رمي البنبان داخل المساجد والمستشفيات والمنازل ومحاصرة المستشفيات القتل بدم بارد الاعلان عن ذلك بهدوء في البرامج الحوارية انهم سيقتلون كل معترض مافي كلام ولا منطق تاني ممكن تناقش بيهو كوز جابوها ليكم من الاخر يا نحكم ولا نكتلكم مافي ديمقراطية ولا حقوق ولا غيرو لا داعي لاهدار طاقتكم في الحوار المجد والخلود لشهداء الوطن الخزي والعار للسلطة ومناصريها
Post: #2 Title: Re: تاني مافي شي Author: حسن حماد محمد Date: 01-10-2019, 03:51 AM Parent: #1
سلام عبدالحفيظ
انتهى زمن الحوار
والنظام اصبح لا يراعى لا دين لا أخلاق ولا أعراف
وضع نفسه فى كفة والشعب السودانى والوطن فى كفه
وبعد قتل الشباب بدم بارد أصبح الخروج عليه واسقاطه فرض عين
نعم يا ود ابو سن ،،، لقد فقدوا كل سند وفقدوا كل منطق ولم يتبق لنظام اللصوص والحرامية غير التهديد والوعيد وانهم سيقتلون كل الشعب السوداني كي يبقوا في الحكم والسلطة ولا يهمهم بعد ذلك شئ سوى الاستيلاء على ثروات السودان بعد قتل شعب السودان،،،، ولكن الله يمهل ولا يهمل، وسوف يرتد اليهم كيدهم وضلالهم وسوف ينصر الله ابطال الشعب السوداني وسوف تستمر انتفاضة الشعب للاطاحة بنظام اللصوص والحرامية ، فقد انطلق المارد من القمقم وانكسر حاجز الخوف واصبح ابطال الشعب السوداني على استعداد للتضحية بارواحهم من اجل سودان العزة والكرامة والمجد،،، شعب عظيم يحكمه لصوص وحرامية وسفاكين دماء،يلعنهم الله في الدنيا والاخرة
للاسف انهم يصوملون و يسوريون و يلبينون السودان هذا او هم الرضاض فى الراس ديدنهم ... و مبتغاهم للحفاظ على السلطة لابد من من النيل منهم و لو كان اخ ولدته امّك و بالقانون و على الاقل مرحليا و بعدها لكل حادث ... حادث يزلزل كيانهم نحن ابناء ملوك الزمان ياخ
دة السودان شاب يحني ظهره لفتاة لتعتليه صعودا . ينحي في كبرياء طفل يوزع سندوتشات للمتظاهرين متظاهرين يتبرعون بقليل مالهم لصاحب عربة كسرت زجاجها السلطة دة ياهو السودان ثم عربات تاتشر محملة بالمدافع والصواريخ المضادة للطائرات تريد قتلهم من ينتصر ؟ ستنتصر الحياة ودوما تفعل
Post: #7 Title: Re: تاني مافي شي Author: عمر دهب Date: 01-10-2019, 05:13 AM Parent: #6
بالواضح يا ابوسن عليكم أن تقبلوا الجوع والزله وتقبلوا فسادنا وسرقتنا لخيراتكم وأما نقتلك بالرصاص لن تأخذنا بكم رحمه وقتلوا فلذات أكبادنا. لم يتبقى شئيا . لم يكفيهم حالنا فكانت فجيعتهم لنا فى شبابنا. لم يتركوا لنا خيار
Post: #8 Title: Re: تاني مافي شي Author: محمد البشرى الخضر Date: 01-10-2019, 05:18 AM Parent: #7
بأي طريقة عايزين اما يخوفوا الناس بالقتل او يجروهم لرد الفعل العنيف ليبرروا لمزيد من القتل و اعلان الطوارئ والغاء الانتخابات يكسب كم سنة تاني
هل نمت ؟!! هل هنأت جنودك قبل ان تنام بقتلهم لشعبك ؟ اراودتك الكوابيس في نومك ؟ هل نمتم يا اولياء السلطة ومناصريها نمتم بعد ان سخرتم من دماءنا وارواح اطفالنا خسئتم جميعا ولكن اقول لكم لم ننم لم ينم ابناء الوطن غضبا وحزنا وحرقة حشى
Post: #10 Title: Re: تاني مافي شي Author: عبد الباقي الجيلي Date: 01-10-2019, 05:20 AM Parent: #7
أو كما قال الفيتوري زنبقة أفريقيا :
لم يتركوا لي ما أقول لولا اقتحامات الذين مشوا جبابرة على قمم الجبال لولا شهادة من تضرج بالشهادة أو تكفن بالرمال
