Post: #1
Title: ام درمان كانت محطة تاريخية في عمر الثورة والقادم لن يكون كما سابقاته
Author: عبدالقادر محمد
Date: 01-09-2019, 07:52 PM
06:52 PM January, 09 2019 سودانيز اون لاين
عبدالقادر محمد-عمق الوطن
مكتبتى
رابط مختصر التحية لاهل عطبرة حيث بداية الشرارة
ثم التحايا النواضر لاهل بورتسودان حيث كان الصوت مدويا
واهل القضارف الذين كان خروجهم محفزا للخرطوم
والحب لناس مدني وحتما سيكونون علي قدر العشم الايام القادمة
والتحايا والحب لكل مدينة جهرت بصوتها عاليا لا للطغيان ويسقط يسقط حكم العسكر
اليوم احدثكم عن ام درمان
حيث روح الوطن وروح الشعب
واليوم ام درمان كانت محطة تاريخية وهامة جدا في مسيرة الثورة
احتضنونا بكل الحب والترحاب وخرجوا معنا برجالهم وشبابهم ونسائهم واطفالهم
وفتحوا لنا البيوت عندما حاصرنا العسس واكرمونا كاصحاب دار لا ضيوف
وتوقفت لحظة في مشهد تاريخي
عندما حاصرنا كلاب الامن واخذوا منا بعض الشباب علي عربتهم
فرفعت احدي الحرائر بعقيرتها محمسة لبقية الشباب ان هبوا لنجدة اخوانكم
فما خزلناها فهجمنا علي عربة كلاب الامن وحررنا اخواننا وهرب كلاب الامن مذعورين
وهنا تحرر الجميع من الخوف وصدروهوا لكلابهم
والايام القادمة سيكون الجميع متحدين ولن نسمح للكلاب بالنيل منا طالما اننا عصبة
ومن هنا ارسل هذه الدعوة للجميع عندما يرون ان اخوانهم قد استفردوا بهم فليهبوا نحوهم هبة رجل واحد ويحررونهم فكلاب الامن اجبن مما تتصورون لانهم يعملون بلا قناعة وليس علي استعداد لان يضحوا بانفسهم حماية للطاقية ولكنهم يعملون ببث الخوف في نفوس الثوار حتي لا يقربونهم
ولكن عندما يهب الثوار نحوهم سيطلقون ساقيهم للريح بكل جبن
حتي الان الثورة تحرز تقدما ملحوظا نحو النصر
ويتقهقر حكم الدكتاتور وذلك واضح جليا باستنفار قواعدهم المحالة للمعاش بالظهور علي وسائل الاعلام وارسال رسائل تبث الخوف كما ظهر فار الفحم علي عثمان وكلب الصيد يونس محمود
وغيرهم
والايام القادمة النصر حليف الشعب باذن الله ولن يغفر الشعب لهم ولو تعلقوا باستار الكعبة
ولو نزلت فيهم اية تبرئهم سينالون عقابهم الذي يستحقون
وتسقط بس
|
Post: #2
Title: Re: ام درمان كانت محطة تاريخية في عمر الثورة و
Author: عبدالقادر محمد
Date: 01-09-2019, 07:56 PM
Parent: #1
كنت عاوز اكتب هنا ردا علي موضوعي المحذوف
بس قلت مافي داعي
سلام
|
Post: #3
Title: Re: ام درمان كانت محطة تاريخية في عمر الثورة و
Author: doma
Date: 01-09-2019, 11:31 PM
Parent: #2
التحيه لشباب السودان الاعزل الباسل وللشهداء الذين ضحوا لاجل كرامه الانسان والوطن
|
Post: #4
Title: Re: ام درمان كانت محطة تاريخية في عمر الثورة و
Author: احمد حمودى
Date: 01-10-2019, 00:18 AM
Parent: #3
( #موكب_امدرمان #
👈 *عاااارفين اولاد قلبا .. كان قومنا بنقلبا* 👉🏽
*//////////*
🗣 *الكلاااام دخل الحوش ...*
☠☠☠☠☠
*#موكب_امدرمان_ 9 يناير*
💪🇸🇩💪🇸🇩💪🇸🇩💪
🔥بالمختصر المفيد ...
الموكب دااا لازم يكون الاكبر ؛ الاجمل ، الاطول ...
بالواضح كدااا
موكبنا دااا لازم يكون زي حفلات (عركي) بالمسرح القومي ..
و (عقد الجلاد) باستاد ود نوباوي ..
و (الباشكاتب وداللمين) بدار الفنانيين ، يعني اخر قيافه ..
و اغاني .. و هتااااف من الاعمااااق ....
