Post: #1
Title: قصة حقيقيه وطريفه
Author: ALZOLZATOO
Date: 04-07-2002, 04:35 PM
هذه القصه حقيقيه لشخص يعمل في المجال الطبي وبعد ان ياتي من عمله وقبل النوم يقوم باطلاق رصاص في الهواء حتى يطمئن نفسه بان جميع اللصوص سمعوا طلقاته ويحذرو من التسلط على بيته ، كان اليوم حارا وكان يجلس جاره خارج منزله كعادته جالس على كرسيه وعن يمينه زجاجته المعهوده وفي منتصف الليل ياتي جماعه من الحي المجاور ويحملون شخصا مريض مصاب بملاريا شديده ويريدون ان يحقنوه حتى تكون له سببا في ان يغمض عينيه يذهب احد هؤلا الى الباب ويطرق الباب بيده ثم بحجر مره اخرى اقوى من المره الاولى وياتي صوت من الداخل
منو في الباب
الجماعه :نحن
انتو منو : ساكنين قريب ليكم في الحي المجاور
دايرين شنو : دايرنك في موضوع
صاحب المنزل :موضوع ؟؟؟؟
فلم يسمعو بعد ذلك الا عيارا ناريا بالقرب من الباب ففرو مسرعين والطريف في الامر ان الشخص المحمول ( المريض ) يجري اول واحد في الجماعه هههههههههههه يكه عرفت الموضوع اثناء قيامي باكرا فرايت شخص يحمل بطانيه من منتصف الميدان وسالت جارنا فسرد لي القصه بالتفصيل هههههههههههههههههههههه يكه
زاتو
_______________
باخاف اسال عليك الناس
|
Post: #2
Title: Re: قصة حقيقيه وطريفه
Author: waleed500
Date: 04-07-2002, 04:39 PM
Parent: #1
يا زول كيف حالك
بتجيب ليك فى حاجات عجيبه ما عارف بتجيب فيها من وين؟؟؟
فهمت القصه كلها بس تلك الزجاجه بتاعة شنوووووووووو سمن ولا شنووووووو
|
Post: #3
Title: Re: قصة حقيقيه وطريفه
Author: ALZOLZATOO
Date: 04-07-2002, 04:43 PM
Parent: #2
وليد في سمن بيشربوهو بره البيت ههههههههههههههههه يكه ممكن تقول عليهو سمن بتاع بلح هههههههههههههههههههههه يكه
زاتو
____________
|
Post: #4
Title: Re: قصة حقيقيه وطريفه
Author: 7abib_alkul
Date: 04-07-2002, 05:15 PM
Parent: #3
لكن عنتر بالغ ولله اقوم جاري بس من صوت الرصاص
ولله كان كدا عبله ليه حق تقول ليه شتت
|
Post: #5
Title: Re: قصة حقيقيه وطريفه
Author: ALZOLZATOO
Date: 04-07-2002, 05:25 PM
Parent: #4
لا ياحبيب الكل بس عنتر كان عيان لو ماكده كان وقف بعدين جات في صالحو ياخي الملاريا طارت ومجاني كمان هههههههههههههههههههه يكه انا قلت لي جارنا تاني لو الواحد جاي عيان يدوهو طلقتين بدل حقنتين ههههههههههههههههههههههه يكه
زاتو
______________
ياحبيب قالو الجري من ناس الالزاميه ماعيب يعني ياعنتر ممكن تديها جكه
|
Post: #6
Title: Re: قصة حقيقيه وطريفه
Author: suna
Date: 04-07-2002, 05:32 PM