يا اخوانا الجديد شنو؟ الزمرة الوحشية دى من زمان شعارها فلترق كل الدماء ...طبقته منذ ان اغتصبت السلطة واستمرت فى تطبيقه حتى اليوم الشئ الوحيد الفضل ياابوسن ان قوموا لجهادكم ياناس بكل الطرق وبكل الاساليب.. شهداء وجرحى امدرمان امس التاسع من يناير لجنة أطباء السودان المركزية تقرير بالشهداء والجرحى فى مظاهرات امدرمان امس الشهداء : ١ - صالح عبدالوهاب ٢- محمد الفاتح برصاصة في الصدر المصابين : ١- ابو القاسم بابكر رصاصة في الرجل ٢- محمد خالد رصاصة ٣- د.بشير مصطفي بشير رصاصة في الصدر ٤- هشام عثمان الشواني رصاص في البطن ٥- ملهم ... اصابة رأس ٦- ياسر محمد علي إصابة في الرجل ٧- أنس مختار رصاصة في الصدر ٨- د.منذر أزهري إصابة في الصدر تقبل الله شهدائنا وشفى الجرحى. سنوافيكم بالمستجدات #مدن_السودان_تنتفض #موكب9يناير إعلام اللجنة ٩يناير٢٠١٩
اللهم اغفر للشهداء والعزاء لاهلهم ومعارفهم ولكل السودان وعاجل الشفاء للجرحي. الكيزان لادين لهم ولا اخلاق. قتلو مستقبل السودان. ولا حول ولا قوة الا بالله
Post: #16 Title: Re: تاني مافي شي Author: عبداللطيف حسن علي Date: 01-10-2019, 08:08 AM Parent: #14
سوف يقتلعون اقتلاعا من ارض السودان
يالها من نبؤءة
Post: #17 Title: Re: تاني مافي شي Author: Osman Awoda Date: 01-10-2019, 10:18 AM Parent: #16
حرقوا البلد وحرقوا قلوبنا فعلا تاني مافي شيئ مافي شيئ في الحساب بس
تشكروا جميعا الحوار مع انصار السلطة مضيعة للزمن . تصريحات الرئيس ثم علي عثمان مع تعامل السلطة مع المحتجين . دي الخلاصة والمنهجية والايدولوجيا الحوار في شنو تاني ؟ دي حقائق مادية ما محتاجة لبرهان وبلاغة لغوية او منطق نتحاور عشان نصل لشنو مثلا ؟ قبل نتحاور يجب ان يدينوا خطاب الرئيس في الساحة الخضراء وان يدينوا خطاب علي عثمان وان يدينوا قمع المتظاهرين وسلوك السلطة في التعامل معهم هذا ان كنا نريد حوارا حول الوطن وامنه واستقراره ورفاهيته غير ذلك فهو هدر للطاقة ونعيد انتاج تبرير قتله من اخرجه المجد والخلود لشهداء الوطن الخزي والعار للسلطة وانصارها و
نادوس يا فجر القصائد إندلق ....... ما حك جلدك مثل ظفرك فانطالق
إنا شرحنا لك صدرك ....أو شرخنا فأنعتق
يا أنت يا كل الذين لأجل خاطرهم ...طهوت غداة عقم زهور كلم لتنفتق
غضباً يؤرق موقديه ... كورته ..... رجما لكل من تنازل أو تخازل
يا قريبك هنا وفي القروبات بتلقى من يقول ليك سوريا و الامان وشنو و من يريد التغيير يستعد لانتخابات 2020! طيب علي عثمان قال بالواضح ما نخليها لعلماني يستلمها! طيب كدا نسف فرية الانتخابات نهائي، ح يودوا وشهم وين ناس حسن طرحة و الحوار و هلم علقنة القدونا بيها قد
Post: #22 Title: Re: تاني مافي شي Author: Abd Alla Elhabib Date: 01-10-2019, 06:28 PM Parent: #18
Quote: الحوار مع انصار السلطة مضيعة للزمن . تصريحات الرئيس ثم علي عثمان مع تعامل السلطة مع المحتجين . دي الخلاصة والمنهجية والايدولوجيا الحوار في شنو تاني ؟ دي حقائق مادية ما محتاجة لبرهان وبلاغة لغوية او منطق نتحاور عشان نصل لشنو مثلا ؟
عبرت عني تماما ياخي الرحمة والمغفرة لشهداء الثورة المجيدة الخزي والعار للكيزان المجرمين ومناصريهم.