|
جمهوريه امدرمان الفاضله
|
احبتى اهلى الامدرمانيين
سلام امدرمان تحيه
سنحتفل ونغنى لى امدرمان سويا وهناك كثير من الاحاسيس النيله
نترجمها من على البعد لتلك المدينه الفاضله ....
ولها السلام الحره سليله الملوك ...
وقع اسمك وقول انا امدرمان
واهلا بى كل محب ...المدينه فاتحه حضنها باحساس الامومه ...
|
|
|
|
|
|
|
|
Re: جمهوريه امدرمان الفاضله (Re: غدى)
|
يا الله عليكم يا رايعين - دي فكرة رائعة روعة أهل أمدرمان في كل مكان هم الألافة والمودة والتعاون والوعي والفهم لكم الود والتحية ويلا نبدأ
| |
|
|
|
|
|
|
امدرمانيه نعم (Re: HAMZA SULIMAN)
|
انا امدرمان لسان حالك اريتك تدرى بى حالى انا البدلته احوالك وحبك بدرى اوحى لى اقوم بى اعظم الادوار واكون الساحه لى الثوار وابقى البقعه لى الاحرار وامثل عزة السودان انا امدرماااااااااان هى امدرمان ارض المحنه ومعقل الفرسان هى امدرمان سعد كل من زاره وما ضنت على انسان لك التحيه حمزه ولكل اهل امدر صافى موده
اها اوقع هنا فاطمه ـــــــــــ ان الحروف تموت حين تقال
| |
|
|
|
|
|
|
Re: امدرمانيه نعم (Re: فاطمه)
|
والسكسك المنضوم حول الجبينه نجوم
والفنجريه تقوم تقهوج الحجاج
فاطمه الفنجريه سليله الكرم الامدرمانى يا اصيله.... سلام
| |
|
|
|
|
|
|
جمهورية امدرمان الفاضلة (Re: HAMZA SULIMAN)
|
انا امدرمان تأمل فى ربوعى انا السودان تمثل فى وجودى لك التحية اخونا حمزة سليمان يا مبدع انا الطابية المقابلة النيل انت وانتى ونحن جميعا نفخر بأننا من امدرمان وزى ما قلت فى بوست سابق لازم نعمل بوست كل زول من امدرمان يتكلم عن منطقتو علشان نورى الناس كلها من هى امدرمان
القرقوووووور
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
what is special about omdurman? nothing! it is an 18th century town or a big village. the theory that it is a melting pot of all tribes, races, cultures is a myth. a lie. omdurman gave birth to the majority of the elites who ruled sudan and caused all these problems and difficulties! this is why we have decided in khartoum north to fight for an independent state. we are going to exercise the right to self-determination. BAHRI FOR THE BAHRAWEEN!
| |
|
|
|
|
|
|
جمهورية امدرمان الفاضلة (Re: HAMZA SULIMAN)
|
الاخ بخاف حقيقة يسلم لسانك برضو بعيد انو مفروض نعمل بوست كل زول من امدرمان يتكلم عن منطقتو يعكس مجالات الابداع فيها والمبعين فى مختلف المجالات سواء ادبية وغنائية او الرياضة او السياسة
وبنتظر رد من اخوانا الامدرمانين
القرقوووووور
| |
|
|
|
|
|
|
Re: جمهورية امدرمان الفاضلة (Re: ALMURADABI)
|
الموردابى
احييك واتمنى ان يكون هذا البوست لكل امدرمانى يحكى ما يشاء
ويتداعى ما يشاء وارى ما فى داعى لتخصيص بورد كل على حدا وهذا
رجاء فقط او اقتراح .... ولك ما تشاء
ودمت ...
