Post: #1
Title: تحليل اعضاء البورد موسيقيا
Author: HAMZA SULIMAN
Date: 08-20-2002, 01:48 PM
Parent: #0
الاخوه الاعزاء
شكرا لكم لكل هذا الالق والابداع ....من خلال كتاباتكم ساحاول تحليلكم موسيقيا ليقينى ان البورد فجر كل هذه الطاقات الكاكنه الخلاقه والمبدعه ولان مجتمع البورد غير ....فلكل هنا مبدع
نحاول تحويل العائله الموسيقيه الى عائله بشريه فيها كل علاقات
المجتمع الجد.. الاب ..الاخ ..الاخت ..ود الجيران ..الحبيبه ..العاشق
ونحاول نتخيل اصوات الالات الموسيقيه ...
بكرى ابوبكر.... اله الباص او الكونترباص لان هذه الاله يرجع لها
المؤالف الموسيقى فى كل حركاته فى عباره عن سند
اللحن والايقاع ويعنى اليقين والثبات
يوسف الموصلى..... المايسترو القائد الموسيقى
غدى..شيرى..انسانه..مسرات ..سماح..نجمه..لولىبوبا..امدر..بت امدر
فاطمه..شجون..فينوس..dreams ..بكرى ..
عازفات الكمان والكمنجه فى العائله الموسيقيه
هى تعادل فى المجتمع الحبيبه والصولست لهن
اى العازفه المنفرده هى ..... غدى ..
ود الجيلى ....... الجيتار ويعادل ود الجيران البحب الكمنجه
والجيتار دائم الحوار مع الكمنجه
نها ............. فلوت.... دوره منادى هو يبحث عن اليف دائما
خلى اب شرا
ابو حراز .......... ساكسفون وهو يعادل العاشق المحب الولهان
وجتهم كثر لكن اكثرهم ابوحراز
بناديها............ بيانو وهو يعادل فى المجتمع فيلسوف العائله
ابو يسرا ..بدرالدين شنا ...محسن الصلحابى...جنى..الليندى...بخاف
معاويه ...عادل عثمان...
عازفى الشيلو يعادل الانفعال الهادى
ودعزة ............ هارمونى وهو يوسع من دائره العمل الموسيقى
وهو راسى يجعل من العمل عمقا اخرا
روبنسون..وليم اندريا..دافى..الجعلى..صلاح..المسافه..دواش..عبدالله
مارد..قرجه..صفر ..رقم صفر..يحى بن عوف بامسكا..النورس الحزين..
اساسى..ابوسوزان..خالد عويس..امدرمان ..موردابى..سلطان ..الحبيب
ابومهيار ..
كلهم كورال
فنجرى ..هيثم ...ايمو..منوت ... الات نحاسيه تعنى التنبيه والصحيان
بت النيل ...الورده...بوزعوا فى الورود للجميع بلون الحب..
زهجانه ....... بتجهز فى صاله العرض وبتحرك فى ناس الساوند وتوصيل
الاضاءه ولبس العازفين
عبد العزيز وbigbrethr بجهزوا مع الموصلى ورق النوته وبوزعزه للعازفين
وليد 500 .... مسئول من التذاكر والدخول
انور .. حمزة.. المغنيين ال......
تماضر شيخ الدين ...... مصممه الازياء والرقصات اخراج وتمثيل
يا زول يازول ....... مقدم الحفل
خلاص الحفل ح يبدا وكل زول فى حتتو ... وغدى بتتهندم لانها
صولوا ... وزهجانه خلاص وصلت قمه زهجه وقالت اول ما تبدا الحفل ح ترتاح.. وخلاص الموصلى وقف وادا اشاره البدايه ونغنى مع بعض كلنا
بلدنا نعلى شانه يا ناس سودانا نادانا
وللغنى للجميع .
|
Post: #2
Title: Re: تحليل اعضاء البورد موسيقيا
Author: بكرى
Date: 08-20-2002, 01:57 PM
Parent: #1
!!اخى حمزة
والله دى اوركسترا سيمفونى سودانية ميه الميه,, يلا نعزف جميعا بحبك بريدك ياوطن
لك حبى
سمندلاوى
|
Post: #3
Title: Re: تحليل اعضاء البورد موسيقيا
Author: dreams
Date: 08-20-2002, 01:59 PM
Parent: #1
خلينا نسمى المقطوعة الاولى
لغة النيل
عشان كلهم بتكلموا عن البلد واغلبهم بعيدين لكن موية النيل فى دمهم وحروفهم رويانة به
ياغدى ..... والله انا سعيدة بك وفعلا دائما بلتزم الصمت فى حضرت حروفك ... الموسيقية
|
Post: #4
Title: Re: تحليل اعضاء البورد موسيقيا
Author: HAMZA SULIMAN
Date: 08-20-2002, 02:10 PM
Parent: #3
اخى الرائع الفنان
حقيقه البورد كما قلت اوركسترا سودانيه ميه الميه
ودمت دائما رائع ...
|
Post: #6
Title: Re: تحليل اعضاء البورد موسيقيا
Author: HAMZA SULIMAN
Date: 08-20-2002, 02:15 PM
Parent: #4
والمقطوعه التانيه نسميها
الشوق
دريمز
لاننا نشتاق اليك دريمز... وكل من عرفناه هنا ولم نراه
|
Post: #5
Title: Re: تحليل اعضاء البورد موسيقيا
Author: غدى
Date: 08-20-2002, 02:13 PM
Parent: #3
|
Post: #26
Title: Re: تحليل اعضاء البورد موسيقيا
Author: HAMZA SULIMAN
Date: 08-20-2002, 07:42 PM
Parent: #5
غدى
حاحه ذى نقر الاصابع لما تشتاق للموسيقى
|
Post: #7
Title: Re: تحليل اعضاء البورد موسيقيا
Author: شندى
Date: 08-20-2002, 02:19 PM
Parent: #1
تعال ياجنا
مالك ماجبت سيرتى
لكن ماعندك مشكله تب
انا الطباخ
ترانى لقيت ليه وظيفة معاكم
|
Post: #8
Title: Re: تحليل اعضاء البورد موسيقيا
Author: خالد عويس
Date: 08-20-2002, 02:33 PM
Parent: #7
صديقى العزيز حمزة
كورال مرة واااااااااااااااحدة !!
