Post: #2 Title: Re: ما المقصود بالرجال ماتوا في كرري !! Author: امتثال عبدالله Date: 12-18-2018, 02:19 PM Parent: #1
اظنه قاصد بانه مافي رجال يقدروا يقلبوا حكومة السجم والرماد دي من رجال القوات المسلحة ...لان القوات المسلحة اصبحت قوات مصلحة بياكلوا الفول المصلح واطايب الطعام من مكافات الحكومة التي ترشيهم وتخليهم مرطبين ولا يفكروا في مصلحة وطن شامخ حدادي مدادي وشعب مغلوب على امره ... لكن ما نفقد الامل احتمال في سيسي سوداني لسع ضميره صاحي ...
Post: #4 Title: Re: ما المقصود بالرجال ماتوا في كرري !! Author: Arif Nashed Date: 12-18-2018, 05:00 PM Parent: #2
Quote: اظنه قاصد بانه مافي رجال يقدروا يقلبوا حكومة السجم والرماد دي من رجال القوات المسلحة ... لان القوات المسلحة اصبحت قوات مصلحة بياكلوا الفول المصلح واطايب الطعام من مكافات الحكومة التي ترشيهم وتخليهم مرطبين ولا يفكروا في مصلحة وطن شامخ حدادي مدادي وشعب مغلوب على امره ... لكن ما نفقد الامل احتمال في سيسي سوداني لسع ضميره صاحي ...
امتثال... تحياتي حكومة البشير أتت عن طريق الجيش.. برضو عشمانين في الجيش يقلبه! السودان ده ما فيهو رجال إلا في الجيش! الجيش أداة استخدمها الاسلامويين للوصول للسلطة..
مازال السؤال قائم..
Post: #3 Title: Re: ما المقصود بالرجال ماتوا في كرري !! Author: محمد حيدر المشرف Date: 12-18-2018, 04:51 PM Parent: #1
الموت كان كتير في كرري لم ينجو الا الهاربون من المعركة
Post: #5 Title: Re: ما المقصود بالرجال ماتوا في كرري !! Author: Arif Nashed Date: 12-18-2018, 05:08 PM Parent: #3
Quote: الموت كان كتير في كرري لم ينجو الا الهاربون من المعركة
ود المشرف.. سلام ليس هناك وجه مقارنة بقتلي كرري وقتلي هذا النظام.. وبرضو يقولوا الرجال ماتوا في كرري.
Post: #6 Title: Re: ما المقصود بالرجال ماتوا في كرري !! Author: ابراهيم عبد الوهاب Date: 12-18-2018, 05:17 PM Parent: #5
المقولة دي ما عندها علاقة بالنظام دا المقولة دي قديمة لمن مرة تزعل من راجل تقول ليهو الرجال ماتو في كرري بمعني انت ما راجل
Post: #7 Title: Re: ما المقصود بالرجال ماتوا في كرري !! Author: Arif Nashed Date: 12-18-2018, 05:27 PM Parent: #6
Quote: المقولة دي ما عندها علاقة بالنظام دا المقولة دي قديمة لمن مرة تزعل من راجل تقول ليهو الرجال ماتو في كرري بمعني انت ما راجل
إبراهيم...تحياتي لكن صيغة المقولة اللفظية ليس المقصود بها الفرد بل الجماعة. الرجال الماتوا في كرري واجهوا منو وماتوا عشان شنو؟؟.. المقولة لها علاقة وراثية بكل الديكتاتوريات العسكرية التي حكمت السودان..
Post: #8 Title: Re: ما المقصود بالرجال ماتوا في كرري !! Author: علاء سيداحمد Date: 12-18-2018, 05:34 PM Parent: #6
الرجال ماتوا فى كررى
المقصود بيها : انّ هؤلاء الرجال واجهوا اسلحة ناريه لم تكن معروفة لديهم بصدور عارية وبأسلحة بيضاء .. وشاعرنا الكبير صالح عبدالرحمن صالح وثّق تلك المعركة فى قصيدة عصماء رددها الشعب مع وردى
كرري تحدّث … عن رجال كالأسود الضارية… خاضوا اللهيب.. .وشتتوا كتل الغزاة الباغية… والنهر يطفح … بالضحايا … بالدماء القانية.. ما لان فرسان لنا…. بل فرّ جمع الطاغية..!!
