رساله للسيد الرئيس نتمنا ان تصل

رسالة للسيد الرئيس


السيد رئيس الجمهورية الفريق عمر حسن احمد البشـير المحترم
السلام عليكم ورحمة الله وبركاتـه وبعد :

حين أطلت الإنقاذ في بداياتها استبشرنا بها كثيرا لأن في باطن الإنقاذ رجال مخلصون كثيرا ويحبون هذا الوطن وعرفنا عبر سنوات الإنقاذ الماضيـة رجال لن يستطيع تاريخ السودان الحديث تجاوزهم على الإطلاق كانوا علامات مضيئة في درب الانقاذ الثورة

كنت كمواطن أفكر كثيرا في التغيير الاجتماعي الكبير الذي سيحدث عبر ثورة الإنقاذ وكما السودان بحاجة ماسة للنفط فهو بحاجة ماسة جدا في إحداث انقلاب في المفاهيم والقيم الاجتماعية السائدة وكنت أظن أن الإنقاذ سترسخ قيم جديدة هي من صميم الدين كتوقير العلماء واحترامهم واحترام المفكرين والرجال الذين يسعون للتغيير نحو الأفضل والشعوب التي سبقتنا سيدي الرئيس في كافة ميادين الحياة لم تكن لتصل لذلك لولا احترامها للعلماء والمفكرين وأصحاب الرأي الأخر وفي ديننا نحن المسلمين نجل ونحترم كبار السن ولو كنا على خلاف معهم .

وقد شاءت إرادة الله أن تنشق الإنقاذ في رجالها إلى صفين وهؤلاء الرجال جميعا كنا نعتبرهم زخرا لهذا الوطن ولكن كان الخلاف والخلاف سنة في حياة البشرية وقد يكون مفتاح خير للجميع ولكن كنا نعتقد أن الإنقاذ ستختلف في تعاملها مع المختلفين محتكمة في ذلك لقيم الدين والعرف السوداني ومقدمة نموذج جديد لاحترام الاخرين في المنطقة بأكملها .

أنا يا سيدي أحترم القسم الذي تتزعمونه مع الأستاذ علي عثمان محمد طه وأثق أن العديد منكم صادقين في بناء السودان ولكني يا سيدي أحترم أيضا الطرف الأخر وعلى رأسه الدكتور حسن عبدالله الترابي .

وأعتقد أن رجل بقامة الدكتور الترابي ومهما اختلفنا معه في الرأي لا يمكن أن تتم معاملته بهذه الطريقة القاسية والمؤلمة أن يدفع به للسجن وهو الرجل الذي تجاوز السبعين وهو لا يحمل سوى رأيه وفكره وجهده واجتهاده لبناء السودان .

بينما يمجد الذين كانوا أعداء بالأمس للإنقاذ وحملوا السلاح ضد المشروع الحضاري وتسعوا في خطب ودهم بل وإشراكهم في الحكومة – لا أدري سيدي الرئيس كنت دائما أقول أنك شخصيا صمام أمان ثورة الإنقاذ وكنت أثق فيك ثقة عالية وأثق في خلقك ودينك – ولكن راودني إحساس في الفترة الأخيرة وأرجو أن يكون خاطئا ومنذ اعتقال الدكتور الترابي أنكم الآن قد تكونوا تحت فتنة السلطة قد دخلتم في مرحلة التشبث في السلطة وهو مرض لجد خطير .

الدكتور حسن عبدالله الترابي مواطن سوداني يجب أن ينال حقوقه كاملة التي يكفلها له الدستور ويجب أن يعيش سيدي الرئيس في ظل دولة العدل مبجلا محترما موقرا وليظل الخلاف قائما لا بأس بذلك وقد كان الإسلاميون دائما يتحدثون عن فشل الأنظمة العلمانية معتمدين على مقولة أن تلك الأنظمة تأكل أبنائها ولكن الانقاذ هضمت حق واحد من أعتى الرجال المدافعين عن المشروع الإسلامي في السودان والجميع على يقين من ذلك شئنا أم أبينا .