ودامت ابوكدوك وبانت والمورده احياء تحكى عن تاريخنا شامخه
| |
|
|
|
|
|
|
Re: جمهورية امدرمان الفاضلة (Re: HAMZA SULIMAN)
|
دائما انت رائع مبدعنا الاستاذ حمزة سليمان وامدرمان جميلة وما بوفيها حقها وبضم صوتي لي كل من اورد كلمة عن امدرمان الحبيبة واهل امرمان واضيف احمد داؤؤد اظرف ظرفاء امدرمان وسوق الشجرة والخنادقة وجامع الانصار و جامع الشيخ قريب الله وقبة المهدي قصر الشباب والاطفال وكل شبر في امدرمان بحيهو.وحبي لامدرمان مدي الدهر. انا امدرررررررررررمااااااان
| |
|
|
|
|
|
|
جمهورية امدرمان الفاضلة (Re: HAMZA SULIMAN)
|
الاخ الفاضل حمزة
انا مابقول بوست منفصل من البوست ده نبداء نتكلم عن احياء امدرمان نسرد حكاياتها ونروى قصصها وننشر فكرها للناس الما بيعرفونا وشكرا كتير على اثارة موضوع بمثل هذه الحيوة
تحية لابوروف سلام لبيت المال
الاخ بخاف يا مبدع برضو بقول ليك امدرمان هى الهاشماب وود البصير والدومة والركابية امدرمان اسماعيل الطهر وبت بتى واحمد بتى المدمان ودنفاش والهادى الضلالى امدرمان الدانوب وجورج مشرقى امدرمان قهورة ود الغاء امدرمان الارسالية امدرمان حوش الشيخ الطيب امدرمان خور ابوعنجة وخور شمبات تمدرمان كلية المعلمات زكلية التربية
واترك ليك الباقى تواصلو
القرقووووور
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
واذكر بقعة امدرمان واذكر في ربوعها آمال ذكر ياشبابي زمان امدرمان الفتيحاب امبده المهندسين بانت المورده العباسيه حي السوق الملازمين مكي ودارو المسالمه ابوروف بيت المال العرضه حي العمده ودنوباوي الثوره الحتانا ود البيخت شارع المورده شارع الاربعين شارع العوده شارع الاذاعه شارع الثوره بالنص شارع الثوره بالشنقيطي والوادي شارع العرضه امبده السبيل الردميه انا امدرماني للطيش سوق امدرمان سوق الشجرة السوق الشعبي الدلاله تعبته خلاص حجبوه من عيني الا من قلبي لا ماقدرو حجبوه زاتو
| |
|
|
|
|
|
|
Re: جمهوريه امدرمان الفاضله (Re: ALZOLZATOO)
|
اخى الزول زاتو
يا سلام عليك لما كتبت امبده السبيل واتم ليك محطه القرشى
هذه المحطه سميت على الشهيد القرشى تقبله الله فى هذه المدينه
ترعرعنا ونشانا وغنينا غناء العاشقين ....
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
فينوس للحلاقة
الموقع جوار المحطة الوسطي على يمينك وانت خارج من المحطة الوسطى في بداية شارع أبوروف مع تقاطع شارع كرري
كان يجتمع في ذلك الصالون الصغير فطاحلة أمدرمان من شعراء وأدباء ذلك العصر الذهبي
دهليز الشاعر الكبير توفيق صالح جبريل يقع في حي القلعة بامدرمان
ونواصل
Ridhaa
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
حقيقه الموضوع مثير ثري والناس زكرونا بي امدرمان الاصيله انا من اولاد الركابيه يعني ود جيران علي المك والسر دوليب والحمد لله والكثير من المبدعين امدرمان لا تحتاج الي تعريف فهي التي ضمت في ازقتها الاخوه اللوتراب القادمين من ارض الجزيره وغيرها امدرمان الجامعه الاهليه التي لا زالت تخرج اجيال من ابناء الوطن ولا تزال ارضها حبلي بالكثير امدرمان عبد المجيد حاج الامين صديق مدثر امدرمان لتي ضمت احمد المصطفي الدي يعد احد القمم الامدرمانيه وللحديث بقيه من امدر يا ربوع سودان نحييك و فيك كل امالنا
