قريبا..الاصل السوداني للحضارة، واقع ام خيال، اولي سلسلة اعمال بشاشا...يدكم!

05:01 AM November, 14 2018

سودانيز اون لاين
Bashasha-California, Los Angeles
مكتبتى
رابط مختصر

.*.

باذنه امون رع، في العام القادم سيصدر الكتاب الاول في سلسلة اعمال بشاشا. الكتاب الاول حيكون مقدمة، وملخص نتمني نتمكن من تفصيل كل باب في شكل كتاب منفصل.

البحث الاكاديمي اللي حيغطي كل قارات العالم باذنه اكتمل!

نعم حنمسك قارات العالم واحدة واحدة ونثبت الاصل السوداني للحياة المنظمة حول العالم، قارة ثم قارة باذنه.

مشروع البحث الاكاديمي اكتمل، فضل فقط الصياغة اي الكتابة.

مناي اتمكن من الذهاب الي دنقلا تحديدا في العام القادم لصياغة هذا العمل.

نعم ماعندي رغبة للكتابة هنا، من كالفورنيا.

مجرد وجودي هناك والكتابة من وحي معطيات الحياة اليومية هناك، سيعطي مشروع الكتابة بعد ثالث يشعل الذاكرة الجينية وبالذات ماعايشته كطفل من حيث اسلوب حياة ذاك المجتمع، نظامو الاجتماعي، السياسي، الاقتصادي الكان بعيد كل البعد عن اسلوب الحياة المعاصرة، والاقرب للقريتو في كتب التاريخ عن شعبنا، والاهم ثقافتنا كسودانيين، كوشيين، نوبيين، رغم انف الاثر الطاغي للثقافة العربية علي السودان ككل

مساعدتكم مطلوبة الزملاء والزميلات وبشدة، في جوانب كتيرة، وياريت يا صديقي بكري ابوبكر تفكر جادي في انشاء دار للنشر باسهام العضوية، او ده حيعمل فرق كبير جدا جدا لو تعلم..

غدا نواصل، لو حيينا..

بالتوفيق.

الامير الكوشى الاخ الاكبر
فى الانتظار .. اهم شئ كيفية التحصيل على الكتاب .. تحياتى للاسرة .. كمبو وصل ولا لسع فى السعودية .

Quote: باذنه امون رع، في العام القادم سيصدر الكتاب الاول في سلسلة اعمال بشاشا. الكتاب الاول حيكون مقدمة، وملخص نتمني نتمكن من تفصيل كل باب في شكل كتاب منفصل. البحث الاكاديمي اللي حيغطي كل قارات العالم باذنه اكتمل!

Quote: باذنه امون رع، في العام القادم سيصدر الكتاب الاول في سلسلة اعمال بشاشا. الكتاب الاول حيكون مقدمة، وملخص نتمني نتمكن من تفصيل كل باب في شكل كتاب منفصل. البحث الاكاديمي اللي حيغطي كل قارات العالم باذنه اكتمل!

التركى ولا المتورك

نتمنى اكتمال المشروع.

تحتاج بالتأكيد إلى محرّر لانك ادمنت هنا الكتابة بالعامية.

بالنسبة للنشر ،يمكنك أن تنشر مجاناً من أمازون دوت كوم من خلال موقع " كريتسبيس دوت كوم.

العبدلله نشر كتاباً بنفس تلك الطريقة ، وساعدت آخرين في نشر كتب لهم، أخرهم صديقنا طه جعفر الذي نشر ثلاثة كتب دفعة واحدة.

بالتوفيق

لي قدام

بشاشة أمبس

يالتوفيق أخي الكريم .

بالأضافة لما زكره الأستاذ أسامة الخواض هنالك الأن دور نشر في السودان تهتم بالكتابات السودانية

وعلي سبيل المثال لا الحصر دار عزة للنشر والتأليف ... مركز عبد الكريم ميرغني الثقافى .. دار مدارك .. دار مدارات .. المصورات للنشر .

أذا اتوفقت تسافر ( البلد ) لازم تستهل زيارتك بمتحف حضارات كرمة لأنك ما بتكون شفتو وعلي بعد أمتار منه تطلع قمة الدفوفة ... ده كان أمتع شىء

في أجازتى السنة الفاتت - أكنةبر 2017.

بالتوفيق

يا أرو بشاشا معك ندفع بكل عمل توثيقي جبار ...
ولكن عندي ليك خبر بي فلوس دخل منافس صلد ألا وهو الصديق الجميل ذو اليد سليمان مصطفي...
بي بحث مضني ومعضد افاداتو بتصريح من ابو البحث التراثي شارلي بونيه ...
بأن اصل الأنسان السوداني من دارفور خليك الحضارهـ ...
وجايييك بالصور والإفادات ...
:
:
:
:
مع التحيات لله الزاكيات

مبروك يا بشاشا .. أنك فكرت تكتب ..

أنكرب ..

وأكتب بالأنجليزي .. مساهماتك المفيدة سوف تكون هنا في الغرب ..


بريمة

مشكورين فرد فرد وحاجيكم.

حقيقية تركيزي الاساسي حيكون علي قراء السودان تحديدا بالذات خارج العاصمة، اي في الاقاليم.

ولهذا باذنه في بالي اشوف لي تطبيق يخلي الكتاب مسموع بالتلفون، او لوفي طريقة باللغات المحلية.

الخطوة البعدها سننتقل للترجمة من الانجليزي والي العربية ثم لغاتنا المحلية.

نعم كم هائل خرافي من الاعمال الضخمة العظيمة لكتاب المدرسة السودانية بالذات في امريكا.

عايزين اراءكم في الحتة دي، اي كيف الواحد يصل للغبش خارج العاصمة يا اعزائي؟

لهذا الصياغة ولغة التحرير للنص مهم جدا جدا، اذا حنخاطب الفرد العادي مش فئة المثقفين حصريا.

