Post: #2 Title: Re: زميل المنبر المناضل ... علي ود دفع الله Author: محمد حمزة الحسين Date: 01-03-2019, 12:24 PM Parent: #1
الف حمداً لله علي سلامتك والعودة لمسار النضال ... لأن تأتي متأخراً خيراً من لا تأتي ... فاليقل من يقل إني أريد القفز من سفينة الإنقاذ المكوعه رغم يقيني إنها ما كوعت ، إلا لوقوف الريس المشير البشير منفرداً بالرأي ضد الأغلبيه المصلحه ... : : : مع التحيات لله الزاكيات.
Post: #3 Title: Re: زميل المنبر المناضل ... علي ود دفع الله Author: محمد حمزة الحسين Date: 01-03-2019, 12:25 PM Parent: #2
Post: #5 Title: Re: زميل المنبر المناضل ... علي ود دفع الله Author: محمد حمزة الحسين Date: 01-03-2019, 12:30 PM Parent: #3
تعال أحكي ونورنا حصل معاك شنو في بيوت الإعتقال ... ما شوفتا ليك شواكيش (ومرا زبات) ومناشير بالجنبه أو في كوع الغرفه الاعتقولوك فيها أو في زاوية الحوش المريت منو للغرف المظلمه ... ما تشتشوك بي سجاره او تلج في السقط دا ... أنا عارف ناس الأمن ما بميلو علي استخدامها كتير لكن بلوحو بيها نظام التشويش والرعب ... : : : مع التحيات لله الزاكيات.
Post: #6 Title: Re: زميل المنبر المناضل ... علي ود دفع الله Author: محمد حمزة الحسين Date: 01-03-2019, 12:43 PM Parent: #5
بصراحه أنا فكرة النضال الإحتجاجي تراودني في هذا الموسم ... وما زالت الفرصه مواتيه قلنا نسمع منك بتروي ... : : : مع التحيات لله الزاكيات.
Post: #4 Title: Re: زميل المنبر المناضل ... علي ود دفع الله Author: علي عبدالوهاب عثمان Date: 01-03-2019, 12:26 PM Parent: #2
حبيبنا محمد تحياتي .. التحية للمناضل على دفع الله نحمد الله على سلامته
إلى الامام
Post: #7 Title: Re: زميل المنبر المناضل ... علي ود دفع الله Author: محمد حمزة الحسين Date: 01-03-2019, 12:46 PM Parent: #4
تسلم ووووو إمبس علي عبد الوهاب رسول المحبه والوئام دأئماً التواجد حيث نحب أن نراك ... : : : : : مع التحيات لله الزاكيات.
Post: #8 Title: Re: زميل المنبر المناضل ... علي ود دفع الله Author: MOHAMMED ELSHEIKH Date: 01-03-2019, 12:49 PM Parent: #7
Quote: لا لوقوف الريس المشير البشير منفرداً بالرأي ضد الأغلبيه المصلحه ...
انتو صحي البشير دا ماعندكم غيرو؟؟؟
هههههههههههههههه
منقول
Post: #9 Title: Re: زميل المنبر المناضل ... علي ود دفع الله Author: محمد حمزة الحسين Date: 01-03-2019, 01:01 PM Parent: #7
الأخ المناضل علي دفع الله ... شالوم ياخي أو كما تحب أن تقولها ... والله وتا الله ما طالبني حليفة حسدتك ناس الأمن ديل مرات ما فرزو يرفعوا اسهمك بي قبضه ... عموماً إن لم تأتي لنصحي سأتوكأ عصاتي وأخرج في اول لفه اصرف للأمنجيه بركاوي ... من النوع التقيل ولمن يجو يتشوني اقول ليهم تشوني في جبهتي دي جزاءاً بما ايدتكم في غابر الأزمان الرخيه ... والله يا علي سئمنا عايز أطلع أطلب لجوء عايزين نعيش زي ما بعيش المناضلين في مدن العالم البارد بالله شوفتا الناس ديل نُضاف كيف ومربين كيف!!! : : : مع التحيات لله الزاكيات.