بتستحملوا ؟؟؟؟
يا خى انا عندى صوت كان غنيت بيهو فى الحمام الصابون يشرد
زمان العزيز ابراهيم العوام قال لى خلى الشلاقة فى الحاجات الما بتعرف ليها
الوكت داك كنت مفتكر نفسى شاعر
مسح بى الواطة
وقال لى اخير تكون روائى وبس
سمعت نصيحتو وبطلت الشعر نهائيا
اسمع وبس
لكن احاول لا
فرضا كده انا واقف اتطوطح فى الكورال وردى سمعنى
موقفى حيكون شنو فى الامم المتحدة
انا ما ناسى شغلة عماد احمد الطيب معاهو ايام الانتفاضة و( فدا فدا )
مرات هنا فى بيت العزابة ( افتح عينك يا ابو حراز ) بقوم اغنى لما تهف لى
تعرف الشباب كلهم بيخلوا البيت
رغم انو صوتى جميل
ولحد الان ما عارفم بيخلوا البيت ليييييه
عموما كده نشوف رأى اخونا الموصلى كمان
غايتو كان قررتوا قرار نهائى
انا عايز ضمانات انو ما حيحصل قصف امريكى لا قدر الله
بتهمة الارهاب
والعداء للانسانية
انا واخوى ابوحراز ده خلونا نسند الحيطة بى ورا
|
Post: #9
Title: Re: تحليل اعضاء البورد موسيقيا
Author: خالد عويس
Date: 08-20-2002, 02:35 PM
Parent: #8
قال ابو حراز ساكسفون قال
هو هسع ابوحراز بيعرف الساكسفون بينفخو بى وين ؟؟؟؟
مع الاعتذار لظريف البورد ابو حراز الذى آمل ان التقى به يوما ما
هذا الرائع الذى ادمنت كتاباته
|
Post: #11
Title: Re: تحليل اعضاء البورد موسيقيا
Author: ابوحراز
Date: 08-20-2002, 03:39 PM
Parent: #9
الله يقصك
والشكر للأستاذ المخضرم حمزة سليمان
تعال ياعويس انت
انت مفتكرني انا بتاع زمبارة قصب وللا شنو
والله انا لمن كنت بصفر في الشارع يكون انت ولا ولدوك
جانا مرة فنان معاهو طمبور
آلة الطمبور دي بحبها جداً
لكن ماشفتها على الطبيعة نهائي
المهم يازول كنا معزومين عشاء وقاعدين في السطوح
صاحبك قال أحسن ياخد ليهو تكية
شفت لي مخدة حمراء قلتي لي واحد صاحبي ناولني المخدة دي الننتكي فوقها
قال لي والله اول مرة اعرف انك بهيمة
ياخي دا ما الطنبور ذاتووووووو
قال سكسفون قال
وما بال بيل كلنتون يعزف على الطار
|
Post: #17
Title: Re: تحليل اعضاء البورد موسيقيا
Author: Elmosley
Date: 08-20-2002, 05:52 PM
Parent: #8
ياخالد الجمعه بيمشو بره عشان يشيلو الجرايد يقروا مقالاتك بدل يسمعو صوتك الحمامي
|
Post: #23
Title: Re: تحليل اعضاء البورد موسيقيا
Author: HAMZA SULIMAN
Date: 08-20-2002, 07:25 PM
Parent: #8
الصديق الرائع
خالد عويس
ياخى خلى التواضع انت زول فنان ..... غنى بقلمك ... فغنائك الصحفى نحن لا نجيده فمحاولاتنا هذه الا محاوله لنكون بعض مما عندكم
ولم نكون
لك حبى
|
Post: #21
Title: Re: تحليل اعضاء البورد موسيقيا
Author: HAMZA SULIMAN
Date: 08-20-2002, 07:15 PM
Parent: #7
الاخ شندى
يا خى ولدك ده مخوفنا... ومافى مشكله تاخد اله طوالى بس الولد خلى فى البيت
|
Post: #10
Title: Re: تحليل اعضاء البورد موسيقيا
Author: منعم
Date: 08-20-2002, 02:48 PM
Parent: #1
يا حمزة يا مبدع
نحنا طلعنا من ارضك ومن جرحك ومن قمحك ومن حفلتك زاتها
لكن اقول ليك شئ ؟
نحنا اكتر ناس حا نكون مستمتعين بى حفلتكم دى لانة نحن الجمهور
البيحبكم وبيحب غناكم وبيحب وجودكم دايمآ
|
Post: #12
Title: Re: تحليل اعضاء البورد موسيقيا
Author: Elmosley
Date: 08-20-2002, 03:41 PM
Parent: #1
ياسلام علي اوركسترتك الحلوه
بس نسيت قرشو عازف الشيلو العامل اللينك بين الالات
والخواض مهندس الصوت
وعمر رجب عازف التمباني في القفلات التامه والعجوز اقنوز
في الاداره العامه
|
Post: #13
Title: Re: تحليل اعضاء البورد موسيقيا
Author: wadazza
Date: 08-20-2002, 04:04 PM
Parent: #12
مبدعنا حمزة
تحليل تمام..
