Post: #2 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-01-2018, 06:46 PM Parent: #1
كدي في الأول نشوف الخسائر كم .... تقديرات .... يقال النقدي 850 مليار كاش سوداني نقدا .... 4 مليون دولار نقدا .... بضائع في حدود ترليون جنيه سوداني التقديرات بالقديم طبعا عشان البره والجوه يقدروا يستوعبوا
Post: #4 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-01-2018, 07:10 PM Parent: #2
غايتو يا توفيق لو ما جبت لينا النجيضة ح نحذف منك لقب الامير، وزي ما بندهن حبوباتنا الشيوخ لو ما استجبت لينا ح نضبح فيك الفطائس ونكشح فيك المرائس
Post: #5 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-01-2018, 07:18 PM Parent: #3
غايتو ..... كدي النقول دي رسالة من الله واضحة ... يا ناس سوق ليبيا بلو راسكم او البنوك كمان كل الاسواق البتشبه حالتنا في سوق امدرمان ههههههههه اها قصرت يا النزير يا اخوي ...
Post: #6 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-01-2018, 07:21 PM Parent: #5
ما اصلو النقد بقى يا في الدكاكين يا في البيوت ... اها الدكاكين قصتها اتعرفت البيوت بجو ناس تلوب القصة واضحة ...
Post: #7 Title: Re: سوق امدرمان إتحرق مالو .... ؟!!!؟!!! Author: Mustafa Mahmoud Date: 12-01-2018, 07:27 PM Parent: #6
كي تجبر التجار إيداع أموالهم ببنوكها المنهاره!! العصابه الواطيه تنفذ أكبر جريمه بتاريخ السودان و هي حرق أسواقه!! سوق أمدرمان 😭😭
Post: #8 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-01-2018, 07:34 PM Parent: #6
فرح ود تكتوك قال شنو ...؟
ﺍﻟﻘﺎﺩﺭ ﻣﺎ ﺗﻘﺎﺩﺭﻭ و العوير ما تهاظرو ﻭﻣﺎ ﺗﺸﻬﺪ بي ﺍﻟﻤﺎﻙ ﺣﺎﺿﺮﻭ. ﺍﻟﻌﻨﺪﻭ ﺣﺒﺔ ﻣﻦ ﺍﻟﺮﺋﺎﺳﺔ ﻣﺎ ﺗﻜﻤﻞ ﻣﻌﺎﻫﻮ ﺍﻟﻔﺮﺍﺳﺔ.
Post: #9 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-01-2018, 07:40 PM Parent: #8
لا لا الحكومة ما بتعمل كده خصصا في وقت زي ده ... القصة اكبر من كده بكتير
Post: #10 Title: Re: سوق امدرمان إتحرق مالو .... ؟!!!؟!!! Author: Mustafa Mahmoud Date: 12-01-2018, 07:41 PM Parent: #9
بصمات المافيا هل احراق سوق امدرمان التاريخى امرغريب على من احرق مئات القرى فى دارفور وجبال النوبة،وعلى من احرق نخيل الشمال
Post: #11 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-01-2018, 07:52 PM Parent: #10
ده اسمه تحزير شديد اللهجة من رب العالمين ... بالحسنة استعدلوا ... واسمعوا الكلام وبطلوا الهبل البتعملوا فيه ده زمن الهظار ولى .. والجايي ......
Post: #12 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-01-2018, 08:15 PM Parent: #11
كده ممكن نقول الحرب يادوبها ابتدأت جد ( حرب من الله الناس ما تأول ) والما بقدر من هسي يقول وااااااااي
تحزير ------------------------------------- تحزير دى يا توفيق عيسى مكى من حزورة بعنى لُغْز أو سؤال مُلْتبِس يُطلَب إيجاد الجواب المناسب له؟
Post: #14 Title: Re: سوق امدرمان إتحرق مالو .... ؟!!!؟!!! Author: حاتم إبراهيم Date: 12-02-2018, 04:39 AM Parent: #1
يا توفيق البرج الكبير الاتبنى قصاد مدخل البوستة في أم درمان دا شنو؟
Post: #15 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-02-2018, 08:57 AM Parent: #14
دي كانت فسحة ساي الناس ما مستفيدين منها الآن بقت احسن واجهة حضارية للسوق دكاكين باحسن المواصفات للطابق الاول والارضي ومكاتب للطوابق الفوق اسمه برج اولاد شندي اظن اها في كم فسحة داخل السوق الدور جاييها زي الملجة وزي الفسحة القدام صيدلية توما (المحطة الاوسطى) والاسكلا دي لو قامت ابراج برضو شكل سوق امدرمان حا يتغير وبعد ده ممكن الباعة المتحولين يستكينوا في محلات صغيرة داخل الابراج دي اها يعني الناس قاعدة تتطور ما قاعدة ساي والعندو قروش داير يستثمرها يجي يقابل المسؤلين يستثمر امواله في تطوير السوق والمشاركة في الابراج القادمة بدل يخزنها في كرتونة يا النار تحرقها يا الحرامي يسرقها
Post: #16 Title: Re: سوق امدرمان إتحرق مالو .... ؟!!!؟!!! Author: حاتم إبراهيم Date: 12-02-2018, 09:05 AM Parent: #15
هي ما كانت فسحة ساي.