ماعارف هل العربي الفصيح بنفع ولا لا!

ماذا عن خطاب سوداني دارجي؟

رايكم شنو؟

بالتوفيق يا بشاشا
ليه ما يكون العنوان
:الأصل السوداني للحضارة
بدون ما تشير للخيال

حاتم تحياتي

تعلم حتكون علي راس القائمة.

هناك جوانب في المشروع ده بيحتاج لامثالك تحديدا.

نفسي او مناي ننتج اعمال تكون مقرواة "سماعيا" بي لغة اهلنا الفور مثلا، او النوير مثلا.

نعم لغة اهلنا النوير تم استخداما في قراءة البرديات اي المدونتر اي الهيروغلوفية بنجاح عظيم جدا في السبعينات، لدرجة هذا العمل اسهم في تغيير مجري التاريخ في الصراع الكوني حول ارثنا الحضاري، والكلام ده كان في القاهرة برعاية اليونسكو.

مابتكلم عن المدونتر، وانما مجرد ترجمة من العربي والي ايا من لغاتنا المحلية الكوشية، للوصول للغبش!

شلوووووم يا ايمن او مشتاقين،

والله لو بتصدق ماعندي فكرة عن صاحبك كمبو مشي السعودية!!

عيييييك!

هو بحوم كتير او كده.

تحياتي للوالد والوالدة حصريا!!!!!

ايوا صاحبك ماخاشي!!!!!!!

اما الكتاب فهو مشروع سينفذ في السنة الجاية.

البحث اكتمل، فضل الصياغة اي الكتابة او عشان كده عايز امشي دنقلا، وطن اجدادك!!

المسنوح، بدر الامير مشتاقين..

اسامة الخواض مرحب بيك،

نعم امازون في القائمة او عشان كده اخدتا كورص بتاع كيف تنشر بنجاح في امازون ولكن هذا في زيل القائمة

لانو تركيزي حيكون داخل السودان، علي الفرد العادي في اريافنا، اولا ثم قطاع القراء التقليديين في المدن الكبيرة داخل السودان، ثم الخارج في المهاجر.

عايز اصل الغبش تحديدا في الاول.

علي دفع الله مرحب بيك

او خلينا نسمع رايك او انتا من ناس جوا الجوا.

عباس امبس، سرن اقمن؟

نعم تركيزي حيكون علي دور النشر داخل السودان في الاول.

اما البلد، فمحتاج فعلا لي مرشد، بالذات في كرمة تحديدا لاني ما زرتا كرمة قبل كده، مع اني عشتا في حلفا وانا يافع.

الكويس، عدد من افراد اسرتنا من المنطقة دي اي كرمة.

محمد حمزة تحياتي،

لو فيها شارل بوني، فانسي ياذواليد!

موفق ومزيد من النجاحات

معاك يا زعيم

قلبا و قالبا

لو عايز كمان بعد تجى البلد
نحوم معاك و نشتغل فى اى فيلد ورك

وغير كده كمان

اخوك على أتم الاستعداد لاى شغل ترجمة

واى صياغة كمان بالعربى الفصيح

انت تأمر بس

Quote: أنكرب .. وأكتب بالأنجليزي .. مساهماتك المفيدة سوف تكون هنا في الغرب ..

سلام يا بريمة او مرحب بيك،

عارف، هناك مشكلة حقيقية في المجال ده، لانو قراء الانجليزي حول العالم وبالذات في امريكا في مجال تاريخ السودان متقدمين شديد جدا، مقارنة بقراء السودان، لدرجة صعب جدا لوما مستحيل تكتب للاتنين في وكت واحد اي كتاب واحد!

نعم لامعني لترجمة كتاب في تاريخ السودان القديم مصمم لمخاطبة القارئي السوداني، الي اللغة الانجليزية لانو الفارق ضخم!

القارئي بالانجليزية بيحتاج وبشدة لكتاب سودانيين ولكن من مدخل مختلف اختلاف جذري عن المدخل البوصلك للقارئي السوداني!

ذات المعبد ولكن المداخل مختلفة!!

السوداني يظل اكثر شعوب الارض جهل بتاريخو هو مقارنة بايا من اهلنا افارقة امريكا المهتم بالمجال ده، او ده ماصدفة اطلاقا!

الي هذا التاريخ رئاسة رابطة الدراسات "النوبية" كما يسمونها بخبث، محتكرنها الخواجات حصريا!

هذا يثبت المسالة دي ملعوبة وعلي مستوي كبير جدا، وكنتيجة نحن اهل السودان اكثر شعوب الارض جهلا بتاريخ السودان القديم!

اهلنا في اثيوبيا كمثال متقدمين علينا شديد خالص في المامم بتاريخ السودان اي تاريخ افريقيا تلقائيا مقارنة بنا وهذا عجيب للوهلة الاولي!

نعم حنكتب بالانجليزي ولكن من مدخل اخر مختلف!

بالتوفيق يا باشا
........
ما طلبت عنوان كتاب والا ارسله لي ونلاين في التو واللحظة
صديقي ادريس علم الهدى...
استصحب هذه الفكرة معاك
.........
جميلة فكرة الكتابة من دنقلا
المود بكون الف....
........
في الانتظار

Quote: بالأضافة لما زكره الأستاذ أسامة الخواض هنالك الأن دور نشر في السودان تهتم بالكتابات السودانية وعلي سبيل المثال لا الحصر دار عزة للنشر والتأليف ... مركز عبد الكريم ميرغني الثقافى .. دار مدارك .. دار مدارات .. المصورات للنشر .

هذه الدور تطلب من المؤلف أن يدفع مقدماً في أغلب الاحيان..

ولو كان المشروع عبارة عن سلسلة فلن تجد من ينشره إلا على حساب المؤلف لتدهور صناعة النشر والفقر المتفشي وقلة أعداد القّراء ....

يمكنك النشر من "كريتسبيس" ثم تطلب نسخا تقوم بإرسالها إلى السودان..

