عكسو تزوج على بركة الله

قبل تاشرات السنين حضرت الوالدة في زيارة لي ولآنها تشتكي
من وجع الركب والكرعين القاسم المشترك بين السودانيين قبل
الملاريا مشيت معاها لدكتور في مستشفي حديث وكان الإنبهار من
الممرضات البيض السمحات الدقيقونات ولما دخلنا على الدكتور
وكان أردني بشوش ولطيف لاقي الحاجة على أحسن ما يكون ولما طلب
منها أن تتمدد على تربيزة الكشف وراء الستارة أخذت الممرضة الفلبينية بيد الحاجة وقادتها لما وراء الستارة وساعدتها بكل
رفق وحنية على تسنم التربيزة ثم أنحنت وخلعت للوالدة جزمتها
وساعدتها على رفع قدميها وتمديدهما على التربيزة وإنبسطت الوالدة
من المعاملة الرقيقة اللطيفة وبعد الكشف قال لي الطبيب على
انفراد: هذا حكم العمر..بمعنى أنه لايصلح العطار ما أفسد الدهر
ثم لحقت بالوالدة التي كانت معنوياتها مرتفعة لباب السماء وقالت
لي البنيات ديل من وين؟ قلت ليها من الفلبين..قالت لي ياريت لو
تتزوج منهن..ولكن

تعرف ياعكسو ولكن دي كانت بسبب الصبينة وضيعت لي فرصة إضافة
عنصر جديد للأمة السودانية، عنصر يتحلى بالإنطلاقة الواعية والحياة
البسيطة الممتعة والمهنية العالية في ممارسة العمل واللبس وتذوق
الغناء ومباهج الحياة، ولكن عزائي أنك تريد أن تحقق ما أخفقت فيه
أنا قبل أعوام طويلة وعزائي أيضا هو أنني في ترددي على بعض السوبرماركاتات صادفت عوائل الأب فيها سوداني والأم فلبينية والعيال
طالعين خلاصية سمحة بين الأثنين..تزوج على بركة الله..المهم أن تتزوج
ياعكسو

اخى بناديها

الاخ عكسو الان ينعم بوجود فى مدينة المصطفى وقرب قبره الكريم وانا اقول ليه نوم بالخيرة ومليون سلام لحبيبنا المصطفى عليه افضل الصلاة واتم التسليم
اكيد حاتلقى حل مرضى والله معاك

بناديها يا ابوي أنا شايفاك قايد لك إتجاه ضد السودانيات مرة حيدر و مرة عكسو
يا زول فته أينك قدر الريال
أحسن لك تختانا


عكسو بما إنك في جوار النبي أستخير و ربنا يقدم لك الفيها الخير ولو طلعت الخيرة فيما انت مقدم عليه على بركة الله يا زول مبروك مقدما
لكن بناديها بنشوف شغلنا معاه بعد كدا

ابوي بناديها شنو الحاصل مالهم السودانيات مابنات ناس والله الحاصل عليهن شنو وقت انت ابونا بتنادي بالفلبينيات وداك حيدر المغربيات خلاص كان كدي انحنا زاتنا بندعوباتجاه البنات للشباب القيافة العيونون خضراء وشعرهم اشقر .ولا رايكم شنو لكن بعد دا كلو بلا ود بلدي مافي لي دواء .

عندي صديقي كان بدرس في الفلبين
وزولي دا من هنا كان شاف ليهو ورقة بيضاء يقوم يبوسها ويعاين فيها اليوم كلو
مشى هناك لقى ليك الدنيا كلها ابيض × ابيض
هسع بالله جلوريا ارو الرئيسة دي ماظريفونة خالص
المهم صاحبك ارتبط ليهو بواحدة فلبينينة جميلة جداً وارسل صورتها لأهل العوض عندنا في الجزيرة
المشكلة جاء ابوه والجماعة كلموه وقالوا ليهو ولدك عاوز اعرس الفلبينية دي
الأبو شال عكازو ومشى الكابينة بتاعت الإتصالات
قام قال لي ولده
ياخوي لو عاوز تعرس في السما الأحمر عرس فيهو
بس ما تقول لينا بعدين نسيبي الفلبيني مات ارح شيلو فيهو الفاتحة

عندي صديقي كان بدرس في الفلبين
وزولي دا من هنا كان شاف ليهو ورقة بيضاء يقوم يبوسها ويعاين فيها اليوم كلو
مشى هناك لقى ليك الدنيا كلها ابيض × ابيض
هسع بالله جلوريا ارو الرئيسة دي ماظريفونة خالص
المهم صاحبك ارتبط ليهو بواحدة فلبينينة جميلة جداً وارسل صورتها لأهل العوض عندنا في الجزيرة
المشكلة جاء ابوه والجماعة كلموه وقالوا ليهو ولدك عاوز اعرس الفلبينية دي
الأبو شال عكازو ومشى الكابينة بتاعت الإتصالات
قام قال لي ولده
ياخوي لو عاوز تعرس في السما الأحمر عرس فيهو
بس ما تقول لينا بعدين نسيبي الفلبيني مات ارح شيلو فيهو الفاتحة