ووحدة شعبية
تحياتى
ود عزة
|
Post: #22
Title: Re: تحليل اعضاء البورد موسيقيا
Author: HAMZA SULIMAN
Date: 08-20-2002, 07:20 PM
Parent: #12
استاذ الموصلى
قرشو مسئول من عشا الفنانين
|
Post: #40
Title: Re: تحليل اعضاء البورد موسيقيا
Author: banadieha
Date: 08-21-2002, 06:56 AM
Parent: #12
والله ياحمزة يادرة امدر..إنت نقشت شهادتي شنو
وبعد ما قريت بوست الموصلي إني سافرت مع إمراة
و"ذوبني" العلم عرفت إنو في أمل يجي يوم وأكون
بمستوى بيانو في الثقافة الموسيقية فأنا قبل بوست
الموصلي كنت أحس أنني لا أساوي حتى تلك الريشة للنقرشة
على العود..شكرا ياوجيه
|
Post: #69
Title: Re: تحليل اعضاء البورد موسيقيا
Author: HAMZA SULIMAN
Date: 08-22-2002, 04:45 PM
Parent: #40
لك الشكر ايها العالم الذى هدانى له احساسى ..... واعتقد
ما احسسته صحيحا عن شخصك العزيز بناديها انت بيانو البورد والثقافه السودانيه وريشه عود تغنى دائما
عازة فى هواك
لك التقدير
|
Post: #14
Title: Re: تحليل اعضاء البورد موسيقيا
Author: ALZOLZATOO
Date: 08-20-2002, 04:16 PM
Parent: #1
ياحمزه انا عندي حافلة 25 راكب ههههههههههه يكه اكيد محتاجين لي بتاع حافلة الفنانين ولا شنو حافلة جديدة مكندشه وفيها سبت بي فوق ومكتوب في القزاز الوراني في الليله ومرسوم ديك كبير بس ماديك الجن ههههههههه يكه نتمنى ان يكون البورد سيمفونية تعزف ايقاع الوطن ومهما اختلفت الالات فاللحن واحد
زاتو
______________
غنوا معانا غنوة العيد والفرح الليلة يوم ميلاد فرحنا
|
Post: #15
Title: Re: تحليل اعضاء البورد موسيقيا
Author: Yassir Mahgoub
Date: 08-20-2002, 04:32 PM
Parent: #1
أسمع يا حمزة أنا يا بنقز يا بيركشن ولا بفرتكـــه
|
Post: #16
Title: Re: تحليل اعضاء البورد موسيقيا
Author: عزيز
Date: 08-20-2002, 05:17 PM
Parent: #15
اخى الحبيب حمزه
فى حضرت هذا الزخم الاوركسترالى بقيادة استاذنا الفذ الموصلى وشدو الرائعين حمزه سليمان وانور عبدالرحمن لا استطيع ان أفعل شئ سوى الجلوس فى المقدمه أستمع واستمتع بهذا الابداع الفريد
واعود بالذاكره الى ايام خوالد مازال صداها يهز اوتار المشاعر فيحدث فيها لحنا طروبا
|
Post: #18
Title: Re: تحليل اعضاء البورد موسيقيا
Author: غدى
Date: 08-20-2002, 05:57 PM
Parent: #16
|
Post: #19
Title: Re: تحليل اعضاء البورد موسيقيا
Author: wadaldeem
Date: 08-20-2002, 06:17 PM
Parent: #1
ياحمزة سليمان على الطلاق العود بيمسكوه من وين مابنعرف لكن اخوك برفع ليكم الساوند وجاهز موية ونور عضلات تبش بثبت ليكم الضهب الفى الباب ومحل الرهيفة خليها تتقد
|
Post: #20
Title: Re: تحليل اعضاء البورد موسيقيا
Author: Al-Masafaa
Date: 08-20-2002, 07:08 PM
Parent: #19
اخونا حمزة انت جنيت و لا عضاك كلب اوركسترا شنو و كورال شنو و وجع راس شوف ليك اورغن سنين و خليك مع الزمن اختف ليك عدادات سمينة و كتر من ابشرا و العربية و الجلابية تلقانا كلنا كورال معاك اتوماتيك و تسلم يا غالي
|
Post: #25
Title: Re: تحليل اعضاء البورد موسيقيا
Author: HAMZA SULIMAN
Date: 08-20-2002, 07:35 PM
Parent: #20
اخوناالمسافه
والله لا جنيت ولا عاضينى كلب وكان بنغنى الغنا القلتو ده .....
اكان هس الامر تانى ....
ولك التحيه يا رايع ..
|
Post: #24
Title: Re: تحليل اعضاء البورد موسيقيا
Author: wadaldeem
Date: 08-20-2002, 07:27 PM
Parent: #1
الزول زاتو بسسسسس حافلتك دى البتنفع معانا وشايف ياسر محجوب قال بفرتقها,,,يامان بيقدر ولا بعدين بيقول عازمنى حمزة ونبقى فى الواسطات بالليل داك
|
Post: #27
Title: Re: تحليل اعضاء البورد موسيقيا
Author: noha_g
Date: 08-20-2002, 08:10 PM
Parent: #1
حمزة سليمان
شكرا لك يا رائع على غدخالي ضمن عازفي هذه السمفونية التي اعتبرها من أجمل السيمفونيات
إنها سيمفونية الإلفة و التواصل المنقطع النظير
سيمفونية العشق
و الله و لن تصدقني اليوم بالذات وردت على خاطري أغنية بلبدنا نعلي شانا و جعلت أدندن بهامع نفسي
سبحان الله القلوب عند بعضها
لك تحيتي أنا اعشق الفلوت و هو آلة حنينة تداعب دائماأوتاري
ليتني أكون فلوتا يرسل انغامه لتداعب قلوب ابورداب الذين أحبهم حبا لا يعرف حدود الكلمات و لا حواجز الزمان و المكان التي تفصلنا
لك و لكل أعضاء الاوركسترا ودي و حبي
الفلوت نهى
|
Post: #28
Title: Re: تحليل اعضاء البورد موسيقيا
Author: عبدالله
Date: 08-20-2002, 08:21 PM
Parent: #27
حمزه ايها الرائع
اكاد اسمع لحن الكورال الان
نغني للوطن وسنظل
لك التحيه عبدالله رهن الاشاره
فيي موضع معكم من اجل الوطن
|
Post: #30
Title: Re: تحليل اعضاء البورد موسيقيا
Author: PLAYER
Date: 08-20-2002, 08:30 PM
Parent: #28
يا شباب
تذاكر الدخول بكام عشان نجى ندخل الحفلة... لو قدور قروشنا.....ولا ناس ام طرق العراض ممنوعين من الحفلات الراقية دا
player
|
Post: #29
Title: Re: تحليل اعضاء البورد موسيقيا
Author: أبنوسة
Date: 08-20-2002, 08:24 PM
Parent: #27
أخوي حمزة
منو بالله الكلمك وقال ليك أختك شترة...وإيقاعا فارق
|
Post: #31
Title: Re: تحليل اعضاء البورد موسيقيا
Author: المسافر
Date: 08-20-2002, 08:37 PM
Parent: #1
عمكم مستمع ، على الأقل ختو لي كرسي في الصف الأمامي
|
Post: #32
Title: Re: تحليل اعضاء البورد موسيقيا
Author: Master
Date: 08-20-2002, 09:47 PM
Parent: #1
حمزه سليمان....