كما يمكنك توظيف العلاقات الشخصية لإرسال نسخ ألى بلدان الشتات...

وجودك في بيئة توفر الانترنت شرط لإنجاز مشروع بهذه الضخامة، لانك تحتاج إلى الانترنت ك"مستشار"، وإلى القواميس ، والاتصالات الهاتفية والايميلية..

Quote: بالتوفيق يا بشاشا ليه ما يكون العنوان :الأصل السوداني للحضارة بدون ما تشير للخيال

عبدالعظيم تحياتي ومرحب بيك، العنوان تيمن بي اجمل اعمال شيخنا انتا دياب:

The African Origin of Civilization: Myth or Reality



شيخنا دياب شخصيا:


حقيقة واعترف، كتابة، وعلي الملا، لي روحي ورغم انف العمر الدخلتو في الموضوع ده، بحثا وتنقيب او بي صورة تكاد تكون يومية بالذات ال5 سنة الفاتت، اكاد لا اصدق البقراهو عن هذا السودان اللي فعلا لاقول كان مركز دائرة هذا الوجود علي قول الشهيد محمود اللي لا ادري كيف هذا الرجل وصل لمثل هكذا استنتاج من دون مايكون بتاع تاريخ، ولكن هذه حقيقية وحقيقة مجردة!

مافي بلد في الكون العريض ده احتل في تاريخ البشرية الدور القام بيهو هذا السودان الملفوظ المنبوذ في وعينا، لدرجة كلنا جاكين منو يا للهول ندعي هوية الغير شغل احساس مفرط بالدونية دون ادني المام بقيمة الذي بين ايدينا بل تحت المداس!

اذن الحنقدمو في هذا العمل حيكون فوق للخيال الحالي، وبالتالي سيصعب تصديقو بغض النظر عن الادلة!

بالذات تاثير السودان الكان طاغي اسطوري علي اوربا تحديدا وباكثر من اي رقعة اخري في هذا العالم!

اذن العنوان فعلا بعبر عن الانطباع العام الممكن يخرج بيهو القارئ عن المضمن في الكتاب!

يكفي كنموذج اسم "اوربا" للقارة الاوربية مشتق من اسم سودانية تحديدا، بل مصطلح الجنس "الاري" للاوربي مشتق من اسم فرد سوداني واحد احد بعينه من العصر الروماني كان من القادة الكبار!

معليش ما حاخوض في التفاصيل دي، هنا، ولكن هذا نموذج للدور الكبير جدا والمؤثر جدا جدا اللي قام بيهو هذا السودان في تاريخ البشرية، وتحديدا اوربا!

اما امريكا فاخير اسكت ساكت!!!

هو فعلا حتي بالنسبة لي شخصيا، اقرب للخيال مع انو واقع وبشهادة الاخرين مش اجدادنا فقط!!

بشاشا.. حبابك يا صديق
خطوة جيدة ، وان كان تأخرت..
فيما يخص فكرة الكتاب المسموع (ويمكن انجازه بسهولة)..
بالنسبة لمسألة لغة العرض..اقترح التخاطب مع ناس راديو دبنقا..يعني على الأقل ثلاث لغات جاهزة وعندهم فكرة كبيرة في التواصل مع اهل تلك اللغات..
لمخاطبة اكبر قطاع من القراء السودانيين ..اقترح اللغة الدارجية..لأنها حميمة وما فيها تعقيدات..خصوصا لو تم التصميم على اساس حكاية..وحتى ولو على اقل قدر تليخص الأفكار الأساسية والمركزية حتى الناس تاخد عنها فكرة..
زيارة البلد مهمة للغاية..ويا ريت تلقى فرصة تزور مناطق اوسع في السودان..
المستقبل سيكون للجهود الجماعية..وانت ارمي طوبة الساس والسايقة واصلة..
على استعداد للمساعدة فيما استطيعه..
كبر

هع بشاشا عايز يعمل عملية لا بنج لا شاشة
بس الله يكون فى عون السعن والغباشة
وصاج القلع والقرقريبة وصاج اللقمة والعواسة
عشان ما داخلات فى كتاب بشاشة

موفق أميرنا الكوشي :

Quote: مجرد وجودي هناك والكتابة من وحي معطيات الحياة اليومية هناك، سيعطي مشروع الكتابة بعد ثالث يشعل الذاكرة الجينية وبالذات ماعايشته كطفل من حيث اسلوب حياة ذاك المجتمع، نظامو الاجتماعي، السياسي، الاقتصادي الكان بعيد كل البعد عن اسلوب الحياة المعاصرة، والاقرب للقريتو في كتب التاريخ عن شعبنا، والاهم ثقافتنا كسودانيين، كوشيين، نوبيين، رغم انف الاثر الطاغي للثقافة العربية علي السودان ككل

دي فكرة كويسة جدا فالبيئة والمناخ ليهم دور كبير في الكتابة بالطبع.

وكذلك ، حبذا لو ألفت الكتب بنفس أسلوبك العامي الذي تعودنا عليه هنا.
فهو أسلوب بارع وفريد وقمة في الذكاء والتفكه.

أما عن الوصول للأرياف.. فعليك بالواتس أب والراديو.
وناس دبنقا ما بطالين عملوا حوارات تاريخية قبل كدا مع زملاءنا ، بس حاول تتفق معاهم على الدقة في مواعيد التسجيل.

تحياتي، وبالتوفيق.
ولو حبيت مساعدة قول عوووك.

سلامات بشاشا وزواره الاكارم ..
والله دي خطوة شجاعة وجبارة ومهمة وتحتاج لجهد كبير ..
وزي ما قلت فعلا نحن نجهل الكثير المثير عن تاريخنا الحضاري..
سواء في الجانب الروحي او المادي ..
والشيء المؤلم أنه موجود تحت اقدامنا وبنمر بالكثير من التفاصيل اليومية دون ان نعرها الاهتمام ..
اول شيء نحتاج لتقويم و تصحيح المسميات العديدة التي اطلقت على المراحل الحضارية ..
بطريقة تجعلك تظن كأنها لمراحل لا علاقة لها ببعضها بل لاتمت لبعضها بصلة ..
اتمنى ليك التوفيق .

right time
right subject

نتمني لك التوفيق والسداد

ترحيب حار بالجميع مرة اخري.

