حقائق عن الطلبه الكيزان (الملثمين بالشالات وبقتلوا في المتظاهرين)

01:45 PM January, 25 2019

سودانيز اون لاين
الفاتح الدنقلاوى-
مكتبتى
رابط مختصر

إلى الثوار الشرفاء...

الناس الملثمين وراكبين البكاسي وبدقوا في الثوار بالخراطيش ديل طلبة كيزان...أو مايسمى بالأمن الشعبي

يعني ما عندهم صفة رسمية أو قانونية تخليهم يشيلوا سلاح ولا يفرقوا مظاهرات ولا دا شغلهم وكمان ما مدربين...

ما تخافوا منهم وما تركبوا معاهم في البكاسي عشان يدقوكم ويهينوكم...وهم أصلا" ما جهة نظامية

تركبوا معاهم رأس وتثبتوا معاهم بونية ويمين وأي فهم وكان غلبكم أردموهم طوب وأجرو..والجري ما عيب...

والناس ديل من ناحية قانونية لو عوقتوا فيهم زول ولا كتلتوه دمو بروح ساي لأنو بكون في الحالة دي عندكم حق الدفاع الشرعي لأنهم ماناس عندهم صفة رسمية وشايلين سلاح وبقتلوا في الناس...عكس العسكري بتاع البوليس وبتاع الأمن لو مات بعتبروه شهيد واجب وبدو أهلوا حقوق..أما التافهين ديل فطيس ومات وكان عوقت واحد ما بقدر يشتكيك..

والحاجة المضحكة بدو كل واحد منهم يوميا" مبلغ (200)ج (ميتين جنيه..أربعه خمسينات) عشان يقتلوا الناس..وللأسف الناس ديل أهلهم وجيرانهم عشان يدافعوا عن حرامية نهبو البلد كلها وبدوهم هم 200ج مقابل القتل.

وكمان في حاجة تانية..ما من حق أي كوز ولا أمن شعبي ولا أمنجي ولا أي نظامي يجي داخل ليك جوة البيت بدون أمر مداهمة طالع من وكيل النيابه في منطقة المظاهرات...لو جاك داخل جوة البيت لو قتلتوا ما بقتلوك لأنو بكون عندك حق الدفاع عن النفس لأنو زول إتعدى على بيتك وأسرتك وحرماتك وكمان شايل سلاح داير يكتلك

ما تخلوا طلبة الكيزان ومنسوبيهم الجبانين المغطين وشوشهم بي شالات خوفا" من أن يتم التعرف عليهم يحقروا بيكم ويدقوكم ويعتقلوكم عشان يسلموكم ناس الجهاز ولا يودوكم المقر حقهم البقع غرب مركز القلب و شركة كنار وجنب منسقية الدفاع الشعبي الخرطوم لأنهم أصلا" ما عندهم صفة رسمية عشان يعملوا كدا ولا حق قانوني.

الناس ديل قاعدين معاكم في الأحياء وأسرهم جنبكم..أكشفوهم لي كل الحي..وأنشروا بياناتهم للشعب السوداني...
وأي كوز مختفي الأيام دي أو برجع بالمساء خالص وخصوصا" الطلبه ولا سايق ليهو موتر ولا لابس ليهو شال ولا طاقية برد دا معناها من الناس البقتلوا في الناس...
و عشان يعرفوا إنو مافي روح أغلى من روح مادامو ملثمين وبقتلوا في الناس...أكشفوهم عشان الناس تقتص منهم وتاخد حقها.

أكشفوهم وأنشروا بياناتهم عشان بكرة مافيهم زول يقدر يمشي في الشارع ويواجه ناس حلتو والمواطنين..وعشان ما يفلتوا من العقاب.

# قدام✌

## تسقط بس ✌

الأستاذ / عادل حسين عبدالصادق/ محامي بأمدرمان..