وهناك من وثّق اسلحة تلك الازمنة البيضاء ومنهم محمد المكى ابراهيم فى قصيدة عصماء رددها الشعب مع وردى
كان أكتوبر في غضبتنا الأولى مع المك النمر كان أسياف العشر ومع الماظ البطل
والمقصود من مقولة : الرجال ماتوا فى كررى :
هى مقولة للتقليل من شأن الموجه له المثل .
Post: #9 Title: Re: ما المقصود بالرجال ماتوا في كرري !! Author: علاء سيداحمد Date: 12-18-2018, 05:36 PM Parent: #8
معركة كررى
Post: #10 Title: Re: ما المقصود بالرجال ماتوا في كرري !! Author: محمد حيدر المشرف Date: 12-18-2018, 05:42 PM Parent: #1
ناشد انت بتسأل عن اصل المقولة دي ولا عندك فكرة تانية؟@
اصلخا ياهو الكلام القلتو ليك .. والفكرة انو الشجعان من الرجال واجهوا الموت ورفضوا الهروب وماتوا .. لم ينجو منهم احد .. اذن المتبقين ديل هم من فروا من المعركة وبالتالي تنزع عنهم المخيلة الشعبية مصدر المثل او المقولة صفة الرجولة..
Post: #11 Title: Re: ما المقصود بالرجال ماتوا في كرري !! Author: Asim Ali Date: 12-18-2018, 06:03 PM Parent: #10
رغم السلوك الانتحارى فى مواجهه نيران المستعمر و (سد الفرقه). وما حكى عن شقيق احد الامراء زكان ضرير فلما بلغه خبر استشهاداخيه طلب ان يوضع على ظهر الخيل ووامسك حربته وطلب توجيهه نحو العدو وانطلق. وقصص كثيره تحكى عن نماذج اقدام وفروسيه نادره (مهما كان راينا فى المهديه والخليفه)
Post: #12 Title: Re: ما المقصود بالرجال ماتوا في كرري !! Author: صديق مهدى على Date: 12-18-2018, 07:23 PM Parent: #11
عاصم سلام قولت لى واحد اعمى عندما عرف ان اخوه استشهد قال ليهم ركبونى حصان عشان يجيب تار اخوه يا راجل اختشى واحترم عقول الناس وكمان قولت لى عندك راى فى المهدية والخليفة كدى وضح لينا رايك مسنود بالمراجع بس مش نعوم شقير ولا سلاطين باشا ولا حبوباتك هههههها وبعدين عارف دا بنطبق عليه المثل البقول فاقد الشى لت يعطيه ههه
Post: #13 Title: Re: ما المقصود بالرجال ماتوا في كرري !! Author: Asim Ali Date: 12-18-2018, 10:23 PM Parent: #12
صديق مهدى انت عامل انصلرى وماعراف حتى خكاوى تاريخ ملحمه كررى الامير ابراهيم الخليل واخوه سمعت بي قصتهم ولا لا ؟؟ . اعتقد يكون هد راى فى المهديه مفروض تحترمو ولما اناقش قضيه معينه فى الوقت ناقشنى من منطلق احترام اختلاف الراى .
Post: #14 Title: Re: ما المقصود بالرجال ماتوا في كرري !! Author: Mahjob Abdalla Date: 12-18-2018, 11:32 PM Parent: #13
Quote: لان القوات المسلحة اصبحت قوات مصلحة بياكلوا الفول المصلح
بتنا امتثال بتقصدي انهم بيأكلو الفول المسلح بعد ما هم بقو قوات مصلحة بالجنجويد.