قبل ما اواصل، رجاءا نورونا بي اقتراحاتكم فيما اتصل بافضل طريقة واقصرا للوصول للغبش، لو بقرو ام لا.

نعم حتي الان شايف مافي اعتراض علي الكتابة بي لغة واسلوب سوداني بغرض الوصول والتواصل مع اكبر عدد ممكن من المتلقيين اي القراء.

غير الناطقين بالعربي، العربي الفصيح شوية بحسسم بالغربة، والدارجي بخاطب نطاق اوسع او بخلق علاقة حميمة مع المتلقي، ولكن هذا اسلوب غير مطروق في الكتابة الرسمية.

محتاجين بشدة لي رايكم في النقطة دي يا اعزائي لانها محورية، مع الشكر مقدما.

حسن ادم مرحب بيك او خلينا نسمع رايك.

الدارجي أفضل بكثير
بس تحتاج لإعادة ترجمة كثير من النصوص
من الفصحي للدارجة

Quote: نعم حتي الان شايف مافي اعتراض علي الكتابة بي لغة واسلوب سوداني بغرض الوصول والتواصل مع اكبر عدد ممكن من المتلقيين اي القراء.

يبدو أنك يا صديقنا بشاشة متجاذب بين نهجين:
أكاديمي وشعبوي "تحريضي"

عليك أولاً حسم هذا التجاذب، فهو الذي سيحدد كيف ستكتب..

من يقرأ العامية يستطيع أن يقرأ فصحى مبسطة..

ابوذر تحياتي،

عاجزين عن الشكر.

نعم الترجمة المطلوبة حتكون من العربي لي لسانا الكوشي.

هذا يتطلب صياغة محددة مختصرة لي مشروع الكتاب بي اكملو بما يتناسب مع كبارنا والغرض الاساسي من الاسلوب هو وصل المتلقي الغير ناطق بالعربية بي ارثو هو الحضاري

. المشروع الاكبر، اللي ناوي اكرث ليهو ما تبقي لي من عمر، هو اعادة كتابة ونطق البرديات اي نصوص المدونتر اي الهيروغلوفية بي لسانا احنا الكوشي.

هذا سيحدث نقلة هائلة وسينقل ارثنا من بطون الكتب الاوربية والي الشارع عبر البحار راسا والي داخل غرف نومنا في الرواكيب، الكركير، او بيوت القش، بذات الطريقة البدوهو بعض الاعزاء في هذا االفضاء، من امثال ود الملك، ابو جهينة، او ود عبدالوهاب.

هناك عدد كبير من الضالعين في المدونتر من بين اهلنا افارقة امريكا.

مشروع زي ده عايز وسيط زي هذا الفضاء، لانو ده عمل جماعي وهذا في حد زاتو هدف باعتبارو افضل طريقة لنقل هكذاوعي للشارع!

الكمبيوتر ممكن يقوم بي معظم هذا العمل علي فكرة، باشراف وتوظيف امكانات ومواهب امثال حاتم ابراهيم.

هناك برنامج بالانجليزي سلفا مطروح بيتكب ليك اي كلام انتا عايزو بالمدونتر!!

تابعو هذا البوست لاني حانزل اسمي "بشاشا" مكتوب بي رموز اول لغة خطها يراع بشر، والاهداء سيكون لي اصغر اولادي اي بشاشا الصغير، مع انو اسمو في البيت منذر لانو اسم بشاشا دقة قديمة قالو!!

امسكو الخشب!!

اسمحو لي اواصل في موضوع نطق وكتابة البرديات بي لسانا الكوشي:

صدقوني ده ممكن يغير مجري التاريخ في السودان، قياسا بما حدث في مؤتمر اليونسكو في السبعينات في القاهرة، حيث تمكن نفرين فقط من اهلنا، دياب واوبانقا من الكنقو من تغيير مجري الصراع الكوني حول ارثنا الحضاري، في هذا المؤتمر التاريخي لياخذ مجراه الحالي، حيث ماعاد هناك من يتجرا او يرفض علنا مبدا الاصل الافريقي للحضارة.

شيوخنا دياب اوبانقا اتبعو نفس اسلوب الاعزاء المذكورين اعلاه في نطق وقراءة نصوص البرديات المكتوبة بالمدونتر باستخدام لسانا الكوشي كبديل للقبطية واليونانية اللي صادف او كان هو لسان اهلنا النوير اللي هو ذات لسان شيخنا دياب او مجموعتو في السنقال!!

الطريف، ورد اسم واحد سوداني شارك في المؤتمر ده، ولكن كالمعتاد كان بحارب في المعسكر الاخر وضد طرح شيوخنا دياب واوبانقا، يا للعار!

لسة ما جمعت معلومات بما يكفي عن هذا السوداني او كل الوصلني انو اسمو "عبدالله"!

شيخنا دياب هو اول من اعلن واثبت كيف افريقيا كلها خرجت للوجود من رحم السودان الحالي!

شيخنا دياب كان وفي جدا جدا لهذا السودان وباكثر من الاغلبية في هذا المجال، وباكثر من اي سوداني اين ماكان في السودان!

يكفي كيف هو لي روحو جذورو في السودان تعود لاهلنا النوير!

شيخنا اوبانقا خليفة شيخنا دياب، قائد الاسطول.

هو ابرز علماء المدونتر الان والجميع في هذا المجال بقدمو هذا الرجل كابرذ علماءنا، له التحية باسمكم جميعا.



شفتو الجلاليب كيف؟

حاتم إبراهيم في الخدمة.

