Post: #2
Title: Re: هل نقاطع الجزيرة والعربية و bbc
Author: عبدالحفيظ ابوسن
Date: 01-04-2019, 08:08 AM
Parent: #1
آي صحي متبنين وجهة نظر السلطة
ويتجاهلون ثورتنا
بغيظو صحي صحي
لكن ربح وخسارة اقصد لينا نحن الشعب السوداني
الافضل مقاطعتهم
ولا كسبهم
او بلغة اخري
اجبارهم علي اتخاذ موقف داعم لنا
تسقط بس
|
Post: #3
Title: Re: هل نقاطع الجزيرة والعربية و bbc
Author: Yasir Elsharif
Date: 01-04-2019, 08:11 AM
Parent: #2
تسلم يا حفيظ
لا للمقاطعة
نعم للمتابعة والنقد حيث يتوجب النقد
|
Post: #4
Title: Re: هل نقاطع الجزيرة والعربية و bbc
Author: عبدالحفيظ ابوسن
Date: 01-04-2019, 08:11 AM
Parent: #2
طيب كيف نجبرهم ؟
اهل الخارج واهل الداخل
نهاجمهم اسفيريا ؟
نخطأهم اسفيريا بالحقائق ونكشف تناقضهم ؟
نكتب ليهم في منصاتهم ؟
نشوف آلية نوصل رأينا ليهم ؟
ولا كيف؟
تسقط بس
|
Post: #5
Title: Re: هل نقاطع الجزيرة والعربية و bbc
Author: Kamal Alalla
Date: 01-04-2019, 08:17 AM
Parent: #1
طبعا هو اعلام موجه وله اجندته والتي قد لا تتوافق في بعض الاحيان مع ما تمليه الحقيقة على ارض الواقع‘ وكل العاملون بها موظفون مطيعون ويتقاضون مرتبات كبيرة ليفعلوا ما يؤمرون
نضف الفلتر واسمع
|
Post: #6
Title: Re: هل نقاطع الجزيرة والعربية و bbc
Author: علاء سيداحمد
Date: 01-04-2019, 08:22 AM
Parent: #5
اهم شئ وهذا متوقع ان لايؤثر على ارادة الشعب
على الشعب اذا العالم كله وقف فى صف البشير ان يتخطاهم وينتصر عليهم
|
Post: #7
Title: الرد عليهم في مواقع التواصل
Author: محمد محمد الهادي
Date: 01-04-2019, 08:33 AM
Parent: #1
لاحظت وجود ردود مكثفة من حسابات سودانية في التعليقات الخاصة بمقاطع الفديو في مواقع التواصل (فيسبوك ، تويتر يوتيوب يشكل مكثف اتوقع انها ممكن تقلل الضرر
|
Post: #8
Title: Re: الرد عليهم في مواقع التواصل
Author: اخلاص عبدالرحمن المشرف
Date: 01-04-2019, 08:54 AM
Parent: #7
الجزيرة والعربية ينفذون سياسات دول
BBC مسيطر عليها من مجموعة موظفين مصريين
قوموا الي ثورتكم
|
Post: #9
Title: Re: الرد عليهم في مواقع التواصل
Author: عبدالحفيظ ابوسن
Date: 01-04-2019, 09:09 AM
Parent: #8
تشكروا جميعا
مفهوم انها ذات اجندة واهداف اقليمية
ولكنها اجهزة اعلام
يهمها جدا نظرة الناس لها ولمصداقيتها ويمكن اجبارها غصبا عنها
|
Post: #10
Title: Re: الرد عليهم في مواقع التواصل
Author: عمر دهب
Date: 01-04-2019, 09:14 AM
Parent: #9
سيجدون نفسهم قريبا بلا خيار رغم انفهم
|
Post: #12
Title: Re: الرد عليهم في مواقع التواصل
Author: عبدالحفيظ ابوسن
Date: 01-04-2019, 09:17 AM
Parent: #10
يا دهب
الاعلام الخارجي مهم جدا للثورة . العالم ليس مثل الماضي . الرأي العام العالمي مهم جدا
وهذه قنوات مسموعة وذات انتشار واسع
يجب ان نكسبها لقضيتنا
ناس برة عندهم دور اكبر من اهل الداخل
|
Post: #11
Title: Re: الرد عليهم في مواقع التواصل
Author: Abdullah Idrees
Date: 01-04-2019, 09:15 AM
Parent: #8
اكتر شي غاظني ايام المظاهرات الاولى كلهم يقولو ليك
"تظاهر المئات" والله كانهم بشتغلو في مطبخ تحرير واحد
اجماع ! يعني نظام تبخيس بس
لكن لازم الناس تفضحهم بالمشاركة عبر الهاتف والتفاعل
في النت وعبر الفيديوهات في يوتيوب ..
