الليلة يوم الوطن (ارضاً خلاف)

06:59 AM December, 25 2018

سودانيز اون لاين
عبدالقادر محمد-عمق الوطن
مكتبتى
رابط مختصر

ارضاً خلاف
ارضاً تهاتر
ارضا ضبابية
ارضا رمادية
ارضا خوف
ارضا هروب
ارضا ضحك
يوم الوطن يومنا جميعا لاننا كلنا وطن
ليبرالي شيوعي صوفي اسلامي امة اتحادي
وطني مستقل اياً كان المسمي
اليوم هو يومنا
يوم الوطن
من أجل السودان وانسانه
من أجل الحرية والعيش الكريم
عشان اولادنا
عشان الحاجات تبقي سمحة
القصر القصر حتي النصر
القصر القصر حتي النصر
القصر القصر حتي النصر
القصر القصر حتي النصر
القصر القصر حتي النصر

مرحباً بالرصاص طالما انه يمنح اولادنا الحياة
مرحبا بالرصاص طالما ان الوطن بعده يتعافي
من اجل ابنائنا والاجيال الجاية
وعشان يلقوا وطن يسعهم جميعا
وعشان اهلنا لما يمشوا المستشفيات يتعالجوا
ويلقوا الخبز والسكر واطفالنا يتعلموا
ويتربوا في بيئة صحية ومعافاة
مرحباً بالرصاص
ومرحباً بالغاز المسيل للدموع
ولا اظن ان دموعنا تحتاج لغازات تسيلها
فهي تجري علي الدوام علي الوضع البائس والتعيس
الذي نعيشه ويعيشه الوطن
..
غضبة لاجل الوطن
ليكون الوطن وليكون اولادنا
عشان حليبهم وغذائهم وكسائهم ومسكنهم
وعشان الحرية
والحرية مهرها غالي
وما محتاجين وصية فكلنا
وطن
وكلنا حماس
وكلنا علي قدر التحدي
ويا اب قلبا ميت جاينك جاينك
خلي خيابتك وارجانا
والقصر القصر حتي النصر
القصر القصر حتي النصر
القصر القصر حتي النصر
القصر القصر حتي النصر
القصر القصر حتي النصر

يا أمه مسروق عمرها لا تملي و لا تخافي

..
مرحبا بالموت مقابل الحياة
اولادنا لا يستحقون ان يعانوا ما عانينا
ولا الوطن اصبح يتحمل هذا الجرح الغائر علي ظهره
..
مليون سلام
يا شعبنا ومليون حباب
والاغتراب
يا ابونا ما طول الغياب
الاغتراب فال البخونك ويزدريك
ونحن بين سنكيهو والزنزانة
والسجن السميك
منك قُراب
أحرار وحريتنا في إيمانّا بيك
ثوار بنفتح للشمس في ليلنا باب
لي يوم جديد
وبنفتديك
وحنفتديك
ما بنرمى إسمك في التراب
وعيونا تتوجه اليك
إنت المعلم والكتاب
*
أبداً جُذورك فينا تمتدَّ وتجيك
والبزدريك
ياويلو من زحفك عليهو
ومن مشيك
يا ويلو من أجَلو الوشيك
يوم ينكسر قيد الحديد
والسنكي والزنزانة والسجن السميك
وخطى الشهيد
من حولو تهدر والنشيد
وإنت الشمس من بين إيديك
تطلع عليك من كل باب
مليون سلام يا شعبنا ومليون حباب

أهلا أهلا بالأعياد

محجوب شريف

أهلا أهلا بالأعياد

مرحب مرحب يا أجداد

أفتح أفتح يا تاريخ

أبعاد أبعاد

وأملا عيون كل الأحفاد

بالأمجاد

أفتح محضر باسم الشعب

بخط الشعب

لوجه الشعب

ومجد الشعب

سجل
أنحن الغضب الواعى

ضمير الثورة على استعداد

وبالمرصاد

لكل عميل وكل دخيل

بالمرصاد

سجل سجل

لا أغلال

لا إستقلال مع إستغلال

لا حرية بلا استبسال

إستشهاد باستمرار

على استعداد

ويا استبداد

خط النار إتعب وزاد

وقول للشهدا الختو الزاد

باسمنا هتفو

وبينهم وبين
الموت خطوات

الجايين من قلب الشارع

والجايين لى قلب الشارع

من ثكنات

سجل أنحنا

برغم جرحنا

إجتزنا المحنة

ونحن الليلة أشد ثبات

ونحن بخير

ونحن وراكم في الجايات

ولسه ولسه

على إستعداد

وشعبنا واقف بالمرصاد

المجد للآلاف تهدر في الشوارع كالسيول
يدق زاحفها قلاع الكبت والظلم الطويل
المجد للثوار المجد للإصرار
لليوم العظيم
المجد للشرفاء المجد للشهداء للموت الكريم
الثورة انطلقت شعاراتٍ ترددها القلوب
الثورة الحريةُ الحمراء شمسسٌ لا تغيب
الثورة التطهير يُرجع هيبة الحكم السليب
الثورة التحرير للثوار من كل الشعوب
الثورة الايمان قاد الشعبَ في اليومِ الرهيب
يا صانع التاريخ
يا شعبي الذي سحق الظلام
المجدُ لك
ما ازهرت في الارض الوانُ النضال
البزل لك ما صوّت الداعي
ينادي يا رجال
الخُلد لك
يا صارم القسماتِ يا حي الشعوب
يا شعب اصبح مرجلاً يغلي
وبركانًا يفور