"أحي الرز".. فصل الصين عن القعدة (مذهب في تمام الكحول)-نص عجيب

10:51 AM November, 27 2018

سودانيز اون لاين
زهير عثمان حمد-السودان الخرطوم
مكتبتى
رابط مختصر

"أحي الرز".. فصل الصين عن القعدة
(مذهب في تمام الكحول)
-------------------------------------------
"إن عطشنا نمز مر وآسن
وأن عشقنا بنعشق محاسن
وفي المحاسن كفي يومنا راح"..
(خليل فرح)

"طبيت قزازتي
مرقت عِنْ طرف البلد
و سكرت جد
و انا جاي راجع منتهي
لاقتني هي
قات لي (تعال)
كبرت كراعي من الفرح
نص في الارض نص في النعال"..
(عمر الطيب الدوش)

"عرقي العيش سواها فينا
سكرانين سكرتنا طينة"..
(من أغاني قعدات السودانيين)

ومن سوء حظ هذه البلاد، التوجه الذي يسوقه نظام البشير تجاه الصين، وفتح البلاد أمام الاستثمارات الصينية بصورة غير مسبوقة في قطاعات مهمة ومؤثرة كالبترول، بجانب ترك الحبل على الغارب لحملات غزو المنتجات الصينية فصارت ربوع البلاد سوقا نابضا يغري أقل منتجي الصين قامة -على القصر الفيهم!- بتسويق بضاعته في بلاد السمر الجميلة: وطني.
وعليه؛ إنفتح الباب وعريضا، أمام كثافة بشرية صينية مهولة، وفي شتى الصنايع والتخصصات، لدرجة أن صارت عبارة الصيني أمرا دارجا في لغة التخاطب اليومي بين السودانيين على مختلف خلفياتهم والمشارب "شركة صينية، مستشفى صيني، لباس صيني، مطعم صيني، علاج صيني.. إلخ" -فاضل بس يعملوا (فكي صيني للرتينزات والكواديك الصينية برضو).
ومؤخرا كما أعلم ك(زول عدستو واسعة ومتعدد الأمزجة) إنتشار بضاعة ال(عرقي الصيني) المصنوع من الأرز "الرز الواحد ده.. شراب خاتف لونين.. المكنة عرقي والجربوكس ساكي" بالنسبة للعالمين ب(بواطن الأمور)، وبعيدا عن جدلية (حلال/ حرام) أنظر الى العرقي بتجرد كسلعة قومية ذات إقتصاديات راسخة ووهيطة "يا زول نص السودانيين ديل بضربو مقطوع الطاري ده يا قول صاحبي القاص النحرير القال هوايتو (شراب العرقي)"، وهي في ذات الوقت ثقافة متجذرة لدى قطاع غير يسير بين أبناء قوميات السودان المختلفة، ومؤسسة منغرسة في أعماق الواقع السوداني ال"صليبو طالع ده" لها فلكلورها الخاص (فلكلور الشراب والقعدة) لدرجة أن أخرج لنا باحث رائد وإعلامي فذ كالراحل المقيم الطيب محمد الطيب سفرا باذخا ككتابه الشهير (الإنداية) مساهمة تضرب في صميم حب شعبنا العزيز لموضوع "الطمشة" والشراب.
أن العرقي إذ يستقر بيننا ممارسة متجذرة، وثقافة رائجة، تتحدى ال(دين) وتتحايل عليه، وتخاتل (القانون) بدأب فريد، وضعيا كان أم (شريعة) سبتمبر 1983، أو في الأفق الكولنيالي ولا في رحاب الدولة الوطنية، ضمن خطاب اجتماعي في ما يخص مزاج السودان الغميس، صارع في بعد (المقاومة الثقافية) مشروع الغرب والاستلاب الثقافي عينة منتجات "الجوني وكر" و"البيرة البااااردة" والشري وحتى "الفودكا" الروسية ذاتا، وتحدى ثقافة "أفندية الBlack English Men" وباشكتبة غردون التذكارية، في "أنداياته" المشيدة بعرق الشعب وعرقيه(!)؛ وبذات الوقت، فإنه يستقر إقتصادا ماهلا، بحجم صناعة وطنية خالصة (مشروب قومي) يعبر عن هذي المعاني والقيم السودانية الخالصة.
إن ست العرقي (الصينية) وعرقيها (الصيني) ليس سوى حلقة أخرى، من سلسلة ترك الوطن نهبا للصين، واستيلاءا على مواردها من بترول وأرز، ونهب مواردها تحت الأرض وافراغ جيوب (نداماها) و"طشمنجيتها" نساءا ورجالا -بالمناسبة السعيدة دي- من الاموال -عارف كم زول سوداني بسكر يوميا؟ دي قروش كتيرة خلاس!- ومداقرة صريحة لجيوش من الخالات السودانيات العاملات في أمر هذه الصناعة، ونهب أرزاقهن التي تعول أسرا وتقوم على أكتافها بيوت وتشاد حيوات، فضلا عن (أرزاق) أخرى تخص المهن (الوسيطة) بينك وست العرقي التقليدية ك(الطيارة) الذي يوزع، او بنات الانداية، وجوقة "الكشيفين" في شارع الانداية، وصانعات الشراب اللواتي (يشدن القصة دي) ونسوان "عشا السكارى" في ديوم البلاد و############اتها الليلية "آلهات الكوارع" وموائد الليل البهيم، وليس انتهاءا بالعسكري اليقبض عليك-وربما قيمة المخارجة تلفونا كان أم نقدا-، والدفار الذي تركب، والحراسة التي تبيت، ووكيل النيابة الذي يتحرى، والقاضي اليحكمك: جلدا وغرامة.. وأصحابك اليدفعون "شيرنق" قيمة الغرامة، ويعزمونك فطورا، شية كانت أم سمكا في (سمكنا) ويهونون عليك و"يتت############ون" ويضحكون، ولاااااا (خساكم) كلكم!
إذن؛ وإذ يرقى عندي احتساء العرقي "الصيني" مقام (الخيانة الوطنية) وتخريبا صريحا ل(الاقتصاد التحتاني) لفئات عزيزة من شعبنا-الليلي، وهتكا للتاريخ والثقافة القومية، فإنه يستوي عندي في خطاب مضاد "ومضادي جدا ومصادر" ل(فلكلور) القعدات السودانيات، في القرى والحضر. من خلال خصائصه المخادعة والخسيسة وال"بتجهه الباكات"، فالعرقي الصيني:

1- خاتف لونين، بارد وقوي، في آن.
2- ما فيهو ريحة نوهائي إلا تتعاور أو عيونك تقيف لمبة!
3- رخيص السعر، ومصنوع من الرز.
4-مضاد لأم فتفت والفكاكات التقليدية السودانية.
5 - كيتوكو لصقة بس لحدي 4 عصر بتكون "ماااا ياكا"!
6- بخلي مزاجك أثناء الطشمة "صيني" تنطط بس!
7- ما بتقدر تعرف إسم ستو (ست عرقيك دي).. وينغ كو.. ولا لو بق ينق!! لو بكره داير تشتري تقول شنووووووو؟
😂😂😂😂

كسرة مهمة:
البوست ده #أخوانيات.. ليس للشير والمشاركة 😊
أحبكم.. ودوما نحن نحب بعض ونضحك، على اختلافاتنا

محبتي للجميع والسودان ده.. كويس او كعب.. بحبووو!
عادل كلر

غايتو يا ابوالزوز انت وبدرالدين الأمير يسكر معاكم العدو كان سكركم الزول بتكلموا وكان سكرتو بتكلموا هسي عادل ده ما قال ما للشير😂

يا الداير طولت العمر
اشرب من عرقي التمر
تجغم وتكتح للعشاااااااء
وتسكر لمان يبكوا فيك

يا زوزو خالتك جاية من القاهرة بداية الشريعة وطبعا الشنطة مزرودة قزاز فل على اساس انو
لو قبضوها تقول ليهم ريحة ختاها لي ولدي قال لي توصليها وتعمل رايحة.
لمان الجماعة ثبتوها في مطار الخرتوم قالت ليهم: " والله الريحة دي ختاها ولدي وقال لي توصليها معاك"
واحد شفاتي من العساكر قال ليها يا حاجة ممكن تدينا منها حبة وكدي؟
قالت ليهو خلاص شيل البتعجبك.
صاحبك عزل ليهو فتيل " ريحة" جااامد كدى والحاجة حادرا ليهو
قام قفل الشنطة ودس الفتيل في جيبو.
الحاجة نادتو وقالت ليهوك" ياولدي انت ماتعزل الا الوايت ليبل؟"

والله عشان قال مافي شير أشير ليك أبو الكلام انشالله اصل عنان السماء


بالله حسي انت ما أنبسطت لما قريت النص العجيب

ما بحمدو الله أصلو
قوم لف كدا

والله عشان قال مافي شير أشير ليك أبو الكلام انشالله اصل عنان السماء


بالله حسي انت ما أنبسطت لما قريت النص العجيب

ما بحمدو الله أصلو
قوم لف كدا

ههههها
احي الرز
فصل الصين عن القعدة
ياخ دا مقال مكتوب بمزاج عالي
وانا بقرا فيهو فتشت للمزة
وريقي جما
........
الجماعة من امس شيروا يامنتصر
الاخوان زاتن الوصاهن عادل
بدات قراءته في المكتب امس
ولما شعرت بالنشوة قتا السكرة دي اتمها في البيت
وفتشت للبوست في حساب صديقي اخر الليل ما وجدته
الغريبة اليوم قابلت الصباح صديقنا مشتركا
وسالته عن النص واني بالليل ما لقيتو
اشار لي انه تعرض لنفس الحكاية
وذهب مباشرة لصفحة صاحبنا المشترك
ودي انا فاتت علي وعلى اعدائي
.....
شكرا ابو الزاء
كلام عبقه ورايحته دخانين دخانين...

عادل ابراهيم قاليكم اصبرو لي بس

بكرة أنشالله من خمريات السكيرالانسان صاحب المزاج الفنان

كانت ليلة الوقفة البلد قاطه والناس تفتش عن ربع أنشالله كباية حنينه تخلي الواحد علي يكون صابر لبكرة البعيدة ديك مشيت الحفر ومنها لقيت دكتورالمجانيين جاري برضوحالتو صعبه أخرأنا المهم قلت ليهو أسمع يا دكاترة الظاهر أولا د عزه رجعوا للسكر بشدة بسبب الانكسار الانسانية اللي بتعيشها البلد المهم نحن نجري سوبا الحلة الان .

*لبكرة كدي عايزأستمتع بالفيسبوك ياجماعة