حبيبي تعال نعيش في سلام نخلي الفرقة ونمش قدام

10:46 PM January, 14 2019

سودانيز اون لاين
Yasir Elsharif-Germany
مكتبتى
رابط مختصر

دروس عظيمة في كلمات بسيطة ولحن أبسط




يا ريت زول أضانو سنينة يكتب الكلمات حتى يتم التداول حول مغزاها

الشعب السوداني تظهر عظمته كل حين

الكلمات تعبر تماما عن الشارع

حبيبي الناس واقفة في صف جاز
ولو لقيت ركشة جد انجاز
حبيبي الحالة في صف جاز
ولو لقيت ركشة جد انجاز
وتسقط بس حكومة الانقاذ
يا حبيبي

القصة ما قصة رغيف
القصة فساد وكلام سخيف
زمنكم فات يلا يا سخيف
دحين بالجد نحن شعب حصيف
يا حبيبي

حبيبي تعال نعيش في سلام
نخلي الفرقة ونمش قدام
نخلي الفرقة ونمش قدام
نحن في وطنا بنشوف احلام
يا حبيبي

نحن زمان قمنا لي عبود
رفسنا نميري من الوجود
وهسي خلاص كلامنا الحيسود
وتسقط بس مافي ليك وعود
يا حبيبي

يا بوليس العن الوسواس
اقيفوا معانا نحن نفس الناس
افيفوا معاي ما تكتلوا الناس
ديل تجار الدين نجضونا خلاص
يا حبيبي

ناس الجيش انتو وين ......
نحن مرقنا والله مقهورين
حكومة البشير تكره .....
يا حبيبي

حبيبي تعال نعيش في سلام
نخلي الفرقة ونمش قدام
نخلي الفرقة ونمش قدام
نحن في وطنا بنشوف احلام
يا حبيبي

انحنا خلاص قمنا مافي رجوع
حننهي حكومة الفقر والجوع
نرفع السودان بالدعاء المسموع
يا حبيبي

حبيبي تعال نحن في السودان
وخلي الغربة الوطن انسان
عشان نبنيهو ويبقى احلى مكان
يا حبيبي

انحنا شباب واعي ما بنخاف
من الاحزاب ومافي بينا خلاف
ما بسرقو الثورة نحن حصاف
يا حبيبي

البديل منو البديل دستور
البديل قانون ما بيحكم جور
انتو كضابين لعبتوا بينا دهور
يا حبيبي

يا حبيبي
حبيبي تعال نعيش في سلام
نخلي الفرقة ونمش قدام
نخلي الفرقة ونمش قدام
نحن في وطنا بنشوف احلام

حبيبي الثورة ما بس تغيير
الثورة عقول ياخ الثورة مصير
الثورة الجد ثورة في التفكيير
يا حبيبي

بستناك نحاسب الكيزان
وبالقانون نعدل الميزان
وبي قانون بشبه الانسان
عشان نكون درس للبلدان
يا حبيبي

حبيبي تعال نغني للحرية
واصلو الدين في الاساس حرية
نعيش في سلام فينا دي المحرية
يا حبيبي

يا حبيبي
حبيبي تعال نعيش في سلام
نخلي الفرقة ونمش قدام
نخلي الفرقة ونمش قدام
وتسقط بس تاني مافي كلام
ياخي تسقط بس تاني مافي كلام