شوف عيني دي (محمد مدني)

07:20 PM January, 21 2019

سودانيز اون لاين
عبدالعظيم عثمان-
مكتبتى
رابط مختصر

دسكليمر (الكلام السمح دا انا لفحته من مكان ما دون تصرف)


ما كلْ سحابة تعدي
تِحْت الشمسِ
بتجيب الكسوف
ولا كلِّ من دَمَعَتْ عيونو
بِغَلْبُو يوم الليلة شوفْ
ولا كلِّ من رَجَفَتْ أصابعو
أصابو من تالاكا خوفْ.
الشموسْ
الواقدة من هطَّال دموعنا
وسيل دمانا
الليلة مارقة صفوف صفوف
والعيون الدَّامعة لامعة
وفارزة مين منديل نداها
ومين بيتحرَّى القطوفْ
والأصابع
راجفة كَتْمَة غيظ
بيغلي طوال سنين
في كل جوف
والناس
على شفا يوصلوكْ
في القصر
أو
لو"حوَّلوكا بدون سلوك"
إلى القيادة
ورَكَّبوك الأنتينوفْ
أو جات كتايب الظل
وحَجَّاجَك
ولاحِس كوعو
شالوك في الكتوف
لا لاهاي
بتشفي غليلنا
لا ناس المواثيق
النصوصها ظروف.
ما فيش مفَر
يوم الحساب قد هلا :
دم جغرافيا تاريخ
اقتصاد أخلاق أدب
والدين يحاسبك الله
عِلّا الماتو باسم الدين
حسابنا معاكا بالمكشوف.