كلام الله مابنابه.... لكن علي بالطلاق الفيك إتعرفت ...
نحن اولاد بلد نقعد نقوم علي كيفنا..
في لقى في عدم دايما مخرف صيفنا...
انحنا الخرج بنملاهو وبنكرم ضيفنا...
ونحنا الفوق رقاب الناس مجرب سيفنا ....
يازول كيف تنساني ....وماتشوفي لي شغلاانيه معاكن ؟؟؟؟
.... اسمع كلامي يازول هوي ... انا السكر مابعرفو ولا بخبر دربو.... وكرهي في الدنيا الزول البسكر .... لكن ليك علي ... يوم حفلتكن داك اجيكن سكران وافرتق الحفله ... وابيت في السجن ....
ونشرب إن وردنا الماء صفوا ..... ويشرب غيرنا كدرا وطينا
|
Post: #33
Title: Re: تحليل اعضاء البورد موسيقيا
Author: Elmosley
Date: 08-21-2002, 00:19 AM
Parent: #32
ياماستر ايه رايك تبقي نايب المايسترو اي العبدلله
انا رشحتك تب
|
Post: #34
Title: Re: تحليل اعضاء البورد موسيقيا
Author: Master
Date: 08-21-2002, 00:28 AM
Parent: #1
الموصلي ....
يازول مشكور ... وانا قبلت ... مع إنو مابعرف كوعي من بوعي في الشغلانه دي .... لكن علي الاقل يكون عندي وظيفه ... هسي ناس الآر آي إس كان جو حايمين بي جاي .....إنت دايرن يجو يلقوني عاطل ؟؟؟
|
Post: #35
Title: Re: تحليل اعضاء البورد موسيقيا
Author: Tumadir
Date: 08-21-2002, 02:43 AM
Parent: #34
انا بخرج العرض دة لكن ما حيكون غنا بس..
حيكون فى عرض مسرحى
ودايرة ممثلين وممثلات يقوموا بادوار..
ادونى فرصة اقدم ليكم كراسة الاخراج... لما اتاملكم ... بعين المخرج..
دايرة فنيين... اضاءة
دايره مدير خشبة
فنى صوت
مساعدين مخرج
واركسترا وراء الكواليس للموسيقى التصويرية
ومصمم ازياء... وفنى مكياج... غيرى
ولو دايرين تابلوه راقص
دايرة ناس رشيقين... وايقاعهم صحيح.. وجسمهم مرن للرقيص
فمن يانس فى نفسه الكفاءة فاليتقدم
دور الشخص الحكيم، البوعظ وبدى الراى السديد
دور الراوى
دور الشاعر شاهد العصر
دور المحب... الولهان
دور الحبيبة
دور الام
دور الاب
دور اليافع
دور الاهبل
الاحمق
دور التاجر المادى
دور الساسي الببيع الموية فى البحر
دور الدكتور. الممرض.
الاستاذ المحامى . القاضى. الحاكم.
البوليس. الشرطى. رجل الامن
دور الرئيس.
دور السجين
دور الضحية. المظلوم
المكلوم. التعيس
كل واحد او واحدة يشوفوا روحهم بناسبوا وين ... او اصدقاهم يوجهونا...
ولنا عودة
|
Post: #36
Title: Re: تحليل اعضاء البورد موسيقيا
Author: Elmosley
Date: 08-21-2002, 03:07 AM
Parent: #35
انا البطل الكتل الخاين ياتماضر
|
Post: #37
Title: Re: تحليل اعضاء البورد موسيقيا
Author: Tumadir
Date: 08-21-2002, 04:23 AM
Parent: #36
جملتك الكاتبها مع الابتسامة الفى الصورة نهى كرجم بس
|
Post: #42
Title: Re: تحليل اعضاء البورد موسيقيا
Author: يازولyazoalيازول
Date: 08-21-2002, 07:22 AM
Parent: #37
ياتماضر هسع ده شنو البتسوى فيه ده؟؟؟؟؟
الحفلة لسع ما بدت وأنا مفروض أقدمها مشيت ضبطت الكرفته وسبسبت الشعر وضربت لى كم كاس كده لزوم الشجاعة والجمل المشاعة
أووووف أوووووف
تيس تيس تيس
واحد واحد واحد
سيداتى آنساتى سادتى
بكم ومعكم يحلو السمر
ونحن فى مستهل حفلنا الساهر هذا
أوووف أوووف
مازال الليل طفل يحبو
لكن لقيتك قلبتى الشغلة مسرح وبتوزعى فى الأدوار
فقلت احسن لى ابقى مع الشيالين بتاعين أهل العوض
صحى انتى بالمناسبة دى ما دايره ليك شيال؟؟؟؟؟
loooooooooooooooooooooooooooool
الأستاذ حمزة سليمان
أنت مبدع والله بكل المقاييس
وفنان بحق وحقيقة
|
Post: #50
Title: Re: تحليل اعضاء البورد موسيقيا
Author: Elmosley
Date: 08-21-2002, 01:36 PM
Parent: #37
يعني بل كل نهي
طيب انا الخاين الكتلو البطل
|
Post: #38
Title: Re: تحليل اعضاء البورد موسيقيا
Author: ابوحراز
Date: 08-21-2002, 06:20 AM
Parent: #35
كنت عاوز اقول ليك داير دور الحكيم
لكن لقيت بيني وبين الحكمة
كالمسافة الجغرافية بينك وبين الخرتوم
قلت أكون انا الخاين الكتلوا الزول ابكضيمات دا
برضو لقيت انو الموصلي دا باعوضة مايقدر يقتلها