Parent: #4
انتو عارفين الزول دا مخترع عديل كدا غايتو انا برشحوا لجانزة نوبل
انتو علاج الملاريا بي كم
غايتو انا عندي اختراح نشترى كم رصاصة كدا ونلم لينا كم واحد طاقاهو ملاريا ونوديهم للزول دا وبي فرد طلقة نكون عالجنا كم نفر، على الاقل نخفف معاناة الناس من قروش العلاج ولا كيف ياشباب
|
Post: #7
Title: Re: قصة حقيقيه وطريفه
Author: BitAlhana
Date: 04-07-2002, 05:57 PM
Parent: #6
الزول ذاتو
قصة مبالغة عديل كده
والله ضحكت ضحك شديد
لكن العيان عنده حق العمر مابعزقة
|
Post: #8
Title: Re: قصة حقيقيه وطريفه
Author: EMU إيمو
Date: 04-07-2002, 06:03 PM
Parent: #7
الحبيب زاتو
والله حيرتنا معاك
كوابس المنام تقول قصة حقيقية
انت عارف الشغلة دي تنف مقطع
لفلم أمريكي
|
Post: #11
Title: Re: قصة حقيقيه وطريفه
Author: ALZOLZATOO
Date: 04-08-2002, 06:18 AM
Parent: #8
بت الهنا صباح الخير
شكرا فعلا القصه مضحكه انا لمن جارنا حكاها لي مت من الضحك طبعا هو عندو سناريو خطير ههههههههههه يكه
ايمو
صباح الخيرات
القصه حقيقه نحن عندنا حله اجارك الله كل يوم فيها قصه هههههههههه يكه
بعدين ممكن تنفع فيلم زي ماقلت لكن الامريكان ح يمثلو الدور بتاع صاحب البندقيه اما الجري والمرض ده ما بيمثلوه خالص هههههههههههههه يكه
زاتو
______________
وسط الزهور متصور وجهك صبوح ومنور
|
Post: #10
Title: Re: قصة حقيقيه وطريفه
Author: ALZOLZATOO
Date: 04-08-2002, 06:09 AM
Parent: #6
سونا صباح الخير
انت عارفه الخلعه بعض مرات بتكون علاج صدقي دي حصلت لي مره مشيت مستشفى امدرمان كنت شاعر بي فتور شديد ولحس الحظ بالنسبه لي دخلت بي باب الحوادث فشفت منظر فظيع فحسيت بي نفسي زي الحصان ورجعت طوالي قلت الناس في شنو ونحن في شنو المهم حمدت الله ورجعت معافى هههههههههه يكه
زاتو
_____________
ياسائلي عن حرفتي وآ ضيعتي فيهم وافلاسي ماحاك من درهم انفاقه ياخذه من اعين الناس
|
Post: #24
Title: Re: قصة حقيقيه وطريفه
Author: ابوحراز
Date: 08-12-2002, 05:44 PM
Parent: #6
غايتو ماعارف
لكن عندنا واحد كلما تجيهو الملاريا
قال بسمع فنان بغني ليهو جمب أضانو
الفنان اسمو القيقم
الراجل غلب ليك الجماعة
كلما مرة يقوم مخلوع
مالك يازول
اقول ليهم بس عاوز القيقم دا
|
Post: #9
Title: قصة طريفه
Author: sourketti
Date: 04-07-2002, 08:27 PM
Parent: #1
الاخوه والاخوات الكرام قصة (الزول زاتو) جد طريفه وظريفه خلت الواحد يضحك لما راسو لفا وذكرتنى ب (بنى هِل شو) البرنامج الانجليزى الطريف ....
