Post: #3 Title: Re: خصام الراجل الضكر Author: جمال ود القوز Date: 11-30-2018, 08:24 AM Parent: #2
الضكران لو ما دارك بخاف الله فيك .. لا بيشتّمك بيك ولا بيبشّع بيك .. ولايستخدم مايعرفه عنك من نقاط ضعف .. ليؤذيك ويمعن في التنكيل بك .. يصاحبك راجل ويخاصمك راجل .. يا أب سن صاحبك الضكران .. إن شاكلته ساي وعاركته وضربك مابعوقك .. أخير ألف مرة خصام زي ده .. من صحوبية العيفة والتليفة .. كمالة العدد للرجال والرجالة ..
Post: #4 Title: Re: خصام الراجل الضكر Author: جمال ود القوز Date: 11-30-2018, 08:26 AM Parent: #3
كلامي بصفة العموم .. والطاقية المجدوعة دي وحاة الله مابعرف صاحبا منو .. ولا متابع زي الناس ..
مرحب جلال وودالقوز فعلا ود القوز فالرجل الحق حين يخاصم لا يتجاوز اخلاق الرجولة للنيل منك قال الرسول صلي الله علية وسلم تشبهوا بالرجال .. فإن التشبه بالرجال فلاحة
Post: #6 Title: Re: خصام الراجل الضكر Author: حاتم إبراهيم Date: 12-01-2018, 06:29 AM Parent: #1
Post: #17 Title: Re: خصام الراجل الضكر Author: محمد المسلمي Date: 12-01-2018, 08:37 AM Parent: #15
سلام ود أبوسن. وضيوفه
معاوية عبيد الصايم مثال حي في الخصام بدون أسباب وزيادة عليه يتهمك باي شئ ساقط ولو انك ليس رجل ( مثلي ) ويزيد في انتهاك. العرض ويصل معاك. ابعد الحدود في اسرتك وكله. بهتان وتأليف من خياله. المريض. لم اجد أسوا منه في الواقع وفي الأسافير
Post: #18 Title: Re: خصام الراجل الضكر Author: kamal omer Date: 12-01-2018, 08:39 AM
يا حفيظ سلامات غايتو كل واحد عندو غبينة حا يجي يفشها هنا فاستحمل
مرحب محمد المسلمي كمال عمر اميرة حسين اتمني ان لا يكون بوست ضرار وجدت المثل في كتاب بابكر بدري للامثال واعجبني المثل وعبقرية الشعب السوداني التي تعجبني دوما . وتراثنا وحقيقة لم يمر علي سابقا رغم اهتمامي بالتراث السوداني ف شنو اتمني ان لا يكون بوستا للشقاق والخلاف
لا فض فوك يا أبو الحواتم يا كاتبي المفضل، تعرف الرجال الهنابيل ديل ما بتلقاهم إلا في النت، لو لاقيتو برة المنبر والُبنية دورت عادي بكب السيجة، بالله ديل رجال ديل؟!
تحياتي للجميع ماهي الضكرنة ؟ قوة العضل ولا قوة الحنك ولا المواقف الانسانية المساندة للضعيف والمنتصرة لقيم التعاضد والنجدة واغاثة الملهوف ورفع الظلم ثم من تعاديه كيف يتعامل معك ؟ اقصد مع عدواته لك هل يتصيدك حين غفلة . او يتجاوز معك السقف الاخلاقي المتعارف عليه ضمنيا ؟ قال الشاعر لو صحيح اعز في النساوين الرجال انثي ولا دستة تمشي وما بتطاطي ما بين بير وشاطي نهارها مع السواقي وليلها مع الطواقي وعمرها للجهال ف شنو اظننا محتاجين لتأصيل مصطلح الضكرنة
Post: #33 Title: Re: خصام الراجل الضكر Author: عبد الصمد محمد Date: 12-08-2018, 07:15 PM Parent: #31
Quote: ماهي الضكرنة ؟ قوة العضل ولا قوة الحنك ولا المواقف الانسانية المساندة للضعيف والمنتصرة لقيم التعاضد والنجدة واغاثة الملهوف ورفع الظلم ثم من تعاديه كيف يتعامل معك ؟ اقصد مع عدواته لك هل يتصيدك حين غفلة . او يتجاوز معك السقف الاخلاقي المتعارف عليه ضمنيا ؟