سيدي الرئيس

أطلق سراح الرجل وأعد له حقه كاملا في إبداء رأيه وأخفض له جناح الذل من الرحمة وما سقطنا نحن المسلمين إلا عندما حاربنا علماؤنا وقادتنا ومفكرينا وكنا نظن أن دولة الإسلام لن تزج بأعدائها في السجون لتقدم للعالم نموذج جديد يقتدي بتعاليم الإسلام دعك من قادتها ورعيلها الأول وشيخ شيوخها .

وأنا كلي ثقة أن الرجل لن يهدم الانجازات ولن يحمل السلاح ولا يحق لكم أن لا تسمعوا نصيحته فلا خير فيه إن لم يقلها ولا خير فيكم إن لم تسمعوها

هذا وأسأل الله أن يجنب بلادنا خطر الانقسامات وليحفظكم الله زخرا للوطن والمواطنين

والسلام عليكم ورحمة الله وبركاته

مواطن سوداني يتمنى الخير لهذا السودان

مقيم بخارج السودان

هولندا

وليد
بالله وسع دعوتك ورجاءك عشان يطلق سراح الشعب السودانى وليذهب من حيث اتى

ياربى احفظ لينا البشير
كده تمام يا شرنوبى

الاخ العزيز وليد
سلامات وكيف حالك يا الغالي
معليش يا وليد انا باختلف معاك في النقطة دي ...معظم الجبهجية الوقفوا في صف الترابي هم الحرامية والمكروهين من قبل الشعب ...ونحن نعرف ان من احبه الله حبب خلقه فيه ...ونحن نكره معظم الوقفوا مع الترابي وانا اعرف احد الذين يقفون في صف الترابي معرفة شخصية وهو شخص غير نزيه ...يعني بالواضح كده حرامي ...ودي اشكال الترابي وولده عصام
وبعدين يا وليد في اساسيات في الدين يجب ان يلتزم بها المؤمنين ...والمفروض ان الترابي احدهم ...وهو طاعة الامير ...والامير عند الجبهجية وكل السودانيين هو عمر البشير وليس الترابي ..ومن يقوم بشق الصف يعتبر خارج ...وللا ما كده ؟ ...يعني الترابي خارج في عرف الدين ودي ما دايره درس عصر
انا باقول ليك حاجة ...البشير ده عمل اخطاء لا تحصي ولا تعد ...لكن احسن حاجة عملها انه قفل الترابي

الاخ عبدو
خوالص تحياتى
هنالك بعض من توابع الترابى غير نزيهن وديل فى مكان موجودين
الترابى فى شخصو زول ممتاز وبيسعى الى مصلحة البلد مع اننى ما من ناسو
وبختلف كتير مع اتباعو وبعدين ياخى الرجل كبر وما فى منو خوف بعد كده

سلامات وللي
يا أخوي الترابي ده منه خووووف ... الشخص لما يدخل فيه حب السلطه .بيبقي منه خوووووف...شوف الامام علي بن ابي طالب عمل شنو علشان يمنع الفتنه ...وشوف الترابي بيفتن الناس ضد الرئيس ...وكمان بيعمل اتفاقات مع جون قرنق ...العمايل دي دخلها شنو بالدين