كلها قنوات تافهة .. سكاي نيوز سعودية ، بي بي سي
مصرية ، وخضراء الدمن الجزيرة معروفة ..
لاكين برضو في اعلاميين في الجزيرة بينتقدوا البشير
نقد حاد جدا زي فيصل القاسم وكريشان والموهوم احمد
منصور ودي ما لقيت ليها تفسير ابدا ..
|
Post: #13
Title: Re: الرد عليهم في مواقع التواصل
Author: اخلاص عبدالرحمن المشرف
Date: 01-04-2019, 10:40 AM
Parent: #11
العرب يا حفيظ انساهم
نصفهم بيرجف من شباب طلع ضد حاكم
القنوات الناطقة بالعربية هي موجهة لنا
شوف القنوات الأصلية
ناطقة بالفرنسي الألماني وهكذا
|
Post: #14
Title: Re: الرد عليهم في مواقع التواصل
Author: عبدالحفيظ ابوسن
Date: 01-04-2019, 10:40 AM
Parent: #11
صحي يا عبدالله تصدق لاحظت لتعبير خروج المئات تقريبا كلهم قالوا المئات
حضرت جزء من برنامج ال بي بي سي التفاعلي وسمعت الفاتح عزالدين وامتلأ حديثه بالمغالطات المغيظة وللاسف المحاورين المختارين كانوا دون المستوي الا ابوشوك تقريبا
صحي بتحدثوا عن السودان لكن بختاروا متحدثين من المعارضة اقل حنكة
اعداد البرنامج بكون تيم عمل لكن بالجد المقدمين تحس بتعاطفهم مع الشعب
|
Post: #15
Title: Re: الرد عليهم في مواقع التواصل
Author: اخلاص عبدالرحمن المشرف
Date: 01-04-2019, 10:46 AM
Parent: #14
الاعتماد علي النفس
كل له مصالحه
وقد تتعارض مع مصالحنا
السودان المارد الذي سينهض
|
Post: #16
Title: Re: الرد عليهم في مواقع التواصل
Author: عبدالحفيظ ابوسن
Date: 01-04-2019, 10:48 AM
Parent: #14
يا اخلاص دي القنوات البتخلي امير قطر ولا السعودية ترسل مساعدات دولارية . او تخلي مصر تضيق علي المعارضة هناك والسعودية تضايق وتسلم المعارضين
المعارضة موجودة في السعودية وقطر كمغتربين ولندن مهاجرين .
اصلا ما نظرت للامر بمنظور عرب وافارقة بل واقع الحال
|
Post: #17
Title: Re: الرد عليهم في مواقع التواصل
Author: اخلاص عبدالرحمن المشرف
Date: 01-04-2019, 10:54 AM
Parent: #16
يا حفيظ مساعدات شنو انت بتفكر كيف
المساعدات سم في الدسم
الأوربيون ولفترة محدودة
الشعب يا حفيظ راهن علي الشعب
دي انتفاضة كرامة
افهم منطق الكرامة
واسمع منطق الثورة
|
Post: #18
Title: Re: الرد عليهم في مواقع التواصل
Author: عبدالحفيظ ابوسن
Date: 01-04-2019, 10:57 AM
Parent: #17
ما فهمت يا اخلاص قصدك من مخاطبتي مباشرة بطريقة تفكيري وذكائي
Quote:
يا حفيظ مساعدات شنو انت بتفكر كيف
الطلعو ديل اذكي منك
مساعداتهم سم في الدسم
الأوربيون ولفترة محدودة
هم برميل بنزين للشعب ما رسلوا
الشعب يا حفيظ للشعب
دي انتفاضة كرامة
ما شفت التوانسة قالوا ليهم شنو
حتي الإغاثات قالو ما عايزينها
افهم منطق الكرامة
واسمع منطق الثورة
|
Post: #19
Title: Re: الرد عليهم في مواقع التواصل
Author: اخلاص عبدالرحمن المشرف
Date: 01-04-2019, 11:09 AM
يا حفيظ فاتح بوست تطلب من قنوات تخدم أهداف دول
وتقول داير بعدين منها مساعدات
هي ثورتك قاعدين يحبطوا فيها
عزيزنا نقول لك شنو انت سألت السؤال الخطأ
السؤال كيف نحد من الأثر السئ للقنوات الموجهة
|
Post: #20