لكن اقول ليك حاجة أنا حجزت
الأحمق دا
والباقي انشاء الله تشاكلوا فيهو
|
Post: #39
Title: Re: تحليل اعضاء البورد موسيقيا
Author: Ahlalawad
Date: 08-21-2002, 06:43 AM
Parent: #1
آخوانا ما بتدورولكم شيالين؟
نشيل أي شي
تقيل
باغات
وكدا
|
Post: #41
Title: Re: تحليل اعضاء البورد موسيقيا
Author: masarat
Date: 08-21-2002, 07:01 AM
Parent: #39
يا حمزة انا بحب الفلوت و البكلو و كنت منجضة اخوك بيهم لمان كان بيدرسناتذوق الموسيقى و بكره الكمنجة ليه تقول على كمنجة
|
Post: #43
Title: Re: تحليل اعضاء البورد موسيقيا
Author: ايهاب
Date: 08-21-2002, 08:21 AM
Parent: #41
غايتو يا جماعه انا لقيت لي شغلانيه اشارك بيها الاتنين كان موسيقى كان مسرح ادوني بس الستاره ينتهي الكورال اقفلا يبدا المسرح افتحا و كدا....رايكم شنو موش اساسي عليكم الله هههههههههههه
لكن جد دي حا تكون ملحمه عديك كدا
لكم كل الود والتحيه
|
Post: #44
Title: Re: تحليل اعضاء البورد موسيقيا
Author: shogon
Date: 08-21-2002, 08:57 AM
Parent: #1
مرحبا
استاذ / حمزه
كونت اوكسترا جميله
هي من اسرة هذا البورد الذي جمعنا رغم بعد المسافات
ووضعتني حيث احب فكم اتمنى يوما ان امتلك كمانا لاعزف عليه وها انا
اعزف مع اسرتي واجد نفسي اقف بينهم وننشد اجمل المقاطع نتغني باجمل
الالحان نغني للوطن والحب 0000 ولكل ما هو جميل
فلك التحيه لطرحك الجميل
ولغدى الرائعه مني كل الحب
|
Post: #45
Title: Re: تحليل اعضاء البورد موسيقيا
Author: الشرغوف
Date: 08-21-2002, 09:31 AM
Parent: #44
الاستاذ حمزة
نحن الدبايب وحا اعزم معاى التاج صديق وناصر عباس رايك شنو؟؟
|
Post: #46
Title: Re: تحليل اعضاء البورد موسيقيا
Author: aurbbi
Date: 08-21-2002, 10:57 AM
Parent: #1
|
Post: #47
Title: Re: تحليل اعضاء البورد موسيقيا
Author: بت قضيم
Date: 08-21-2002, 11:38 AM
Parent: #1
دلوكة كيف يا شباب
|
Post: #48
Title: Re: تحليل اعضاء البورد موسيقيا
Author: sama7-au
Date: 08-21-2002, 11:45 AM
Parent: #1
المتفرد الاستاذ حمزة
تحليلك رهيب والله
ومتخيلة نفسى في الصورة بتاعت اروبي
ههههي
يا ربي دي منو البترقص دي؟؟؟؟
سماح
|
Post: #49
Title: Re: تحليل اعضاء البورد موسيقيا
Author: HAMZA SULIMAN
Date: 08-21-2002, 12:11 PM
Parent: #48
سماح ...
انت المتفرده برقصاتك الجميله...
سلام
|
Post: #51
Title: Re: تحليل اعضاء البورد موسيقيا
Author: ALZOLZATOO
Date: 08-21-2002, 02:52 PM
Parent: #1
سؤال فني للاستاذ الموصلي والاستاذ حمزة
هل هناك عدد محدد لاعضاء السيمفونية لانو زمان كنت بشوف جيمس لاست والله مالين المسرح كلو بتاعين الكمنجه قريب للعشرين واحد ههههههههه يكه يعني ابو العروس بيتو خرب برضو شايف في قناة سلطنة عمان سيمفونية جنس زحمة الحاصل شنو هل مع تتطور الالات الموسيقه لم يتم الاستغناء عن بعض الالات ؟؟
وشكرا
زاتوووووو
|
Post: #56
Title: Re: تحليل اعضاء البورد موسيقيا
Author: Elmosley
Date: 08-21-2002, 07:23 PM
Parent: #51
ومنو القال ليك نحنا ماشين نغني في بيت العرس
انت عايزتقطع عيش ناس الكهربه ولا شنو
شيل ليك اي اله وتعال ان شاء الله فندق الجيران دق واديهم ليهو
|
Post: #52
Title: فرقة سودانية
Author: ALMURADABI
Date: 08-21-2002, 04:01 PM
Parent: #1
الاح حمزة اعفينى من الكورال اخير لى الدنب او الايقاع
ومعا نعزف نحن فى السودان نهوى اوطانا
القرقوووور
|
Post: #53
Title: Re: تحليل اعضاء البورد موسيقيا
Author: tally
Date: 08-21-2002, 06:08 PM
Parent: #1
الاستاذ الفنان حمزة سليمان
تحليلك او تفكيرك مية المية ، لكن نسيت الجمهور ... على الاقل ضيوف الشرف وين من الاكسترا العذبة دي ؟ على اي حال ، اوركسترا رومانسية والله
انا من ناس الحضور في الكراسي الخلفية لوووووول
|
Post: #54
Title: Re: تحليل اعضاء البورد موسيقيا
Author: Master
Date: 08-21-2002, 07:11 PM
Parent: #1
ياتماضر....