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
اخى حمزه
لك الود
عشقى امدرمان
الف العزة شموخ وصمود تاريخ بتقال000000000000
ميم موية النيل بتزيد تروى جبال00000000000000
دال دلوكه حاره شديد غناء وموال000000000000000
راء رجال بالحيل بتحيد فى الحاره نزال000000000000000
ميم معناها مدينة وعيد قصص ابطال0000000000000000
الف السودان بيها شديد و سترة حال0000000000000000
نون نسوانه كمان تمجيد ولدوا رجال00000000000000000
دى امدرمان
وطنى الان000000000000
جنسية كمان
لكل انسان يكون فنان
زى ما قلنا هى السودان000000
وطن الحبان
تقدر تختار0000
بس ما تحتار
كل الاحياء قصة عنوان
وكل الاحياء عندهم صنوان0000
والفاتوا زمان 000000000
خلو الحبان 0000
كتبوا اللحان 00000000000000
غنوها كمان 0000
100 فنان
الكلام كتييييييييييير عن امدرمان يا حمزه
وهسع الباب فاتح الداير يجى مرحب بيهو وحبابو عشره والف كمان0000000000000000
ولسه فى كلام كتير
مع سلالالالالالالالالالالالالالالالالالالالالالامى وكلالالالالالالالالالالالالامى
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
هههههههههه ضحكتني يا عادل قلته شنو استقلال ؟؟؟ خرطوم ؟؟؟ ما عارفكم يا اولاد الخرطوم كده فيكم حاجه قديمه لاكن اليومين ديل سموها الحنكشه والا شنو رايك يا عادل بس تعال اقول ليك حاجه لما كانت الخرطوم خرطوم وكان اولاد الطبقه الراقيه كده تتفاعل وتمشي لميدان التنس المفخره في ذاك الزمان وتلك الطبقه تعال كده شوف وين ا ول ميدان تنس حتلقاه في امدرمان وين يمكن بناديه يدلك او المورادابي بس وميدان تنس امدرمان جنب ناس منو ناس طلعت فريد واولاد طلعت فريد يعني اول ناس لعبو التنس وكانو الرواد في لعبة التنس في ميدان تنس الخرطوم والله دي حقيقه تانيه يعني ناس امدرمان مش حكموا السودان وكمان علموا المجتمع الرياضه بانواعه والفن والشعر الخ الخ يا عادل والله حتي الحنكشه جياكم من امدرمان يعني من زمن عزالدين الدحيش والا شنو يا ناس قال خرطوم قال ودمتم احبتي ابناء بلدي وين ما كنتم وامدرمان يا عادل بتفق معاك هي بوتقه انصهرت فيها كل القبائل والاعراق السودانيه ..... الحبيب حمزه انا بالتاكيد امدرماني حتي النخاع وبتلقاني وين مامشيت في امدرمان ميدان البحيره والا ميدان المولد والا مركز شباب امدرمان والا ميدان الباسكت في الكنيسه الانجيليه والا مدارس كمبوني امدرمان والا المظاهر والا حي العرب والا والا والا الا حي الامراء لانو فيها كده ناس من البورد شايلينها تقيله معاي لانو انا هلالبي وهم مريخاب وكمان ناس العباسيه المورداب ولكم مني كل الحب
| |
|
|
|
|
|
|
جمهورية امدرمان الفضلى (Re: HAMZA SULIMAN)
|
الاخ ود الخليفة والاخ علوبة
ليكم منى خالص التحيات امدرمان مهما قلنا عنها لن نعطيها حقها ولكن معا ننشر ثقافة وتاريخ اهل امدرمان
الاخ وليم طلعت هلالابى رشاشة حرام عليك لكن برضو الهلال هلال امدر ما هلال ..... ولا شنو
القرقووووور
| |
|
|
|
|
|
|
Re: جمهوريه امدرمان الفاضله (Re: Dafi)
|