Title: Re: الرد عليهم في مواقع التواصل
Author: اخلاص عبدالرحمن المشرف
Date: 01-04-2019, 11:32 AM
Parent: #19
شايفاك اتحسست من اذكي
القصد جيل الشباب اذكي
خلي عندك حسن نية
|
Post: #21
Title: Re: الرد عليهم في مواقع التواصل
Author: علاء سيداحمد
Date: 01-04-2019, 11:46 AM
Parent: #20
واخيرا قدرت ادخل البوست يا حفيظ
البوست المنبثق :
اضغط هـنــــا
|
Post: #22
Title: Re: الرد عليهم في مواقع التواصل
Author: عبدالحفيظ ابوسن
Date: 01-04-2019, 11:57 AM
Parent: #21
ابدا يا اخلاص
قطر والسعودية تساعد السلطة لاطالة عمرها
لا غني لنا عن الاعلام الخارجي
|
Post: #24
Title: Re: الرد عليهم في مواقع التواصل
Author: اخلاص عبدالرحمن المشرف
Date: 01-04-2019, 12:00 PM
Parent: #22
فعلآ يا حفيظ
والشارع هو ال بحسم
|
Post: #23
Title: Re: الرد عليهم في مواقع التواصل
Author: محمد البشرى الخضر
Date: 01-04-2019, 11:59 AM
Parent: #21
حتى التغطية المنحازة أو التي تقلل من شان الحراك افضل من التجاهل التام يا قريبك
واهو اولادنا لقوا فرصة في برامج حوارية و طرحوا وجهات نظرهم دا غير باب التعليقات
في البي بي سي برنامج نقطة حوار اغلب المشاركين من السودانيين, عندهم كمان برنامج ترندغ وبجصل كتير بتناول الاحدث السودانية وينقل وجهات النظر بحرية
الخلاصة هي منابر ولها موجهاتها نفعها اكبر من ضررها ان احسنا استغلالها, المقاطعة تتركها للنظام كاملة
|
Post: #25
Title: Re: الرد عليهم في مواقع التواصل
Author: عبدالحفيظ ابوسن
Date: 01-04-2019, 12:11 PM
Parent: #23
مرحبا علا وانا اكتب بصعوبة بالغة وبسرعة وابتسار خوفا من انقطاع النت
تسلم ودو
دي النقطة الاساسية
|
Post: #26
Title: Re: الرد عليهم في مواقع التواصل
Author: امتثال عبدالله
Date: 01-04-2019, 12:43 PM
Parent: #25
لكن كان جينا للنصيحة الجزيرة في البداية كانت بتتجاهل المظاهرات ولا تذيع اي اخبار عنها ولكن في الاسبوع الاخير بدات الجزيرة تغطي اخبار المظاهرات ومراسل الجزيرة في الخرطوم بقى نشيط ويغطي اخبار المظاهرات بحماس شديد وكانه بايد انتفاضة الشعب،، ويبدو ان الجزيرة تيقنت الان ان نظام اللصوص والحرامية في طريقه الى الهلاك والزوال والى مذبلة التاريخ،،،،
وكمان ننصح مراسل الجزيرة يسافر للاقاليم ويغطي اخبار غضب الشعب في بورتسودان وعطبرة والقضارف وسنار والدامر ودنقلا والفاشر والابيض وكوستي والجزيرة ابا وربك ومدن السودان الاخرى التي تريد اسقاط نظام اللصوص والحرامية ،،،
شعب عظيم يحكمه اقزام ولصوص وسفاكين دماء
|
Post: #27
Title: Re: هل نقاطع الجزيرة والعربية و bbc
Author: Kamal Alalla
Date: 01-04-2019, 02:26 PM
Parent: #1
نعم في بعض الاحيان هنالك مذيعين اذكيا ويعرفون كيف يديرون الحوار بمنطق وحنكة
شفت المذيع بتاع الجزيرة الاستضاف عثمان ميرغني والصادق الرزيقي كان fair
بالذات لمن زنق الارزقي القلل من شأن ال22 حرز الانسلخت وقال ليهو انتو في الحوار الوطني احتفيتو بهذه الاحزاب التي جلست معكم
وقلتم ان الحوار شمل جميع اهل السودان ممثلا في هذه الاحزاب والان حين انسلخت قلتم انها احزاب ليست ذات وزن