Post: #10 Title: Re: زميل المنبر المناضل ... علي ود دفع الله Author: محمد حمزة الحسين Date: 01-03-2019, 01:16 PM Parent: #9
ود الشيخ يا قريبي لا والف لا لنقل براحات الحوش الصغير للحوش الكبير دا براو ودا براو لكن اسمع مني أنا جادي والله ... : : : : مع التحيات لله الزاكيات.
Post: #11 Title: Re: زميل المنبر المناضل ... علي ود دفع الله Author: Arif Nashed Date: 01-03-2019, 03:07 PM Parent: #10
يا امنجي العايز تعرفوا شنو معلوماتك وافرة عن بيوت الاعتقال وما يجري فيها.. رتبتك شنو. تحال لقروب المنبرشات.
Post: #12 Title: Re: زميل المنبر المناضل ... علي ود دفع الله Author: محمد البشرى الخضر Date: 01-03-2019, 03:15 PM Parent: #11
Quote: عايز أطلع أطلب لجوء عايزين نعيش زي ما بعيش المناضلين في مدن العالم البارد بالله شوفتا الناس ديل نُضاف كيف ومربين كيف!!!
افتكرتك جادي في بداية البوست! لكن ياهو انت وياها خباثتك المعتادة حقو تقول كلامك بالواضح العديل, علي ما ماش يشيل عليك عكاز, وفي الناية ياهو راي مهما فسد و طقت ريحته
Post: #13 Title: Re: زميل المنبر المناضل ... علي ود دفع الله Author: nour tawir Date: 01-03-2019, 03:50 PM Parent: #12
محمد حمزة الحسين..
بصراحه أنا فكرة النضال الإحتجاجي تراودني في هذا الموسم ... ...
و ليه التواضع دا ؟ خليك زى ما أنت.. الشباب الكلوس قايمين بالواجب..
Post: #14 Title: Re: زميل المنبر المناضل ... علي ود دفع الله Author: محمد حمزة الحسين Date: 01-06-2019, 03:56 PM Parent: #13
Quote: يا امنجي العايز تعرفوا شنو معلوماتك وافرة عن بيوت الاعتقال وما يجري فيها.. رتبتك شنو. تحال لقروب المنبرشات.
تحتاج صورهـ يا عارف ؟
الرتبه والتلفون دا شغل (هن) ... خصمتك بالرسول تختبر (هن) نشوف فلاحة (هن) لو مستعجل شوف دينق عندو صورهـ واضحه بس ما حديثه... : : : مع التحيات لله الزاكيات.
Post: #15 Title: Re: زميل المنبر المناضل ... علي ود دفع الله Author: محمد حمزة الحسين Date: 01-06-2019, 04:03 PM Parent: #14
Quote: افتكرتك جادي في بداية البوست! لكن ياهو انت وياها خباثتك المعتادة حقو تقول كلامك بالواضح العديل, علي ما ماش يشيل عليك عكاز, وفي الناية ياهو راي مهما فسد و طقت ريحته
والله يا ود البشري وما طالبني حليفة أنا جادي الراجل زميل منبر ومناضل بس الأمنجيه ديل لمعوهو شديد تصدق حسدتو ... وما زالت الفكرهـ تراودني لنيل كرت مخارجه من البلد دي لي بلاد الأفرنجه الساقطه ... ياخي بدل تحسدني ادعو لي بالثبات والتوفيق ... : : : مع التحيات لله الزاكيات.
Post: #16 Title: Re: زميل المنبر المناضل ... علي ود دفع الله Author: محمد حمزة الحسين Date: 01-06-2019, 04:11 PM Parent: #14
Quote: و ليه التواضع دا ؟ خليك زى ما أنت.. الشباب الكلوس قايمين بالواجب..
الست نور بت ول أبا حبابك وقلنا زيادة الخير خيرين ... بعدين المحبط يكون ماف تشتيش لانو تشة الجبهة دي مهمه عندي ... الثلاثاء مشينا قلنا نطمئن علي اولادنا المناضلين من محافظة بربر لقيناهم يضحكو سنين سنين قلتا أأأأأخخخخ يا أنا ... غايتو النصحية ليك يا الله قالوا في ضلمة ووحدا... : : : مع التحيات لله الزاكيات.