انا كان كنت بعرف شويه تمثيل كنت قمت ليكن بي دور احدب نوتردام ..... شنه وكده ...... ههههههه يكه....
|
Post: #55
Title: Re: تحليل اعضاء البورد موسيقيا
Author: falcon
Date: 08-21-2002, 07:16 PM
Parent: #1
يا تماضر
الوظائف المطلوبة دي ما قلتي العداد كم
اوعي تكون حفلة خيرية؟؟؟؟
|
Post: #57
Title: Re: تحليل اعضاء البورد موسيقيا
Author: ALZOLZATOO
Date: 08-22-2002, 07:10 AM
Parent: #1
يا استاذنا الموصلي
كهرباء شنو الح تعتمدو عليها والله انا شايف قبل ماتكونو الفرقه احسن تشتروا جنريتر كبير البيجروهو بالعربية داك لانو الكهرباء العارفه انا مابتشغل ليكم الالات دي كلها وتجو بعدين تقولو لي ادينا البطارية بتاعة الحافلة هههههههههههههه يكه
بعدين الاضاءة في المسرح لازم تعينو ليها مهندس تمام اما بخصوص الالة بتاعتي انا زمان كنت عامل فيها بتاع بنقز ماعارف السمفونية فيها بنقز ولا مافيها لو مافيها كفانا الحافلة وبس وكرسيك قدام يا استاذ
زاتووووووو
______________
|
Post: #58
Title: Re: تحليل اعضاء البورد موسيقيا
Author: Abu Suzan
Date: 08-22-2002, 08:00 AM
Parent: #57
التحية لك يا أستاذ حمزة
أختيارك للكورال موفق أصلي كنت زمان بشارك في المديح في حولية الأتنين والخميس في حوش بيتنا.
بالمناسبة دي دايرك إنت والأستاذ الموصلي والاستاذة تماضر تفتوني في مسألة شاغلاني كتير. أصلو ولدي الكبير وعمره 16 سنةغاوي غناء وموسيقى وصوتو جميل وأنا ما قصرت شفت ليهو معهد موسيقى يأخذ فيها دروس موسيقية في أوقات الفراغ بعد المدرسة. لحدي هنا والموضوع كويس...هسع إشترك في مسابقة المواهب التي نظمها التلفزيون الكندي وكان ترتيبه الخامس على مستوى المحافظة...وترتيبو دا يمكن يسمح ليهو ينافس على مستوى القطر...هسع ما عندو شغلة غير الموسيقى وأهمل الدراسة برمتها...جلست معاهو وبهداوة قلت ليهو الفنانين العظماء ديل ناس متعلمين وعشان تكون فنان عظيم لازم تهتم بقرايتك أولا وشوية شوية ممكن تحقق رغبتك...وفي الوقت الراهن خلي الموسيقى دي تكون هوايتك في أوقات الفراغ ويكون همك الكبير هو القراية...وأنا ما عندي مانع أمشي معاك إلى تورونتو لو إسمك طلع في قائمة المتنافسين على مستوى القطر...بس عاوزك توعدني أنك تهتم بالقراية في الوقت دا أكتر من الموسيقى. أخوتي أفتوني إن كانت نصيحتي هي الصواب ولكم الشكر
|
Post: #59
Title: Re: تحليل اعضاء البورد موسيقيا
Author: HAMZA SULIMAN
Date: 08-22-2002, 09:40 AM
Parent: #58
الاخ ابو سوزان
لك التحيه
يا سلام وانت تتعامل مع ابنك بهذه الاريحيه والحوار ...ليت الجميع
مثلك يحاولون ان يكتشفوا مواهب ابنائهم .... وعلموا اولادكم لزمان
غير زمانكم ....فارى اخى ابو سوزان العلوم القادمه هى الدراسات
الفنيه والانسانيه التى تهتم بروح المجتمع فنحن فى السودان ننظر دائما الى ابنائنا ان يدرسوا الدراسات الاكاديميه مثل الهندسه
المدنيه او المعمار رغم من ان المعمار يتبع الى الاداب اكثر من
الهندسه لكنها هندسه عندنا والعالم اتبنا معماريا فان نبنى انسانا
خير من ندخر مالا انبنى عماره فنحن فى زحمه الغربه وهموم البيت
العماره ننسى اولادنا وصياغتهم كما يشتهوا فلهم الخيار ....
وصدقنى كل من يمارس مواهبه وهو صغير من الشطار اكاديميا وفنيا
فلا تقلق على الموهب القادم حفظه الله سبحانه وتعالى ورعاه .
|
Post: #60
Title: Re: تحليل اعضاء البورد موسيقيا
Author: Tumadir
Date: 08-22-2002, 09:49 AM
Parent: #59
برضو بالاضافة لى كلام حمزة..
انا بقول ليك وديهو مدرسة فنون استعراضية فى النظام الامريكى والكندى المدرسة دى فيها كل المواد الاكاديمية العادية بالاضافة للموسيقى والمسرح والرسم...دى للطلبة المسكونين بالفن زى ولدك... لما يكونو بيخايدو المواد الفنية بصورة نظامية... بتوازنوا اكاديميا ... وبنجحوا فى الفن وفى العلوم الأخرى
دة مش الانت بتفتش ليه؟
اتمنى لى ولدك مستقبل زاهر
|
Post: #61
Title: Re: تحليل اعضاء البورد موسيقيا
Author: Abu Suzan
Date: 08-22-2002, 10:06 AM
Parent: #60
الأخ حمزة والأخت تماضر لكم التحية والشكر على النصيحة...سأحاول البحث عن تلك المدرسة التي تتوفر فيها الأمكانات الأكاديمية وتلك المتعلقة بتطوير المواهب وآمل أن تكون موجودة في المدينة. الآن عندهم في المدرسة الثانوية فصولا للموسيقى بس ما تدرسه من موسيقى لا يجد إقبالا لدي أبني ويحاول الأنضمام إلى واحدة من الفرق الشبابية خارج المدرسة
|
Post: #62
Title: Re: تحليل اعضاء البورد موسيقيا
Author: بت امدر
Date: 08-22-2002, 01:37 PM
Parent: #61
تشكر يازوق يا حنين طبعا انا بحب صوت الكمان لانو حنين ورقيق ورغم رقتة قوي وياريتني ابقي زي صوت الكمان اصل والمس الدواخل كما هي الكمنجة وبتمني التقدم ليك دائما.