|
Post: #12
Title: Re: قصة طريفه
Author: قرشـــو
Date: 04-08-2002, 07:54 AM
Parent: #9
الزول ذاتو
رهيب لكن
موضوع قزازة السمن يعنى لسع موجود فى البلد ولا شنو؟؟
انا سمعت انه بقوا يعبوه فى اكياس بلاستيك
بعدين انت قلت شفته الصباح ملفلف بالبطانية
يعنى جرى من قدام الباب ووقع ولا شنو
هاااااى يكا
|
Post: #13
Title: Re: قصة طريفه
Author: ALZOLZATOO
Date: 04-08-2002, 07:56 AM
Parent: #9
سوركتي مسكاقنا
شكرا ليك ياخي وربنا يبسطك كمان وكمان قول آمين
زاتو
____________________
قطار الشوق متين ترحل تودينا نشوف بلدا حنان اهلا ترسى هناك ترسينا
|
Post: #14
Title: Re: قصة طريفه
Author: 7abib_alkul
Date: 04-09-2002, 09:09 PM
Parent: #13
يا زول اعمل حسابك ما اتلخبط عليك الاختصاص
سونا دا عنتر ما عبله
ههههههههههههه يكه
|
Post: #15
Title: Re: قصة طريفه
Author: EXORCIST7
Date: 04-09-2002, 10:20 PM
Parent: #13
والله لسانك دا مزعج جدا جدا وممكن يكون علاج لكثير من الأمراض
EXORCIST
|
Post: #16
Title: Re: قصة طريفه
Author: ALZOLZATOO
Date: 04-09-2002, 10:27 PM
Parent: #15
ياقرشو نحن زمن كنا في السودان كان البيشربوهو عندهم باقه صغيره كده سامنها السوزوكي هههههههههه يكه لكن انا قلت ليك الجماعه قامو جارين وشالو البطانيه تاني يوم الصباح ياخي هههههههههههههه يكه
زاتو
اكزو
اللسان ده بيعالج من الصلع لو عندك صلعه بس قرب من الصوره وانشاء الله ح تصبح رولد قوليت بس ههههههههه يكه
زاتو
______________
ياطير ياراجع لي عشك قول لي قضيتو نهارك كيف
|
Post: #17
Title: Re: زاتــــــــــو
Author: bob
Date: 04-10-2002, 10:21 AM
Parent: #1
صباح الخير زاتو/
لك التحية والود القصة جميلة جدا لكن الاطراف من ذلك انو المريض قام جارى اول واحد طيب معناته الرصاصه ماهى الحقنه زاته الخلته اجرى اول واحد ههههههه يكه
بــــــــوب
|
Post: #18
Title: Re: زاتــــــــــو
Author: ebrahim_ali
Date: 04-10-2002, 11:30 AM
Parent: #17
ياالزول ذاتو ياخي انت قصتك حسي ما ممكن كده تديها لناس هاشم صديق عشان يقومو يبدعو فيها ويعملوهالينا مسلسل او قصيدة وبعدين ياخي انت من زمن السوزوكي والله انت قديم خلاص والجركانة المدفونة جمب الترعة وحسي بقوا بالبلاستيك اعمل حسابك بعد شوية يبجوليك ببتاعت الصحة الكترت في السودان التقول نحن ناقصين موية
هاك دي لكن اوع تقوم بنشرها او اعادة صياغتها الا بموافقة خطية من عندي
وهي عن العين والسحر وهي يقال انها حقيقية والله اعلم
فيحكى ان واحد من ناس الحلة قام ليك من الصباح على الجزارة ولقي ليك عند الجزار كبدة ضان كاربة قال الليلة الفطور انشا الله كبد بس واخذ الكبدة وماشي ليك على البيت فقابلو ليك واحدة عينه حارة جدا ومشهور في الحلة فقال ليهو جيتو من الصباح وخميتو المطايب فصاحبنا اتبسم ومشى على بيتو على طول وقال للمراة قومي ظبطي لينا الكبدة دي فالمراة خت ليك الطوة في النار وكبت الزيت ووضعت الكبدة على الطوة فالكبدة بدات تتطاير من الطوة تضرب سقف المطبخ فالمراة خافت وكوركت لراجلها احلقني ياابو فلان فصاحبنا عرف انو دا من صاحب العين الحارة وياريت لو وقفت عند المطبخ بس فقامو برميها في الشارع وجاء كلب عشان ياكلها ما عدة ليهو كم دقيقةالكلب راح فيها
وهذا على حسب ما سمعته
حقوق النشر والاقتباس والتصوير محفوظة يابشر
|
Post: #19
Title: Re: زاتــــــــــو
Author: yasiko
Date: 04-10-2002, 12:18 PM
Parent: #18
يا قرشو
بمناسبة قزازة السمن والباقة والاكياس
قالو في واحد بينسطل ويسكر
ففي يوم من الايام بعد سطل تمام قام شال باقتو
واتجه صوب المصنع بتاع سمن البلح زي ما قال الزول زاتو
وبالقرب من المحل لقى ليهو حريم ورجال سايرين
وكان معاهم طقطاقة(غناية)واثناء الغناء ،
الدلوكة بتاعت الغناية انقدت
فقامت شافت باقة اخونا فقالت ليهو
بالله لو سمحت ادينا باقتك دي نجيب بيها العروس ونرجعها ليك
قال ليها انتو العروس بتجيبوها بالباقة ليه
ما تجيبوها بالاكياس
|
Post: #20
Title: Re: زاتــــــــــو
Author: the_girl
Date: 04-10-2002, 02:17 PM
Parent: #19
لكن يا الزول زاتو قصة عسل و هي فكرة اننا نستخدم الرصاص للعلاج لكن دي ما حينفع معاي...لو كنت مكانوا كنت اموت مكاني ولا اجري بملاريا..علي قلة اموت شهيد و القتلني ياخد ذنوبي كلها:P:P
و بالمناسبة حلتك دي ما شاء اللة ...سلمت من يد القدر و من التغرب
ولا زال ناس الحواديت و الحوادث موجودين..ما شاء لله عليم الله توريني دي وين؟؟
نفسي بس اعيش في حلة بحق و حقيقي و احس بناس زمااااان..و الكلام اللي كانت امي بتكحكيهو...