Quote: ما طلبت عنوان كتاب والا ارسله لي ونلاين في التو واللحظة صديقي ادريس علم الهدى... استصحب هذه الفكرة معاك

عبدالمنعم حسن، مشتاقين، شرفتا.

معليش مافهمتا كلامك اعلاه.

بالنسبة للكتابة من دنقلا فهذا بالنسبة لي شخصيا بيعمل فرق كبير، لانو الكتابة من وحي العيش في كالفورنيا بل حتي الخرطوم مازي الكتابة من وحي الحياة اليومية في دنقلا

رغم ادراكنا انو حتي هناك الحياة تغيرت مقارنة بالماضي ولكن طبعا لاوجه للمقارنة بايقاع الحياة في كالفورنيا مثلا او حتي الخرطوم.

بشاشا زولك كوش داك انتهى زمانه نحن اليوم فى حوجة لسودان يعافر فى التاريخ
الحديث يعنى عايزين سودان يبتكر اما البكاء على الماضى لا يفيد

صديق مهدي مرحبتين حبابك.

Quote: قبل ما اواصل، رجاءا نورونا بي اقتراحاتكم فيما اتصل بافضل طريقة واقصرا للوصول للغبش، لو بقرو ام لا.

اكتب بس .. في ناس بتقرا وفي ناس لا .. وطالما في نسخة انجليزية ده بيوسع كمان دائرة القراء ، لكن عشان توسع اكتر اكتب بالفصحى السودانية البسيطة دي
العامية صعب يفهما زول ما سوداني اضافة لي انو ممكن تواجهك مشاكل فنية في الكتابة ذاتا ، خاطب كل قراء العربية والانجليزية و اعمل حساب انو في جهات
اكاديمية وعلمية برضو حتقرا الكتاب او تناقشو ، ديل ما حيقبلو كتاب مكتوب بالعامية او ما حياخدوهو بجدية على اسوأ الفروض .
الكتابة في دنقلا بتديك حافز نفسي اضافي للانجاز ، ااتفق معك
لو قرأ الكتاب 5000 شخص فقط الان في كل العالم ، سيقرأه الاف غدا وعشرات الالاف بعدها..
شد حيلك - موفق

اميرتنا المروية امنة مختار هلت الانوار.

لازال مشروع بوست السودانية كرائدة لي ادوات الزينة المتداولة حول العالم الان، من حلي، حلقان، كحل، غويشات، بالذات "خاتم جعران" اللي رمزيتو عميقة او منطلقو من حيث الجذور روحي، قائم.

نعم ما تنسي الزمام اللي انتشر تاني من جديد في امريكا زي ماحكيت.

حنبدا بي توب الشرق اللي يبدو هو الاقرب الي ازياء ملكات مروي.

عايزك تبدي البحث في المواضيع دي لمن نلقا فرصة ونفتح هذا البوست.

الي هذا التاريخ ورغم انف محارق الابادة بواسطة الرومان لاهلهم للتقليل من الهيمنة المطلقة للوعي الكوشي علي اوربا ذاك الزمان،

مما عطل نشر المسيحية، هاهو البابا الي هذا التاريخ علي الركب احتراما بل تقديس وتقدير لـــــســـــودانيــــة رغم انف واقع حال السود في قاع بشرية هذا الزمان

ورغم انف الوضع الدوني للمراة في الثقافة الارية بعامة:



راجع:

يا نساء السودان، اعرق نساء الارض، لستن كاحد من نساء هذا العالم!يا نساء السودان، اعرق نساء الارض، لستن كاحد من نساء هذا العالم!

Quote: وزي ما قلت فعلا نحن نجهل الكثير المثير عن تاريخنا الحضاري..

محمد علي الملك تحياتي او مرحب بيك.

نعم حقيقة احنا كسودانيين لانفقه شئ اطلاقا عن تاريخنا او ده ماصدفة وانما by design زي مابقولو الخواجات وكنتيجة ده حالنا اليوم!

في كالفورنيا لاقيت "هنود حمر" قالو اصلهم نوبي!!

بل هناك قبيلة بي اكملا منهم بقولو الكلام ده، واللي اتكلمتا معاهو المامو كبير جدا بي تاريخ السودان القديم!

ايضا لاقيت واحد من "الدرافيدناس" سكان الهند الاصليين الكوشيين، قال لي اصلو ك"درافيدناس" من مروي عديل كده!!

وكالعادة المامو كبير جدا بالذات بالصراع الكوني حول ارثنا الحضاري، او بالفعل هناك قواسم مشتركة كتيرة مابينا والهنود او ده ماصدفة!!

ده كلو وهذا السودان العجيب، الان معلن بحد السيف كحتة دولة عربية!!

ناصر صديق الزمن الجميل في كالفورنيا قبل ما نتامرك قصبا عننا مشتاقين.

Quote: باذنه امون رع

اللهم إنه الكفر البواح والشرك الصراح

اللهم إنها الردة التي لا أبا بكر لها .. فأنصر دينك وأعز نبيك.. وأرفع شأن المسلمين

اللهم هذا الدعاء ومنك الإجابة وهذا الجهد وعليك التكلان

اللهم أرنا فيهم ما لم ترنا في الغابرين

اللهم لا ترفع لهم راية ولا تحقق لهم غاية

اللهم إنك أن تهلك هذه العصابة لن تُعبد في الأرض

اللهم إن هؤلاء _(الكوشية الوثنية)_ قد جاءوا بكفرهم وارتدادهم يبغون إطفاء نور دينك في أرضك وبلاد عبادك المسلمين = أرض العربان.

اللهم شتت شملهم وفرق جمعهم ..

اللهم أحصهم عدداً وأقتلهم بدداً ولا تغادر منهم أحداً

اللهم إنهم ذراري المسلمين قد ارتدوا على أعقابهم هناك في بلاد الكفر والكافرين ..

