احد أعضاء المؤتمر الوطني ولاية نهر النيل يجهر بالحقيقة في قروب الحزب

07:06 AM December, 20 2018

سودانيز اون لاين
زهير عثمان حمد-السودان الخرطوم
مكتبتى
رابط مختصر

عفواً ..
الصورة دي انا مانشرتها للشماتة أو ماشابه ..
من فترة طويلة كان واضح جدا انه المؤتمر الوطني في الولاية دي ماشي غلط ..
القصة ماضائقة معيشة ولا عدم سيولة الجماهير اتحملت الكتير قبل كدا ..
لو ناسين اذكركم .. في بدايات الانقاذ كان في صفوف سجاير وكبريت ..
فصفوف العيش والصراف الآلي ماهي الوجع في الولاية دي ..

الورم الحقيقي هو اللوبي الفرض نفسه من سنين علي نهر النيل .. بالذات علي مستوى العمل السياسي .. أرهق علاقة الناس بالحزب ..
وشكل حكومات لا تصلح لشيئ ..
وجاب لينا ولاة ماعندهم أي مقدرات ..
لوبي ماشي عكس رغبة الجماهير .. وعكس مبادئ الحزب ..
نهر النيل كانت منارة في الحزب ده علي مستوى السودان ..
شوفوا علاقتا بالجمهور الآن وصلت وين ..

اتفرجوا ..
ولا زال هناك من يكذب حين يكتب والمظاهرات شغالة والشعب زاحف عشان يحرق دار الحزب انه نسبة حضور مؤتمرات البناء فاقت ال 90%
كذب وإستهبال واستغفال للقيادة العليا ..
لكن الليلة الحقيقة بانت ..
انكشفتو .. فترجلوا غير مأسوف عليكم
وماعافين ليكم حقنا ولا حق الحزب الضيعتوهو

# احذفني يا أدمن .. أصلا دي شغلتكم

بقلم: أحمد سلمان