لا يجود دخان بدون نار هناك شئ يحدث في الدوائر العليا للسلطة ويتم التكتم عليه بشكل كامل . لننتظر الدكتور على الحاج وشتارته .....
يا اللللللله .. ماذا بقي من الحركة الاسلامية غير هذا البؤس ؟ اللهم لا شماتة .....
Post: #2 Title: Re: من هو هذا الدكتور الذى يطالب بضرورة التطب� Author: Frankly Date: 12-01-2018, 01:32 PM Parent: #1
يا عمر أداب الخانة
أنت خايف على ياتو فيهم؟
على الإسلام؟ على الحركة الإسلامية؟ على الكيزان؟ على السودان؟ على التطبيع؟ على اسرائيل؟
وسؤال محرج شوية وبعفيك من الإجابة لو عايز تزوغ: أنت مع التطبيع ولا ضده؟
وشكراً مقدماً
Post: #3 Title: Re: من هو هذا الدكتور الذى يطالب بضرورة التطب� Author: عمر دفع الله Date: 12-01-2018, 03:10 PM Parent: #2
يا بتاع الرصاص في الراس : انا شمتان في جماعتك وليلة السبت دا سأشرب نخب الفجيعة يا ملاقيط آخر الزمن . وبعدين يا منحط ويا وضيع ، بدل ما تشوف الناس الممسكين بمفاصل السلطة والمال في البلد ، جاي تكابس عشان تعرف موقفى انا ؟ انا موقفى لا بودي ولا بجيب . لكن عايزين نشوف موقف الابواق الزيّك المدفوعة الاجر في العواء والنباح على المنابر . انا اقدر حجم الحرج الاوقعكم فيه النظام لكن امثالك من اصحاب القلوب الميتة والنفوس الرخيصة فلا يؤثر عليها شئ .... كان الله في عونكم ...
Post: #4 Title: Re: من هو هذا الدكتور الذى يطالب بضرورة التطب� Author: جمال ود القوز Date: 12-01-2018, 04:28 PM Parent: #3
الحركة الوهمية دي رافعة شعار الدين بتضحك على الناس .. وقد عرف القاصي والداني إنهم ما عندهم أي علاقة بالدين .. إلاعبر استخدامه مطية للحكم وللحصول على ملذاتهم .. إنتو كشيوعيين ليه مصرين تسبغوا على هذه الشرذمة ماركة الدين !.. وبتخاطبوهم كممثلين للدين والكلام ده مش صحيح وماحاصل اطلاقا .. ربما قديما كان الكلام ده جايز ومقبول لحيثيات كثيرة .. الآن الوضع جد مختلف فقد اتضح لقطاع واسع جدا من السودانيين .. كامل أبعاد الصورة فحقو تعيدوا النظر في التغبيش الحاصل منكم ده .. أو بمعنى آخر تعيدوا النظر في موقفكم المتأرجح تجاه الدين .. التمترس بمعاداة الدين من وراء ستار محاربة الكيزان ماعادت تجدي .. فمتى ستطعنوا الفيل في كرشه ياعمر ؟! .. وإلى متى حتفضلوا جاريين ورا ضل الفيل ؟ .. الدكتور ده موقفه قمة البؤس لكن إنتو موقفكم فرقه من موقف الدكتور شنو ؟ .. طبعن مع مراعاة إنه الدكتور وجماعته بيدهم صولجان الحكم وإنتو لا .. هذا مع تأييدي للتطبيع مع إسرائيل كموقف لا علاقة له بالدين خير شر .. خلينا نسخّن ليك البوست شوية ونعيد ليك سؤال كيمو .. إنت موقفك من التطبيع مع اسرائيل شنو ؟ بتأيد التطبيع ياعمر ولاّ مابتأيده .. طبعن كموقف مبدئي غض النظر عن تبني النظام للتطبيع .. لفك الاختناق وكدأب النظام الذي لايمانع من التعامل مع أياً كان .. فغايتهم الدنيوية الدنيئة والبعيدة عن الدين تبررها وسائلهم القذرة ..