وليد تحياتي ياخوي مالك الحاصل عليك شنو اليومين دي قادين بالترابي واشباه الترابي ..نعم انا اتفق مع الاخ عبدو نحن مسلمون وطاعة ولى الامر شئ تفرضه علينا تعاليم الدين الاسلامي ومن هنا احترام سيادة الرئيس الفريق عمر حسن البشير فرض علينا كالصلاة والله اعلم
اما زولك البتتكلم عنوا دا المدعو الترابي زول الدين البتقول علية دا لايمكن ان يكون رجل دين ويضع يده على يد قرنق وتامر معاهو على السودان وبالمناسبة الترابي لايهمه شئ غير ان يكون هو الاعلي وان يكون هو السلطه والله كان رقندنا سلطه لكن الحمد لله يمهل ولا يهمل ومن هنا اشد ساعد على المجداف واحي سيادة الرئيس على هذا القرار الشجاع الا وهو قفل زي ماقال عبدو الترابي
وليد والله انا بعرف قصص كثيرة جدا لجماعة الترابي دا خلينا بس من الفضائح ولكن سيكون هنالك بوست مخصص للحته دي وكشف كامل بالاسماء ويدلى كل منا بدلوه في هذا الموضوع لنزيل الستار المكشوف ويري كل
أغمض عينيه عن هؤلاء الذين بنوا العمارات وركبوا العربات من مال هذا الشعب المكافح ولك الله اخي وليد لانك تري كل شئ وعامل نايم
وهل حضرت اخي وليد حلقة من حلقات ساحات الفداء التي كان يمدح فيها شيخك الترابي ابطال الجهاد وبعد توقيعه على المعاهدة مع جون قرنق رجع يصب عليه اصوات اللوم والطيش وليس بمسلمين وليس بمجاهدين قد قالها بعظمة لسانه اين هذا شيخك من الدين الاسلامي شيخك الذي يحتفل باعيد ميلاده ويطفئ الشموع ويستمع لاشرطة الديسكو اين هو من الدين اخي انصحك ان كنت من اتباعه فحاسب نفسك قبل ان تحاسب وراجع نفسك قبل ان ترجع لتقف امام الله العلي القدير ولياخذ لنا الله من هذا واتباعه ويسلبهم حريتهم كما سلبوا حريتا
ونحن معك ونشد من ازرك ونقف من خلفك ايها السيد الرئيس الفريق عمر حسن احمد البشير ان كنت من اصحاب مثل هذه القرارات
والله اكبر والعزة لله والعزة لسوداننا الحبيب

لك التحيه اخى واحشنى
ويعجبنى فيك خوفك على البلد وتراب البلد
ويا اخى واحشنى انا بختلف مع شيخنا الترابى وبختلف اختلاف كامل مع
جناح الشيخ الترابى بس متل ما قلتا ليك الشيخ كبر ومافى خوف منو والحمد لله حكومتنا بعد كده مافى خوف عليها من جناح الترابى اوخلاف كده والرجل مادام كبر مفروض يطلق سراحو و يعيش بعيد عن السياسه

يا وليد
شفقان علي شيخك حسن انو ما يعذبوا
وين شفقك لناس تجاوزو السبعين مثل الترابي ما شفقت عليهم
وثم تانياً تعال تعيب علي ثورة الانقاذ انها صالحت اعداء الامس
طيب رايك شنو في الترابي الصالح جون قرنق وانت تعلم كم قتل منكم جون قرنق
انسيت انو ثورة الانقاذ دي حبست الترابي عشان كده
يا اخي لمن تتكلم انظر شوف نفسك بتتكلم عن شنو)
يا اخي حلال علي بلابل الدوح شيخك حسن وحرام علي بقية الشعب السوداني

طيب رايك شنو في انو الدكتور حسن في ندوة في مدينة الابيض عقب الخلاف الشهير قال بفوه كلمه انو الجماعة الماتو في الجنوب ما شهداء

للاسف نحن نمجد زعمائينا لحد الجنون وال ننزهم من اخطائهم
مثل الترابي مثله مثل الصادق مثله مثل الميرغني كلهم احباب سلطة
يارب خذهم جميع اخذ عزيز مقتدر بقدر ما عذبو الشعب السوداني

طيب رايك شنو في انو الدكتور حسن في ندوة في مدينة الابيض عقب الخلاف الشهير قال بفوه كلمه انو الجماعة الماتو في الجنوب ما شهداء

الاخ عمر مهدى تحياتى
ياخى لا الترابى ولا غيرو بيقررو لو هم شهداء او لا
ربك وحدو هو البقرر ونسال الله ان يتقبلهم شهداء عندو

حلفتك بخالق وشاطر السموات وفاطرها
ما الذى يعجبك فى هذا الذميم سارق قوت الشعب وسارق السلطة بليل وخائن الامانة ومنكص القسم الذى اداه يوم تخرجه من الكلية الحربية والتى كانت تأوى اكثر الرجال غباء كما قال شكسبير

شرنوبى
تحياتى
والله انا اى انسان بيخاف على بلدو وبيحب بلدو بحترمو
عبدو
الزول ده كان بتخاف زمان لكن هسع تب مافى خوف منو