|
Post: #64
Title: Re: تحليل اعضاء البورد موسيقيا
Author: bamseka
Date: 08-22-2002, 02:35 PM
Parent: #62
استاذنا صاحب الرنين الخلاب الجزاب تسلم سيدى على نضارة الاختيارات
|
Post: #63
Title: Re: تحليل اعضاء البورد موسيقيا
Author: Abu Mariam
Date: 08-22-2002, 02:32 PM
Parent: #1
تحياتي لكم جمعا و دى اول مرة اكتب ليكم لانكم لطاف جدا
|
Post: #68
Title: Re: تحليل اعضاء البورد موسيقيا
Author: فنجري
Date: 08-22-2002, 02:48 PM
Parent: #63
و الله عجبتني حكاية الالات النحاسية و من هسع ح اجيب لي صفيحة و اتمرن ..بس شرطي الاساسي اكون وراء بتاع السكسفون ابو حراز ....عشان تاني خطيبتو الا تتكلم معاهو بي ساوند سيستم ...بالمناسبة يا الرائع حمزة هل الالات النحاسية بيكون ليها نوت موسيقية.....و بيختو ليهم نوت قدامهم زي باقي الاوركسترا..
مع ودي
|
Post: #65
Title: Re: تحليل اعضاء البورد موسيقيا
Author: Abu Mariam
Date: 08-22-2002, 02:38 PM
Parent: #1
تحياتي لكم جمعا
و دى اول مرة اكتب ليكم لانكم لطاف جدا
|
Post: #66
Title: Re: تحليل اعضاء البورد موسيقيا
Author: Abu Mariam
Date: 08-22-2002, 02:45 PM
Parent: #1
تحياتي لكم جمعا
و دى اول مرة اكتب ليكم لانكم لطاف جدا
but it's not handy to use the Arabic keyboard, any how greetings to you all, and i'll be one of the best readers, becouse i'v got very little time to answert and write you, next time i am going to you more about myself,
take care
Sadig
|
Post: #67
Title: Re: تحليل اعضاء البورد موسيقيا
Author: Tumadir
Date: 08-22-2002, 02:47 PM
Parent: #66
Sadig and Abu Mariam? you sound like my brother. Are you Elsadig SheikhEddin?
tell the truth.
|
Post: #70
Title: Re: تحليل اعضاء البورد موسيقيا
Author: HAMZA SULIMAN
Date: 08-22-2002, 05:06 PM
Parent: #67
الزول زاتو ....... لك الشكر
tally .......... لك الشكر
المردابى ......... كيف لو غنيت
بت قضيم ....... شتم كيف
اروبى .......... شكرا للصوره وانت بتتنسى
الشرغوف ......... انت منو يا حبيبى ... اخو غرباتشوف
شجون ....لاول مره شجون تعنى الفرح
اهل العوض...... شيال التقيله
بت امدر ....... اللحن الاصيل يسكن الدواخل .. ولك الشكر
بامسيكا.... يا ود القبايل شكرا
ابو مرام ..... لك التحيه ونتمنة ان تجد الزمن لنا ولو قليلا
فنجرى ...... ما صفيحه نديك ترامبيت اوضح صوتا ونعم بختوا ليها
نوته
لكم محبتى جميعا وادام الله الود بيننا
|
Post: #71
Title: Re: تحليل اعضاء البورد موسيقيا
Author: Wad Aljaili
Date: 08-22-2002, 05:11 PM
Parent: #70
ما اختساس عاد
|
Post: #73
Title: Re: تحليل اعضاء البورد موسيقيا
Author: HAMZA SULIMAN
Date: 08-22-2002, 05:21 PM
Parent: #71
الاخت ابنوسه
كيف يكون زمنك اشتر وانت البدوزنى ايقاع الكلام لك السلام
...
|
Post: #87
Title: Re: تحليل اعضاء البورد موسيقيا
Author: ahmed khidir
Date: 04-17-2003, 05:38 AM
Parent: #70
|
Post: #72
Title: Re: تحليل اعضاء البورد موسيقيا
Author: فاطمه
Date: 08-22-2002, 05:18 PM
Parent: #1
العزيز حمزه
عفوا الاستاذ حمزه
لى المفخره ان اكون من ضمن عائلتك الموسقيه
برغم انى لا اجيد العزف من اساسه
ولكن ساعزف على الكمان الذىاخترته لى فانا لا اظنه كباقى
الكمنجات
ايكون كمان من احساس
قد فاض بلا مقياس
ام شوقا للاوطان
قد زاد لهيبه
لن تطفيه الا
زرات تراب السودان
لك الود كله
فاطمه
ــــــــ
كلماتنا فى الحب تقتل حبنا ان الحروف تموت حين تقال
|
Post: #74
Title: Re: تحليل اعضاء البورد موسيقيا
Author: almulaomar
Date: 04-16-2003, 03:22 PM
Parent: #1
الأخ حمزة سليمان
وأنا أنقب في أرشيف البورد طالعني مقالك هذا عن تحليل أعضاء البورد موسيقياً وأحسب أنه مع إنضمام أعضاء جدد لابد من إعادة توزيع الأدوار يا مايسترو.