_____________ زمان جات واحدة ركبت البص و ما في زول قام ليها (انا شخصيا كنت واقف). المهم شافت وجوهنا تمام و قالت: الرجال ماتو في كرري.
Post: #15 Title: Re: ما المقصود بالرجال ماتوا في كرري !! Author: Hamid Elsawi Date: 12-19-2018, 05:08 AM Parent: #14
تحياتي عارف المقولة في اعتقادي هي واحدة من مقولات كتيرة ينتجها العقل الباطن عن فكرة لن يجرأ لطرحها العقل الواعي في حضورة الكامل نتيجة للخجل أو الجبن أو الخوف و أيضا تدخل تحت منظومة المطاعنة بالكلام و الجناس اللفظي في قاموس لغتنا العامية. و أمثلة لذلك عندما يحدث موقف في العائلة لا يرضي شخص يقول ليك حليل أبوي. أو حليل أمي. و يقصد لوكان أبوي عايش ما كان ده حصل. (حليل الماتو في كرري أو الرجال ماتو في كرري) يعني مافي رجال الان أو الرجولة انعدمت. و كلمة الرجال زاتها فيها دليل علي التخلف الحضاري الذي يفرق بين الرجل و المرأة عموما الكلام كتير لكن خايف أكون شايت غلط نسمع منك و أرجع ليك لاحقا لو ربنا سهل و شكراً لانك خليت عقلنا ينشط شوية
Post: #16 Title: Re: ما المقصود بالرجال ماتوا في كرري !! Author: صديق مهدى على Date: 12-19-2018, 06:30 AM Parent: #14
غايتو جنس محن ههههها
Post: #17 Title: Re: ما المقصود بالرجال ماتوا في كرري !! Author: محمد مجيدو Date: 12-19-2018, 09:22 AM Parent: #1
يا عارف يا صديق .. سلام ليك ولضيوفك ..
غايتو المقولة دي اظن ليها علاقة بمقولة الرجال زمان كانو بيكسروا العناقريب .... غايتو كان مزاجم غريب ... عنقريب كويس ليه يكسروه ؟؟
عاالم بطاالــــــــــــــــــــــة ,,,
Post: #18 Title: Re: ما المقصود بالرجال ماتوا في كرري !! Author: Arif Nashed Date: 12-19-2018, 05:47 PM Parent: #17
Quote: الرجال ماتوا فى كررى المقصود بيها : انّ هؤلاء الرجال واجهوا اسلحة ناريه لم تكن معروفة لديهم بصدور عارية وبأسلحة بيضاء .. وشاعرنا الكبير صالح عبدالرحمن صالح وثّق تلك المعركة فى قصيدة عصماء رددها الشعب مع وردى كرري تحدّث … عن رجال كالأسود الضارية… خاضوا اللهيب.. .وشتتوا كتل الغزاة الباغية… والنهر يطفح … بالضحايا … بالدماء القانية.. ما لان فرسان لنا…. بل فرّ جمع الطاغية..!! وهناك من وثّق اسلحة تلك الازمنة البيضاء ومنهم محمد المكى ابراهيم فى قصيدة عصماء رددها الشعب مع وردى كان أكتوبر في غضبتنا الأولى مع المك النمر كان أسياف العشر ومع الماظ البطل والمقصود من مقولة : الرجال ماتوا فى كررى : هى مقولة للتقليل من شأن الموجه له المثل .
الاخ علاء... تحياتي ليس هناك خلاف علي ارتباط المقولة وعلاقتها التاريخية الوثيقة بحدث معركة كرري تحديدا.. يمكن تفسيرها علي انها مقولة صفوية ذات مدلولات استعلائية عميقة.. بالمقابل هناك مقولة اخري أعتقد بأنها تمثل ردا عليها . "الدراويش كتلوا غردون"..
