زوجاتكم يامغتربين

اكثر النساء حوامة فى الاسواق وبدون موضوع زوجات المغتربين

يعملن شنو يا شندي مسكينات لو كان في شندي كانوا بيدخلن بيت بيت وما يخلن ونسة ، لكن في البلاد ده الناس مقفلين بيوتن وقاعدين ومافي طريقة الا السوق

حرم حرم فى شندى الواحده لو مرقت لى جارتها تمرق بالضره
الكلام يا جيمس
فى البتبخترن ديل يا جنا

حرم عديييييييل كده وبي ضرتها كمان ،هذه هي روح اهل شندي ، حيا الله شندي وسكانها

هل وضحت لنا اي نوع من الاسواق ياود حوش بانقا

منذ متىكانت النساء يتاثرن بصفات ازواجهن مغتربين او حلاقين او مزارعين او مدرسين او وزراء او ملوك
المراة هى المراة يا سيد

وكل التحيه شندى وانا اتمنى من كل قلبى انا اتعرف عليك
تجمعنا شندى الجميله يا غالى وياريت ما بتبخل علينا فى انو نتعرف عليك شديد
________________________________________
الحبيب

سلام يا جعلين سلام يا اولاد واحفاد المك نمر
سلام شندى
موضوعك جدير بالمناقشة
وكلامك عين الواقع وانا واحد طول يومى فى محل تجارى او حياتى كلها فى السوق ومن الملاحظه النساء المتزوجات وزواجهن بالخارج هم اكثر ترداد الى الاماكن العامه مثل الاسواق وعلى العلم فى الولايات اكثر من العاصمة
شكرا شندى على الموضوع الجميل

ياود العم انا معاك انو المرأة هى مرأة
لكن فى حريم بختلفن شديد
بالزات بالزات بالزات زوجات المغتربين وفى الزمن دا ياخوى بختلفن بس ياخوى كدى انا عايز اعرفن نسوان المغتربين ديل الواحده اليوم كلو دايشه فى كرعيها

اولا يا شندي الوليد البلعب في الكراتي دا انت سارقوا من ريمو
ثانيا يا اخوي نحن حايمتات بي كرعيك ثالثا كان ما مشينا السوق واشترينا السلع دي ما بتبور
الله يدينا خيركم ويكفينا السنتكم

اولا يا شندي الوليد البلعب في الكراتي دا انت سارقوا من ريمو
ثانيا يا اخوي نحن حايمتات بي كرعيك ثالثا كان ما مشينا السوق واشترينا السلع دي ما بتبور
الله يدينا خيركم ويكفينا السنتكم

رابعا الحوامه ما نوع من الرياضه يعني بس نتكسر في البيوت ؟؟

الله يدينا العافيه ويخلي لينا ازواجنا المغتربين ويكتر قروشهم عشان نحوم ونحوم

شندى

انت ترمى لموضوع كبير وخطير جدا وهو لا يختلف عن الموضوع المطروح الان بواسطة احد الاخوة من سوء السلوك ولكن نساء ءالمغتربين تحت المجهر وهى لا شك مشكلة تحتاج للمواجهة مع النفس وليس دفن الرؤوس فى الرمال وكل واحد يقول انا واثق فى زوجتى فالهم عام وربنا يحفظ ولايانا وولايا المسلمين واعلم انه ليس بالدعوات يكون الحل ولكن اكر لابد من الاعتراف بالمشكلة ومواجهتها ووضع الحلول لها

مع تحياتى يا ود جعل
وتسلم شندى الجابتك

قرشو
انا مارميت الموضوع ياجنا
وحياتك يا الاخو دا شى انا ماكتبتو من مجرد ونسه لكن حرم عمك قاعد فى سوق ليهو سنين ولاحظ انو تداول زوجات المغتربين على الاماكن العامة والاسواق اكثر اكثر من الطالبات حرم
وبعدين بعيد عنك يا قرشو الواحده تعرف صاحب المتجر وتروح مندمجة بالكلام والضحك وتفك اخرها بالضحكات العاليه وتسمع الله يجازيك يا فلان وتروح الايد ضاربها بيد فلان والعجب كمان لو لقت ليها كرسى مطرف تقعد بالساعات خمسة وست ساعات وحياتك كمان يا جنا يعرفن اسامى اصحاب الدكاكين باسمهمو وكمان زوجاتهم وعديت اولادهم
قايتو انا لو اقتربت الحجل بالرجل اوع يا اخوى من اخليها وراى وحاتك اجازه ساكت ما بخليها تنزل تب بالشافتو عيونى يا الاخو

انا عارف انو كلامى حار وفى بعض من الناس ح يقولو عمنا دا اهبل وماعندو موضوع
لكن بينى وبينكم الحقيقة والكلام من عمق الجراح بتعد عدم موضوع