هذه مشكلة الكيزان دائما ما يناقضوا انفسهم بانفسهم واذا رصدت احاديثهم لفترة وجيزة سترى عدم الاتساق او الكذب الصراح وليس اوضح من ذلك
حديثهم عند انفصال الجنوب ان السودان لن يتاثر بالانفصال اطلاقا بل العكس سيكون هنالك وضع افضل وها هو البشير ذات نفسو يعزي تدهور الاوضاع الاقتصادية لانفصال الجنوب في خطابه اول امس
|
Post: #28
Title: Re: هل نقاطع الجزيرة والعربية و bbc
Author: اخلاص عبدالرحمن المشرف
Date: 01-04-2019, 03:08 PM
Parent: #27
مراسل العربية سعدالدين استدعي للتحقيق
القبضة الامنية تشتد
ويوسف الجلال.يتحدث للعربية
ومظاهرة ود نوباوي نقلت لقطات منها
من الإنصاف ذكر الإشراقات
|
Post: #29
Title: Re: هل نقاطع الجزيرة والعربية و bbc
Author: اخلاص عبدالرحمن المشرف
Date: 01-04-2019, 03:25 PM
Parent: #28
مشكلة السودان الاتساع
المظاهرات في اكثر من محل وكل مجموعة لها ( ميدانها)
وهذا التوزيع والامتداد يرهق الامن جدآ ولكن بجعل المراقب
يظن ان الاعداد مئات
في ثورات الاخرين يتجمعون في ميدان واحد
|
Post: #30
Title: Re: هل نقاطع الجزيرة والعربية و bbc
Author: اخلاص عبدالرحمن المشرف
Date: 01-04-2019, 04:06 PM
Parent: #29
ههههههه الجزيرة قالت عشرات
الزول زعلتو زعل
|
Post: #31
Title: Re: هل نقاطع الجزيرة والعربية و bbc
Author: Bashasha
Date: 01-04-2019, 04:55 PM
Parent: #30
Quote: شعب طيب!!!
الي، امبس، ار سي؟
مش مصر الخديوية، وانما اوربا امريكا وبقية العرب، ماعايزين البحصل ده اطلاقا!
لاوجود لاخبار الثورة في اعلام القوي المهيمنة علي عالم اليوم، والسبب بسيط جدا جدا!
السودان الحالي المريض هو الافضل لخدمة مصالحم، وهذا واضح في موقف مصر الخديوية، الانقلبت علي كيزانا، ولكن تسعي بكل السبل للحفاظ علي ذات نظام كيزانم في السودان المصري!
لاعلاقة لهذا الموقف كما يتوهم البعض، من خوف الخديوي السيسي علي كرسيهو!!
ده، كلام مضحك!
يوم متين السودان او السوداني كان نموذج يحتذي بواسطة احفاد الغزاة من الهكسوس في ارض اجدادنا؟
الترابي سمعتو بي اضاني في كالفورنيا في رحلتو الشهيرة بتاعة كندا، يشتكي من اسيادو ومخدميه المستعبد، كيزان مصر او قال بالنص عنهم:
They treat us like dirt!0
لهذا الترابي كان عندو عقدة من اسيادو من امثال الهضيبي اللي بمتلك هو او اسرتو نوبيين كمستعبدين لاجيال عديدة، وفقا للكتاب والسنة!
ماذا يعني هذا كلو؟
الاجابة:
من اغتال ولماذا اغتيل ديمـــــــابـــــــــور؟
نعم مصر الخديوية خايفة اخيرا السودان يستقل، يستقر، او يشق طريقو اللي قطع شك يتقاطع مع طريق مصالحا الامبريالية!
لهذا مصر عايزا تتحكم في عملية التغيير بما يخدم مصالحا، او ده هو اللي متوقع يحصل للاسف!!
الميرغني سليل العملاء وين او بسوي في شنو الان؟
بذات القدر اوربا وامريكا ماعايزين تغيير جذري في السودان، هذا ضد مصالحم!
عشان كده روسيا حايمة بالبشير كما اي سفرجي بي طياراتا من بلد لي بلد!
الكل بيستخدم في السودان الان كما اي ورق توليت، لمسح المؤخرة!!
اذن هم ماعورا يغيرو وضع كهذا في السودان!