Post: #19 Title: Re: ما المقصود بالرجال ماتوا في كرري !! Author: Arif Nashed Date: 12-19-2018, 11:47 PM Parent: #18
Quote: ناشد انت بتسأل عن اصل المقولة دي ولا عندك فكرة تانية؟ اصلا ياهو الكلام القلتو ليك .. والفكرة انو الشجعان من الرجال واجهوا الموت ورفضوا الهروب وماتوا .. لم ينجو منهم احد .. اذن المتبقين ديل هم من فروا من المعركة وبالتالي تنزع عنهم المقولة الشعبية مصدر المثل او المقولة صفة الرجولة..
ود المشرف.. تحياتي لا اختلف معك في الفكرة لكن لا بأس أن نعرف أصل المقولة وهل كانت مرتبطة بمناسبة او حدث معين؟. ومن الذي أطلق هذه المقولة؟. يقال بان الحرب كر وفر ..
Post: #20 Title: Re: ما المقصود بالرجال ماتوا في كرري !! Author: Arif Nashed Date: 12-19-2018, 11:49 PM Parent: #19
Quote: رغم السلوك الانتحارى فى مواجهه نيران المستعمر و (سد الفرقه). وما حكى عن شقيق احد الامراء وكان ضرير فلما بلغه خبر استشهاد اخيه طلب ان يوضع على ظهر الخيل وامسك حربته وطلب توجيهه نحو العدو وانطلق. وقصص كثيره تحكى عن نماذج اقدام وفروسيه نادره (مهما كان راينا فى المهديه والخليفه).
الاخ عاصم.. تحياتي نوع الخطاب المستخدم يدعم في تهيئة المقاتلين نفسيا (الشهادة - مفتاح الجنة) كلها عوامل تسهم في رفع الروح المعنوية ليواجه مقاتل لا يحمل سوي حربة او سيف جندي يحمل بندقية او رشاش طبعا المعادلة القتالية مختلة تماما.. لاحظ نفس الخطاب الذي استخدمه الاسلامويين في بداياتهم في حرب الجنوب (عرس الشهيد - الحور العين) كما ان نفس القصص تجدها بصورة اخري علي سبيل المثال:- الملائكة تحارب معنا - القرود تكتسح الألغام - كما نسج قصص عن أشخاص استشهدوا اتضح فيما بعد أنهم احياء..
Post: #21 Title: Re: ما المقصود بالرجال ماتوا في كرري !! Author: Arif Nashed Date: 12-19-2018, 11:52 PM Parent: #20
Quote: زمان جات واحدة ركبت البص و ما في زول قام ليها (انا شخصيا كنت واقف). المهم شافت وجوهنا تمام و قالت: الرجال ماتو في كرري.
الاخ محجوب... تحياتي قلت:- (شافت وجوهنا تمام و قالت الرجال ماتو في كرري). هل تقصد لون سحناتكم؟. من وجوهكم تأكدت المرأة بأنكم لستم من أحفاد رجال كرري!!.. من سياق كلامك يمكن تفسير المقولة بمدلول (نبرة عنصرية)..
Post: #22 Title: Re: ما المقصود بالرجال ماتوا في كرري !! Author: Arif Nashed Date: 12-19-2018, 11:55 PM Parent: #21
Quote: تحياتي عارف المقولة في اعتقادي هي واحدة من مقولات كتيرة ينتجها العقل الباطن عن فكرة لن يجرأ لطرحها العقل الواعي في حضوره الكامل نتيجة للخجل أو الجبن أو الخوف وايضا تدخل تحت منظومة المطاعنة بالكلام و الجناس اللفظي في قاموس لغتنا العامية. و أمثلة لذلك عندما يحدث موقف في العائلة لا يرضي شخص يقول ليك حليل أبوي. أو حليل أمي. و يقصد لوكان أبوي عايش ما كان ده حصل. (حليل الماتو في كرري أو الرجال ماتو في كرري) يعني مافي رجال الان أو الرجولة انعدمت. و كلمة الرجال زاتها فيها دليل علي التخلف الحضاري الذي يفرق بين الرجل و المرأة . عموما الكلام كتير لكن خايف أكون شايت غلط. نسمع منك و أرجع ليك لاحقا لو ربنا سهل. و شكراً لانك خليت عقلنا ينشط شوية.
