يا النذير ديل الشوايقة...صفقة و طنبور و ديل أهلي النوبة الجبال و الساقية و التاريخ...سوداني

11:49 PM December, 09 2018 سودانيز اون لاين
Kostawi-USA
مكتبتى
رابط مختصر

يا كوستاوى
بالله ما تلخبط الكيمان .. انحنا ما صدقنا نذير ليقى اهلوا فى الكويت والسعودية .. الحمد لله فرحنا ليهم شديد بعد ما كانوا رايحين .. عقبال يمشى يتلما معاهم ويربطوا ليهو العقال فى كراعوا .

الحبيب ود نواي
أخونا النزير (أو النذير)
حار بيه الطريق
السودان بحور تصب في محيط أفريقي
الهوية دي كيفنا؟
ما واااااضحة
مافي هروب...السودان أفريقي أولا و مرحب بأي إنسان أخر يتعايش بقيمنا

الحبيب كوستاوى
انا غايتو شايفها حسادة افارقة ساكت .. انتو ما دايرينهم يتلموا مع اهلهم فى الكويت والسعودية و يتمتعوا بنعيم البترول والحياة الرغدة ونعيم العيش .. الناس ديل اكلوا معاكم الملح والملاح انتوا ما عندكم حسنة مفروض تساعدوهم تعملوا شيرنق لتذاكر السفر one way .. ان شاء الله يقبلوهم بدوون ِ

يا النذير سلامات
ياخى انا من زمان بقول مالهم الشوايقة ناس حنينين كدة .. كاتلهم الشوق .. بالله تارى هو دا شوق للأهل خلف البحر الاحمر .. ظلمناكم ظلم الحسن والحسين .. من يوم الليله نساعدكم ونشد من ازركم .. بس انتوا ساعدونا لموا خلجاتكم وامشوا اقعدوا قصادهم طرف البحر الاحمر .. كان نادوكم يا دار ما دخلك شر .. كان ما نادوكم نعملوا ليكم معسكر لاجئين بدون2 .. نشجب وندين فى الامم المتحدة والسفارت نطالب بحقوقكم المهضومة .. ظلم ذوى القربة مضاضة من وقع الحسام ..

يا اخوى النذير .. امك تخلى للرجال .. لكن حقك دا تقلعوا قلع .. الناس ديل اتمتعوا بى بترول أجدادكم واجدعوا يمين وشمال .. وانتوا قاعدين معانا فى الحراية دى لا ضل ولا شمسية تتقاسموا معانا النبقة .. شدو حيلكم ونحنا معاكم .. لمن تصلوا بى هناك ما تنسونا معاكم .

اقدم الكويت ام السودان تارخيا
الخليجيين السود ديل سودانيين ما رجعو من الاعارة بتاعة عبدالله بن ابي السرح
والامر ده ان شاء الله لمن نمسك تاريخ السودان والسودانيين عبر العالم ومن نزول ادام ولي حدي اليوم بتعرف كل زول اصلو فصلو وجا من وين

الأعزاء
هجام
ونواي
وعادل أمين

يا هجام الموضوع هو كما ذكر عادل أمين أسئلة فلسفية:
كيف وُجدت قبيلة الشوايقة في الكويت؟
وكيف كانت الهجرة؟ هل هي من الجزيرة أم من أفريقيا؟
وهل فعلاً يوجد شوايقة في الكويت؟
الناس ترضى أم لا دا ببقى غلاط

حبيبنا نواي، تصدق أنا ما شايقي؟ ههيههيه
بس باحث عن الحقيقة ولا تعنيني الهوية في شيء، ولا أتحدث عن الهوية مطلقاً،
هويتنا هي السودانوية

تحياتي لكم

حبيبنا النذير
هئ هئ هئ
معقولة بس .. بعد ما عقدنا آمال طوال و عراض فى حقول البترول تقول ما شايقى الكلام دا كيف !!! .. الموضوع فيهو قروش .. لو ما شايقى تبقى شايقى و تتشلخ كمان ..و لا انت عاجبك الفقر العايشين فيهو دا .. الموضوع دا اتحسم خلاص .. ولا الناس تقول علينا ما بنعرف الموت .. ندفن الموضوع دا هنا .. من الان انت شايقى و نواصل من هنا . لملمتا حاجاتك و لا لسع .. قلتا لى جدوك الغنيانين ديل عاملين كيف .