الحبيب حمزه لك الحب أبو اواب امدرمان لها علي من الافضال ما صاغ عبدالعزيز الذى تعرفه درست الثانوى بالمؤتمر ودرست الموسيقى بقصر الشباب والاطفال ثم سكنت داخلية معهد الموسيقى والمسرح ببانت ( كر عمك الجزلى ) ولى بها اعز الاحباب وانت اولهم اليست امدرمان مفخره لى ولامثالى فأنا تواتى وامدرمان تشكل لى الضفه الغربية .. النيل وغروب الشمس وحلم الاماسى حبى لاواب ومحمد وامهم الامدرمانية
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
أأأأهـ ،،،،، وكلمة أأأأأهـ ما بتشفي مجروح وانا متيم بحبك يا أم درمان ...... التحية لك عزيزي حمزة سليمان وجميع المبدعون في هذا البورد من أبناء أم درمان
أخوكم الجعلي .... من حي البوستة بأمدرمان الأصالة ذلكم الحي الذي نشأنا في ربوعه وتمرغنا بترابه والذي لم تذكروه ولكنني أظن أنه سقط سهواً دون تعمد أو نسيان من الذاكرين ، ذلكم الحي الذي يذكر كل شبر فيه تاريخ خالد من تاريخ بلادي كيف لا وهو نقطة الارتكاز في وسط أمدرمان بالقرب من مبنى البوستة الشامخة وساعتها الأثرية ويقع فيه مستشفى البروفسور العالم التجاني الماحي من منا لايعلم دور هذا العالم المتميز رحمه الله وانا من شدة حبي لأمدرمان حالف إنه جميع مستنداتي تحمل توقيع أم درمان ابتداء من مدرسة أم درمان النموذجية ومروراً بمدرسة أم درمان الأميرية المتوسطة ومدرسة المؤتمر الثانوية بأمدرمان وإنتهاءً بجامعة أم درمان الإسلامية وهذا شرف لي بان تحمل جميع شهاداتي توقيع (أم درمان) وسمعت إنه حتى في أمريكا في منطقة اسمها (أم درمان) فهل هذا حقيقي - نرجو الإفادة - واضيف أم درمان التجاني الماحي الرباطاب آل التيمان جامعة الأحفاد آل بابكر بكري آل زروق آل منصور آل شبيكة آل الجزلي والبوستة أم درمان ميدان القش سوداتل (حديثا) السوق الكبير آل كلشوب آل تبيدي آل الدعيتة الأستاذ المرحوم عبد القادر كرف والأستاذ المرحوم يوسف الخليفة عبد الرحمن وآل الخليفة عبد السلام الزمزمي آل الصائغ كم وكم وكم وكم وكم من الآسر الأم درمانية الصيلة والعريقة
أخوكم الجعلي لياليّّ بعد الظاعنين شكول طوال وليلُ العاشقين طويل يُبن لي البدر الذي لاأريده ويخفين بدراً ما إليه سبيل
| |
|
|
|
|
|
|
جمهورية امدرمان الفاضلة (Re: HAMZA SULIMAN)
|
الاخ الجعلى حى البوستة من الاحياء القديمة جدا فى امدرمان وهى بحق مفخرة لينا كلنا وعطيك المزيد من حى البوسة نسيت ناس الكتيابى وخلوة الكتيابى وانتى جيرانا نحن ناس الموردة لو عاينا بالشباك نشوف حى البوستة
وسلام يا امدرمان يا سليلة العراقة
بالمناسبة انا خريج الموتمر والاهلية المتوسطة والموردة الابتدائة وجامعة امكدرمان الاهلية يعنى امدرمانى التعليم برضوووو
القرقوووور
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
الأخ حمزة سليمان انا ما نسيت البوستة ومذكورة في الإهداء وهي ممكن تتنسي شكرا ليك الأخ صلاح انت إنسان حاسد عديل كده وانت ما قلت لينا من وين علشان نقدر نرد عليك كويس أما أم درمان فليس هناك اي واحد يقدر يتكلم عنها فالعبرة بالعقول النيرة التي قدمتها في جميع المجالات سواء كانت سياسية أو اجتماعية أو اقتصادية او علمية فهي والله كنز لا شك في ذلك
