احزان نوبية

احزان نوبية
موهوم بوطن فى خارطة الذكرى ارسم فى الرمل حدودى لوطن منسوب للتاريخ .. ابكى على قارعة الطرق المنسية أبكيك يا نوبا
هل لى معى من منتحب فى عز الضهر يا طيبة ابكيك كما نعى احزانك وتر دهبية ياما ( طيبن اب شريف اوكنى ايقون بدرى شيب اوينلى) ...مناحاتك ما كانت دمعة تسقى وديان صاى ولا كنت على المبكى الحزن الاول .. إنى منتفض من عمق منسى ابكى والحسرة ..على حلفا تحت الماء والهجرة مرسوم على عنق النوبى الراحل .. هل ننسى الأرض الشادوف و الساقية.. الأرض المنزوعة من الإرث والموقع .. ممسوخ ابنك .. اغرته بريق المادة (الريال والدرهم) اصبحنا يا نوبة فى المنفى مبكى نبكيك لا حولة ولا قوة..

يا نوبا
حزن مرسى
يا نوبى قلبك
مرسى
يا نوبا
كلى
من بعض
منك
يا نوبا
يا نوبا
اغنيتى
آخر مقطع
مسجى على شاطئ
نهرك تحت ظلال
القنديلة
والمور
والهكوت
احبك
يارض الطيبة
يا منبع
كل الحسن
يا سارية
مركب
يا أغنية
على موال ساقية
يا نوبا
يا نوبا

أسأل نفسي
لماذا لا تنتهى الأحزان؟
بالرغم من فوات الأوان
أصبحت القصة كان يا ما كان

يا ويح نفسي كيف تنتهي الأحزان
والجرح مفتوح حتى إلى الأذقان

أحزاننا وراثية

جروحنا وراثية

تتحكم فيها الجينات الوراثية

كيف ننسى الأحزان
كيف ننسى أرض الجنان
والنخل والبستان

شكراً يا شرنوبي ، لم نشاهد أرض الأباء ولم يرتع صبانا فيه ولكنا ورثنا الحزن والجرح من حديث الأباء والأمهات .

اعتز بكل مساهماتك النوبية.. ولولا الاسى الذى احيانا يخيم على خاطرى لنتصبت واقفا فى محراب مجدك محييك
تسلم يانوبن تود
يا اوندى
اكجىتود
يا دنبن مريق
يا زول يا رائع

ملهم الحزن النوبى فنان انسان اسمه المتواضع دهب خليل من سكان ناحية دبشة جزيرة صاى عمودية كويكة السكوت منطقة النوبة...
فنان.. غنى عطر ارض النوبة بالمعنى واللحن .. دهب خليل اب الفن النوبى الحديث .. الحزن واللون والآهة
وكفى
فصل جديد من احزان نوبية
الاهداء الى فتحى عبد العزيز شده
العريس

with my love

صحيت هذا الصباح الجميل الجو مكفهر.. فتحت الجهاز وكالعادة قبل ان ارتب نفسى للذهاب للعمل مع شاى الصباح اتجول فى الانترنت ... فتحت الوب اذا بصوت الطنبور يناغم بحنيته وجدانى واذا الغناء الجميل عن وطنى الصغير
شكرا يا نبيلو
ولولا.. جهلى بالكتابة بالحروف النوبية عندى من الكلام الشجى بلغتنا الحنينية ارتال ةولكن اتمنى ان التقيك لكى اعبر عن وجدان مشحون بحب لوطن فى الذاكرة

no, we never forget ,and will never forget, coz if we ,or anyotherppl, try to forget that,then we should all forget sudan,yeah becouse we cr the sudan and sudan is us
sekirfe

ما نوبى
سلام ممزوج بكل الود
على عجل فى دائرة السعى التقيك فى ساحة ارحب
عافيلكو

العزيز شرنوبى شكرا على هذا الشجن الجميل هذه الاغنيات التى تسرى كما كهرباء الروح رجاء اتحافنا بحزة علاء الدين ودهب جليل وحسين الالا لو متوفرة عندك وفعلا اللغة النوبية لها تعبيرات عبقرية لايمكن ترجمتها مرة حاوات ترجمة قسر ك اوركر ولم اجد لها معادل موضوعى فى كل السنة اهل الارض تحياتى اخوك محمد سيد احمد من نلوتى السكوت

سلامات يا شباب

مرحب بيك يا اخ محمد سيد احمد
نورت البورد

انت BB ?