اللهم اقصم ظهور الجبارين المتكبرين واشف صدور قوم مؤمنين - آمين

Quote: باذنه امون رع

Quote: وطالما في نسخة انجليزية ده بيوسع كمان دائرة القراء ، لكن عشان توسع اكتر اكتب بالفصحى السودانية البسيطة دي العامية صعب يفهما زول ما سوداني

عبد الله ادريس مرحب بيك

اولا مافي نسخة انجليزية.

حاكتب بالانجليزي كلام مختلف لانو قراء الانجليزي المدخل ليهم مختلف من قراء السودان فيما اتصل بي تاريخ السودان.

القارئي بالانجليزي محتاج بشدة يعرف علاقة سودان اليوم بي ماضيهو لانهم وكقاعدة المهتمين بالمجال ده عندهم المام كبير بي تاريخ السودان او نوبيا.

نوبيا هو الاسم الاكثر تداول للسودان الحالي، ثم كوش والبعض يستخدم اثيوبيا او ده بعمل حبة بلبلة، او قليليين بستخدمو مصطلح او مفردة "السودان".

اها موضوع علاقة اسلوب حياتنا الحالي بي ماضينا حيكون قضيتي الاساسية في الكتابة لي قراء الانجليزية.

في تقديري اسلوب حياتنا لم يتغير تغيير يذكر عبر القرون علي مستوي اللاشعور طبعا رغم انف قرون القهر، الظلم، الاحتلال، الاستعمار، الاستعباد، والامبريالية الثقافية وهذا مدهش، يثبت فقط عراقة وعمق ارثنا الحضاري،

بالذات في اقصي الشمال، بالذات لما نضع في الاعتبار الموقع الجغرافيا لاقصي الشمال في واجهة الغزاة مباشرة عبر القرون، فوق لما تعرضو له من قهر واستعباد، بالذات اهلنا في اسوان!

هذا معجز بحق او غير عادي لما نقيس هذا بالحصل لمن يسمون ب"الهنود الحمر" في امريكا.

عامة السودان الحالي غير معروف لقراء الانجليزية او قدر المعروف بالنسبة ليهم مؤلم جدا اوصادم للحد البعيد.

لهذا الاغلبية من الباحثين في المجال ده بحاولو يبتعدو عن اي ذكر للسودان الحالي، وبعضهم نقل الشغلة كلها الي نواحي اخري داخل افريقيا، والسبب في ده هو محارق الابادة للملايين باسم العرب والعروبة وهذه مصيبة بحق، كبيرة!

كلامك عن الدارجي معقول، والواضح انو ده موضوع متشعب اوماساهل!

لذا نرجو المساعدة..

سيف بابكر مرحب بيك فانت في دار بشاشا:

البتقول عليهم بديرية ديل، ولا ادري يعني شنو بديرية، فلا وجود للفظ الجلالة "الله" داخل بيوتم اطلاقا كقاعدة!

نعم بقولو "أرتي" مش "الله" المستخدم فقط في المدارس!

حتي في الخلوة شيخي او جدي "صبيان تود" عليه الرحمة، نعم "تود" لو تدري ماهذا، لما بقرينا القران في الخلوة كان بقول "ارتي"!

نعم لما يملينا الايات عشان نكتبا في الواحنا كان بمليها بي لسانو هو الكوشي وهذا طبيعي من اي انسان حر سوي!

نعم كان يقول مثلا بي لسانا الكوشي:

"الفكي او"،

نعم بالعربي:

اكتب "أ" !!!

اذا اماتي، ابواتي، شيوخي، كلهم كفار، فيا للسعادة بحق لو تعلم، فهي الشهادة!

Quote: يبدو أنك يا صديقنا بشاشة متجاذب بين نهجين: أكاديمي وشعبوي "تحريضي"

صديقنا الخواض تحياتي،

لي روحي انا حقيقة لي امون شعبوي، واموت في الشعبوية لو المعني ان تكون من غمار الناس او مش مثقفاتي!

اما تحريضي فمافي طريقة لهكذا اسلوب في وسيط كالكتب احادي ساكن غير متداخل كما الكتابة في الاسافير، في المنابر بتاع خد او هات.

مافي خد او هات في الكتب وبالتالي اسلوب الصعق الكهربي مابنفع!!

ولكن مشكلتي الان، الكتابة تكون بي ياتو صيغة؟

دارجية، شعبوية، ام خطاب تقليدي كالمعتاد في الكتب؟

تركيزي كلو علي رجل وامراة الشارع العادي الاغبش بالذات في اريافنا، اولا ثم التيار التقليدي ثانيا.

معزتي.

بالتوفيق وكلنا انتظار يا زعيم.
ابن شقيقتي مرغني ابشر نشر قبل مدة كتاب بعنوان " الكوشي التائه) سوف ابحث عنه لايصاله لكم
اذ ان رايكم يهمنا.

Quote: لي روحي انا حقيقة لي امون شعبوي، واموت في الشعبوية لو المعني ان تكون من غمار الناس او مش مثقفاتي!

غلط با بشاشة...

شعبوي لا تعني ذلك...

محمد الشيخ مرحب بيك،

في الانتظار تدينا فكرة عن النطروح في كتاب "الكوشي التائه".

خالص الود.

Quote: شيخنا اوبانقا

إسمه ذاتنا مننا.
بيذكرني باننقا ، بعانخي ، أو حتى بانقي ..

الامير الكوشى بشاشا اننقا

بالتوفيق .. ورينا طريقة الحصول على الكتاب

العزيز علاء سيد احمد شرفتا.

الكتاب لازال مشروع، سيري النور باذنه السنة الجاية، او عشان كده جينا هنا كايسين المساعدة فما تبخل علينا..

نعم عايزين اقصر الطرق للوصول للغبش في اريافنا كاولوية..

نعم ورونا سوق وسياسات النشر المتبعة في السودان.

