تبيع قميصك ؟؟
Author: james
Date: 08-22-2002, 04:13 PM
Parent: #11
الزول زاتوو
ده تلميح خطير جدا ،، اشتغل في شنو ،، ده كلام
شنو يازاتوو
|
Post: #13
Title: Re: خميسك لو تبيع قميصك ؟؟
Author: Haytham
Date: 08-22-2002, 04:26 PM
يا قرجه
سكنت في بحري وين؟ انا برضو كنت ساكن في بحري و قريب جداً من سينما وطنيه!!
سلام
هيثم
|
Post: #14
Title: Re: خميسك لو تبيع قميصك ؟؟
Author: ALZOLZATOO
Date: 08-23-2002, 07:36 PM
تحية للناس الحلوة كلها
احلى خميس في احلى بورد
ياجيمس تلميح شنو يازول انا قلت ليك الناس الشغالين في شقق مفروشه ماعندهم خميس وجمعه شغالين طوالي
اسمعني لو رسلت ليك صورة بتاعة كلباش بوليس وصور ممكن تلبسهم الكلباشات هههههههههههههههههه يكه وشكرا
زاتوووووووووو
|
Post: #15
Title: Re: خميسك لو تبيع قميصك ؟؟
Author: noha_g
Date: 10-31-2002, 06:44 PM
يا حليل الخميس لما كان إجازة
و يا حليل الاستمتاع بالإجازة
و يا حليل البرامج
هنا كله واحد
و الله ما بتعرف خميسك من سبتك
كلو واحد
|
Post: #16
Title: Re: خميسك لو تبيع قميصك ؟؟
Author: 3asoola
Date: 10-31-2002, 06:51 PM
Parent: #15
ehy ehy ehyyyyyyyyy aha 3ad bakeeny ya abo lisan looooooooool walay ana niseeeeeeeeeeeeet 7aja ismaha '7ameeeeeeees dy lol alila '7ameeees lakin lama a9al albait alsa3a 8 7iiiiiiilaaaaaaaaak alla yajeeeeeeeeebak ya youm alsabit ma tansa ma3aho al2a7ad kman 
|
Post: #17
Title: Re: خميسك لو تبيع قميصك ؟؟
Author: nooralaen
Date: 11-01-2002, 06:28 PM
Parent: #16
الزوووووووووول زاتو الله يخرب شيطانك خليت الجماعة كلهم فتوهو وحتوهو حت عااااد مابسالكم لانو انحنا يوم الخميس يادوبك
حده بنعمل فيهو الليلية وزكر سااااااااااكت للصبا
لكن جمعتك ولو تخرب سمعتك
|
Post: #18
Title: Re: خميسك لو تبيع قميصك ؟؟
Author: ALZOLZATOO
Date: 11-01-2002, 09:06 PM
يانور العين انت وينك وين
انت اسع بحت الموضع ده من وين
يوم الجمعه يازول ده كمان برنامجو براهو يعني لمن البحر يكون قائم بنمشي البحر كل جمعة يا مشينا سوق الناقة يا اتكسرنا وقعدنا في البيت
لكن اسع يوم الجمعة يوم النوم العالمي ههههههههه يكه تجي داخل البيت تلاقي الناس صلو الصبح وتديها نومه ماتقوم الا عيييييييييييك خليها ساكت
زاتووووووووو
|
Post: #19
Title: Re: خميسك لو تبيع قميصك ؟؟
Author: نصار
Date: 11-01-2002, 09:25 PM
نحنا هنا نقول شنو يعنى
يا زاتو؟
نقول
جمعتك و لو تبع جزمتك
لووووووووول
اكرمكم الله
لكن لو بعتها ياكا القعدته فى البيت
مع البرد العجيب دا
|
Post: #20
Title: Re: خميسك لو تبيع قميصك ؟؟
Author: nooralaen
Date: 11-02-2002, 05:15 PM
Parent: #19
بس تعال هنا يا زاتو بتمشو البحر بتسو شنو ده يا ربى يكون ركووووووب الفيلة ولا شنو
|
Post: #21
Title: Re: خميسك لو تبيع قميصك ؟؟
Author: ALZOLZATOO
Date: 11-02-2002, 10:44 PM
الاخ نصار مساء الخير
ههههههههههه يكه طيب ياخي بسيطه بيع فرده واحده والبس سفنجه مع الفرده التانيه والناس ح يقولو معوق قع قع قع قع ههههههههههه يكه ذكرتني المتوسطه لمن الواحد كان يجي لا بس سفنجه بيمشي لي واحد من فصل تاني ويديهو فردة سفنجه ويشيل منو فرده جزمه والاستاذ بيقول الناس ديل معوقين وما بيشتغل بيهم والله زمن
نور العين انت بس جاري للمساؤي بتاعة البحر هههههههه يكه
لا ياخي نحن بنمشي عشان حاجات كتيره منها ترفيه وتسليه وتاني شنو ايوا اني نسيت الحوت وما انسانيه الا الشيطان ان اذكره
زاتووووووووو
|
Post: #22
Title: Re: خميسك لو تبيع قميصك ؟؟
Author: garjah
Date: 03-27-2003, 08:13 AM
طولت الغيبة
يالزول اللذيذ
زاتووو
|
|