يا وليد اخوى حب الوطن ما داير شهادة من زول دى قناعة متولدة فى ضمير الزول
الوطن الاسمو السودان فى ناس اتشهدوا عشانو واتعذبوا واتشردوا.. ومنهم من ينتظر لم تكن مسالة نضالهم حبا فى السلطة اسعيا لتمين وجهات نظر او قناعات شخصية او فرض رأى بالقوة او حتى دين او معتقد..
راجع وبكل تجرد ستجد ان من تتحدث عنهم او تدافع عنهم لم يقدموا لهذا الوطن غير الوباء والدمار والتعذيب والتشريد.. لم يحترموا اختلاف الرأى.. وكونك تتحدث عن الوطن وكأنه وطن الجبهة القومية هذا انت حر فى رسم حدود او استخدام التعريف الذى يتواكب مع فهمك وقناعاتك.. لكن اذا كان الامر يخص الوطن السودان.. يا وليد.... الرجاء احترام مشاعرنا واحترام عقولنا.. اجمل ما فى هذا البورد اننا ديموقرايون بالجبرة نتطلع على كل رأى حتى اذا كان ضد او يجرح شعورنا.. وليد بينى وبين هذه السلطة دم.. وثأر لا ينتج عن غضب او حقد.. بل لاننى احببت وطنى ادفع ولطيلة الاربعة عشر عاما ضريبة المنفى قسرا.. لا حبا لسلطة ولا جاه بل لاننى اؤمن بوطن خير ديموقراطى يٌُُحترم فيه المواطن السودانى ويعيش بحق المواطنة لا بعقيدته او لونه... وطن مأوى للاطفال ... والنساء والرجاء وطن بالفيهو ندوتى نقرأ... ونتساوى..

اخى وليد افتكر زمن التطبيل ولوى الحقائق ولى والقصة عراينة ومجدوعة فى الشارع
اخوك شرنوبى

الاخ شرنوبى
اتفق معاك فى مفهومك عن الديمقراطيه وبختلف معاك فى حب السلطهلو كانو ناس البشير بحبو السلطه ما كان الشهيد الزبير رهن نفسو فى غابات الجنوب
لو كانو بحبو السلطه ما كان البشير دعا جميع الاحزاب الى انتخابات
اما عن خروجك عن الوطن عزيزى شرنوبى فالبلد مفتوحه للجميع ولكل من حمل السلاح وما اظنك من من حملو السلاح

الاخ وليد لك التحيه انا انأى بنفسى عن المداخلات فى السياسه واتركها لاهل العلم وافضل مداخلاتى فى تخصصى فهو اكرم لى .. ولكن اتابع وبشراهه ما يحدث فى وطنى ومداخلاتكم مختلفين ومؤتلفين ولى رأى دوما وافضل الاحتفاظ به .. ولكن هل هذا الخطاب انت الذى حررته ام وصلك من شخص يقيم بهولنده وكيف لك ان تكون صاحب جولات ماكوكيه فى اقاليم السودان المختلفه وتوقيعك من هولنده

الاخ عزيز
خوالص تحياتى
انا ما صاحب الرساله دى بس عجبتنى و احببت انها تشوف النور
بشكرك كتير ونحب نسمع رايك فى كل شى يعنى مافى مجال الفن بس

الاخ وليد
والله منتهى الاحساس والشفافية منك لعرض الرسالةالتى اعجبتك فأردت ان تشركنا فيها بس عندى استفسار بسيط انتوا- وين ما كنتوا- ما بتصلكم الرسائل الجاية من السودان عن المستشفيات الحكومية التى خلت من الادوية والمؤن والمعدات الطبية الاساسية والتى لا يوجدفيها اطباء عموميون ناهيك عن الاخصائيين نتيجة لعجز ميزانيات الولايات عن الدفع لحكومة البشير فى الخرطوم؟ والنتيجة ان يموت ابناء الشعب فى القولد والمتمة والضعين والغزالة جاوزت ومليط وربك واروما ، بالسل الرئوى والحميات المجهولة ومضاعفات سوء التغذية والولادات المتعسرة والنزيف وانفجار الزائدةوتسمم الدمومناستطاع اهله الوصول به الى الخرطوم او مدنى فلم يجدوا له مكانافى مستشفيات الحكومة لان السرير لا يحتمل اكثر من مريضين والبرندات مليانة اما المستشفيات الخاصة فالعين بصيرة واليد قصيرة. وكان الاخبار السيئة دى مابتصلكم ،ما مرت عليكم اخبار اختلاسات المال العام والتى اثبتتها حسابات المراجع العام ورفعت لرئاسة الجمهورية وتم اعفاء الكبار واصدار احكام على بعض من تريد الدولة ان تتخلص منهم.واحدث رسالة من وزير المالية والاقتصاد الوطنى للشعب المتعشم فى البترول بأن ذلك البترول مرهون حاليا بيد الشركات الاجنبية حتى تسترد اموالها وارباحها -وهذا حقها-وعلى الشعب حاليا ان يستعد لدفع المزيد من الضرائب حتى يسمح له باستنشاق الاكسجين ليظل على قيد الحياة .طلب اخيرارجو منك يا اخى ارسال صورة من هذا الرد للسيد رئيس الجمهورية ان كنت له ناصحا واحسبك من الواصلين ولك شكر الشعب السودانى