عندي صديق طفولة، متفرغ تماما للكتابة ولا ادري لو كان هناك سوداني واحد بيعمل زيو!

نعم بيالف الكتاب، والرجل متخصص في التراث الشعبي، من جيل الطيب محمد الطيب.

نعم بيطبع الكتاب، ولكن بقوم بالتوزيع بي نفسو بي صورة مباشرة او شخصية، هذا مرهق ولكنو من النوع البستمتع بالاجراء ده!

حسب مافهمت بشيل او يوزع للمكتبات بي نفسو مباشرة او بي كده قدر يبني شبكة توزيع خاصة بيهو هو او تحت سيطرتو مباشرة!

قطعا ماعندي روح لي عمل كهذا ولكن غرضو كان الخروج من سيطرة دور النشر علي الانتاج والتوزيع.

ربما يا بشاشة لا تعرف ما اصاب القراءة من مقاتل..

المهم لن يكون كتابك أو كتبك ك"انجيل مارتن لوثر" الذي باع في شهرين 5 الف نسخة وهي كبيرة بمقاييس القرن السادس عشر..

ليس في السودان طبقة وسطى كبيرة وقادرة على الشراء وتعتبر القراءة واحد من همومها الاساسية....

لا اريد إحباطك..

قرر من سيكون قارئك المستهدف؟؟؟

سلام جاك يا خواض،

اسمح لي اختلف معاك، المدخل بتاعنا للمشروع ده مختلف شوية.

اخوك عسكري نفر في جيش اومعسكر الوعي الكوشي اللي انتشر حول العالم في صمت كما النار في القصب، ماعداء السودان مهد هذا الوعي او منبعو او ده ماصدفة اطلاقا ولاشئ عابر!

في السودان السحب تراصت، والرعد بلعلع!

نعم القطرة الاولي في الطريق باذنه امون رع!!

ياعزيزي انا ككوشي وكغيري في حركة الوعي الكوشي عارفين انو هذا مسالة وكت فقط، وهذه حركة تاريخ بي تعابير جماعتك، نعم Cosmic Order بي تعابير الخواجات!

اما بي تعابيرنا احنا، فمعليش فهذا ليس للنشر!!!!!!!!!!!!!!!

مبروك سلفا الاخ بشاشا للاسف الشديد المصريين هم من كتبوا عن الحضارة الكوشية ونهبوا هذا التراث العظيم ونسبوه لمصر القديمة الفرعونية، وبما انك ستستهدف القارات واقترح عليك الكتابة بالانجليزية بغرض الانتشار، واقترح عليك امازون حيث سبق لي نشر 4 كتب بالانجليزية وواحد بالعربية.امازون لديهم خدمة طباعة الكتاب أيضا.. موفقا سلفا وفي الانتظار.

محمود الدقم مرحب بيك او كتر خيرك،

نعم احفاد الغزاة، الوافدين الاجانب، محتلي ارض اجدادنا وحلفاءهم في المعسكر الاري، هم الصاغو تاريخنا كلو، بما يخدم مصالحم، بل هم من صاغ وعينا الحالي بما يخدم مصالحم، وقد كان!

يكفي مقرر تاريخ السودان القديم صاغو نازي، عنصري امريكي من اصل الماني، اتي السودان في عصر الاحتلال بحثا عن تاريخ اجدادو هوإ او ختم اعمالو قائلا، تاريخ وحضارة السودان تتبع للبيض من امثالو!

نعم وكنتيجة غزاتنا محتلي ومستعمري ارضنا وشعبنا نصبوهو رسميا ك"اب" لتاريخ السودان ولا ادري كيف لو هو بقول ده تاريخ بيض!!

اما تاريخ السودان المعاصر فوضع اساسو موظف في قلم مخابرات جيش الغزاة، نعم مرتزق لبناني، وانت عشتا في لبنان يا محمود او بتعرف لبنان واللبنانين اكثر مننا، وهم اكثر شعوب هذا الكون كراهية واحتقار لامثالنا!!!

نعم لبناني الي هذا التاريخ هو مؤلف مقرر تاريخ السودان الحديث، وامريكي هو مؤلف تاريخ السودان القديم!!

الي هذا التاريخ، مالاقني وضع كهذا في اي بلد في هذا الكون الفسيح!!

معقولة؟

اليس هذا جنون؟

هل ده صدفة؟

اما الكتابة بالانجليزي فهذا مشروع اخر، تالي، شغال فيهو وهذا يختلف عن مشروع الكتابة لقراء السودان بحكم الفارق الضخم جدا مابين الاتنين فيما اتصل بتاريخ السودان القديم، لدرجة من الصعب تكتب كتاب واحد للاتنين!

الأرو بشاشا المادهـ جاهزه للنشر ممكن تسمح لنا بنشرها هنا ...
أظن الأخ ذو اليدمتابع ولكن ظرف يخصه لا يتداخل ...
:
:
:
:
مع التحيات لله الزاكيات .

Quote: خصوصا لو تم التصميم على اساس حكاية..وحتى ولو على اقل قدر تليخص الأفكار الأساسية والمركزية حتى الناس تاخد عنها فكرة..

محمد النور كبر تحياتي،

صيغة الحكي، في شكل ملخص، بي لسانا الكوشي، في اريافنا، لي كبارنا، في شكل تطبيق للتلفونات اتفق معاك اسلوب عملي شديد بوصل الفكرة.

بالنسبة لي راديو دبنقا، يبدو لي في زملاء هنا معانا شاغلين في المحطة دي.

لو في "لنك" للمحطة دي، بالله ادونا ليهو عشان استمع للمحطة دي.

انا ساكن في اليوتوب سكنة بدل "هنا امدرمان".

ماعدت اقرا جرايد السودان او راديوهات السودان او تلفزيونو البحسسك بالغربة مقارنة بالثمانينات السبعينات!

في الستينات في دنقلا الرادي كنا بنسمعو في الاجازات فقط، مرة في السنة لما يجي جدي عليه الرحمة الكان فراش في احدي مدارس جبل اولياء!!!