الكل، عربا، امريكان، واوربيين ضد استقرار وتحرر السودان وعودتو لي محيطو الافريقي تحديدا!
لهذا امريكا هي الفصلت الجنوب ثم انتقلت الي دارفور!
نلوم امريكا او السعودية او مصر؟
لا!
نلوم انفسنا!
من حقهم يخدمو مصالحم هم وهذا طبيعي باستخدام امثالنا! |
|
Post: #32
Title: Re: هل نقاطع الجزيرة والعربية و bbc
Author: اخلاص عبدالرحمن المشرف
Date: 01-04-2019, 05:00 PM
Parent: #31
البمبان ما مهم
ضرب الرصاص ما مهم
الاعاقات ما مهمة
عشرات !!!!!
|
Post: #33
Title: Re: هل نقاطع الجزيرة والعربية و bbc
Author: اخلاص عبدالرحمن المشرف
Date: 01-04-2019, 05:16 PM
Parent: #32
في مقابلة قال ممثل حكومتنا السنية ما معناه السودان.
السودان خيرو كثير ومن زمان بجيهو من اجل الذهب
المغصة تكتل
|
Post: #34
Title: Re: هل نقاطع الجزيرة والعربية و bbc
Author: عبداللطيف حسن علي
Date: 01-04-2019, 06:32 PM
Parent: #33
بوست يحتوي نقاشات محترمة
انقلوا الرابط الي مواقعهم
|
Post: #35
Title: Re: هل نقاطع الجزيرة والعربية و bbc
Author: ياسر يحى عبد الله
Date: 01-04-2019, 07:53 PM
Parent: #34
سلام استاذ عبدالحفيظ
طبعا لا للمقاطعة مهما كان لقوة اثر الاعلام فى تحريك الثورة والضغط على الحكومة وخاصة ان المحطات المذكورة من اقوى المؤثرات فى الساحة العربية والعالمية ايضا
قوة حركة الثورة والتظاهرات على الارض هى من تفرض نفسها على اجهزة الاعلام وكلنا نعلم فى بداية الثورة التغطية كانت خجولة ومنحازة ولكن مع تزايد حركة المظاهرات ونشاط الشباب فى السوشيال ميديا تحركت القنوات المذكورة فى تغطية المظاهرات بطريقة ملحوظة سواء بنشر لفيديوهات او استضافة الصحفيين والنشطاء ولا ننسى ان هذه القنوات فى تنافس مع اعلام السوشال ميديا فى المتابعين والتسويق لذلك لجات لزيادة التغطية بعد ما قوة الاحداث فرضت نفسها .
وايضا يجب الانتباه الا ان هذه الاجهزة تبع سياسات دول ولها تقديراتها لما بعد الاحداث سواء نجحت الثورة او فشلت ، لذلك يجب على الجميع التركيز على العمل بالداخل وترك مهاجمة الاخرين وخلق اعداء فنجاح الثورة يتوقف على قوة وتكاتف ابنائها
فلا اجهزة الاعلام ولا تدخل الدول الخارجية يمكن ان تؤثر فى مصير الثورة مؤكد الامر بيد الشعب السودانى والمعركة ليست سهلة مع نظام يرى المسالة حياة او موت ، لقد راينا مجموعة من الشباب يهاجمون دول واخرون يدعون لمظاهرات امام مكاتب قنوات تلفزيونية ، فالقرار بيدك انت كسودانى فى انجاح ثورتك بالعمل والتنسيق والحراك بين كل افراد المجتمع .
لفت نظرى راى للاستاذ حمور زيادة فى احد المواقع يتحدث عن ضرورة العمل الموحد لنجاح الثورة والابتعاد عن مهاجمة وخلق الاعداء :
في تقديري ان الخطاب الثوري - الفردي حتى الان على السوشيال ميديا - المنفعل باننا سننجز ثورتنا وحدنا ضد كل العالم المتواطئ مع البشير خطاب خاطئ. فكرة "برانا برانا بنغلب غانا" هذه لا تختلف عن موقف الاسلاميين من العالم والاحساس بالمؤامرة واليقين بحتمية المواجهة بينهم وبين العالم. في تقديري يجب أن يتهيأ المزاج الشعبي - بعد 30 عاما من الخطاب السياسي المصادم للعالم - لدولة جديدة علاقاتها براجمتية و مطبعة مع كل الدول. دولة - على الأقل في سنواتها الأولى - تحاول مد يدها للجميع بسلام لأنها تحتاج أن تبني نفسها ونظامها السياسي دون عداوات ومعارك دون كيشوتية. فليدعم النظام اليوم من يدعمه. انهم يدعمون مصالحهم. دور السياسيين منا أن يتحاوروا ويتفاوضوا حول هذه المصالح. في النهاية السياسة هي لعبة تفاوض وتقوم كلها على المصالح المتبادلة. عن نفسي لا أحلم بدولة ممتلئة بعنتريات نظام البشير و "هنفوق العالم أجمع".