Post: #17 Title: Re: زميل المنبر المناضل ... علي ود دفع الله Author: Haytham Ghaly Date: 01-06-2019, 04:21 PM Parent: #16
ما تستعجل على رزقك
وكت الحساب قرررب
ان شاءالله بس تبقى راجل كلس وتسبت زي ما الرجال سبتت
مع انكم مشهورين بالشخ وحاجات تانية
لكن فرصتك بتاخدها كاااملة باذن رب المجرات
Post: #18 Title: Re: زميل المنبر المناضل ... علي ود دفع الله Author: محمد حمزة الحسين Date: 01-07-2019, 01:29 PM Parent: #17
Quote: ما تستعجل على رزقك
وكت الحساب قرررب
ان شاءالله بس تبقى راجل كلس وتسبت زي ما الرجال سبتت
مع انكم مشهورين بالشخ وحاجات تانية
لكن فرصتك بتاخدها كاااملة باذن رب المجرات
هرمنا يا هيثم هرمنا شيلوا همتكم معانا ... : : : : مع التحيات لله الزاكيات.
Post: #19 Title: Re: زميل المنبر المناضل ... علي ود دفع الله Author: محمد البشرى الخضر Date: 01-07-2019, 02:13 PM Parent: #18
اسم الله يا محمد حمزة ما لعب, إن كنت لابد تحلف - وكدا كدا ما حد ح يصدقك - احلف بالطلاق اصلو لغو ولن يقع
Post: #20 Title: Re: زميل المنبر المناضل ... علي ود دفع الله Author: حسن ادم محمد العالم Date: 01-08-2019, 07:51 AM Parent: #19
ان يحسدوني علي موتي فواسفي حتي علي موتي لا أخلو من الحسد هكذا هم الاسلاميين دائماً يفترضون انهم ظل الله في الارض واهل السيادة والريادة لذا مصابون بداء الغيرة والحسد وإذا قدر لأحد اعضاء المنبر توفاه الله وكانت الجنازة يؤمها جمع غفير من الناس وأكثروا في الحديث عن مناقب الميت لتمني هذا الاسلامي ان يكون هو الميت وهو الجنازة لذا ليس غريبا ان يحسد الاخ علي دفع الله علي نقمة الإعتقال والتي في هذه الحالة عند اخونا الاسلامي انها نعمة لانها تجلب للأخ علي التلميع قمة البؤس
Post: #21 Title: Re: زميل المنبر المناضل ... علي ود دفع الله Author: محمد حمزة الحسين Date: 01-08-2019, 02:11 PM Parent: #20
Quote: عند اخونا الاسلامي انها نعمة لانها تجلب للأخ علي التلميع
الصحيح تجلب له صك اللجو بمجرد خمود آوار الغاغه دي وليس التلميع يا حسن أدم
بعدين إن قايليني أنا ود المهدي يا هذا ... : : : : مع التحيات لله الزاكيات.
Post: #22 Title: Re: زميل المنبر المناضل ... علي ود دفع الله Author: أبوبكر عباس Date: 01-08-2019, 02:49 PM Parent: #21
كنت ناوي أن لا أتقاطع معك مطلقاً بعد تعليقك الشين في حق قُصي مجدي سليم. لكن تقول شنو نرفع الحظر مؤقتاً بعيد عن اعتقال علي دفع الله تربطني بالشيوعيين صداقات متعددة، علي دفع الله شيوعي حقيقي شيوعي في حياتو شيوعي في احساسو بالناس له احساس أنبياء في معرفة الحق نوع علي دفع الله دا ممكن تأمنو على بيتك
ما تخليك جاهل بمعرفة قدر الناس
Post: #23 Title: Re: زميل المنبر المناضل ... علي ود دفع الله Author: محمد حمزة الحسين Date: 01-08-2019, 02:58 PM Parent: #22
Quote: ما تخليك جاهل بمعرفة قدر الناس
شكراً كتر خيرك كتير يا مستنير علي فك الحظر والتداخل ... يعني يستحق الزيط دا قصدك واللا كيف ... أتمني أن يخيّب ظني ولا يستثمرهـ في طلب اللجو كما فعل الكثير من المناضلين بمختلف مسمياتهم .... أما ما سبق من سرد أخلاقياتو فهي بحق مُثل وقيم كل سوداني إلا ما ندر ... والنادر لا يُقاس عليه ... : : : : مع التحيات لله الزاكيات.
