Post: #1
Title: الحكومة دي ما جادة
Author: عبدالحفيظ ابوسن
Date: 01-01-2019, 04:25 AM
Parent: #0
03:25 AM December, 31 2018 سودانيز اون لاين عبدالحفيظ ابوسن-no where مكتبتى رابط مختصر الحكومة دي ما جادة الدولار كم واربعين واسعار السلع ياها زاتا حقت دولار كم وتمنين وزادت السكر اكتر من سعر السوق الاسود كأنها تتحدي غضب الناس الرغيف يزداد تأزما صفوف غير مسبوقة في الطلمبات ما تم صرفه في قمع التظاهر يساوي ميزانية عاما كاملا يا حكومة الحل الامني لا يصلح بل تعامي عن كارثة قادمة استمعت لخطاب الرئيس امس . خطاب رتيب ممل . يوضح خللا عظيما في الحكم تسقط بس
|
Post: #2
Title: Re: الحكومة دي ما جادة
Author: عبدالحفيظ ابوسن
Date: 01-01-2019, 06:55 AM
Parent: #1
معقولا كل الاحداث التي يعج بها الشارع وناس ماتت وناس انضربت ويجي خطاب الاستقلال خاليا منها ؟ ورغم كل ذلك لازال وزير المالية يمتن ويعد الناس ؟ كانوا خفافا في التصدي للناس المرقت تطالب بحقها وثقالا في تخفيف الحمل الذي اثقل كاهلهم
تسقط بس
|
Post: #3
Title: Re: الحكومة دي ما جادة
Author: Abdullah Idrees
Date: 01-01-2019, 08:26 AM
Parent: #2
كل يوم تشرق شمسو والمؤتمر الوطني في الحكم يعني تفاقم الازمة اكثر الان تكلفة قمع المظاهرات زادت الطين بلة والحكومة قاعدة في الصقيعة ساي ارتفاع الاسعار الجنوني يوسع الفجوة بين الكتلة النقدية وقيمة السلع والخدمات اكثر فأكثر ، طباعة النقد ستفاقم المشكلة اكثر فأكثر ، عدم طباعته ايضا ستفاقم المشكلة وستفرز مشاكل اخر او ستعجل بها مثل تفشي امراض سوء التفذية لأنو الحكومة اسي قافلة على تحجيم الاستهلاك باكبر قدر ممكن عشان تطول عمرها شوية ، الحكومة ممكن تتوكل على الله وتطبع ترليونات الجنيهات وتملا البنوك قروش عشان تردم الفجوة بين الكتلة النقدية وقيمة السلع والخدمات المعروضة للتبادل حترتفع الاسعار لدرجة غير مسبوقة والناس حيصرفو كل مافي يديهم خلال فترة بسيطة جدا .. اها وبعدين ؟ مافي تاني غير اعلان السودان دولة كوارث ومجاعة اي يوم اضافي للبشير فيهو هلاك وبلا لناس كتيرين جدا بالرصاص او الجوع ..
|
Post: #4
Title: Re: الحكومة دي ما جادة
Author: عبدالحفيظ ابوسن
Date: 01-01-2019, 05:09 PM
Parent: #3
صحي يا عبدالله السودان يستحق حياة افضل من الواضح ان العالم فقط هو المستفيد من وجود هذه السلطة ومافي سكة الا ابناؤه الاوفياء
تسقط بس
|
|