الأخ القرقور انتو ياناس الموردة ليكم حب خاص وخاصة إنكم احتضنتمونا في مدرسة المؤتمر بالسمك والبوش وفي ميدان قلب الأسد ولك التحية ولكل الأخوة في الموردة الحبيبة لكن ما قلت لي دفعة كم في المؤتمر الثانوية انا دفعة 87 بالمؤتمر في عهد المرحوم المدير حسن سلك رحمه الله ومن قبله الأستاذ أمين خضر الزين سكرتير عام امتحانات السودان ود. أبو والأستاذ المرحوم يوسف الخليفة عبد الرحمن والصول الطيب (الله يذكره بالخير ) الأستاذ بشير العوض بتاع الأحياء والأستاذ حسين عدلان بتاع الكيمياء والأستاذ عبد الرحمن بتاع التربية الإسلامية ونفر كريم نعتز بهم أما ناس الكتيابي وخلوة الكتيابي فهؤلاء لهم كل الحب والتجلة
أخوكم الجعلي
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
ياموررررردابي اسمع اول حاجه انته منوت ده ود حلتك والا شنو لانو انته وهو معجبين بترنتي والفول والصير كده زي الجريف واللوبيه ... اقول ليك حاجه وعلي مختلف الازمنه اتعشيت كده في اخر الليل في شويات المورده بس تعرفي عمري ما عرفته منو فيهم ترنتي ومنو بد اسبنسر ههههههييييااكككككه وبعدين بالله انته من ناس جامعة امدرمان يارررربي لما كانت مشروع يعني في الملازمين والا لما ثبتت وبقت في العباسيه يمكن كده بتعرف ناس تووووووووونه ودمته عزيزي يا امدرماني يا اصيل
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
دكان العم عابدين مقابل نادي سابقا دكان من الطراز القديم فيه أيضا توكيل بريد
فول حشمت النقادي جوار منزل اسماعيل مجذوب الطهار
الباسم سواق اللوري
العم شاخور
موسى ود نفاش
باسطة ناس قنجاري
حلويات سلا
محمد ود الشيخ من أهالي منطقة شمال امدرمان يسكن جامع الشيخ قريب الله ويعمل بيدفق الوساخة في الكوش مقابل أجر بسيط
محمد رب الطشت غسال مشهور في حي القلعة
أبو التيي المدرب
ناس زيادة ساتي والمرسيدس
الدباغة
أضافة للسطر الاول
مقابل نادي الوطن
ونواصل
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
قهوة يوسف الفكي عمارة محمد حسين عمارة الحرية المكتبة الوطنية سوق الجلود التيمان العدني أبومرين سوق العناقريب شارع كرري فندق حمدتو فينوس للحلاقة ستديو الوادي ستديو الذكريات حوش ناس أبوالعلا حلويات الدانوب ادارة يعقوب عبدالله كوافير عادل الشوافعة برعي المصري
ونواصل
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
Salam ya HAMZA Ya omdurmani ya Aseel ...
المرحوم العم عبدالكريم الزبير كان رئيس رابطة مشجعي الهلال وايضا رئيس نقابة سائقي التاكسي وكان مكتبة فوق المحطة الوسطي امدرمان بالسلم الدائري
بتاع الزلابية امام اجزخانة أبونخلة بالمحطة الوسطي خاصة ايام الشتاء وبعد الدور الثاني للسينما
بصات شركة مواصلات العاصمة الفيات وابورجيلة
الثورة وناس عرقلة وعصابة الرومان
الحارة الرابعة وقهوة الجعلي
محطة المواصلات وبتاع الليمون الاطرش
محطة شقلبان والشواية
مدرسة ناصر ـ حاليا مدرسة تلودي ـ مدارس المهدية
مدرسة السلام
مدرسة البلك
الفنان الكاشف مدفون في مقابر أحمد شرفي والله رأيت قبره
ونواصل
| |
|
|
|
|
|
|
Re: جمهوريه امدرمان الفاضله (Re: Ridhaa)
|
الاخ رضا عمدة أولاد أم درمان تحياتي ولأخ حمزة وبقية أولاد أم در كل المحبة
منتظرك تكلمنا عن حسن الشايقي كمعلم من معالم أمدرمان كما يعده محمد شريف علي
| |
|
|
|
|
|
|
Re: جمهوريه امدرمان الفاضله (Re: Ridhaa)
