Post: #1
Title: للشباب الثوري-إستخدام أبلكيشن I am getting arrested "يتم إعتقالي"، و ده تطبيق ثوري خيري تم انشاءو ف
Author: زهير عثمان حمد
Date: 12-27-2018, 05:21 PM
Parent: #0
04:21 PM December, 27 2018 سودانيز اون لاين
زهير عثمان حمد-السودان الخرطوم
مكتبتى
رابط مختصر الشباب الثوري العظيم:
أنا بقترح إستخدام أبلكيشن I am getting arrested "يتم إعتقالي"، و ده تطبيق ثوري خيري تم انشاءو في ٢٠١١ لمساعدة ٩٩٪ من ثوار حركة Occupy Wall Street أقوى حركة ثورية في أمريكا الحديثة.
التطبيق ده أولاً: بشتغل بدون إنترنت.. أيوة لا انترنت لا لخمة.. بشتغل عبر SMS مباشرة!
ثانياً: ده اسهل ابلكيشن في الدنيا، وخطواتو:
١. بعد تنزلو عندك ويفتح، اكتب رسالة التنبيه بإعتقالك بالتفاصيل في مربع النص، وفي المربع التحت أكتب رقم أو أرقام العاوز ترسلها ليهم.
٢. بعدها يا بطل، الابلكيشن بتحول لشاشة سودا فيها زر كبير وواضح عشان تضغطو (ضغطة لمدة ثانيتين) لما يتم إعتقالك. و تحت بتلقى زر الاعدادات البوديك للشاشة الفيها المعلومات الذكرناها عشان لما تعوز تعدلها.
٣. و أهم شي: في النهاية تحرص إنو التطبيق قاعد في الشاشة الرئيسية في تلفونك أو في أي حتة يسهل الوصول اليها بسرعة.
لو انت في نوع مطاردة ما بتقدر تكتب الدقيقة مع الساعة واليوم والشهر، فاحرص كل راس ساعة تكتب الساعة واليوم والشهر.
أنا جربتو قبل شوية مع كم نفر واثبت إنو شغال، وكمان خيار تحديد الموقع فيهو شغال!
أنسخ البوست ده والرابط في أي مكان.
رابط التطبيق من متجر قوقل:
https://play.google.com/store/apps/details؟id=us.quadrant2.arrested.us
بالتوفيق لأبطال الثورة
#مدنالسودانتنتفض
#الإنتفاضة_السودانية
#SudanUprising
|
|