الأمن الأقتصادي يتحوّل لعصابات سرقة ترهب المواطنين وتنهب أموالهم!

05:11 AM December, 10 2018

سودانيز اون لاين
زهير عثمان حمد-السودان الخرطوم
مكتبتى
رابط مختصر

الخرطوم: الراكوبة

اشتكى عدد من المواطنين من تعرضهم لمصادرة أموالهم في نقاط التفتيش بالولايات من قبل قوات الأمن الاقتصادي.
وقال مواطن فضل حجب اسمه انه تعرض لمصادرة أمواله. ولفت الى ان المواطن عندما يعترض طريقه الأمن الاقتصادي فليس امامه سوى خيارين اما التحفظ عليه. أو كتابة شيك بالمبلغ، أو تحويله الى برنامج بنكك في حسابه في حال كان المبلغ بسيطا.
وكشف عن ان حملات التفتيش طالت حتى المحلات التجارية .
الراكوبة سألت المستشار القانوني مولانا سيف الدولة حمدناالله، عن صحة هذا الأجراء من ناحية قانونية فرد قائلاً..
بالقطع هذا إجراء غير قانوني وشغل شفتة وعصابات ... انظر الى الخيارات المطروحة لصاحب المال .. الأول هو التحفظ عليه بمعنى اعتقاله والاعتقال أو القبض بواسطة الشرطي لا يكون إلا بموجب جريمة مطلقة .. وهي نوع معين من الجرائم التي لا تحتاج إلى صدور أمر قبض من النيابة أو القضاء .. وبطبيعة الحال حيازة النقود كثيرة أو قليلة لا يعتبر جريمة ولا يستطيع حتى وكيل النيابة أو القاضي القاء القبض على جائزها. أما الخيار الثاني وهو استكتاب الشخص شيك أو توريد أمواله في حساب بنكي .. فهذا إجراء لا يسنده قانون وهو الذي سميته شغل عصابات.

ما قادر أصدق يا زهير
جد ما قادر استوعب
كيف زول شايل قروشو في جيبو يتحول لي متهم
هل دي جريمة ؟ ما قادر أفهم
أما اذا كان ده حل للأزمة الاقتصادية في رأي الحكومة
ده شئ تاني. (وهم و قلة فهم)

ده شغل شفتة وعصابات وقلع ..

حمل النقود صار جريمة
كاشك لا تقدر تشتري بيهو عقار ولا عربية بنص القانون
وما تقدر تشيلو في جيبك بنص شنو كدة ما عارف
ولو دخلتو البنك ما بمرق ليك

الكاش محلو وين ؟ ... وين ؟ محلو وين ؟