the_girl
|
Post: #21
Title: Re: زاتــــــــــو
Author: ALZOLZATOO
Date: 04-11-2002, 00:11 AM
Parent: #18
بوب لك التحيه
طبعا ممكن تكون الطلقه حقنه مش بتاعت السحائي بيدوها بالمسدس بس بتاعة الملاريابالبندقيه ههههههههه يكه
ابراهيم علي طبعا انا كنت بتفرح بس في ناس السوزكي هههههه يكه بعدين صاحبك العينو حاره ده والله خطير عديل كده خلى الكبده تنطط في الصاح ههههه يكه يعني عينو طايره هههههههههه يكه بعدين الله يكون في عون الكلب مات ماكل كبده هههههههه يكه
زاتو
_____________
حبك للناس خلاني احبك تاني
|
Post: #22
Title: Re: زاتــــــــــو
Author: ALZOLZATOO
Date: 04-11-2002, 00:19 AM
Parent: #21
ياسيكو مساء الخير
طبعا الحمد لله السكران ما اداهم الباقه عشان يجيبو بيها العروس لانو راجله كان ح يرجعها بالمزيكه هههههههههههههههههههه يكه
the girl
ربنا يرد غربتك لكن للاسف والله الحله كلنا هجرناها وخليناها خاويه والله لكن لسع والله فيها شوية مرح اخر اجازة مشيت كان الشباب كلهم بيجوني بعد عشره بالليل نخت الكراسي ونتونس جم البيت لحدي قريب الصباح مره زمان قبل رمضان بي كم يوم عندنا جارنا جنو كشتينه قام جاب 3 لمبات ( مصابيح ) عشان السهر بتاع رمضان جم البيت وبعد يومين مشينا صلاة الجمعه الامام قال طبعا الشياطين بربطوها في رمضان لكن الشيطان قبل مايربطوهو بيضع ليك البرنامج بتاع رمضان يعني تجيبو الكشتينه وتجهزو الانوار طبعا نص اولاد الحله قعد يضحكو في الخطبه ههههههههههههههههه يكه زمن والله
زاتو
_________________
الذكريات صادقه وجميله
|
Post: #33
Title: Re: زاتــــــــــو
Author: DEEK_ALJIN
Date: 08-13-2002, 07:34 AM
Parent: #18
على ابراهيم ... كبدة ضان + طوه +زيت ؟؟؟؟؟؟؟؟
ديك الجن
|
Post: #23
Title: Re: قصة حقيقيه وطريفه
Author: ALZOLZATOO
Date: 08-12-2002, 05:13 PM
Parent: #1
ياحبيب الكل انا عارفك تكون عرفت الراجل بس خليها في سرك
زاتو
|
Post: #25
Title: Re: قصة حقيقيه وطريفه
Author: willeim andrea
Date: 08-12-2002, 05:52 PM
Parent: #1
يا فرفوش يا مساء الفرفشه اسمعني كويس السمن البلدي كوم وامام الجامع كوم تاني لكن انته سمعته بي دي طبعا جاركم ده صاحبي بس خليني احكي ليك حكايته لما جه جديد في الحله وكان بيفتش في السمن البلدي وما كان عارف ليهو طريق فقام شارو نفسه في يوم الجمعه داك وراح الجامع وفي اثناء الخطبه كان امام الجامع صابي غضبه في البيت داك الفي الحله البيصنع السمن البلدي ويشيل ويوصف المهم صاحبنا طلع من الجامع بدون ما يحضر الصلاه وعديل وهو بينكرش علي بيت السمن المهم اشتري جردل وهو بيموت من الضحك ويقوووووول والله وصفوكم لي في الجامع ههههههههههههييكه