|
شبـــال مـــوج
الى حبيبتى ..أم درمان
تحنُّ إليـــك أجنحتي وتهفُو
مُصدقةً لخاطــرةِ التَّمنِي
فأين ضفافُ نهرك عن جفافي
وأين صراحة النسمات عنّي
وأشرعة المراكب خافقات
تُجاوبُ خاطرات هواكِ بيني
حننتُ وخُنَّ في رئتيَّ نوح
كأنَّ به تُوَلْولُ ريـح جــنِّ
وزايلنى ندى النيلين حتى
غدوتُ كطائر الجبل المُسِــنِ
بدت خُصلُ المشيب بريش وجهي
جُذَىً رَقصــتْ فأتقنتْ التثني
وأفدحُ ما خسرتُ شعاعُ شَمشٍ
بأُفقـِكِ فاتني فأنســـلَّ منّي
فقدتُّك فأفتقدتُ رفيف قلبى
كفقــدِ حمــامةٍ صِفَةَ التَّغَنِّي
ففيكِ تركتُ قائمةَ المعـاني
ورُوح رشــاقة النغــم المُرن
وموهبتي وعافيتي وحسي
ونشوة رنوة الرَّشــأ الأغــنّ
فكيف بغير "ام درمان" شِعْر
وَ"امدرمـان" هيكـل كـُل فَــنِّ
حننتُ لشاطيء الغربيِّ مـنْ لي
بِوَشْـلِ نَدَاهُ يشـرحُ صَـدْرَ دَنِّي
فَصَافَحَ وَجْهَهُ "شبَّالُ" مــوْجٍ
وَصَابحهُ الحَيــا بِرَذاذِ لَحْنِــي
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
عمدة امدرمان الحبيب رضا شكل لفيت المحطه الوسطي مضبوط وما خلية حتي بتاع الزلابيا بس ما عارف انته بتتكلم عن اي زمن بس تعال كده نراجع الذكريات الحلوه وامسكه معاك واحد واحد لما كان في الطوخي ومحمد حسين وعمك بين بتاع الباسطه وصالون المجتمع وعمك الطيب وجورج مشرقي وقهوة الفكي والمكتبه الوطنيه والسينماء الوطنيه واللوج للناس الفوق وسينما امدرمان لما كانت السينماء واحده من الاشياء المهمه للثقافه العامه ونرجع وراء شويه نادي الخريجين وستوديو الوادي وقلته شنو حوش ناس ابو العلاء طيب يعني انته في شارع السيد علي اطلع طوالي في اتجاه الشرق بيت الاميرالي عبدالله خليل بك وواصل بيت عمك الزعيم اسماعيل الازهري والله كفاي لانو هيجته فيني ذكريات ما سهله ونواصل
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
الاستاذ حمزه سليمان ياخي والله قلبت علينا المواجع.... امدر دي احي انا منها و ااااااااااه لكن يا اخي كما قلت سابقا لن تكفيكم عشرات المجلدات لسرد تاريخ اصغر حي بامدر. وايضا ليس كل امدرماني يستطيع ان يكتب فيها فماذا يعني ذكر بعض الاسماء لبعض الاسر والاشخاص دون غيرهم مع العلم بان هناك اخرون اعرق .فرجاء التركيز على ماهو اهم.اخيرا ارجوا عدم الرد على الحاقدين
| |
|
|
|
|
|
|
جمهورية امدرمان الفضلى (Re: HAMZA SULIMAN)
|
الاخت بت امدر حرام عليك انا ما قدر نمر والجماعة ديل انا اتخرجت من امدرمان الاهلية سنة 94-95 وناس نمر ديل قدامنا بدفعتين وعلى العموم انا سعيد انو قابلت اخت وزميلة من الجامعة
الاخ وليم اندرية مليووووون مرحب بيك فى سلسلة مطاعم شوايات الموردة وما بتفرق عند ترنتى ولا غيرو الطعم واحد هههههههه
الاخ حمزة سليمان تانة مليوووون شكرا ليك لانك لميت اولاد امدرمان فى البوست ده وانشاء الله متجمعين فى الخير دوما وابدا
القرقووووووووور
| |
|
|
|
|
|
|
Re: جمهورية امدرمان الفضلى (Re: ALMURADABI)
|
ازيكم ناس امدرمان كيف احوالكم في ناس جمهوريتنا الفاضلة كيف الاخبار يا الموردابي معناها لمن انت خريج انا برلومة جديدة لنج لكن عليك الله الايام بتاعة الجامعة ما متزكرها لغاية هسة يا حليلا ودي لانها حنينة زي امدرمان.
