Post: #1
Title: سعر جلد الضبع السوداني مطلوب بي 50 الف دولار.
Author: Osman Musa
Date: 12-14-2018, 02:24 AM
01:24 AM December, 13 2018 سودانيز اون لاين
Osman Musa-
مكتبتى
رابط مختصر فد جلد ضبع سوداني بي خمسين الف دولار . يعني في وديان قبقبة لو جليتليك من حجر تبر عيار ناين ناينتي ناين ما حتجلي ليك من ضبع كاسر لكن كاسر وين مع ندرة السيولة وريالة جلد الضبع . علي كل حال يا سادتي البتاع ده مطلوب وبي شده سعرو. في السودان دقش الخمسين . وفي كولمبيا 80 الف دولار . قالوا سبب الارتفاع ده بيرجع. لي استعمال الجلد. في تهريب المخدرات النمره. واحد. . وبقولو. العارفين بي جخانين الكر. والفر. في. دروب الكوك . بقولو. انو. . الاشعة الماسحة في نقاط عبور التفتيش ما بتخترق جلد الضبع السوداني . وبرضو. من عجايبو. بيستعملوهو في السحر. الاسود. . واهلنا الكبار. الاشتغلو في المحاكم. مع الانجليز. قالو. ايام. كان البلد فيها. قانون. كان. ممنوع. دفن الضبع. الا. بوجود الشرطة وبي. محضر. يوقع. عليه دكتور. بيطري.
وكل ما كان جلد الضبع مانع كل ما عشاك اكتر .
|
Post: #2
Title: Re: سعر جلد الضبع السوداني مطلوب بي 50 الف دولا
Author: يحي قباني
Date: 12-14-2018, 02:42 AM
Parent: #1
عثمان يا صديقي ..
الوضع اليوم حساس و اعتقد موضوعك ده شوية ما وقته يا حبيب ...
خاصة الجلد القلت عليو ده مطلوب لتهريب مخدرات ...
عموما سامحنا في التدخل ...
|
Post: #3
Title: Re: سعر جلد الضبع السوداني مطلوب بي 50 الف دولا
Author: أبوبكر عباس
Date: 12-14-2018, 04:33 AM
Parent: #2
كدي يا عثمان، استرسل شويّة قصّة دفن الضبع زمان دي.
نحن جدنا الكبير اسمو ود ضبعة
عندي احساس من زمان انو نحنا مسحورين ودمنا فيهو دم جن
|
Post: #5
Title: Re: سعر جلد الضبع السوداني مطلوب بي 50 الف دولا
Author: Osman Musa
Date: 12-19-2018, 12:57 PM
Parent: #3
عزيزنا د. ابوبكر سلامات
حاضر يا دكتور برجعليك .
|
Post: #4
Title: Re: سعر جلد الضبع السوداني مطلوب بي 50 الف دولا
Author: Osman Musa
Date: 12-14-2018, 04:26 PM
Parent: #2
عزيزنا الفنان قباني سلامات
ياخ انت والله حبابك تدخل اي بوست يا سلام عليك يازول .
عان جاي . بتكون سمعتها حكاية عمنا اللمين سيد الكارو الرجل العراف
الحلم بي عواء تبوكة من الضباع الكواسر الاتلملمت من بكانات مختلفة
من السودان وهاك يا عواء. حول الخرطوم بعد. ما كردنت الخرطوم
في ليلة الانقلاب .
وعارفك يا قباني لمان كنت بنجوس كانت عمتنا بتحكيلك من ديك
الثقافات الشعبية عن ضباع وديان قبقبة .
ياريت الاقي ليك كتاب الكاتب المبدع كمال الدين الدميري . كتابو
الممتاز ( حياة الحيوان الكبري )
اقولك حاجة العواء القديم .
اتحملناو. 30 سنة . بس العواء الجديد. معناتو
الجماعة كسحو. .
يعني. حضر. حالك. . يعني شوفليك تيمس عشرة شنكل
وتعال. مدرع. الوطن الحبيب . ههههها
|
|