دا معقول يا البشير يا برطوش تقول دكتور بابكر قتل من الخلف ببندقية خرطوش

03:43 PM January, 21 2019

سودانيز اون لاين
صديق مهدى على-
مكتبتى
رابط مختصر

عليكم الله تقولوا شنو فى كلام هذا الرجل الباطل
وبعدين يقول الناس لو عايزة تحكم تنتظر انتخابات ٢٠٢٠ هو انت انت انتخابات انقلبت عليها فى سنة ١٩٨٩ كيف ترضى بها ٢٠٢٠ اكيد انت رجل مهوس ومطرطش اذا كنت تؤمن بالانتخابات فى ٢٠٢٠ تنحى
عن الحكم الان وتتكون حكومة انتقالية لاجراء الانتخابات فى ٢٠٢٠ والله ناس بيتك ما يدوك اصواتهم
تسقط بس

البشير كضاب المية حكومة اصبحت نسيا منسية
تسقط بس

وكمان اللجنة التى كونتها وزارة الصحة امس عملت مؤتمر صحفى وقالت دكتور بابكر اصيب
بعيار نارى من الخلف اطلق من بندقية خرطوش من على بعد ٤ امتار وهذا ليس متوفر للشرطة
ولا الامن ولا الجيش يا سبحان الله طيب انتم مش جمعتم السلاح من كل الناس وتركتوه
فى يد الجهات الامنية يا امة مالكم كيف تحكمون طيب خليكم من مقتل دكتور بابكر الولد
الجنبو من قتله

وكمان اثناء المؤتمر الصحفى احد اعضاء اللجنة قال نحن حلفنا قسم ان نقول الحقيقة وما فى
حد بوجهنا او يطلب مننا ان نقول كذا وكذا وطيب لجنتكم هذه كونها ريسكم البشير مش عشان
تزور الحقيقة زى ما هو عمل انتخابات مزورة يا ناس خافوا الله

يا صديق الكلام دا زول ما درس عسكرية و ليست له علاقة بالعسكرية، من المستحيل اقول كلام زي القالو قوش و قالو البشير حول حول استشهاد بابكر. رواية قوش و البشير ان هناك بنت اخرجت خرطوش من شنطتها و اطلقت عليه نار من الخلف. الطلقة الانشطارية التي وجدت داخل جثمان الشهيد من المستحيل ان تخرج من بندقية طولها اقصر من شنطة السيدات. هذه الطلقة بالعديل محتاجة الى بندقية لا يقل طولها عن 80 سنتمتر. اي شنطة لهذه البنت التي تسع هذه البندقية. اللهم لا تبلينا، حكام لا سياسة و لا علم و لا حتى عسكرية.

شكرا عبدالله على المرور