محمد سيد احمد

سلام
عندى زكريات حلوة فى نلوتى

اصدقاء طفولتى ومرتع ايام حلوة
نحن نمتلك شريف ارتى
وهنالك كامل على فرح وعبد الفتاح شلبى
واخرين لى فى مشرع عبود
ومعدية نلوتى
ايام اعيش على بعض من ذكراها
الله

دمعة سخية
سقطت بلا اذن لذكرى
تنهش فى دواخلى

الاخ شرنوبى
و الاعزاء

لست نوبى بمعنى الانتماء الضيق

لكن وجدانى ينبض بحب هذه الحضارة الشماء

احس بطعم الفقد..فقد حلفا دقيم

بالامس كونت فى لقاء على النت مع الاساتذة مكى على ادريس و محمد مختار ادريس بمبادرة كريمة من صديق يرتب لتنظيم لقاء نوبى على البال توك, يجمع كثير من الفنانين و الشعراء و المفكرين و علماء الاثار

وسوف يتم الاعلان عن ذلك هنا

و لكم ودى

شرنوبي بس اخلص من امتحان الخميس واتفرغ ليك

كل الاحبة
سلام

يوسف الله معاك
واتمنى لك التوفيق

اخوك
دائما وابدا

محمد الحسن حسن سالم

كرويات الصبر البيضاء انهزمت ووجمت وخرّ جوادك ... قبل يقرّبْ
حمُيّات القلب السوداء إنلمت وضمت وبَرَت أجسادك .. وبتّ تهضْرِبْ
من هضريبك ومُر تعذيبك .. بين النخلة ومجرى النسمة انساقط طاير ...
فَتْفَتْ حَتْحَتْ ريشو قُصادَكْ ... وكان ده حبيبك ... وقُمت تجقلب

ابن عوف
بشوف فيك بعض من ملامحى اتمنى ان القاك عديل
واحكى ليك
عن الحصل

هنالك للحزن درجات ومقامات

الحزن النوبى حزن مفعم بوجدان تانى

الحزن النوبى
ايقاع متجانس مع الارض
النخلة
الساقية
والانسان
تاريخ وطن
مجسد فى حزن
تانى


انا اتمحور
اتكور
حضانى يا ناس
الاسى
وحاضن الاسى

العزيز شرنوبى فى هذه الصحارى العطاش تغمرنى نوستالجيا الحنين لفراديس نلوتى وصاى وماتبقى لنا تلك الاغنيات التى تعتصر الافئده والحشاشة ننتظر منك اغنيات حسن الالا
العزيز نصار الانتماء الوجدانى اكثر عمقا فانت منا ونحن نفرح بك

الفنان الموصلى لماذا لا تكتب لنا محللا الالحان والغناء النوبى انا على ثقة انك الشخص المناسب لتبيان سر هذا الغناء البديع

رجاء شرنوبى ومن كل خبراء اللغة النوبية ترجمة قسر كا اوركر

مره سالت البروفسير عبد اله الطيب وقلت له معاتبا لماذا توصفون لغنتا الجميلة بالرطانة وانتم تعنون الكلام غير المفهوم اجاب بقولة انا لااقول رطانة ابدا واسميها اللغة النوبية شفاء الله البر وفسير

دهب ريس المشرع
فلوكة من عبو الى نلوتى



احزان تملى السارية و تعدى


محمد سيد احمد

نلوتى عبد الفتاح طه

وكل احزتن مرمية

Sharnoubi:

You always an axes of good. Although, you are thousands of miles away from Kouika, Kerma, Sai, Abri, Kagbar, your soul mix with memories give us a bright picture of lost NUBA. The only thing to regain NUBA is to reunite physically and emotionally. You know that we can do it. I know that I will do and soon.
Keep up the pride of NUBA!

اركيش

النخلة

ما لاقت رياح القاح

واتلفت حول الجريد العنكب
واصابها المرض

والنخلة
لمن نسمات الصباح هبت
كان السعف بحزن بترنح

وقطرات الندى
ذى الدموع

والنخلة يا ناس
حردت طرح
لوما رجعنا

نحن السواد الهاجروا البلد
قالت يد العرب
لا تلاقح
ولا يد الغريب

والنخلة راجاينا


يا كوركدى


نرجع دغش

والنخلة قالت فى الحلم

ما بتطرح
تسد رمق الحزن

ikka narin laiga yanna kuddu munna
ikka waisfan la jamali bitiah kaiiga
aaga footachin wenis lai mashkiriga.


مع اعذب التحايا النوبيه

من اختكم الضنقلاوية

واتمنيتك
لحظة اتواريت ما كان عندى غير الحسرة

واتخيلتك لمن رحل من قدامى خيالى
وكنت مرسومة فى جذع النخلة
ومريم كانت تتأوه مخاض

واتمنيت يا نوبة
وارجع ليك

مكسور الخاطر
وازرع فى جرفك احزانى

والاقى بنية
فى العصرية
تحش فى اللوبيا وتسامرنى


وحسيت بانى غريب فى الغربة
واحساسى بشلنى اليك

يا نوبة


اه من احزان لعنة بعدك
بتشل جواى قدرة انى اشوف فى غيرك
ملامح العشق
واحبك
يا قنديلة
ويا ساقية
وحزنى منك ولى