وماعايز واحد ولا واحده يزعل يا جنون

عمكم شندى

الأخ شنــــدي

أشكرك على طرحك لهذا الموضوع الهام..ولكن أي نساء المغتربين تعني؟؟؟ اللآئي يعشن داخل السودان أم خارجه؟؟؟؟
إن كان الأمر متعلق باللائي يعشن داخل السودان فلن أدلي بدلوي في الموضوع لعدم إلمامي بحجم المشكلة هناك ولا أريد أن أتجني علي أحد ولكن إن كان الأمر يشمل اللآئي يعشن خارج السودان وبالتحديد في السعوديـــه فذاك خزي وعار وغسيل قذر يجب أن ينشر ويواجه بكل شجاعة وواقعية والأمر برمته لايوصف بأكثر من أنه سوء سلوك كما قال الأخ قرشو..بل أن تسعة وتسعون بالمائة من المخازي والإنحرافات السلوكية مصدرها أولئك اللواتي لا هم لهن سوي التسكع في الأسواق وما أدراك ما الأسواق..بعضهن تحت سمع وبصر سبع البرمبه الزوج..والبعض الآخر تحت غفلته وكلا الرجلين يتبرأ منهما جنس الرجال..وليت الأمر يقف عند إرتياد الأسواق فقط..من خلال معايشتنا للأوضاع هنا أجزم بأن نسبة كبير وكبيرة جدا منهن مصابات بداء السعر..سعر المادة والذهب..واجزم أيضا أن عدد السودانيات اللواتي يتسكعن في سوق واحد ويوم واحد يساوي أو يزيد عن عدد النساء من جميع الجنسيات اللواتي يرتدن جميع أسوق المدينة علي مدار الأسبوع..ضاع رصيدنا من السمعة الحسنة التي خلفها أوائلنـا بسببهن.. والحديث طويل لنا اليه عوده إنشاء الله

kundark
الولد دا مانى سارقو ياجنا
بعدين يا اخوى ولد ريمو لابس لباس ازرق وبتاعى دا لابس اخضر

النيل
الظاهرة دى فى زوجات المغتربين الموجودات داخل السودان والكلام دا حقيقة والله

يا جماعة التعميم مصييييييييييبة

الاخ نيل 1
تحية طيبة
انتا مية ، مية
وكلمة حق لافض فوه من قالها
لا شك في ان التعميم قد يثير اللبس .
لكن دا الحاصل
والظاهرة دي في البره البلد والجوة البلد الاتنين طرف السوط هابشم . ويا فيصل يا خوي الظاهر عليك انتا جوة البلد وشكرا علي نقل ما تشاهد من اجل حريم افضل لو ربنا مرقك من البلد كدي امشي شوف الاسواق خارجها.
تري عجبا..بل وتشم عجبا .
واخلاق تجارنا برة البلد تعجبك عدييييييل .

لكن بس الحمد لله الشغلة دي بس في اسواق السودانيين بس ..
وربما لانو الخدار ما بندار الا لنا . .علي الاقل حتي الان

الحاجة الكويسة في اثارة الموضوع دة انو ممكن ينحلا بي بساطة من خلال استمرار البوست دا وشوية توعية من الجهات البتقدر تنصح يعني.. ما زي مشكلة جنوب السودان ما بتنحل الا في حياة اخري .
ولا تزال سمعتنا عموما جيدة ..ونستطيع الامساك بزمام الحريم ..المقصودات .

يا ربي..... المعتربين ديل ما فيهم زول واحد بس معرس من شندي؟

الحكاية مامغتربيين وغير مغتربين ولاشندى والخرطوم او نيالا دة سلوك موجود في كل المدن والاجناس والطبقات واذا في واحد فيكم عنده بحث اجتماعي اهلاً به لكنك اطلاق الكلام علي عواهنه شي مضر والمرأة السودانية معروفة انها موجودة في الشارع للعمل والزيارة وغيرها وغيرها ومامعني انهن خرجن فالرزيلة تلاحقهن ارحموا اخواتكم وزواجتكم وجاراتكم وبعدين اذا المرأة مارست اي رزيلة فمع من تمارس؟ اليس هو الرجل ؟ لماذا لم يكن البوست عن ظاهرة فساد الاخلاق بصورة عامة؟؟؟؟؟؟؟؟؟

اذا كان حق الحلال حايم في بلادج الغربة بالسنين حق الحرام ما يتلقي بس جنس شمارات قايتو
قال احمد مطر
الناس ثلاثة اموات في اوطاني
والميت معناه قتيل
قسم يقتلة اصحاب الفيل
وقسم تقتلة اسرائيل
وقسم تقتلة عربائيل
وهي بلاد تمتد من الكعبة الي النيل
والله اشتقنا للموت بلا تنكيل
والله اشتقنا واشتقنا
انقذنا يا عزرائيل

ســـــلام فعلا التعميم مصييييييييييبة كبيرة


و بعدين الظاهرة دي ما مغتربين السودانيين بس كل الجنسيات نفس المشكلة



و الله نسوان السودان كلهن لو إغتربوا حا إكونو زيهن


يعني المشكلة ما زوجات المغتربين بس



و الدليل إنو كل السودانيين اللي بطلعوا بره السودان سواء كان


زيارة أو علاج أو دراسة أو حج أو عمرة برضو زي نسوان المغتربين



يعني زوجات المغتربين براااااااااااااءة من التهمة لكن بس كل الأنظار

مسلطة عليهن و كل الناس منتظرة أي هفوة من أي واحدة منهن علشان


إكون إتهام لكل زوجات المغتربين الله معاهن