وطن الجدود نفديك بالارواح نجود----وطنى

لكى تحياتى اختنا مهيره
وبشكرك كتير على اهتمامك ونسال الله انو يوصل
اكرر شكرى لكى وده شى ما غريب فيك لانك مهيره والى مهيره ادور كبيره

سؤال
هل تم اغتيال الزبير
وهل تم اغتيال ابراهيم شمس الدين
من قبل سدنة النظام
الزبير تفاصيل موته معروفه للقاصى والدانى
طيارة تقع يموت فيها الكلب ابراهيم شمس الدين والطيار ما تحصل ليه حاجة

الاخ وليد

لك التحية

مع اني ما بفهم في السياسة لكن الرسالة جميلة بغض النظر عن انو الترابي منو ولا علي عثمان منو والبشير طبعا لابس الطربوش لكن المهم بالنسبة لي هو السودان لكن الشئ الواضح في الساسة السودانيين انهم يجيدون الضرب تحت الحزام والخيانة جارية في دم البعض منهم حتى ولو على اساتذتهم في اللف والدوران وتمثيل الادوار بالدخول الى السجون ولكن يبدو انو الحلم اصبح حقيقة وتدور يا زمن

ونحنا نتفرج

يا وليد500 وواحشني ومن هدى بهديهم
أولاً هاكم دليل حب البشير و(الجماعة)للسلطة من أخبار الليلة، حيث ذيع أنه سيعدل الدستور ليحق لكل مواطن الترشح للرئاسة لبعد الفترة الثانية، وهذه طبعاً مفصلة خصيصاً للبشير حيث أنه (يدعون) انه قد تولى فترتين ، والدستور طبعاً وضعوا الترابي وعمل فيه حساب التخلص من البشير في خلال فترة رئاسية واحدة بعد الأولى ولكن حصل أن إختلف اللصان،إن حب البشير وأعوانه للسلطة لا يخفى على سوداني كما قال شرنوبي ولكن مثل هذه الأعمال المستخفة بكل عقول الناس تجعلك تشمئز من ضحالة فكر هؤلاء،
عرف كل العالم حتى الآن أن الجبهجية عشاق سلطة ومال، فلا أدري لماذا يصر بعض الجبهحية يا وليد على نكران ذلك (هلا قلت كما كان يقول علي عبدالفتاح في أركان نقاشه: السلطة في يدنا وشلناها رجالة والراجل يجي يقلعها). وكان الرد يأتيه مختلفاً ألوانه لا مجال للتطرق إليه.
عن الترابي وإعادة صياغة الإنسان السوداني أشير إلى قصة الخليفة الراشد (عمر) حين أراد أن يولي أحدهم فسأل كيف هو في بيته؟ ونسأل هنا وليد: كيف هو الترابي في بيته؟ يعرف كل السودانيون أولاد الترابي (عصام ومحمدعمر) ويعرف كيف قد تمت صياغتهم، حتى الترابي نفسه قال عنهم (النار تلد الرماد) ويا عزيزي دونك ما قد تم حتى الآن إعادة صياغته ولا أعرض له الآن وأنتظر البوست الذي قال أنه سيخصصه أخونا لذلك
وللحديث دائما بقية