قصدك أولاد شندي تجار الملبوسات؟
Post: #17 Title: Re: سوق امدرمان إتحرق مالو .... ؟!!!؟!!! Author: حاتم إبراهيم Date: 12-02-2018, 09:08 AM Parent: #1
أظن يا توفيق برضو حصلت إزالة لكل الدكاكين في الشارع من صينية التجاني الماحي لغاية البوستة، توسعة لمدخل برج أولاد شندي.
Post: #18 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-02-2018, 09:15 AM Parent: #17
لا لا المنطقة دي صعب تزيل فيها متر واحد لانها دي امدرمان القديمة املاك حرة المتر وراثه 100 زول مشاكله اكبر من مشاكل ازالته بس بقى شارع نضيف وسهل المرور فيه لحدي البرج برغم كترة الركشات الماشة فيه والحافلات الناس الحايمة فيه كداري
Post: #19 Title: Re: سوق امدرمان إتحرق مالو .... ؟!!!؟!!! Author: حاتم إبراهيم Date: 12-02-2018, 09:22 AM Parent: #18
حصلت الإزالة إذن!
فدا المدخل (نضفوهوا) على قولك عشان برج أولاد شندي أها، المخرج حيكون (شوارع) شنو وشنو؟
Post: #21 Title: Re: سوق امدرمان إتحرق مالو .... ؟!!!؟!!! Author: kamal omer Date: 12-02-2018, 09:30 AM Parent: #19
Quote: دي كانت فسحة ساي الناس ما مستفيدين منها الآن بقت احسن واجهة حضارية للسوق دكاكين باحسن المواصفات للطابق الاول والارضي ومكاتب للطوابق الفوق اسمه برج اولاد شندي اظن اها في كم فسحة داخل السوق الدور جاييها زي الملجة وزي الفسحة القدام صيدلية توما (المحطة الاوسطى) والاسكلا دي لو قامت ابراج برضو شكل سوق امدرمان حا يتغير
يا توفيق كدي خليهم في الأول ينظفوا القمامة من الشوارع و يفتحوا مجاري للأمطار و يعملوا حمامات عامة عشان الناس ما تجي تتبول ليهم في أبراجهم دي.
Post: #20 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-02-2018, 09:28 AM Parent: #18
الالف بي 800 كاش والمليار بي 900 كاش .... ممكن تدين من الناس القالوا نحن ما بنغش الله الالف بي الف و200 بدون لف ودوران وحات الله سوق امدرمان ده فيه المحن الحاجة تحصل قدامك والله زي الفلم انت بتكون بتعاين ليها بين مصدق ومكذب ومع ذلك .... يعد سوق امدرمان اكبر سوق في افريقيا واعرقها واغناها ببضايعه وله ثقافته الاترسخت من عهد بعيد
Post: #22 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-02-2018, 09:43 AM Parent: #20
Quote: و يعملوا حمامات عامة عشان الناس ما تجي تتبول ليهم في أبراجهم دي.
اهي دي واحدة من الحاجات البتخلينا نفكر نستورد ناس نضاف بدل ناس الضهاري الفهمهم للآن يبولوا في اي نقعة داخل السوق برغم الحمامات الاستثمارية البقت اكتر من الدكاكين والله عشان الدخول ب 3 واربعة جنيه موسخين لينا اي ملف داخل السوق مع الروائح الكريهة او الكرستالات المليانة وساختهم عملنا تجربة جبنا شوية بنقالة وهنود خليناهم يقيفوا بيعين وسطهم يعني كنا دايرين نعمل ليهم احلال نطردهم بطريقة ظريفة يرجعوا للزراعة والرعي تاني لكن ضايقوا الهنود والهنديات الكانوا واقفين وكشوهم وبقوا متسيطرين للآن يبيعوا في انكسة الحريم والستيانات في الارض والشباشب والمسوايك قبليهم برضو طردوا الصينين لما جو وقفوا معاهم اها الناس ديل حيرونا
Post: #23 Title: Re: سوق امدرمان إتحرق مالو .... ؟!!!؟!!! Author: kamal omer Date: 12-02-2018, 09:55 AM
هوي يا توفيق ما تجيب لي الهوا ساكت أنا مداخلتي ما عندها علاقة بي كلامك القلتو ده هههه
Post: #24 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-02-2018, 10:26 AM Parent: #23
