رسالة من المجرم البراء عبدالرحمن عمر الى البشير

04:17 PM January, 28 2019

سودانيز اون لاين
Hassan Farah-جمهورية استونيا
مكتبتى
رابط مختصر

رسالة الى السيد رئيس الجمهورية والسيد مدير جهاز الامن
السلام عليكم
اما بعد نفيد سيادتكم بأنا نحن ابناءكم ابناء الوطن المخلصين للقضية والشعب والدين..ولا زلنا على العهد ..وقد قمنا بردم جميع المندسين والشكش الكترونيا هنا وقامت قواتك النظامية بردمهم في الميدان هناك لحدي ما قالو وااااي
واليوم اصبحت تجمعاتهم عبارة عن فرفرة ذبيح يلفظ انفاسه الاخيرة بعد تصريح هناي داك الكان قاعد معاهم هناااك يوم داك وقال ليهم نحن بعد دا ما قصرنا معاكم ولحدي الباصات اجرناها ليكم ولميناكم في شارع روبال كير قريب ال3الف ..باقي قروشنا دي اخير ندخلها السوق وكنا نحن هنا افضل جداد الكتروني .....
المطلوب عشان ما نمعط الشكش ديل هنا هو كالآتي:::
الناس الطلعت الشارع دي كلهم سودانيين الجنسية على الرغم من مياصة اولادهم وشكشكة بناتهم الا اننا نعترف بجنسهم وفي نهاية الامر هم منا ونحن منهم وان تباعدت الافكار لكن هم من وسطنا....نريد منك سيدي الرئيس بيان وتصريح بخصوص ما حدث في الاونه الاخيرة نريد قرار جمهوري بخصوص ذلك...انشالله تطلع تقول ليهم ((ايها الشعب السوداني الشكش لقد قررنا نحن رئاسة الجمهورية إبادة كل من سيخرج الشارع)) عشان لامن يمرقو يكونو عارفين مصيرهم
السيد مدير جهاز الامن المطلوب منك شد الاحزمة داخل هذا الوطن ..فو انك ومنذ البداية. شددت عليهم وكانت نفس تلك العربات البيض ارتكزت بالقرب من الافران والطلمبات والمواصلات لمراقبة ما يدور من انتهاكات واضحة للقانون من قبل التعريفه الزائدة للمواصلات من غير وجه وتهريب البنزين والجاز وكذلك بيع الدقيق لي ناس الباسطة لانو ناس الباسطة اصلا ما عندهم حصة عشان كدا ضعاف النفوس من اصحاب الافران بستغلو النقطة دي وببيعو الدقيق سوق اسود لي ناس الباسطة...وكلكم لاحظتو مجرد ما ختو عساكر الامن في الافران الازمة وقفت .بمجرد سحب العساكر الازمة رجعت...السيد مدير جهاز الامن اغلبية من خرجو المظاهرات فعلا شكش لكن هناك من خرجو بحق وسمعتهم بإدني هذي بقولو -(مافي رقابة)) فحبذا وليتك تظهر لهم هيبة وسيادة الدولة في كل مكان حتى لا يفتقدوها ابدا. في الواصلات الافران الطلمبات انشالله حتى داخل البيوت والجدير بالذكر انو الشعب السوداني شغال بالمراقبة لا بالضمير
هذا كتابي اليكم والنذير لكم ..لمن راى الراي منكم ومن سمعا
قد بذلت لكم نصحي بلا دخل فاستيقظوا فان خير العلم ما نفعا
https://www.facebook.com/groups/2008787092703340/؟multi_permalinks=2205425966372784andnotif_id=1548683795701190andnotif_t=group_highlightshttps://www.facebook.com/groups/2008787092703340/؟multi_permalinks=2205425966372784andnotif_id=1548683795701190andnotif_t=group_highlights
--------------------------------------------------------------------------------------------------------
يا جماعة هل هناك من يعرف هذا المجرم؟