Post: #1
Title: ياعمك ما بنكسر الحنك
Author: Khalid Abbas
Date: 01-10-2019, 07:39 AM
Parent: #0
06:39 AM January, 10 2019 سودانيز اون لاين
Khalid Abbas-Sudan
مكتبتى
رابط مختصر نسأل الله الرحمة للشهداء الابرار ونرسل كل التحايا لهذا الجيل
الواعي والصامد والشجاع . امس كان يوم عظيم وحزين في نفس الوقت
وخطوة متقدمة نحو الحرية تواصلي الخاص مع هذا الجيل علي المستوي الاسري
عن احداث يوم امس ويوم مظاهرات بري تقريبا شابتين وشاب مشاركين بصورة متواصلة
في المظاهرات وماعندهم اي عمل سياسي سابق البقدر اجزم عليهو الشباب ديل فكرة خوف ورجعة
ماعندهم بحكوا ليك عن الاجواء والاحداث لحظة الصدامات مع القوات الامنية بفخر عجيب
وطريقة بسيطة وواعية وعيون كلها امل في الخلاص وعن الناس العرفوهم هناك . تقول ليهم القصة دي صعبة
وفي ناس ماتت وفي اصابت ولا بشتغلوا بيك الشغلة طوالي بحكي ليك عن المستقبل والمفروض يحصل وبلدنا حيكون شكلها كيف بعد زوال الفرعون وبدون
مقدمات يدخلوا في ونسة مابفهم منها حاجة مصطلحات عجيبة (لغة شباب ونحن عجائز) .
المهم الناس القلبها رهيف وحزنت وبكت امبارح على الاحداث العنيفة امسحوا دموعكم وارفعوا راسكم وافتخروا بيهم . الشباب ديل
حابسين الدموع والوجع وطاردين الخوف كايسين الضوء من شمس الحرية . واخر كلمة قالوها ياعمك نحن ما بنكسر الحنك
|
Post: #2
Title: Re: ياعمك ما بنكسر الحنك
Author: محمد البشرى الخضر
Date: 01-10-2019, 08:48 AM
| Quote: وارفعوا راسكم وافتخروا بيهم . الشباب ديل |
حقيقة والله ياخالد، ولاحظ ديل جلهم مولود بعد جات نكسة الانقاذ وقاموا تحت ظل تضليلها وتجارتها باسم الدين وحشد المشاعر بالجهاد و الحصار ومواجهة الغرب الكافر
وروجوا انه جيل ضايع بتاع مخدرات وغناء و رقيص
لكن اثبتوا الشباب ديل انهم احفاد جيل ٢٤ و اكتوبر وابريل بحق وانهم يحملون جينات شهداء كرري وام دبيكرات و نسل تهراقا
علمونا دروسا في حب الوطن و التضحية و الشجاعة
لله دره من جيل
|
Post: #3
Title: Re: ياعمك ما بنكسر الحنك
Author: Haytham Ghaly
Date: 01-10-2019, 09:05 AM
Parent: #2
Quote: واخر كلمة قالوها ياعمك نحن ما بنكسر الحنك
|
فعلاً يا خالد هم فخر لنا وللوطن وللشعب
والحنك بعد الحصل دا مااا اظنو بتكسر ولا بد من مواصلة المشوار
والمعتوه البفنجط دا ما عندو حل غير #يسقط _بس
|
Post: #5
Title: Re: ياعمك ما بنكسر الحنك
Author: Khalid Abbas
Date: 01-10-2019, 09:23 AM
Parent: #3
| Quote: والحنك بعد الحصل دا مااا اظنو بتكسر ولا بد من مواصلة المشوار |
دي اعظم نقطة ثورية وصل ليها الشعب من 30 سنة اي رجعة معناها ننتظر تاني 30 سنة
|
Post: #4
Title: Re: ياعمك ما بنكسر الحنك
Author: Khalid Abbas
Date: 01-10-2019, 09:20 AM
Parent: #2
| Quote: علمونا دروسا في حب الوطن و التضحية و الشجاعة |
الاهم يامحمد انهم رجعوا لينا الامل عشان كده مانكون خصما عليهم الناس توقف حالة الهلع والحزن
قدام بس
تسقط بس
|
Post: #6
Title: Re: ياعمك ما بنكسر الحنك
Author: Khalid Abbas
Date: 01-10-2019, 06:39 PM
وتطلع من شقوق الارض الاف المدن قامات..
ويطلع حتى من قلب الحجر والصي..
شجر متشابك الهامات..
وجيلا جايي حلو الشهد..
صبايا.. وفتيه يمرحوا في صباح الغد..
عيونهم برقهن لماح..
سؤالهم رد..
خفاف ولطاف..
وثابين اوان الجد..
دفاعاً عن حياض الحلم والاصباح..
|
|