Post: #2 Title: Re: تحذيّر لشركة زيّن، قبل أن تشتعِل الفتيلة . Author: امتثال عبدالله Date: 12-21-2018, 12:26 PM Parent: #1
انذار قوي خمسة نجوم... صحي الشركة دي شركة تجارية خاصة،، مالها ومال السياسة،،،، هبوا يا شباب ..اذا هذه الشركة ليها اي دور في قطع الانترنت عن شبابةالثورة حتى لا يتواصلوا وينسقوا مع بعض تنظيم المظاهرات فاحرقوا كل ابراجها،،،،
Post: #3 Title: Re: تحذيّر لشركة زيّن، قبل أن تشتعِل الفتيلة . Author: Nasser Amin Date: 12-21-2018, 12:49 PM Parent: #1
تم الحزف لعدم الجدوى
Post: #4 Title: Re: تحذيّر لشركة زيّن، قبل أن تشتعِل الفتيلة . Author: معاوية المدير Date: 12-21-2018, 01:10 PM Parent: #3
والله يا إمتثال ؤ ناصر التقول الحكومة هي البتشتري الشرايح للمواطنين ؤ تعبيّلُون الرصيد !!!...
Post: #5 Title: Re: تحذيّر لشركة زيّن، قبل أن تشتعِل الفتيلة . Author: محمد البشرى الخضر Date: 12-21-2018, 02:23 PM Parent: #4
الزول دا عبيط وورط نفسه في تهديدات بتخريب ممتلكات خاصة رغم انه خايف وبحاول يقول انا ما بدعو وبحذر لكن دقس كم مرة ووجه تهديدت مباشرة ليس فقط باتخريب الممتلكات بل بتهديد مباشر لحياة الموظفين ! وزيادة في العبط قال قرر الشباب في 200 الف شاب قرروا! مؤسف ان يكون هذا الساذج طارح نفسه منظم وقائد لشباب الثورة وبصراحة كدا لا استبعد ان يكون اما مخدوع او مدفوع من الامن وبنفذ في استراتيجتهم الداعية للتخريب و الحرق ليتسنى لهم ايجاد مبرر للقتل و القمع!
Post: #6 Title: Re: تحذيّر لشركة زيّن، قبل أن تشتعِل الفتيلة . Author: معاوية المدير Date: 12-21-2018, 02:36 PM Parent: #5
إحتمالآت واردة يا ود البشرى، بس كمان ما ممكن المواطنين يدفعوا للشركة عشان تقدم ليهُن خِدمات تقوم تتأمر عليهم !...
Post: #7 Title: Re: تحذيّر لشركة زيّن، قبل أن تشتعِل الفتيلة . Author: محمد البشرى الخضر Date: 12-21-2018, 02:49 PM Parent: #6
يا ود المدير تآمر شنو ياخ, حتى لو حصل تاثير في سرعة النت ح يكون بسبب تعليمات إما هيئة تنظيم الاتصالات او الأمن عديل كدا بعدين التهديد الساذج دا عشان شنو يعني؟ هل تستطيع الشركة مخالفة تعليمات الامن لو ادوها ليهم خوفا من حرق ابراجها! طيب الامن ممكن يصادر الابراج دي او يأمم الشركة كلها ويقعدوا! من ناحية تانية تخيل تعطيل شبكة زين ح يكون اثره سلبي كيف على الحراك, النت بي ضعفه لو حصل اخير من انعدامه بالذات في الظروف دي. الناس ما يشيلها الحماس ساي, الحكومة استراتيجيتها واضحة في مقاومة الثورة كلهم ببدوا ليك الكلام الاحتجاج مشروع و امر طبيعي مع اعترافهم بفشلهم في ادارة الاقتصاد وتوفير معاش الناس لكن يقول ليك انضم ليهم مخربين و اصحاب اجندة حرقوا و نهبوا مخازن الدقيق ومش عارف ايه فكان لاب من تعامل الشرطة معاهم بالقوة عى الرغم من النعليمات الصادرة بعدم اطلاق النار على التحركات السلمية اسمع كلام وزير التربية بنهر النيل و تبريره لقتل المتظاهرين بالدامر
Post: #8 Title: Re: تحذيّر لشركة زيّن، قبل أن تشتعِل الفتيلة . Author: عمر دفع الله Date: 12-21-2018, 03:39 PM Parent: #7
ايقاف خدمة الانترنت هي مسؤولية وزارة الاتصالات ، يعني دا شغل حكومة وجهات امنية بحسب ما علمت . بالرغم من هذا لاجراء الذى يكشف هلع النظام لكن المعلومات تتدفق بس بشكل بطئ . اتفق مع ودالبشرى مع ان نقاشنا هذا لا يقدم ولا يؤخر في الزلزال الذى يحدث في الداخل لقد سبق السيف العزل وليس بالامكان تلافي شيئا مما سيحدث سوى كان بالدعوات الفالتة او المنضبطة ...
Post: #9 Title: Re: تحذيّر لشركة زيّن، قبل أن تشتعِل الفتيلة . Author: معاوية المدير Date: 12-21-2018, 04:10 PM Parent: #8
Quote: ايقاف خدمة الانترنت هي مسؤولية وزارة الاتصالات ، يعني دا شغل حكومة وجهات امنية بحسب ما علمت .
إذا كان كِدا بطل البوست .
أرجو الحزف يا بكري وشكراً ...
Post: #10 Title: Re: تحذيّر لشركة زيّن، قبل أن تشتعِل الفتيلة . Author: Osman Musa Date: 12-21-2018, 04:28 PM Parent: #9
يا شباب بلاي زين شنو وبطيخ شنو ؟ هو اكتوبر لما اندلعت كان في زين ولا فاصوليا . الثورة قايمة قايمة .بي الفي وبي المافي .