LoOoOoOoL@ ابوحراز
((())((())

ليه كده بس يا بناديها !!! بناتنا احلى و اجمل من جميلات اوربا والله لو الواحدة فكروا يوزنوها...فدهب الدنيا كله ما يكفيها .... ناهيك عن الكيمياء البي تتوجد
مجرد التقاء آدم بحواء ....
يا شباب اسمعوا كلامى ده كويس
لا شرقية ولا غربية ... بت بلدك مافي زيها

والله قصه غريبه فعلا انا والله دي جيتي من عرس واحد من اصحابنا السودانين اتزوج واحده اردنيه ؟
ظاهره غريبه والله ؟
ياتري ليه ؟
وزي ما قالت اختنا تغريد بت بلدك اولي بك

كل اصدقائى المتزوجين اجنبيات... عندهم حزن دفين... وندم رهيب ... على عدم الزواج بسودانية... الغريبة بفتقدوا حاجات عادية ...ما ليها علاقة بالمظهر...ولا الجمال..حاجات اغلبها فى الونسة.. والشمار المشترك.. والالفاظ السودانية العادية ولفحة التوب والسفنجة ودق الكدر فى شارع كلو خيران فى الحارة سبعتاشر فى امبدة..يعنى حاجات ما مرئية وصغيرة... لكن ببكوا عشانا بكى..

فالمثل بقول أسال صديق مجرب ... وما تسال بناديها

اتفق معاك يا تماضر ... فهناك احساس دائم بانه في حاجه ناقصة عند المتزوجين من غير سودانية ... وزي ما قلتي في اشياء لا ينتبه لها الا من تنقصة هذه اللمسات التي هي نكهة الحياة الزوجية... من ونسه وقطيعة بريئة بين الزوج وزوجته وشمارات لذيذة.. بالذات انه لهجتنا السودانية فيها من المصطلحات ما لا يوجد في اللهجات الاخرى

قبل يومين كنت بحاول اقنع في واحد صاحبنا انه يتزوج من سودانية ففي الآخر لما خلاص قرب يقتنع قال لي : والله عندك حق كل شئ ولا ونسة الترجمة

اول مرة اعرف انو الأجنبيات ماعندهن كدر
كمان برضو ماعندهم امبدة ولا خمستاشر ولاسبعتاشر
واحد من أهل العوض تزوج ايطالية
هو من حلة اسمها عد النياق على وزن عد الغنم
اها الراجل من روما طوالي قال اجيب الايطالية يوريها عد النياق
اهو كلمها قال ليها اها النجيضة عاوزين نمشي لي اهلي في عد النياق
المهم جهزت نفسها وجو في مطار الخرطوم
الخواجية ضحكت وقالت ليهو
والله إد النياق مابتال هلو شديد
طبعاً مفتكرا انو دي عد النياق
وهي لسع المسكينة ماعارف الموية في عد النياق بشربوها من الصفيحة طوالي

قالت مابتال قالت

واحد معانا هنا ساق مرتو السودان.. وهى بتحكى لى عن انطباعاتا فى الزيارة.. قالت خسموها لللاكل لمن بكت وطرشت

ومنو غير السودانية..تتحمل مشاويرك ..وضيوفك..وزوغاتك..وامساكها بمعروف..فتملأك احساسا برجولتك..الى الدرجة التى تقف فيها بجوار
التلاجة وانت تنادى عليها..: يامرة أدينا كباية موية
تحياتى
ودعزة

ود عزة 00 يسلم فمك

ضيوفك وما ادراك ما ضيوفك
الرجل السودانى ، واشياء اخرى !!؟
**************
بت ام در
انتى صحى بتى ، وابوى بناديها
على كدة بناديها يكون جدك مش ابوك
ولا يهمك ، اتفسحى فيه لانو رجل فى عمر يصلح لان يكون ابو أمك
(جدو بناديها)
**************
قرشو 00 صباحك خير
عارفاك بتتحاوم هنا مع الصباح

خلينا نخالف بتى ( بت ام در) فى حتة عيونه خضراء وشعره اشقر
***
ابوى النيل ، جنسى سودانية
يا بت بلدى ود البلد شخصية
بس المهم عندى والشئ الوحيد شرطى ، من داخل السودان
***
رائك شنو فى الكلام دة ؟؟ شايفاك متكيف من بت كباشى
من ايام عيد ميلاد وليام ، بس مش وليام بتاعك الكذاب

الحبيب بناديها

سلام

للضرورة أحكام

شخصياًلا أشجع سودانيا على الزواج من أجنبية

أفضلها سودانية بالدرجة الممتازة ، ثم سودانية بالدرجة الأولى
وأيضاً سودانية بالدرجة الثالثة والرابعة ، حتى عربة الفرامل سودانية

أيه رأيك؟؟؟

حلوة زيك يا بناديها يا رايع

عكسو 00 على بركة الله
المهم ( قناعاتك ) وسعادتك ، العمر محدود
بالتوفيق وسعيد يارب