Post: #24 Title: Re: زميل المنبر المناضل ... علي ود دفع الله Author: حسن ادم محمد العالم Date: 01-08-2019, 03:18 PM Parent: #21
تعرف الازمة وين يا محمد حمزة لمي يكون تفكيرك دائماً مبني علي نظريه المؤامرة وانو اَي صاحب قضية لابد ان يسترزق منها باللجوء وغيرو في النقطة دي انا اجد لك العذر لانو الاسلاميين اعتبروا البلد غنيمة فجاءوا بالتمكين ومارسوا الفساد والاستبداد لذا يعتقدون ان ايً شخص صاحب قضية ينطلق من نفس المفهوم ودي محتاج تأهيل نفسي ان يفهم هولاء مفهوم الوطن عند الاسلاميين محتاج اعادة تعريف والقضيه نفسها اما علاقة بالمهدي كما يقول دكتورنا منصور خالد العقلية واحدة والاختلاف اختلاف درجه اتمناك بخير يا اخونا محمد حمزة وليس يا هذا لقد تعودنا ان ننادي الناس باسمائهم مع حفظ المقامات وهكذا تربينا
Post: #25 Title: Re: زميل المنبر المناضل ... علي ود دفع الله Author: احمد حمودى Date: 01-08-2019, 03:54 PM Parent: #24
تسقط تسقط # تسقط _ بس
Post: #26 Title: Re: زميل المنبر المناضل ... علي ود دفع الله Author: محمد حمزة الحسين Date: 01-09-2019, 11:26 AM Parent: #25
Quote: اتمناك بخير يا اخونا محمد حمزة وليس يا هذا لقد تعودنا ان ننادي الناس باسمائهم مع حفظ المقامات وهكذا تربينا
أخي حسن أدم محمد العالم لك العتبي حتي ترضي ... لم اكن اقصد التقليل من مقامك لان البيني وبينك كلمات علي ظهر هذا الأسفير وليس تار ... مقامك محفوظ ... لكن تأكد إن الأمثله للمتاجرهـ بالنضال موجودهـ وآخرها زميل المنبر المناضل العروبي محمد الحسن بوشي ... والذي تأخرت الإستجابه لطلبه حتي سلمته السلطات المصريه للآمن السوداني ضمن مقايضه ... للمرة الثانيه والثالثه اعتذر لك عما اصابك من اسم الإشارهـ هذا ... : : : : مع التحيات لله الزاكيات.
Post: #27 Title: Re: زميل المنبر المناضل ... علي ود دفع الله Author: محمد حمزة الحسين Date: 01-09-2019, 11:37 AM Parent: #26
الأخ أحمد حمودي شيل الصبر ...
Quote: التغيير الثلاثاء, 8 يناير, 2019
التغييير: الخرطوم
لوح المشير عمر البشير، بتسليم السلطة للقوات المسلحة رداً على التظاهرات التي انتظمت البلاد مؤخراً،
وأشار البشير إلى وجود أصوات تطالب بتسليم السلطة للجيش، مؤكداً قبوله لهذا السيناريو،
: : : مع التحيات لله الزاكيات.
Post: #28 Title: Re: زميل المنبر المناضل ... علي ود دفع الله Author: محمد حمزة الحسين Date: 01-10-2019, 11:36 AM Parent: #27
Quote: اسم الله يا محمد حمزة ما لعب, إن كنت لابد تحلف - وكدا كدا ما حد ح يصدقك - احلف بالطلاق اصلو لغو ولن يقع