ياما اللقو مقتيلى

وبحبك

بت دنقل
تماضر
المحسية الحلفاوية
السكوداية
النوبية
السودانية

الفنانية

الملعون الما بعرف اصلك من فصلك
والما بعرف قامتك
يا نخلة السامقة على
فن الوطن


يا نازحة بالوان الطيف فوق احزان الوطن
يا تمادر
معلش حرف الضاد عربى

وكنت فى لحظة اسرح بين الجروف والنخل والجزر
اسرح فى جمال وطن انا منه ...
وسكت الكلام

العزيز / شرنوبي
مسكجمي

والله ياشرنويي مع عارف الحاصل شنوة بمجرد ان انتهي من قراة مداخلاتك اشعر برغبة فى البكاء
وادخل في نقاش مع الذات وفي كل مرة اقول لن اقراء مداخلااتك مرة ثانية وتجدنى بمجرد ان ادخل البوارد تسبقني عيناى للبحث عن اسم شرنوبي وموضوع جديد
وادخل مرة ثانية في نفس النقاش العقيم مع الذات
............

عندك حل للاحزان ياشرنوبي ؟؟؟
ولك كل الود

شرنوبى
كل سنة وانت طيب
السنة الجاية فى بلدك و وسط ناسك من غير احزان
ربنا يجعل ايامك كلها افراح

شرنوبى العزيز .... يا ايها النوبى الجليل ... كوريق اجا نالى حبيب شفت اللغة العربية قاصرة كيف!!! حتى كل اصوات الحروف ما بتتلقى فيها
شرنوبى يا حبيبى احزاننا النوبية لها مجراها المغايرة لكل احزان الناس !!! وويلاتها تتضاعف فى قلب من مثلك ومثلى يصطلى بهمين : هم الوطن الذى للجميع وما سواه لله وهم الوطن النوبى الذى الذى نمشيه وحدنا !!! النوبى منا يا رفيقى يهاب شيئين ( على قول امل دنقل ) : ظهر الماء يرتفع ...وتجار الدين يجدون الرواج الذى يبتغون
ونموت مرتين كل حين !!! يقتلنا الوطن الذى يستولى على احلامنا ....ويقتلنا الهم النوبى الذى جردته النوايا الطائفية من الحلم !!!
هم يريدوننا نستحلم على حوريات الجنان .... ويحلبون احلامنا البيضاء .... ونحن نهتف بوطن لم يبعث بعد !!! اليست مجنونة هذه الدائرة ؟
كاننا نحب النضال الى الابد !! من قال اننا نحب النضال ابد الدهر !!!! متى نتنفس الصعداء ونقول :اتانا ما كدنا نفقد الحياة لكى ياتى ؟

عشقا تموت القبيلة فى الوطن ...ويموت الوطن من اجل رايات قديمة !!! قل يا حبيب : من قال ان( الله لا ياتى الى الفقراء ,اذ ياتى , بلا سبب) ؟
كن جريئا لتكون نوبيا واعلى .... وكن نسيما لنعبر دربنا حتى نهايات الوطن الفسيح ....كنا لاننا نحبك وفيك الجسارة كى نفدى البلاد ما لا نملك ونملك ....

يا رفيقى ,ما مللنا الدرب , لكن حلفا تتنفس تحت الماء !!!! ابى يرمى طوريته بعيدا فى عز انهماكه بالارض ويقول : ما الجدوى وحلفا ما زالت تتنفس تحت الماء
!!!!
ووطنى لا ينفك يتنفس تحت الطغيان

هذه يا حبيبى بعض احزانى اليك ....واسال الجميل حمزة سليمان لانو فى
احتمال يكون `بعض ازهار وليست احزان ` فالرجل بعد ابداعاته الاخيرة الرائعة ربما لا يوافق على التحرييف .

ارباب

لحظة سرحة فى المعنى
حاولت اسقط حروف الاسم
بالمعنى النوبى
ارو باب
اروباب

ارو باب
معناه الباب الجنوبى وهو مصدر الحياة للنوبة والمصريين لان النيل مصدره الجنوب

وكنت مع امل دنقل


او اروباب

اى سلالة الملوك

وجاز الاسمين

لك يارفيقى
حين ماج بداخلى شوق اعترانى فى منتصف الطريق بين وطن فى خيالى اسمه السودان
ووطن فى قلبى اسمه النوبة

وكالذى يحمله تيار النيل فى الضميرة اما م شيمه تحاول ان تحمله ضد التيار

كنت
انت
وانا
واغنية منسية
والنضال
كالرمضاء

فى الدواخل لا تنطفئ

سلام
والامنية وطن
خير ديموقراطى
ما بنيهو فرادى
ولا بالضجة فى الرادى
ولا خطب المساجد
الغواغاء

شرنوبى العزيز

كل سنة وانت رائع

ساواصل الكتابة لاحقا ...كن بخير