Post: #1
Title: ما معني كوز
Author: willeim andrea
Date: 05-11-2002, 06:07 PM
شباب والله العظيم انا بعيد من السياسه كل البعد وعارف منوالمقصود بكلمة كوز بس والله لان طول فترة شبابي في بلاد الاغتراب وبعيد كل البعد من الحاصل من المكايد الخ ذكرني واحد من اياهم بيسال وين فلان الكوز اتمني وحد فيكم يقول لي ليه كوز والمقصود شنو ارجوكم الاجابه تكون بعيده من السياسه لانها بتعمل لي حساسيه ودمتم
|
Post: #2
Title: Re: ما معني كوز
Author: Elkhawad
Date: 05-11-2002, 06:16 PM
Parent: #1
لووووووووووووووووووووول
وبس
الكوز ده بشربو بيه المويه
|
Post: #4
Title: Re: ما معني كوز
Author: wadazza
Date: 05-11-2002, 06:18 PM
Parent: #2
يقال أن واحدا من الجماعة وفى ندوة عامة قد قال
الاسلام بحر ونحن كيزان نغترف منه
ومن يومها سرت التسمية..
كوز كوز
تحياتى
ود عزة
|
Post: #5
Title: Re: ما معني كوز
Author: zahjana
Date: 05-11-2002, 06:20 PM
Parent: #2
والله ياخوي سيبك منها ...طالما انت كنت بعيد ..
|
Post: #3
Title: Re: ما معني كوز
Author: nuba
Date: 05-11-2002, 06:18 PM
Parent: #1
يقال إن أحد قادتهم في مصر في الماضي قال ـ إن الدين بحر ونحن كيزانه ـ ومن اليوم داك شغالين غرف في أي كوم يلقوه قدامهم وحكاية الدين دي ملحوقه ، شفت ليك دين كمل، لكن الدينارات بتكمل يا رجل
|
Post: #7
Title: Re: ما معني كوز
Author: EMU إيمو
Date: 05-11-2002, 06:39 PM
Parent: #3
بعد العام 1928
بعدت أعوام أقيمت ندوة سياسية
بمصر وفي حديث للشيخ حسن البنا
ردا على الإتهامات التي انتقست
من فقه الأخوان المسلمين آنذاك
في مجلة روز اليوسف المشبوهة
قال البنا: الدين بحر ، نحن كيزانه
جملة أخذت من حديثه
وتموضعت في الأذهان بعد العام 1964
|
Post: #6
Title: Re: ما معني كوز
Author: بنت الاحفاد 2001
Date: 05-11-2002, 06:31 PM
Parent: #1
مرحبـــــــــــا
انتظر وليد الكوز يجي من غربتو
ويشرح ليك يعني شنو كوز
وما تشغل راسك يالسياسة
ماح تستفيد غير وجع الراس
|
Post: #8
Title: Re: ما معني كوز
Author: DEEK_ALJIN
Date: 05-11-2002, 06:42 PM
Parent: #6
والله اعتقد انو الموضوع موضوع غرف سااااااااكت
غرف من طرف .. خم بالبلدى كده
واهم خاميننا للليله
ديك الجن
|
Post: #9
Title: Re: ما معني كوز
Author: قرشـــو
Date: 01-21-2003, 02:28 PM
Parent: #8
واضيف من هم الكيزان فى البورد ؟؟؟؟؟؟؟
|
Post: #10
Title: Re: ما معني كوز
Author: shiry
Date: 01-23-2003, 11:40 AM
Parent: #9
سلام مربع
حدثتني جدتي وهي تتوهط ((عنقريبها) تحت شجرت نيمتها.. ذات نهار يهبهب نسيمه قبلي .. وشعيراتي يفرتق ضيفرتها الهوا
بجوارها كنت اتخذ لنفسي مجلسا .. وحينما رأيت انها تستعد لقائمة من الطلبات .. نظرت الى رجلي ووجدتهم قد تيسبوا من مشاويرها
شيري الغالية بت الغالي عليك الله كان ما جبتي ليي نعلاتي ديلك
من جمب ابوك
شيري بنيتي الرسول كان ما شوفت لي ناس حاجة عشة مرقوا ولا لع
شيري كدي عدلي طولك وشوف الجنيات ديل مالهم بكوركو كده
شيري حبيتبي الفالحة .. اتبني لي كرعيني
ديل شوفينه مالن مسخنات
ولما رأيت ان يومي لن ينتهي باخوي واخوك
لذلك قررت ان التصق جمبها واتمارض
حتى تهتمي هي بي بدلا من هذه المشاوير
التي كسرت رجلي
وطلبات لا تنتهي
حبوبة والله رجولي ديل انكسرن
عليك الله خليني ارقد حمبك
. ودون تذمر تفسح لي مكانا في عنقريبها
وتفلي شعري وتعافر في راسي المحفر من شكلاتي وشلاقتي
واخير يأتي ابن عمي وتلمحه
واقول انا في سري جالك الموت يا تارك الصلاة
وتسألني دا هول مني الجني دا
ودون ان تنتظر اجابتي
املا لي كوز المي هو من الزير الغادي داك
ويومها عرفت ان علبة الانناس هي ايضا كوز
وعلبة الصلصة ايضا كوز
وكوز الالومنيوم
كوز الحديد الاستينليس
والكوز مقاس ايضا
صغير ..
كبير
وسط
كبير الوسط
صغير الوسط
صغير الوسط
كبير الكبير
وسط الوسط
صغير الصغير
..
ورغم كل هذه البريه وهذه الهترشة
يقول الدارسون للتاريخ والعارفين لخباياه
انه كلام قال الامام رحمه الله حسن البنا
العلم بحر واسع
نحن كيزان نغرف منه
اما ان سألت عن طبيعة الكوز
فانظر الى حكومتنا الرشيدة
ستعرف كيف يكون حال الكوز
قبل السلطة
حين السلطة
ما بين السلطة والسلطة
بعد السلطة
اما اذا اردت ان تعرف اكثر
فارجو ان تسأل وليد الكوز
الله يطراه بالخير
اهديهو سلام
بنت مهترشه
|
|