التسوي كريت في القرض , تلقاهو في جلدها

وليد
بالله سؤال انت مع ياتو فيهم ..الترابى واللا البشير لأنو حب الاتنين ما بتلما حتى بين أنصار الجبهة نفسهم والفرز حصل يا مع الترابى يا مع البشير لأنو الاتنين اتفارقو فراق الطريفى لى جملو...لكن أنا شايفك فى ردودك تدافع عن الاتنين مع بعض دفعة واحدة وتميل للترابى أكتر
وانت عارف أنا رأيى فى الاتنين واحدفساد ومفسدة..ومن ناحية البطش والتنكيل والتخريب والتقتيل أحمد وحاج أحمد
وجهان لعملة واحدة..
تحياتى
ودعزة

ودعزه تحياتى
اخى نحن مع الوطن اولا واخيرا

يااخوى
بس عايز اعرف الكاتب الكلام دة استشرف الانقاذ هو فى هولندة ولا هو فى السودان وبعد ما ركب الطيارة ودخل هولندة لاجىءاستشرف؟

الاخ الغالى وليد لك التحية انا معاك من ناحية وما معاك من ناحية اخرى يجب اطلاق الدكتور الترابى لانه راجل طاعن فى السن لكن هناك ذنب اقترفه لذلك تم اعتقاله ولو تم الافراح عنه بدون اتمام المحاكمة او العقوبة المقررة معنا ذلك ان االقانون ليس سوى كلمة تنطق ولكن لاتطبق والقانون لايعرف كبيرا او صغيرا نعم هو مثل كل سودانى يحب بلده ولكن اذا كان يريد ان يضر بمصلحة الوطن ووحدته يجب ان يتم الافراج عنه كما نصت مواد القانون ولك خوالص تحياتى

بـــــوب

!!!!!الترابى راجل طاعن فى السن
و محمود محمد طة كان..
under...eage

الاخ بوب
خوالص تحياتى
عجبنلى ردك شديد وبيدل على انك انسان عاقل ومتفهم الامور تماما
لك الشكر اخى

محمود محمد طة ...الرجل الذي تجاوز السبعين


اين توقير العلماء واحترامهم واحترام المفكرين والرجال الذين يسعون للتغيير نحو الأفضل يا وليد

خوالص تحياتى
اخى خضر
انت كويس
ونسال الله ان يتقبل الشيخ محمود محدمد طه قبولا حسنا

altanae badilan an tadanina** wa naba an teebi logyana tajafina


أخوانى وأخواتى أبناء بلدى الحبيب
بعد التحيه الطيبه والامنيات بسودان يسع الجميع وهو أحوج ما يكون لسواعد الجميع خاصةً فى هذا الزمان...حيث يتباين الناس....من أقصى اليمين إلى أقصى اليسار ...حتى تحت السور الواحد فى البيت الواحد من البطن الواحده...ولكلٍ رؤيته وبرنامجه وإمكانياته الدعائيه وغيرها ودعنا نقول ونواياه التى نفترض فيها أن تكون حسنه ...على أقل تقدير فى بادئ الامر ...من أجل سودانٍ زاهر وحياةٍ كريمه ولكن الشاهد أن الاحوال تتبدل والظروف تتغير وتتداخل عوامل وتغيرات وتفرض واقعاً جديداً لم يُحسب له حساب فى البدء ولاشك أن المسار يتغير أيضاً ....
لا أعتقد أن من يُخاطر بحياته وينضم لتشكيله عسكريه أو غيرهامدنياً كان أو عسكرياًلإحداث تغيير مافى سلطه ما فى زمن ما يكون دافعه مجرد السلطه أو الحكم فالجميع رفعوا شعارات الوطنيه وحل هموم الناس وأقروا المساواه والعدل وسعوا ما أستطاعوا من قوه وماأُتوا من جهد لإستقرار البلاد ولكن تتغير الأحوال وتتبدل وقد تستهوى السلطه وتغرى البعض أو تأخذ المستجدات مآخذها فينسى الحُكام شعاراتهم الاولى فتضعف العزائم وقد تسود أهواء النفس وقد يصبح التشبث بالحكم الأقوى .....
الحق أن لكل نفر محاسنه ومساوئه .... والسؤال هنا إلى متى نتناحر ونحن أحوج ما نكون للتآلف ولماذا لا نُعدل أونُعطى الآخرين الفرصه بعيداً عن العنف ونحاول أن ناتى إلى كلمة سوا نجتمع عليها ما أستطعنا ونحن أقدر على ذلك فكلنا أبناء بلد واحد وهم واحد وهدف واحد لافرق بيننا إلا أمر واحد وهو أن فينا من قد يُحالفه الحظ فينجح ويصل إلى حكمها ومن لم يُحالفه يصل إلى لحدها ولو سمعوا قوله رضى الله عنه (يخشى عمر لو أن بقلةً بالشام عثرت لسأله الله لِما لمْ يفسح لها الطريق)لما فكروا فى كرسى الحُكم قط
والله نسأل أن يُوفق الجميع لما فيه خير الجميع والسلام ختام