| |
|
|
|
|
|
|
جمهورية امدرمان الفاضلة (Re: HAMZA SULIMAN)
|
الاخت بت امدر
كيف والله ذكريات حلووووووة جدا الوحد جد بيشاتق انو يعيد الذكريات دى بالذات نحن قرينا جزء فى الملازمين والباقى فى حمد النيل وانتو طبعا ذكرياتكم حلووووة جدا بالمناسبة ما وريتينا انتى من وين فى امدرمان
القرقووووور
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
. الفنان حمزة أنا من رفاعة . (وأنت القائل (ورردتين على يامبيو ووردة تالتة على رفاعة) أريد أم درمانكم منذ صباى وأنتمي لها منذ : أن أتاني حديث (الخليل) خليل فرح قوم نادي عنان والباعة وقفل حوانيت الباعة نزلت للدنيا شفاعة . وسعت أم درمان لرفاعة كيف لانحبكم(بغض النظرعن أفاعيل الخليفة عبد الله التعايشي) بأهلنا . وانتم السودان القديم / الجديد
| |
|
|
|
|
|
|
جمهورية امدرمان الفاضلة (Re: HAMZA SULIMAN)
|
الاخت بت امدر بعرف ناس من العشرين لكن الدفع الورانا ناس هيام واحمد الطيب واسلام
على العموم مرحب بيك وسعيد جدا بمعرفتك يا بت امدرمان الفاضلة
اخونا الجعلى ما عرفناك سامى ولا سمير ورينا الحاصل شنو
القرقووووووووور
| |
|
|
|
|
|
|
Re: جمهورية امدرمان الفاضلة (Re: ALMURADABI)
|
امدرمان على الرغم من انها ضمن العاصمه المثلثه الا ان امدرمان
مدينه ماريفه.... ريفيه الروح تعيش بروح التقليديه المعاصره
بمعنى انها متحضره فى السلوك دون استلاب المعاصره والعولمه لها
فامدرمان مدينه استثنائيه فاين هى المدينه التى تعيش بهذه الروح
فى العالم ؟ اصاله المعنى وروح المعاصره وصياغه شخصيه متفرده
الامدرمانى الذى لا تغيره لا البدله لا الكرفته ولا امريكا
احبك يا امدرمان الى ان تثتغيثى من حبى يا من اصغتى سودانى
سودانى
| |
|
|
|
|
|
|
Re: جمهورية امدرمان الفاضلة (Re: alwardah)
|
فى ماسنجر بينى وبين الاخ ود الجيلى والاخ عزيز كان النقاش بيننا
فى امانيه تصميم موقع عن امدرمان وفكرنا فى المواد التى يمكن
جمعها فى الفتره السابقه .....
اتمنى ان يدلى كل من له الاستعداد للمساهمه فى هذا الموقع التعريفى
وامكانيه تنفيذه فى اقرب وقت .
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
الاستاذ المبدع حمزه فكره رائعه ان نرد الجزء اليسير من حق هذه المدينه العظيمه و نوفي قليل من دينها الذي على اكتافنا وننششئ website يحمل اسمها.وارجوا ان يكون رائع مثلها وان يحتوي على خارطه كامله تحتوي على كل جزء فيها و ان تحتوي على نبذه تاريخيه مفصله عنها وعن كل الانشطه وعن مبدعيها و ماقيل فيها من شعر ونثر .... اتمنى ان يرى هذا العمل النور قريبا واتمنى من كل امدرماني غيور المشاركه و انشاء الله لن نبخل عليك بدمنا يا امدر
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
ياشباب شنو الحكايه كلما نخش لينا بورد يقول لينا امدرمان امدرمان قديتونا ياخي والبسمعكم تقولو فيها مايخش يشوفها هسي بعد المطره الفاتت ديك انتو قايلين باقي فيها شئ اتماصت ياشباب بي طوابيها وجماعتك عملوا ساتر امبده وختو الكوره واطه ومحمدين ربهم ده الواقع وماتبرونا اكتر من كده
| |
|
|
|
|
|
|
Re: جمهوريه امدرمان الفاضله (Re: cola)
|
الا خو الرباطابى
كيفنك
اريتك طيب وفى امان الله ................