اهاااا خط سيرناااا :
من (صينية الازهري) ابو الديمقراطية و رافع علم الاستقلال .. لمن يتلموا فيها (ناس ود نوباوي)
💪 (قطر البلاوي) الشايل (انصار الامام) البجو شايلين معاهم [حراااب] في صدورهم و البريدوا
الموت في شان الوطن والدين ومعاهم فرسان (شارع الهجرة) اهلنا الشفايعه وناس (حي القلعة) بخيولهم وبدورهم الحسان ويتلموا عليهم (نااااس ود ارو)
واثقين ثورتنا ما بضيعوها وبهناك يطلعوا لينا (ناااس السيد المكي عبدالله خليل والشهداء)
دااا الكلااااام الناس (الساس و الراس) وهم كدي في عديلهم وقدلتهم يجوهم بالطريق الشاقي الترام ناس (ابو روف ، ود اللدر ، سوق الشجرة ، ود البنا ، و بيت المال)
النااااار 🔥 الناااار 🔥 يااا ناااااس الله ...
✌🔥🔥✌🔥🔥✌
يلااااا .....
صينية المهندسين 🙌
يجونا ناس النحاس والكيته و الدنقر فرسان الفتيحاب .. اسياد الجلد و الراس ..
ناااس ثنائي ابوسعد و نادي النجوم ، ونعرج كلنا (بشارع الاربعين) بانت شرق و غرب [الراستات ..
المورداب سبب العذاب] ناااس الهلب ⚓ البيابو الغلب ، اخوان بريش وحسن حامد والمغربي الفنان ،
معاهم نااااس (ابوكدوك ، حي الضباط ، العباسية ، وكمان الهاشماب).
💯🔥💯🔥💯🔥💯
و كلنا نرفع التمام في (صينية الاربعين) عشان نوريهم شغل الاسود المجانيين...
🦁🔥🦁🔥🦁🔥🦁
و نبقى انتظار لي نااااس (العرضة شمال و جنوب) .. هلال مريخ 🌙⭐ ولكن اليوم داك بعلم السودان متوشحين و ثايرين
و بعدها نكون في انتظار بقية ناسنا و عزوتنا (ناااس امبدات و الثورات) وهم جاين شاقين مع (ناااس المسالمه غزال)
و (حي العرب) الذوق والادب والطرب 🎻 🌹 🎻
و (الارسالية ، حي البوستة ، و الامراء ) ونقوم كدااا ندخل شاااع الموردة ونلقى (ناااس فريق ريد)
مولعين الشارع صااااج سمك ، ويفتحوا القلوب 💔 قبل البيوت لانو (امدرمان) ... كرم ، ثبات ، بطولة ، جسارة ، و تاااااريخ ....
و من هناك كلنااااا 🕍للبرلماااااان
✌🏃♂🏃🏾♀✌🏃🏾♀🏃♂✌
امدرمان لازم تعيد كتابة التاريخ على انغام (خليل فرح and كرومة and سرور and دار فلاح).
هتاااااف ثواااار
🙋🏽♂🙋🏽♀🙋🏽♂🙋🏽♀🙋🏽♂🙋🏽♀
ناااس خرطوم _ بحري🤚✋
ضروررري .. ضروررري جيتكم ... تجونا كتاااار ومن بدري ، لينا زمن منتظرين فرصتنا و فرحتنا
(دااا اليوم الدايرنو) تشرفونا هنا في (امدر) وتشاركونا .. عشان (عصابة الكيزان) المرة دي يعرفوا :
💡الطفاء النور منووو💡
و داااااا ...
رد واجب للثورة ✌🔥✌ و للوطن اولاد امدرمان ليهم زمن بقطعوا في الكباري وبجوكم ....
المرة دي جا دوركم وحوبتكم انتم .. اخدوا نفحات ثورية امدرمانية سودانية خالصة ....
✌🔥🔥✌
امدرمان تسع الجميع
👨👨👦👦👨👨👦👨👨👧👦👨👩👧👭👬
خليكم كتاااار ...
تعالواا كتاااار ...
ايد 🤛 على ايد تجدع بعيد .
ووووو المهم :
يااا جماعة الناس تكثف الاعلان للموكب ، و تاكد على اهمية الحضور وتحرص عليه ....
👌👍💪👌👍💪
يوم ٩ يناير
عرس .. وزفة امدرمان
🕺💃🕺💃🕺
نتقاااابل ...
في الشاااارع كلنا ...
✌🔥✌
#تسقط_تسقط_بس
#موكب_9يناير
#امدرمان_تنتفض
#امدر_تثور
من الواتس
|
|