مرقنا ! مرقنا! عاميه سودانيه ولاّ سوريه يا بشبش ؟

02:13 AM January, 14 2019

سودانيز اون لاين
abdalla elshaikh-MEMPHISE-TN-USA
مكتبتى
رابط مختصر

مرقنا ! مرقنا! عاميه سودانيه ولاّ سوريه يا بشبش ؟
قال البشير مخاطباً جماهير نيالا إنّ الشعارات المرفوعه الآن في المظاهرات بالسودان هي ذات الشعارات التي صرخ بها النّاس في سوريا ! وهو ذات الكلام ألذي قاله الطاهر حسن التوم في حلقةٍ أشبه بمن يمارس التلذذ الذاتي مع كلٍ من الرزيقي ومين كدا عزالدين ! فقالها الطاهر نقلاً عن خبير إعلام سوري مقيم بالخرطوم !
فيا بشه والطاهر ! مرقنا مرقنا ضد الناس السرقوا عرقنا! عامية سودانية معطونة في أشعار حاج الماحي و مسادير دار حامد والبطانه !

أما شعار سلميه سلميه ضدّ الحراميه شعار يرقص علي إيقاع التُمتُم وهو إيقاع دال علي الهويات السودانيه من مدن الرّديف السودانيه وليس من الغوطه الشّرقيه يا بشّه !
وقديماً قالوا الرّديف عرقي نضيف !

أمّا خرير الشعار الدّاوي والذي زلزل بنيان العنصرية والذي حاولتم بنيانه ما بين الثقافات السودانيه فهذا شعار لونو تاني وإسموا تاني وحبيبنا الأسمراني وأعني به شعا
يا العنصري المغرور كلّ البلد دارفور
فهذا شعار لم تنجبه الثورة السوريه ! فلو أنجبته لما تحول الصراع بينهم لصراع علوي ضد سني فهو صراع أعمي أرجعهم لمبتدأ الصراع بين علي ومعاويه

أمّا شعار تسقط بس فدا إبداع سوداني مُنسل من رحم ألإبداعية السودانية التي ألهمتنا بقامات إبداعية من لدن مندي بت المك عجبنا مروراً بجلالة ود الشّريف رايُو كِمل جيبو ليْ شرايتَ من دارقِمرْ ! وإنتهاءاً بحنجرة أبو ألامين وهو يقوقي صادحاً
في ليله وكنا حشود بتصارع
عهد الظُلم الشَبّ موانع

أمّا الأغنية التاليه ألظاهر عليك يا الطاهر سمعتها في حواري دمشق القديمه بصحبة الرزيقي والحينقو عزالدين !
حبيبي تعال نندس مادام الكوز سرَق بالدس
مادام الكوز سرق بالدس! أنا ذنبي أيه عَلموني السّف
يا حبيبي!!

في العام 1997 كنا طلاب في الجامعة وكنا نهتف ب : سقطت سقطت يا كيزان
هذه الهتافات سودانية خالصة من قبل أن يعرف الوطن العربي ربيع الثورات
بشه بقول كلام خارم بارم

الطلقة ما بتكتل ... بكتل سكات الزلمة.

يا ود الشيخ
الزول دا راح ليهو الدرب في الموية وبقى ما فارز
معذور والجاي أصعب عليهم

#تسقط_بس

الإصدقاء عبدالعظيم وأبو الريش وعم أبو عاقله
سلامات !
ألنّاس ديل بيعزفوا وبإيقاع منظّم علي وجه التشابه مابين الثورة السورية اليمنيه العراقيه ! وبدأوا يركزون علي الشعارات المتاشبهة علماً ليس هنالك أية تشابه مابين العامية السودانية والعاميات العربيه !
ثم ثانياً جُل الثورات العربيه وخاصةً في اليمن والعراق وسوريا هي صراعات مذهبيه ترجع للصراع الأموي العبّاسي وهو صراع يُحتّم دخول أطراف خارجيه في الصّراع ! السعودية ضد إيران كمثال الأمر الّذي أدّي لاستمرار الصراع.
ولكن في السودان الأمر مختلف تماماً لأنه صراع مابين الحراميه وجموع الشعب السوداني ولذلك هتف الشعب في وجههم صائحاً بأن مرقنا ! مرقنا ضد النّاس السرقوا عرقنا!!

يا ود الشيخ مرقنا من مرق
وهو بالعامية السورية الشوربة او السليقة


يعني كلامو يكون قاصد كدى


فشنو


خلوهو يتبختر في اواخر عهده المشئوم!

خرج مواطنو منطقة بري في مظاهرات حاشدة اليوم الخميسن،استجابة للدعوات التي أطلقها تجمع المهنيين السودانيين للتظاهر من أجل إسقاط النظام.

وردد المتظاهرون هتافات تنادي بالحرية والسلام والعدالة، كما أنشدوا النشيد الوطني، ورددوا هتاف: "نحنا مرقنا وما خايفين وين الفاتح عزالدين"، في تحدٍ لأمين الفكر والثقافة بالمؤتمر الوطني الفاتح عز الدين الذي هدد بقطع رقاب المتظاهرين ومن يحملون السلاح.