--------------------------------------------------------------------------------
adha

الزول بدور يكفر

لكن يقول معليش

دايرين شغل مافيش
غير نغسل العربات
غير نضرب الاورنيش

ما يقبضوا الباعوض
ما يقبضو الضبان
الما بدور فتيش
اشعنا
نحن
وليش

نحن ال حراميين
ولى
البدسو
العيش

وليد القيافة الفايت الناس سخافة


وأعتقد أن رجل بقامة الدكتور الترابي ومهما اختلفنا معه في الرأي لا يمكن أن تتم معاملته بهذه الطريقة القاسية والمؤلمة أن يدفع به للسجن وهو الرجل الذي تجاوز السبعين وهو لا يحمل سوى رأيه وفكره وجهده واجتهاده لبناء السودان .

وما هو رأيك في إعدام الأستاذ محمود محمد طه على يد الترابي وهو رجل كان قد تجاوز السبعين. وهو لا يحمل سوى رأيه وفكره وجهده واجتهاده لبناء السودان.
ولا كنتوا قايلنو يحمل بنقو.
وماهو رأيك في إعدام ثمانية وعشرين مسلماً في نهار رمضان
وماهو رأيك في إعدام الشعب السوداني كله بتجويعه وترويعه

يا وليد كم من مرة قلنا ليك اختشي

الشئ المؤلم حقيقة أخي وليد أن الغالبية العظمى من شعبنا لا تأبه لهذا الاختلاف بين فريقي الانقاذ او الجبهة بل وتعد متابعته نوعا من الترف و قلة الشغلة لانهم مشغولين بالسعي لتوفير ابسط مقومات الحياة التي اصبحت تحتاج لمعجزات و خوارق حتى يتحصل عليها المواطن البسيط الشريف و مع احترامي لندائك للرئيس فان له مع الرجل خصومة هي باقية و لكن هل له مع الخريجين الذين فقدوا الامل في فرص العمل خصومة ام مع الطالبات الجامعيات الائي لا يجدن ما يسد الرمق خصومة ام مع القوائم التي تحال الى الصالح العام بانتظام ام مع المعلمين الذين تتراكم مستحقاتهم على الدولة شهورا عددا ام مع.. ام مع ..و القائمة تتسع لتشمل كافة قطاعات الشعب المسحوق لا يستثنى منها الا فريقيك المختصمين
اخي وليد ارجو ان يشمل نداؤك كل هؤلاء و لا أريد ان أذكرك بالذين سجنوا و شردوا وعذبوا في السابق فهؤلاء حقهم عند من لا يضيع حق عنده وعند ذلك سنضم صوتنا اليك و نخاطب به كافة القوى السياسية التي تتسبب صراعاتها و مناوراتها السمجة في افقار الشعب و تجويعه
مع فائق احترامي

الاخ سوكرتى
خوالص تحياتى
ونسال الله ان يعم الخير والسلام والتسامح ربوع بلدنا الحبيب
على عمر
لك حبى وكلامك منطقى

وليد تحياتى ياغالى

وتحياتى للوطن
نسأل الله ان نرى وطننا السودان .. فى كم من الوئام.. ومتفرد سياسيا

لك التحيه بامسيكا
ونتمنا زالك

ها نحن نعيد نشرها مره اخره حتى يسود السلام وطننا الحبيب

الرائع وليد
رغم كل الاحباطاااااااااااااااااااااااااااااات
لنا امل











حانبنية البنحلم بية
وطن حدادى مدادى

نعم عزيزى ابو احمد لنا امل ولهم امل

hello brother weled ,just have a look,

شكرا دقنه مع اننى ما شايف حاجه

عزيزي وليد

التحيه والقومه ليك يا وطن


اضم توقيعي الي توقعيك في هذه الرساله....وجزيت خيرا....