Post: #5 Title: Re: من هو هذا الدكتور الذى يطالب بضرورة التطب� Author: صديق مهدى على Date: 12-01-2018, 05:09 PM Parent: #4
عمر سلام ياخ انت بتورم فشفاشك ساكت مع فاركلو دا بس زى ما قال لينا زمان التجاهل هههها
Post: #6 Title: Re: من هو هذا الدكتور الذى يطالب بضرورة التطب� Author: عمر دفع الله Date: 12-01-2018, 05:34 PM Parent: #4
انا رأي في الدين قلته اكتر من مرة . الدين لا يصلح للحكم ما دامت ( الحاكمية لله ) ومعاداة الدولة الدينية هي معادة لله وتستوجب بحكم الاحكام الشرعية القتل لذلك ليس مهما ان تكون الدولة الاسلامية على رأسها كوز او او انصارى او سلفى او حتى ودالقوز . انت يا ودالقوز سيبك من ( قطاع السودانيين الواسع ) دا تعال قول لينا لرؤيتك الخاصة بك في علاقة السياسة بالدين ولا تنسى انت مُجبر في الحالة دي ان تتحدث عن كيفية الحكم الاسلامى بكل اركانه ، من اقتصاد وقوانين تنظم العلاقة بين الحاكم المسلم والرعية عشان ما يبقى كلام ساي - عن فيل وضل الفيل - . محاولة الصاق اي معارض لنظام الدولة الدينية بالشيوعيين دا نوع من الحجج بقا لا يحدث اثر عند الناس ودا اسلوب الكيزان القديم قبل ان يصلوا الى الحكم وهو نوع من الابتزاز عفا عليه الزمن فالعالم تغير يا ودالقوز ومن ناحية تانية من الافضل ان توجه كلامك دا مباشرة الى اعضاء الحزب الشيوعى بالمنبر بدل ما تطعن في ( ضلى ) واعيد واكرر اننى ضد اية دولة دينية بمختلف مسمياتها وسأقاومها بالكلمة والكاريكاتير سوى كانت الدولة دي في السودان او تونس او في بلاد الواق واق . واخيرا تحججك بأنو الاسلاميين لا يمثلون الدين فحجتك تستلزم ان تحدد الجهات التى تمثل الدين وترى فيها الصواب وإلا بتقول في كلام ساكت والسلام ..
Post: #7 Title: Re: من هو هذا الدكتور الذى يطالب بضرورة التطب� Author: Frankly Date: 12-01-2018, 06:01 PM Parent: #6
Quote: وسأقاومها بالكلمة والكاريكاتير سوى كانت الدولة دي في السودان او تونس او في بلاد الواق واق .
يا أرقوز أولاً ما تدي نفسك قيمة متخيلة فأنت مجرد أرقوز وضحكنجي
ويا جمال حوارك عميق ورزين, لكن مع الضحكنجي دا بيدخل من هنا ويطلع من هنا
أفضل حزب سياسي يخدم في الإنقاذ والكيزان هو الحزب الشيوعي
شغال تثبيط وممانعة, ودا بالنسبة للمؤتمر الوطني أكثر إيجابية من مقارعته سياسياً
جات انتخابات 2010 قال ما عايز يشارك في الإنتخابات وما عايز حزب ينافس المؤتمر الوطني والنتيجة تفرد المؤتمر الوطني بالحكم
جات انتخابات 2015 نفس الحكاية يساعد في تفرد حزب المؤتمر الوطني بالحكم وهو قاعد يصفق "وأنا اعترض"
وهسع دي شغال يدور في نفس الإسطوانة حتى يفوز المؤتمر الوطني. وهو يقعد يصفق وأنا "أعترض"
شغل القرادة مع الحركات المسلحة لم يجدي نفعاً وتقزمت أماله وتطلعاته ولا حل أمامه غير التلاشي الطبيعي كأي جثة تتحلل طبيعاً أو يتلقى صفعة قاسية تفيقه من سباته العميق.
الحزب الشيوعي ما عنده مشكلة مع تطبيع أو قرمبيع حزب طفولي وطفيلي يشتغل برزق اليوم باليوم وهو حزب إقصائي دكتاتوري إجرامي أينما وجد.
هذه هي قاعدة عامة للأحزاب الشيوعية
وما تشاهده في المنابر والمنتديات ووسائل التواصل الإجتماعي من قمع وإقصاء ومحاولة تكميم الخصوم والفجور في الخصومة حتى مع رفاق دربهم السابقين خير دليل لما قد يكون عليه الحال إن هم جمعوا إلى كل ذلك قمع السلطان
عمر الضحكنجي دا ما تضيّع معاه زمن في كلام جاد
ما بيفهمه وما بيدخل نافوخه من الأساس
Post: #8 Title: Re: من هو هذا الدكتور الذى يطالب بضرورة التطب� Author: عمر دفع الله Date: 12-01-2018, 06:25 PM Parent: #6
نجيك يا ودالقوزل رأي الشخصى حول التطبيع مع اسرائيل . كما هو معروف فإسرائيل تحتل اراضى فلسطينية وهجرّت جزءا ليس باليسير من الشعب الفلسطينى ودا امر لا يقبله انسان يؤمن بالحرية لنفسه ولغيره ويجب ان يكون الامر دا موضع رفض وادانة لو منّى انا او من الدولة السودانية بغض النظر عن من يحكمها . اما ان تكون هناك علاقات طبيعة مع اسرائيل تتعلق بالمصالح المشتركة إن وجدت فما المانع من ذلك ؟ وعشان تفهم فكرتى بطريقة اكثر وضوحا فمثلا : مصر واثيوبيا تحتلان جزءا من اراضينا والامر دا اصبح واقع ومفروغ منه وفي حالة هذه الحكومة المهلهلة والبائسة دي ، او فى حالة حكومة اي اخرى تأتى بعدها فكلاهما لا يستطيعان قطع العلاقة الدبلوماسية مع تلكم الدولتين في القاهرة واديس اباابا فسيكون التفاوض والدبلوماسية هما الوسيلتان الوحدتان في حل المشكلة لأن البديل لذلك هو الحرب . فهل تستطيع بلادنا ان تدخل في حرب مع اثيوبيا ومصر وهي لا تستطيع ان توفر ( الطباشير ) في المدارس ( والشاش ) في مستشفياتها ؟ فإذا كنا لا نستطيع ان نقطع علاقتنا مع الدول التى تحتل اراضينا فكيف نحشر نفسنا في دول تحتل اراضى غيرنا ؟ اعيد نفس السؤال ليك يا ودالقوز ولبتاع الرصاص في الراس ... نسمع منكما الرأي في التطبيع مع اسرائيل ...