|
Post: #26
Title: Re: قصة حقيقيه وطريفه
Author: willeim andrea
Date: 08-12-2002, 06:02 PM
Parent: #1
واسمع دي كمان يعني قبل ما يوحد ابو عاج المزاج ويخليهو كلوووو سمن بلدي قالووووا كان واحد من الشغالين في مصنع ابوجمل الشراب اسكوب في بحري وكان شغله التذوق قبل التعبئه وفي اليوم داك جاهو واحد وقاليهو اسمع خلاص الرئيس عاوز يقفل المصنع ويمنع الشراب اسكوب تعرف رد صاحبنا كان شنو: قاليهو اسمع يا اخوي انته ازهري ده جنه هههههههييييييييكه
|
Post: #27
Title: Re: قصة حقيقيه وطريفه
Author: Yassir Mahgoub
Date: 08-12-2002, 07:30 PM
Parent: #1
بوست لذيذ يا زول و المشاركين
ضرب الرصاص قبل النوم ذكرني بطرفه رواها الدكتور عبد الرحمن شلي الله يطراه بالخير في كورس بتاع إداره كمثال سئ لإدارة الأزمات ، وهي عن واحد خواف جدا خاصة من الحراميه فإشترى مسدس صوت وبقى كل يوم قبل ما ينوم يضرب مجموعة طلق لتخويف الحراميه.. وفي ليله كدا صحى فجأه بصوت حاجه تقيله بتقع فرفع راسو وعاين تجاه الحيطه لقى حرامي من النوع أبو عضلات في عيونو داك يعني شوارزنجر بس... وكان الحرامي ماشي عليهو عديييل و صاحبنا من الخوف إتجمد وقطع النفس ميت بس، الحرامي جا وقف فوقو و عاين ليهو شديد لقاهو بالحاله دي إتأكد إنو نايم فقام دخل البيت لقط البيت كلو ختاهو في بقجتين كبار و جا مارق... في هذه الأثناء ـ دي حلوه لكن عجبتني ـ صاحبنا كان بحاول يلقط أي ذرة شجاعه يلقاها جواه فجا الحرامي مارق شتت ليهو اللقطو وتاني مشى عليهو و عاين ليهو بنفس الطريقه بعدين مشى على الحيطه و كان الراجل ينظر للبقج الكبيره بحسره و ألم و الحرامي شالم رفعم في الحيطه وشب داير يطلع و هنا أصيب صاحبنا بإنتفاضه مفاجئه و طلع المسدس من تحت المخده مع رجفتو ديك و طاخ طاخ طاخ ضرب كميه من الطلق فإذا بالحرامي يقع من الحيطه و يصرخ آآآييي كتلتني كتلتني و صاحبنا مخلوع يعاين للمسدس و بعدين يعاين للحرامي و هو محتار ثم وجه المسدس على الحرامي و هو يرجف و يتمتم
يا زوول للووو ما نططييت الحححيطه دي أنا بكتلك تاني
|
Post: #28
Title: Re: قصة حقيقيه وطريفه
Author: المسافر
Date: 08-12-2002, 08:23 PM
Parent: #1
يازول
سمعت قصة المسدس الفشنك
الراجل حاشي المسدس فشنك ولما دخل عليه الحرامي راح ضارب فيه طاخ طيخ
قام الحرامي قال ليه يازول خلي الفشنك بتاعك ده شوف دي
قام ضارب ليه طلقة عيار خمسة ميلي خلت ليك العرش دقيق
قام قال ليه والله يابزند مسدسك انت تمام كدي تاني عليها بواحدة
قام الحرامي قال ليه هي واحدة بس خلي بكرة اجيك بخمسة احت ليك القش الفوق راسك ده
|
Post: #29
Title: Re: قصة حقيقيه وطريفه
Author: mohsin_alsla7aby