الاخ حامد... تحياتي الحلو أن الموضوع يتحمل الشوت في كل الاتجاهات.. نقطة العقل الواعي والعقل الباطن تصب في صلب الموضوع .. العقل الباطن الذي يريد إعادة إنتاج الماضي حالة تسيطر علي الغالبية لترسخ مثل هذه المقولة في العقل الواعي والتمني بصياغة بطولات علي نفس المستوي حتي وإن كانت علي مستوي تصرفات ومواقف إنسانية وأخلاقية بسيطة لو اتخذنا مداخلة الاخ محجوب كمثال .. إضافتك لنقطة الهيمنة الذكورية أيضا نقطة حساسة جدا.. فالمرأة السودانية رغم بطولاتها ومواقفها المذكورة في التاريخ امثال مهيرة وغيرها ظلت تعامل بدونية وتهميش وتتعرض للاهانة والذل وبلغ أوج هذه المعاملة في عهد الكيزان.. مداخلتك جعلتنا نتحرك في اتجاهات اخري...
Post: #23 Title: Re: ما المقصود بالرجال ماتوا في كرري !! Author: Arif Nashed Date: 12-19-2018, 11:58 PM Parent: #22
Quote: يا عارف يا صديق .. سلام ليك ولضيوفك .. غايتو المقولة دي اظن ليها علاقة بمقولة الرجال زمان كانو بيكسروا العناقريب .... غايتو كان مزاجم غريب ... عنقريب كويس ليه يكسروه ؟؟ عاالم بطاالــــــــــــــــــــــة ,,,
سعادة اللواء مجيدو.. تحياتي احسن الله عزائكم وجبر كسركم في وفاة شقيقكم..
الرجال زمان كانوا متعافين ومتربين علي هبات الطبيعة كالسمن والعسل واللبن لا مقويات ولا منشطات ههههههه.
علي قولك.. عاالم بطاالــــــــــــــــــــــة ,,,
Post: #24 Title: Re: ما المقصود بالرجال ماتوا في كرري !! Author: Arif Nashed Date: 12-20-2018, 00:01 AM Parent: #23
Quote: وبعدين عارف دا بنطبق عليه المثل البقول فاقد الشى لا يعطيه ههه
جرقاس الإمام بطل هرجلة..
Post: #25 Title: Re: ما المقصود بالرجال ماتوا في كرري !! Author: محمد مجيدو Date: 12-20-2018, 07:29 AM Parent: #1
Quote: سعادة اللواء مجيدو.. تحياتي احسن الله عزائكم وجبر كسركم في وفاة شقيقكم../QUOTE]
يا امبرااااا .. عطوووف ...
للتصحيح فقط ... الذي توفي هو شقيق الاخ الامين بشاري .. وجزاك الله خير ,,,
تحياتي يا برنس ,,
Post: #26 Title: Re: ما المقصود بالرجال ماتوا في كرري !! Author: Mahjob Abdalla Date: 12-20-2018, 07:26 PM Parent: #25
Quote: الاخ محجوب... تحياتي قلت:- (شافت وجوهنا تمام و قالت الرجال ماتو في كرري). هل تقصد لون سحناتكم؟. من وجوهكم تأكدت المرأة بأنكم لستم من أحفاد رجال كرري!!.. من سياق كلامك يمكن تفسير المقولة بمدلول (نبرة عنصرية)..
سلام اخ عارف ليس كذلك لان البص كان كرش فيل. فقط هي نظرت في وجوه الناس الجالسين (to more specific) و توقعت انو واحد يتفضل ليها بكرسي و لم يفعل احد فقالت قولتها المشهورة.
Post: #27 Title: Re: ما المقصود بالرجال ماتوا في كرري !! Author: Arif Nashed Date: 12-21-2018, 04:16 PM Parent: #26
مجيدو اعتزر عن الخلط الذي حدث. وشكرا علي الفيديو..