Post: #9 Title: Re: من هو هذا الدكتور الذى يطالب بضرورة التطب� Author: عمر دفع الله Date: 12-01-2018, 06:28 PM Parent: #8
يا بتاع الرصاص في الراس خليي الزوغان ورد على السؤال ...
Post: #10 Title: Re: من هو هذا الدكتور الذى يطالب بضرورة التطب� Author: عمر دفع الله Date: 12-01-2018, 06:50 PM Parent: #9
في انتظار ودالقوز وبتاع الرصاص في الراس ....
Post: #11 Title: Re: من هو هذا الدكتور الذى يطالب بضرورة التطب� Author: جمال ود القوز Date: 12-01-2018, 09:55 PM Parent: #10
تعرف يا عمر أنا وانت متفقين في كل النقاط الذكرتها .. بل لحد التطابق .. مايصدمك كلامي ده .. لأني شايفك طوالي جريت صنفتني كمؤيد لقيام الدولة الدينية .. والكلام ده ما حاصل البتة وليس بصحيح .. انا من شدة ما كرهت تجربة المتاجرة بالدين في عهد حكم الجماعة ديل .. والشملت جل عمرنا تقريبا كرهت حتى مسمى الدولة الدينية أو الإسلامية .. فدولة جلها أو أغلب سكانها مسلمين ويقيم سكانها شعائر الإسلام .. فهذه دولة مسلمة لايوجد مسمى آخر لها غير هذا .. وأي زول يجي بعد ده يرفع يافطة دين وعايز يحكمنا من تحتها .. ده محض متاجر بالدين وهمه ينهب ويسرق ويرهب باسم الدين .. اختلافي في إنه الدين مايرجع ويكون مطية للطرف الآخر .. يعني اليسار السوداني البيحارب في الدين الاسلامي بكل قوته .. لو قُيض له يحكم حيجي هو الآخر متاجرا بالدين عبر أطروحاته الدينية .. فاليسار كمان ديني ياعمر وديني قُح وحيقيم دولة دينية .. لانه حيجي شايل الدين كمادة أساسية وسيزيق السودانيين الامرين .. وبالدين برضو وسيعمل على المتاجرة بالدين كطرف نقيض للكيزان .. طرح الدولة العلمانية أكثر قربا لفهمي لنظام الحكم .. لكن هل اليسار علماني ؟ .. وهل حيقدر يتوائم مع الهوية الدينية للشعب .. وهل حيقدر يبعد الدين من اجندته ولايعمل على محاربته ؟ .. أعتقد كل الاجابات (لا) .. فلا اليسار علماني لأنه حيجنا راجع تاااني بمادة الدين .. كمادة أساسية وحيتاجر بيهو برضو زي الكيزان واحد ... وحيعمل على محاربة الدين بكل ما أوتي من قوة .. ولن يستطيع أن يبعد الدين من أجندته وحيراوغ ويفعل الأفاعيل .. لانه ببساطة حزب ديني يحمل رؤى دينية زيه وزي الكزان واحد ..
بالنسبة للتطبيع مع إسرائيل أنا متفق معك في كل ما قلته وبلا أي تحفظ ..
Post: #12 Title: Re: من هو هذا الدكتور الذى يطالب بضرورة التطب� Author: صديق مهدى على Date: 12-01-2018, 11:56 PM Parent: #11
ودالقوز سلام انت حر فى رايك وانا شخصيا اؤيد الدولة الدينية لكن لا اؤيد الكيزان فى الحكم لانهم اثبتوا فشلهم
Post: #13 Title: Re: من هو هذا الدكتور الذى يطالب بضرورة التطب� Author: جمال ود القوز Date: 12-02-2018, 09:12 AM Parent: #12
Quote: ودالقوز سلام انت حر فى رايك وانا شخصيا اؤيد الدولة الدينية لكن لا اؤيد الكيزان فى الحكم لانهم اثبتوا فشلهم
أكيد ياصديق مهدي .. وانت كمان حر ودي وجهة نظرك .. ولها كامل الاحترام .. أهو كل زول بيقول وجهة نظره .. في هذا الفضاء الافتراضي .. وهي محض أماني لابتودي ولابتجيب .. والله الواحد أصابه اليأس .. من ضنك المعيشة ومعاناة الناس البقت زي الاشباح .. لاتجد مايسد رمقها وتجري مهلوعة من صف لي صف .. لي متين الكلام ده حيستمر ؟ .. الله اعلم .. الله يجيب الخير غايتو والناس ترتاح شوية ..