|
Re: سيدنا السودان ود سيدنا كوش ود سيدنا حام ود (Re: يحي قباني)
|
Quote: عيييييييييييك!
ياقباني،
ده ملانا عجاج، ايوا فاتنا بي غادي!
البهمني هو الattitude والباقي مرحليا لايهم..
عفيت منو تب...
هيع.... |
هههههه
بشاشا ... قلت لي عجبك النظام لكن الباقي ما مهم ...
عليك آمون كان ما عرفتلي قصة الانبياء دي شنو ...
الزول ده جاك في ملعبك ياخ ...
| |
|
|
|
|
|
|
Re: سيدنا السودان ود سيدنا كوش ود سيدنا حام ود (Re: عثمان علي)
|
Quote: يا قباني، خلي بالك الزول الخلا بشاشا يعرض دا، ما زولن هوين.. بل جابا كبيرة جد، بي نحاسو يهز ويرز.
وين باقي فيديوهاتو ول حتى تمامة دا. يمكن قال سيدنا جنكيز خان برضو سوداني.. ويتم الناقصة. :) |
هاشم يا صديقي الجميل
ياخ بشاشا افنى عمره في الأبحاث
يوم واحد ما جاب لينا سيرة سيدنا السودان دي ...
و انحنا و الله طالما سلالة الأنبياء ديل ...
نتحمل الأنقاذ و غيرها ... فالجنة مثوانا و بئس المصير لمن عادانا ...
بس كمان ستنا أمدرمان دي يشوفوا لينا نسبها الشريف ...
| |
|
|
|
|
|
|
Re: سيدنا السودان ود سيدنا كوش ود سيدنا حام ود (Re: يحي قباني)
|
Quote: و الله يا منصور وكت اتوزعت النبوءة مالو ...
ما دايرين نقع بي قد القفة ...
سيدنا السودان ده ولادتو اولاد بس ؟
يعني سيدنا بجة و سيدنا نوبا و سيدنا الزنوج و سيدنا بربر ديل ما عندهم اخت ؟ ما ياها ستنا امدرمان رضي الله عنها ...
|
مدددددددددددددددددددددددددددددددددددددددددددددددددددددددد ياطاهرة
| |
|
|
|
|
|
|
Re: سيدنا السودان ود سيدنا كوش ود سيدنا حام ود (Re: عبدالحفيظ ابوسن)
|
Quote: الزعيم قباني ..
يا أخ، ما في نبينا فور .. ونبينا زغاوة .. ونبينا برتي .. ونبينا كوكو ..
هههاي .. هرطقات رهيبة .. |
ما خلاص سيد الفيديو ما فارز ...
فال اربعة و انت قسّم بعد داك ...
يعني اسيادنا نوبا و بجة و الزنوج و معاهم سيدنا بربر اكيد تزوجو و جابو انبياء تاني ...
و ما تنسى معاك ... و ستنا ام درمان و امنا الخرطوم و التي حلف بحياتها سيدنا محجوب شريف ...
| |
|
|
|
|
|
|
Re: سيدنا السودان ود سيدنا كوش ود سيدنا حام ود (Re: يحي قباني)
|
Quote: يا حليلك يا معلم بمبي. ياخ دي خدره جنس خدار. صنف ما عندو مثيل. عايز ليهو جردل من طحنية سعد. |
خبرة يا عثمان علي ...
و حليل حلويات سعد ...
يمين و مسئول من حليفتي دي ... طحنيتنا ديك لي الليلة ما لاقتني ... لا تقول لي ربيع و لا الدرة و لا ما بعرف شنو ...
طحنية سعد بي موية الجبنة كانت تمثل لي كافيار الأثرياء ...
| |
|
|
|
|
|
|
Re: سيدنا السودان ود سيدنا كوش ود سيدنا حام ود (Re: يحي قباني)
|
Quote: طحنيتنا ديك لي الليلة ما لاقتني |
طحنية سعد لن يعلى عليها .. طبعا خلطتها السرية صاحبها الاسطى حنفي (ان كان حيا، أمد الله في عمره. وإن كان متوفيا، رحمه الله وغفر له) .. غايتو أنا أي زول نازل اجازة قاعد اوصيهو يجيب لي منها، وما اتخذلت ☺
| |
|
|
|
|
|
|
Re: سيدنا السودان ود سيدنا كوش ود سيدنا حام ود (Re: يحي قباني)
|
هذا رجل تفلت من عصور ما قبل التاريخ وكل الاسماء التي ذكرها موجوده الان ووجدنا لها ذكرا واثرا لانشك فيه اطلاقا لان هذا الكون الفسيح جزء من السودان الذي وجد فيه ادم عليه السلام ابو البشر فقط ان الرجل ذكر قبيلة بحثت عن اسمها فلم اجدها في معجم اجناس البشر وهي قبيلة هاجوج التي ذكرها اخر حديثه هل هي اضافة جديده لياجوج وماجوج وهاجوجو ذكر هاجوج ونسي ياجوج ولا اصلا ماسمع بيها وبناء علي ما ذكر محدثنا ان من سب السودان فقد سب نبيا ثانيا عندما يذكر السودان يجب ان نقول سيدنا السودان عليه افضل الصلاة والتسليم واخيرا نريد ان نعرف من هم الاقوام الذين ارسل اليهم الرسول سودان وسيدنا نوبه وسيدنا ادروب عليهم السلام وهات دليل من القران او من الحفريات علي تاكيد اقوالك اسكتي يالدنيا اتاري نحن ساسا وراسا هع رضي الله عن السودانين اجمعيعين سلالة الانبياء والرسل ثلاثة انبياء من حلفا الي نملي
| |
|
|
|
|
|
|
Re: سيدنا السودان ود سيدنا كوش ود سيدنا حام ود (Re: يحي قباني)
|
في ناس كتااار ومتعلمين واي حاجة يا قباني ومقتنعين بجزء من الكلام ده .. وممكن جدا يديروا نقاش حول مفاهيم انسانية وفكرية انطلاقا من انتماءنا المشترك كابناء ل حام الذي حلت به وباحفادة لعنة اللون الاسود نتيجة لدعوة تفوه بها نوح وهو غاضب من خطأ انساني بسيط جدا..
تصور انهم ينطلقون بلا وعي منهم من حقيقة انهم مجرد لعنة !!
| |
|
|
|
|
|
|
Re: سيدنا السودان ود سيدنا كوش ود سيدنا حام ود (Re: يحي قباني)
|
ناس التلفزيون ذاتهم ما عندهم شغلة يعملوها ،،،،معقولة يعملوا لقاء مع زول مجنون يقول سيدنا السودان !!؟؟ قال سيدنا السودان قال!!!!!!!!؟؟؟؟؟؟ طيب وين سيدنا مصر وسيدنا تونس ،والحمد لله الما قال سيدنا يونس اساسا هو تونس، ووين سيدنا ليبيا وسيدنا موريتانيا وكمان نشطح ونقول وين سيدنا فرنسا وسيدنا ايطاليا ،،،وما فضل لينا الا نقول سيدنا امريكا....
| |
|
|
|
|
|
|
|