SAMIR IBRAHIM
لك التحيه اخى الكريم ومثلك لايفوتو ولايموتو


EXORCIST7
تحياتى
ونسال الله ان يهدينا ويهدى من
على الكرسى

بت بربر
لا تعليق

الأخ وليد
السلام عليكم

أنا معك أنه ما كان ينبغى له سجن الشيخ الترابى رغم الإختلاف لكن البشير أحب السلطة حبا جما ويبدو أنه لا يريد أن يكون الرئيس السابق أى يريد أن يموت وهو رئيس

رئيس هذا حاله لن يتورع فى إرتكاب المحرمات والمظالم من أجل البقاء على الكرسى
فهو إرتهن البلد للأمريكان وسوف يفعل المزيد
لذلك أرى من الأفضل للسودان أن يتنحى الرئيس البشير عن الحكم وترك المجال لمن هم أعلم وأتقى وأقوى
والسلام

: mohammed
صباح الخيرات
قد تكون واحد محروق لكن ما اظن قلبك علىالسودان
وبعيد عن الشيطان فالكاتب انسان والمكتوب ليه انسان
والشعب السودانى ياعزيزى شعب متعلم ومثقف والعالم باجمعه
بيشهد بذلك... وكنت متمنى ان تقول يجى واحد سودانى وينتشل البلد من هذه الدوامه ما تقول لى بوش كلام ما بينبلع اقصد كلام تهريج فى الفاضى
###############################################################

والله لو الله سبحانه وتعاله شكاها ووزعه تاني انا بقول ليه طلعني من السودان ووديني اي بلد حتي لو كانت اسرائيل لانو دي ما شعبية ولا ناس مع الناس ولا امة مع الامم يا خي اضرب ليك مثال بس قابل ليك اي واحد من جنسية تانية غير العرب وقول ليهو انا سوداني شوفوا النظرات بتاعتوا ليك كيف تكون ولا خش الشات اي شات عربي ولا اجنبي واكتب انا سوداني شوف ما في زول فيهم بعبرك ولو سلامات هزا كله يرجع للحكومات السودانية
################################################################يا عزيزى والله السودان زاتو واهل السودان ما بيشرفهم واحد
همجى مثلك ما عاوز استرسل فى الحديث لان كلامك صراحه كده بيجيب المرض ولو كان النقاش بيودى معاك لشى كان مممكن لكن حالتك دى حالة متاخره جدا وبيصعب الحديث معاك نسال الله ان يهديك ويهدينا

السلام عليكم
انتو يا الكيزان ليه دايما ذاتيين في تفكيركم ومشاكل الدنيا تنتهي في حدود تنظيمكم ؟؟؟؟
انت زعلان على اعتقال الترابي
طب ما تكون محايد شويه وتزعل على حاله البلد علي التعذيب و التنكيل وكتم الحريات
ما تزعل على مجدي اللكتلو في عشرين دولار
ما تزعل على ال28 سوداني الاعدموهم في ليله ما فيها ضو قمر
ما تزعل على الشباب البموتوا في الجنوب بدون سبب منطقي على حسب كلام شيخكم انه الموت في الجنوب ليس بشهاده ....
ما تزعل علي ملاين السودانين في جميع انحاء الارض مشتتين لا لشي الا لتوفير لقمه العيش لاسرهم

ما تزعل علي سمعه السوداني البقت في الطين


وليد الكوز

اقول ليك راي بصراحه وبدون زعل ؟؟؟

الاتنين البدافع عنهم ديل ما هم الا فردتين لحذاء واحد


لبنى

الاخ / وليد ....

انــا معاك فعلا انوا الترابي مــا يفترض يسجن.....
ده يفترض يصـلب في في اكبر ميدان في الخرطوم....بعد ان يعدم ر مــيا بالرصاص.....عشان يكون عظة و عبرة ....

و بعدين الحاصل ليه ده بس من خواطر الناس اللي تسبب في ظلمهم....

و تسلموا يا خضر و محمد و بت بربر ...بردتوا حشاي ....

التوقيع : و احد ما في حاجة قاهرا الا انوا في نـــاس لسه بالبساطة دي