اذكرك انه نحن بنحب امدرمان وكونها بنحبها هذا هو المبرر الكافى
وبنحبها ما لى شى غير الحب ويكفى امدرمان اليوم فارده مساحتها
للربطاب وسميت لهم مساحه جغرافيه فى وسط امدرمان حى الربطاب
وما تشيل هم لمن نعمل الموقع حنجيب اسمكم
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
ساكمل مابدات عن امدرمان وساقلب الصفحه لموضوع اخر حتي لا يزعل منا اخونا رباطابي..امدرمان الشيخ قريب الله..امدرمان حاجه كاشف ..وفاطمه بت شيخنا ابراهيم..وصلاح احمد ابراهيم..امدرمان مابتلقي فيها قاسي لئيم..امدرمان الهاشماب ..ومدارس المليك..ونفيسه المليك امدرمان نفبسه الامين..وشريف التهامي..بمدر بي حبك قلقتي منامي.. حوش السلاوي..واستاذ السلاوي..والفاتح الطاهر..وبرعي دفع الله...... بنات المغربي..وشاعرنا المغربي..امدرمان مدارس الدوش..وعمر الدوش حوش زروق..وبابكر زروق..يازول ماتروق..مدارس الشنقيطي..ومحمد صالح الشنقيطي..امدرمان ابراهيم عوض..ومنصور خالد..بابكر النور........ واورتشي وعبد الخالق..امدرمان نادر خدر..والمابريدك ودر..وجامعه التقاناوبادي الطيب..وخلف الله حمد.والسوق الجديد..حديد في حديد ... والحب شدييييد....
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
ياشباب كلامي قلتو لأنو عندي واحد صاحبي من أمدرمان قاديني قد كل ماافتح خشمي او اقول ليهو السودان يقول لي امدرمان حي العمده حي فلتكان وعلان البسمعو تقول بوصف في كوبنهاجن ماامدرمانا البنعرفا ديك اها قولو كدي قفلنا الكبري تاني ناس امدرمان يطيرو وين.. التكامل مفيد والتعصب للحته بين ناس البلد مابجيب الا التكمش والتنفر
اقعدوا عافيه
| |
|
|
|
|
|
|
Re: جمهوريه امدرمان الفاضله (Re: HAMZA SULIMAN)
|
بخاف الزول الرد ده نسى الهادي الضلالي. التقيت انور عبدالرحمن بالامس وقال لي ضاحكآ, انا ماكنت عارفك دنقلاوي , كنت قائلك امدرماني ساكت. نحن بالطبع امدرمانيين وزي باقي اهل امدرمان من اصل دنقلاوي,جعلي,شايقي,بقاري,هدندوي,روباطابي, دينكاوي ,نويرابي,...........................والي أخره. في احسن من كده؟ ابدآ صادق
| |
|
|
|
|
|
|
Re: جمهوريه امدرمان الفاضله (Re: Abu Mariam)
|
ابو مريم الاخ الفنان الصادق
كيفك واريتك طيب واريت انور طيب .... امدرمان ... وايه رايك
نعمل امدرمان جنس وذى ما بنقول جعلى وشايقى .....الخ نقول
امدرماااااااااااااااااااااااااااااانى
سلام يا رايع
| |
|
|
|
|
|
|
Re: جمهوريه امدرمان الفاضله (Re: ظبية)
|
يا الرباطبي خوي امدرمان حنينة علي وليداتا وبنياتا امدرمان ساسنا زراسنا وان ماصتا المطرة بنبنيها زنغتيها برموش عيونا امدرمان حبيبة امدرمان غنية بي ناسا ،امدرمان ما اظن اقدر اوصف جمالا وحلاوة ناسا . انا امدرمان تامل في وجودي
| |
|
|
|
|
|
|
|