Date: 08-13-2002, 05:10 AM
Parent: #1
زاتو حلوه والله بس عاوز اسالك ما تكون اخدت ليك جغمة من سمن البلح ده!؟ لانو كلامك بيقول كده لك الود هههههههههههههههههههههههههي يكه زاتك
|
Post: #30
Title: Re: قصة حقيقيه وطريفه
Author: ALZOLZATOO
Date: 08-13-2002, 06:46 AM
Parent: #1
وليم اندريا
شكرا للمشاركه اللطيفه وامام الجامع بتاعكم ماقصر يعني فكي للزول كربتو هههههههههه يكه وبعدين الزول البضوق عسل البلح دا معناها اليوم داك كان الانتاج اصلي هههههههههههه يكه اها وبعد داك اشتغل شنو يارب ههههههههههه يكه
اسمع عندنا برضو بيت في الحلة بتاع عسل بلح وعندنا جارنا طوالي من الزبائن بعدين بتاعة العسل ولدت جابت ليها ولد سمتو بي اسم جارنا قام جارنا اتكيف وكل يوم بقى يمشي يشرب عسل مجان ويقول ليها حق الاسم ههههههههههههههههههههههههه يكه
زاتو
_____________
|
Post: #31
Title: Re: قصة حقيقيه وطريفه
Author: ALZOLZATOO
Date: 08-13-2002, 06:54 AM
Parent: #1
ياسر محجوب
لك التحيه
والله انا متوقع الحرامي يكون قال ليهو ماكتلتونا خلاص ههههههههه يكه
في واحد في حلة ناس حبيب الكل برضو بلاوز من الحراميه يوم راقد في السرير واتقلب على الجنبه كده شاف ليك حرامي شايل طوبه وطالع في الحيطه قام صاحبك راقد على جنبتو لحدي الصباح شالوهو ودوهو المستشفى هههههههههههههههههههه يكه
زاتو
|
Post: #32
Title: Re: قصة حقيقيه وطريفه
Author: ALZOLZATOO
Date: 08-13-2002, 07:07 AM
Parent: #1
ياالمسافر
والله لكن حراميكم شديد مافي لعب
عندنا واحد صاحبنا قال عملنا للحراميه كهرباء في الباب والحيطه بقو يجو معاهم لمبة بيان ههههههههههههه يكه
ياسر محجوب
لا لا لا انا اقصى درجة وصلتها الشربوت هههههههههههه يكه
لكن صدقني انت باين عليك مصلح يامعلم لانو شايفك بترسم في كراس العربي ههههههههههههههههههههههههههه يكه
لكم التحيه
ابوحراز
بعد التحيه ياظريف
يازول جاركم ده ماعندو ملاريا ده اكيد يكون عندو الجمرة الخبيثه هههههههههههههههههههه يكه دي علاجه ماعرفناهو لسع لكن عندنا واحد في المدرعات ح نخليهو يعمل لينا تست هههههههههههههه يكه
زاتو
_______________
اضحك تضحك لك الدنيا
|
Post: #34
Title: Re: قصة حقيقيه وطريفه
Author: willeim andrea
Date: 08-13-2002, 09:07 PM
Parent: #1
قال مشاركه قال هههههههههييكه
|
Post: #35
Title: Re: قصة حقيقيه وطريفه
Author: zico
Date: 01-05-2003, 07:54 PM
Parent: #34
شكرا زاتو
|
Post: #36
Title: Re: قصة حقيقيه وطريفه
Author: كيمو
Date: 01-05-2003, 08:45 PM
Parent: #35
يا اخوى الخوف زول الملاريا دا يكون جارى لحدى هسة
بعدين انتم قدمين ما اسمة سمن
اسمة الفرح المعباء فى الزجاج
|
|