لك التقدير
|
Post: #75
Title: Re: تحليل اعضاء البورد موسيقيا
Author: ghurba
Date: 04-16-2003, 03:56 PM
Parent: #74
والله ياحمزة سليمان .......زعععععععععللللللللاااااننننة انا عارفه روحي لابجدع لا بجيب الحجار لكن انشاءالله اعزمنى احر الكوراك حققكم ده...
|
Post: #84
Title: Re: تحليل اعضاء البورد موسيقيا
Author: HAMZA SULIMAN
Date: 04-16-2003, 10:54 PM
Parent: #75
غربه
انت ما بزعلوك
ما انت الشاعر البنغنى كلماتو
فى الحفله
لك الموده
|
Post: #76
Title: Re: تحليل اعضاء البورد موسيقيا
Author: Teeta
Date: 04-16-2003, 04:27 PM
Parent: #1
ايه رايكم انا امسك ليكم الايقاع
بس ما تقولوا شتره
ام الاء
|
Post: #77
Title: Re: تحليل اعضاء البورد موسيقيا
Author: اسامة الخاتم
Date: 04-16-2003, 04:31 PM
Parent: #1
انا غايتو ما ح اغنى يا حمزة
ولا ح اعزف يا الموصلى
و لا ح امثل يا تماضر
انا بحرس ليكم الحفلة
حماية يعنى
اصلى متعود و لا شنو !
|
Post: #78
Title: Re: تحليل اعضاء البورد موسيقيا
Author: Teeta
Date: 04-16-2003, 04:40 PM
Parent: #1
ايه رايكم امسك ليكم الايقاع
بس ما تقولوا خالفت الزمن اصلى شتره
ام الاء
|
Post: #79
Title: Re: تحليل اعضاء البورد موسيقيا
Author: أبو ساندرا
Date: 04-16-2003, 05:37 PM
Parent: #78
يا حمزة،نحنا الجماعة البيفرتقو الحفلات ،وديل طبعآ ما بتجيبو سيرتم ،مع إنو دورم أساسي في إنقاذ الناس من الحفلات البايخة
|
Post: #83
Title: Re: تحليل اعضاء البورد موسيقيا
Author: HAMZA SULIMAN
Date: 04-16-2003, 10:40 PM
Parent: #78
ام الاء
طالما شعارك علاكه من حروف الموسيقى
ما ح تكونى شتره
|
Post: #80
Title: Re: تحليل اعضاء البورد موسيقيا
Author: KOSTA
Date: 04-16-2003, 10:16 PM
Parent: #1
يا حمزة سليمان
عندك تصريح للحفلة دى ؟؟؟؟
|
Post: #82
Title: Re: تحليل اعضاء البورد موسيقيا
Author: HAMZA SULIMAN
Date: 04-16-2003, 10:33 PM
Parent: #80
kOSTA
يا اخوى عملنا التصريح
زمااااااااااان
|
Post: #81
Title: Re: تحليل اعضاء البورد موسيقيا
Author: altahir_2
Date: 04-16-2003, 10:25 PM
Parent: #1
الحبيب حمزة سليمان مافي اي مشكلة وانا من دربي حاباشر حجز صالة العرض وتنظيم الحفلة . اها رايك شنو؟
|
Post: #85
Title: Re: تحليل اعضاء البورد موسيقيا
Author: HAMZA SULIMAN
Date: 04-16-2003, 10:56 PM
Parent: #81
انت يا الطاهر الفنان
كيف تقوم بى التجهيز
خلى التجهيز لى ناس ابوساندرا
بدل ما يفرتقوا الحفلات
|
Post: #86
Title: Re: تحليل اعضاء البورد موسيقيا
Author: ZARIA
Date: 04-16-2003, 11:14 PM
Parent: #85
الأستاذ حمزه
وانا ماااالي قال ما معدوده مع الناس ديل ولا عشان جديده وجايه الحفله ضهب
دوما
Zaria
|
Post: #88
Title: Re: تحليل اعضاء البورد موسيقيا
Author: ahmed khidir
Date: 04-17-2003, 05:53 AM
Parent: #86
الاســـاتذة تماضر ,الموصلى وحمـــــــزة
رايكم شنو اقوم بالتصوير , عشان تكون الاعمال الكبيرة دى
موثقة ,وللذكرى والتاريخ
احمـــــــــد خضـــــــــر
|
Post: #89
Title: Re: تحليل اعضاء البورد موسيقيا
Author: ظبية
Date: 04-17-2003, 07:44 AM
Parent: #88
انا اسمى مكتوب
طييييييييييييييب
 ظبية
|
Post: #92
Title: Re: تحليل اعضاء البورد موسيقيا
Author: HAMZA SULIMAN
Date: 04-17-2003, 08:22 AM
Parent: #89
يا ظبيه انت الملهمه
|
Post: #91
Title: Re: تحليل اعضاء البورد موسيقيا
Author: HAMZA SULIMAN
Date: 04-17-2003, 08:20 AM
Parent: #88
اخى الحبيب
احمد خضر
لك التحيه
انت دئما الهميم
وسعيد لوجودك هنا فى البورد
ولك التحيه
ولى الاسره
|
Post: #90
Title: Re: تحليل اعضاء البورد موسيقيا
Author: HAMZA SULIMAN
Date: 04-17-2003, 08:17 AM
Parent: #86
يا ذا ذا ذا ذاريا
يا ذاااااااااااريا
الخاطره ليه زمن يعنى قبل ما تشرفونا
ونحن عملنا الحفله دى عشان انتو تجو
|
Post: #93
Title: Re: تحليل اعضاء البورد موسيقيا
Author: ابو نور
Date: 04-17-2003, 01:01 PM
Parent: #90
بالرغم من اننا لم نكن من البورداب علي حسب التصنيف والعنوان الا انني احسب انه تم ذلك سهوا ولا شنو يا استاذ/ حمزه
والله يسامحك، عموما ح نفرض نفسنا علي الجو الموسيقي الرائع ديت ونقول انه بامكاننا ان نتولي آلة العود لانني احبها جدا ولا اتقنها للاسف وغاية امانيا الموسيقيه ان اتعلم العزف عليه للدندنه الشخصيه واشباع روحي وذاتي، كما يسرني ان اتبرع بطباعة الحفل الموسيقي علي سي دي وطبع الغلاف الخارجي له مع وضع عنوان لحن للوطن اخراج الاستاذ/ حمزه سليمان واداء/ مجموعة البورداب الموسيقيه رايكم شنو
انت عارف يا استاذ/ حمزه الحفل ناقصه منو ، المبدع دوما وصاحب الصوت المتفرد الاستاذ/ شمت
ويا ريت لو قدرت جبتو لينا في البورد وهذا يعني اضافه ضخمه وثره للبورد
وشوف لي معاك عود رخيص كده اشتريه لزوم الدندنه ولك كل الود والتحايا
ابونور
|
|