****************
الست تماضر 00 كلماتك تقطر (سودان)0
مننا وفينا، تسلمى يارب
وعلى رائك ، المشكلة فى الجائى بكرة
تفهمها كيف ( الونسة الدقاقة )0

بعيدا عن الموضوع ـ سألتك من قبل عن صحن الباشرى
وما جاوبتينى ، تسمحى تجاوبينى هنا !! هو شنو؟

ابوى 00 انت عارف؟؟ قول لى

****************
تزوجها بولندية الأصل ، عن ( حب ) وقناعة
بعد اكمال دراسته ، جاءت لتعيش معه فى السودان
لم تحتمل العيش ، شكت من ( الكتاحة والباعوض وقطوعات الكهرباء )0
رجعت الى ديارها وفى حضنها ( ابنهما ) ، بروح الشباب الطائشة
لم يأبه للأمر ، انتبه فى كبره الى ان ابنه مسيحى الديانة ولا ينتمى
الى وطن الجدود فى شئ ، ادرك مؤخرا ان الابناء امانة ومسئولية
امام صاحب الأمر كله ، يؤلمه الأمر ، وهو فى ال 53 يؤرق منامه

يؤلمنى ألمك ، فليحفظك من خلق من شر ما خلق

سودانية عوراء ولا ملكة جمال الفلبين. أسألوا مجرب ما تسألوا طبيب

ابوى بناديها ، تواجد أم فيونكة فى مدينة الضباب خرب طبعك
هوووووووى ( باستعارة سبابتك ) ، ما سمعتها قالت المواضيع دى
بتهيجها وتخليها تنفض الكلوش فى نص الحوش

مالو خلينا نقول اجنبية و( ما) سودانية ومعا من أجل انتاج
محسن ، بلا زرقة بلا غبشة

لكن ، تعيش معاك وين؟؟ اما ان توافقها على بلاد الاغتراب
الثلجى ( كما سميتها انت ) ، أو ان تظل مشردا بها بين
العرب 00000 ( وبدون اساءات !!) ، سودانا دة البقدر عليه منو
غيرنا نحن الغبش الكادحين السائلين الكريم


حكى لى زميل انه كان فى بيت حبوبته فى السودان ، ودخلت
من الباب ( توووووش ، على عادتنا ) واحدة شقراء ولابسة التوب
بطريقة غريبة وتتحدث اللهجة بركاكة ، جاءت ( تشحد طرقة كسرة) بعدما
مشت زميلى سأل حبوبته : دى منو ؟ قالت ليه دى زوجة ود الجيران
جابها معاه من رومانيا قبل 6 سنوات
قال ليها : لكن يا حبوبتى الجيران وود الجيران ما انتهوا منها
*******
ابوى ، خلينا نتفق ان نحن شعب عاداته وطبايعه
مخلوقة ليه ، ليه وبس

رأى شخصى 00 ضد الفكرة
رغم كدة قناعة صاحب الاختيار فوق اعتباراتى

والله يا بناديها والجماعة الكرام، كرهتى فى الدنيا دى اللون الأبيض فى النسوان، مش حاجة غريبة بالله

لونى المفضل يعنى زى ما تقول تجيب ليك كاكاو وتلخبطه بى لبن، وده ما متوفر كتير غير فى السودان

ده شى

الشى التانى لو ختو لى نسوان العالم كلهن، احوم فى نصهن أقدل زى فحل الضان على قول عمنا الطيب صالح، وافتش لمن القى السودانية، أختها جوه الجوه واجى متراوح

الشى التانى

لازم وضرورى من الضرورى انه اولادى يكونو سودانيين مية فى المية

المهم يا عكسو بخيت وسعيد عليك، لكين كان سمعت كلام بناديها دا، تسعين فى الميه من عمرك حيضيع

وبرضه اسال مجرب ولا تسال مفلبن (من الفلبيناب)

عكسو مبروك وعلى بركة الله زى ما قال بناديها
Go ahead

فتحتها قدر الفنجال يادكتورة نهى ج..وجدك يابت امدر وجدليك


وبعدين ياجماعة أنا لا أزايد على السودانية لكنني أسلط الضوء
على إتجاهات تآمرية تتسلل مثل الظل في القش وأنتم وأنتن غاضون
الطرف عنها وهي تجرف أو تهدم في قواعد الحنينة السكرة..وعكسو
من أحد أصحاب هذه الإتجاهات ومنجرف معها..وحتى افكها من رقبتي

هاكم شوف الكلام السمح في خشم سيدو..ويا أدعو ليهو زي ما أنا
وأخوي مارد عملنا يا أدوهو البديل وزمان قالوا أخطبي لنفسك وأطبقي
ولا تنتظري يخطبوك ويطبقوك


صرخة عكسو

بناديها

الى متى سيطول البعاد حبيبنا

قرشو

و انا مثلك اتساءل : الى متى هذا الانقطاع عن المريدين و المريدات يا بناديها ؟؟؟
اخى ان مكانتك شاغرة و اليباب عمّ دواخلنا بغيابك
فهل من عودة هل ؟؟؟
و امتى ترجع لامدر و تعودها ؟؟؟

بناديها

انا نشتهيك لا نشتاقك