المقتبس اعلاه منقول من صفحة الاستا ذ حمور زيادة فى الفيس بوك
|
Post: #36
Title: Re: هل نقاطع الجزيرة والعربية و bbc
Author: اخلاص عبدالرحمن المشرف
Date: 01-04-2019, 10:50 PM
Parent: #35
يا حفيظ اتاكدت فعلآ اليوم كان العدد ليس مثل الايام السابقة
اتاكدت من اكثر من جهة
بس الدوشكا مالئة المحل
ومراسل الجزيرة المتمرس سعدالدين حسن ازيح
يعني لو كان سعدالدين هو ال بغطي كان بين
المشهد بكل تفاصيله ، غايتو نظرية المؤامرة حاضرة
اكثر من مصدر قال الشارع ينذر بانفجار والوضع صعب
صفوف الجازولين طويلة
|
Post: #37
Title: Re: هل نقاطع الجزيرة والعربية و bbc
Author: امتثال عبدالله
Date: 01-05-2019, 02:02 AM
Parent: #36
الحبيبة اخلاص
نعم يا حبيبة ..السودان المارد الذي سينهض...تعبير مكتوب بماء الذهب..
تعبير اوسكار ..اوسكار ..اوسكار...
الشعب السوداني شعب عظيم يحكمه اقزام ولصوص وحرامية
|
Post: #38
Title: Re: هل نقاطع الجزيرة والعربية و bbc
Author: عبدالحفيظ ابوسن
Date: 01-05-2019, 06:26 AM
Parent: #37
الشكر لكم جميعا ولاخلاص علي مثابرتها ولاقتراح عبداللطيف ومداخلة ياسر المميزة
اهلنا بقولو المحرش ما بكاتل
وبقولو
اليتيم ما بوصوهو علي البكاء
|
Post: #39
Title: Re: هل نقاطع الجزيرة والعربية و bbc
Author: عبدالحفيظ ابوسن
Date: 01-05-2019, 07:20 AM
Parent: #38
الناس لامن مرقت ما مرقت مكرية .. مرقت لأنو جاها في تولاها
التاريخ تصنعه الجماهير . لا الافراد ولا قنوات التلفزيون . التاريخ الانساني الحقيقي
لن نترك القنوات مطية لأهل السلطة لتشكيل الرأي العام العالمي .
امس المتحدث الرسمي ولا حاجة كدة قال
مرقن جامعين واحد 50 نفر والتاني 30 نفر وفي الخرطوم 5000 جامع !!!!!؟
الحقيقة المذيع اندهش جدا واستغرب وحكاها معاهو بي ادب مع بعض السخرية المبطنة
ثم التقي برئيس تحرير الصيحة . وقال كلام محفوظ مافيهو حيوية ولا تفاعل مع الاحداث
ف شنو
اكيد مقدم البرنامج ما اعد البرنامج وحدد المتحدثين لكنو متعاطف مع الثورة جدا
اها دة المهم
وبرضو لازم نصل القنوات دي زي ما قال عبداللطيف
|
Post: #40
Title: Re: هل نقاطع الجزيرة والعربية و bbc
Author: عمر أبوعاقلة
Date: 01-05-2019, 08:55 AM
Parent: #39
سلام أبوسن والمتداخلين
الشئ البغيظ نحن المغتربين ما عندنا الا نتابع
القنوات دي عشان نعرف أخبار الداخل
ما عندنا أمل في قنواتنا
أمس قناة العربية جايبه الخايب الهندي زفت الطين
ماسك العصا من النص لا قادر يدين تصرف الحكومة
ولا قادر يجرم سعد الدين لأنه قام بتغطية
الأحداث بصدق ومهنية هو يفتقر لها
وفي النهاية المذيع أختصره ومشى لنقطة أخرى
عالم أرزقية ياخ
#تسقط_بس
|
|
|