اي امدرماني ولا خرطومي بيضع للرجرجة ديل اي حساب ده زول ما نافع وهو سبب للفوضى الحاصلة في البلد دي وهو سبب رئيسي لحريق سوق امدرمان وحريق قلوبنا للبنشوفه يحصل قدامنا كل يوم 97% من اصحاب الدكاكين الاتحرقت دي تاريخ حياتهم الواحد جا طاشي من اهله صبي يشتغل في الاول سريحة وبتاع موية او درداقة يتطور ليكون فريشي بيبيع الحاجات بتاعت البنات المعروفة اها من هنا يتعلم كيف يحتال على الحكومة ممثلة في المحلية لحدي يرك صبي طبلية لصاحب طبلية لحدي ما يبقى صاحب دكان في واحد من الازقة الاتحرقت ومن خلال الممنوعات في ظرف وجيز يبقى بعماراته وارصدته المخزنها في دكانه ما يتعامل الا مع البضائع المهربة والاستدانة بالربا هي ثقافة تكوينه اتكونت من الاول الاحتيال على بتاع المحلية تطور للاحتيار البنكي والتختيم للبضائع المهربة وعمره ما يستوعب تخريب اقتصاد وطني ودين وربا واكل مال الناس بالباطل وحات الله بعت بضاعة لواحد في سعد قشرة شهر كل ما امشي القى للدكان سيد جديد ود عم البعت ليه البضاعة يقول لي ما عندك مشكلة تعال بكرة احاسبك لمن خليتها ليهم وقنعت من حقها دي الطفيلية في السودان بدأت كده يتخرج من الاسواق ليبقى سياسي وفي المجلس الوطني ثم وزير ثم وزير معاش مالك من مال الدولة المنهوب 10 مليون دولار اها مش الهمج ديل واجب اجتثاثهم من منبعهم ولا انا غلطان وعلي اللوم
Post: #25 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-02-2018, 07:35 PM Parent: #24
ده من ناحية النقد نجي للبضاعة ...
Post: #26 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-02-2018, 07:41 PM Parent: #25
عشان ده شغلي حافظوا صم ... 1- كريمات التفتيخ ( كلها بتجي تهريب) 2- حبوب التسمين والتنحيف ( كلها بتجي مهربة ) 3- كريمات التزوير ( امبدة محلي / القاهرة والصين دولي ) 4- ما خفي اعظم وما بتقال هنا ...
Post: #27 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-02-2018, 07:49 PM Parent: #26
طبعا لما زول يكون بعيد من اجواءنا صعب يفهم لغتنا ... مثلا ... المسافة البتفرق بين سوق الكريمات وسوق الدهب في سوق امدرمان كم .. والعلاقة بينهم شنو .. والحكومة عارفة شنو وما عارفة شنو ... فلو في زول ما ناقش حاجة ما يجي ينظر لينا ساي من خياله ويقعد يقول لينا المهندس ما ربط السلك والمعتمد شايت غلط والدكاكين مافيها طفايات وارتقوا وتخطيط وعمران وحديث افك من واحد سكران وما عارف انو السوق اساسا خربان
Post: #31 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-02-2018, 08:22 PM Parent: #27
يقال والعهدة على الراوي .... كان حصل سرقة محل دهب قبل سنتين في شارع الصياغ بقيمة الاتحرق هسا في وضح النهار ..... الناس بتنسى عمدا وتتناسى .... لكن ..... القصة واحدة
Post: #29 Title: Re: سوق امدرمان إتحرق مالو .... ؟!!!؟!!! Author: Arif Nashed Date: 12-02-2018, 08:09 PM Parent: #28
Post: #30 Title: Re: سوق امدرمان إتحرق مالو .... ؟!!!؟!!! Author: Arif Nashed Date: 12-02-2018, 08:09 PM Parent: #28
Post: #32 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-02-2018, 08:29 PM Parent: #28
Quote: أنتوا بتشتروا ديل من الأرض؟.
ناس العاصمة القديمين الزينا دايما بيكون في واحد بس في البيت حارس العقاب الباقين مهاجرين ونحن الفضلنا الشراب بيجينا من برة اما ناس الضهاري بيبيعوا بس للاجانب زي الحبش والجنوبيين عشان اهلهم بيمشوا امفكو فهمت القصة ولا اشرحها ليك بالتفصيل ودي ما عهدة على الراوي شوف عين عدييل
Post: #33 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-02-2018, 08:51 PM Parent: #32
يقال والعهدة على الراوي .... الناس العليهم الرك .. التكتح ما جاتهم ... يعني مثلا قروش دار فور نجت ... والدولار طار قبل الحريقة تتمكن ... والفي الرفوف عينات البضائع في المخازن خارج السوق المتضرر الجكس بس كريمات التفتيح والفسخ الا بعد تلاتة شهور تاني ....
Post: #34 Title: Re: سوق امدرمان إتحرق مالو .... ؟!!!؟!!! Author: توفيق عيسى مكي Date: 12-02-2018, 08:57 PM Parent: #33
الشيخ فرح ود تكتوك قال شنو في واحدة من نبوؤاته : امدرمان تعمر لي جبالا .. وتحرق في نهارها ...