او لما اجي الخرطوم، امشي حلفا، او شندي!!!

الان لما اسمع في دنقلا، دخلو الكهربا، شغلو المكيفات، والله بجيني طمام عديل كده!!!

غايتو لما امشي حاسكن بعيد من دون اي كهربا او مكيفات او غيرو، او حاعمل ساقية، اجيب بقار، غنم لبن، او ضان مع اني ماباكل لحم واسكن في بيت الصريف!!!

نعم حامشي اجيب اكبر عدد من الكبار لاكون حولهم لانو عندي لستة بتاعة اسئلة كتيرة جدا.

حاعزم من هنا بعض الاعلام في المجال ده من اهلنا افارقة امريكا، يجو اجازة واكيد حيستمتعو بهكذا اسلوب حياة، في الشتا طبعا، لندير حوارات او حيركبو الحمير معاي حايمين بالعراريق بلاش جلاليب زاتو!!!

الكويس انو "جزيرة الرحمن" حيث ولدت علي مرمي حجر من دنقلا العجوز، اخر المعاقل وبوابة الفيضان، كما وصفها شيخنا كانسلر وليامز، فاضية!!!

اها العايز يقضي منكم اجازة فريدة مرحب بيهو هناك، ولكن كهربا او تلفزيون مافي!!!!

ممكن نفكر في طاقة شمسية للكمبيوتر او كده!!!

دعواتكم!!

اقلاه ده المني!!!!!!

غلط با بشاشة... شعبوي لا تعني ذلك...

سلام ياخواض،

طيب ياخي، اخد اجر في اخوك او وريهو يعني شنو "شعبوي"؟

انا غايتو من "الرعاع" لو ده هو المقصود، ولست من المثقفاتية.

Quote: اجيب بقار

بشاشا، كلمة "بقار" جبتها من وين؟ هل أهل دنقلا يقولون "بقار"؟ .. قبل ما نكشف ليك من هم الشعوب التى تستخدم هذه الكلمة .. نحن البقارة نقول "البقر" ..

بريمة

بالتوفيق وفي انتظار الكتاب على احر من الجمر

اضم صوتي للعزيزة امنة مختار في ان تكتب بنفس لغتك

التي تكتب بها هنا .. فهي سلسة جداً ومعبرة


تحياتي

حتحتاج لموقع إلكتروني بدون شك.

بالنسبة للمحتوى المسموع بأكتر من لهجة مافي أفضل من تسجيل المحتوى باللغة أو اللهجة المطلوبة في شكل فصول.

حأرجع أفصل الموضوع بطريقة فنية.

أن يأتي الكتاب يابشاشا باللغة الفصحى هذا خيار أفضل ..
العامية السودانية أي نعم محببة للنفس لكنها لاتصلح ..
لهكذا أطروحات فيها معلومات وحقائق ..

Quote: بشاشا، كلمة "بقار" جبتها من وين؟ هل أهل دنقلا يقولون "بقار"

بقولو "تينجي" والمفردة T!!

الرعواتي زينا بريمة سلام،

عارف في دنقلا انا ما كنت مزارع، كنتا رعواتي، لانو الزراعة درجة ارفع واعلي من الرعي!

كنتا بسافر كتير وانا يافع ولهذا مسكوني في الاسرة رعي البهايم بالذات، ولهذا ماكنت افقه شئ يذكر عن الزراعة زيك كده!

ولكن الحاجة دي، حركت فيني الذاكرة الجينية فيني الكوشية، او علاقتنا اللصيقة بالحيوانات.

كتير ما اسرح وانا سايق في "فريويهات" كالفورنيا، مع ذكريات الطفولة القضيتا مع مختلف الحيوانات، واحيانا بدمع!!

عييييييك!!

البقار كغيرها من الحيوانات عندنا اليفة جدا ومسالمة، ولهذا عادي بكونو دارعين رسن محدد للبقرة او سايقنها، والبقرة عادي ممكن تحضنا او تضمها عليك من دون اي خوف، التيران كنتا بعمل حسابي شوية منهم!

اما الحمير، فيا الهي!

افتقد طيبة الحمار بشدة!

اها من احبا الحيوانات الي قلبي من بعد الكلاب، السخلان!!

ياالله!

بالذات لما العدد يكون كبير!

النعاج ما ردتهم ليه ماعارف مع اني كنت برعا نعاج اوخرفان تحديدا!

اما الكلاب فكنت مغرم ازاحم كلبتنا "قيد الريل" في الحفرة بتاعتا!

عادي كنتا بروح تاكي راسي علي سدر كلبتنا راقدين في الرمال، بالذات ساعة المقيل في ضل البيت وانا بغني بي مزاج!

الغريب حينها كان صبر هذه الكلبة او كيف ماكانت بتتحرك اطلاقا طول رقادي علي سدرا كما اي ام!!

ياسبحانه!

طبعا خالاتي كان بزعلن من الحركة دي لاني كنت بوسخ العناقريب لما اجي راجع البيت!

اما الطيور فيا الله!

اخير اقيف هنا!!!

هيثم غالي مشتاقين او مرحب بيك،

يبدو لي حاغامر واتوكل علي الحي واكتب بالسوداني، اي الدارجي، او مش عربي فصيح يضرس السنون.

انتبهتا للحتة دي لما لاحظتا اصرار اللبناني للتواصل،والكلام بي دارجيتو هو!

بالفعل هذا تلقائيا بوصلك بالقارئي، لانو العربي الفصيح التقليدي بيخلق حاجز بينك او بين المتلقي من غير المثقفاتية.

القراء غير السودانيين في تقديري مابكونو عندهم مشكلة تذكر، ده غير انو الاولوية للقراء داخل السودان اولا بغض النظر ومهما كلف!

حاتم تحياتي،

قطعا لا بد من موقع اسفيري، بالذات اليوتوب والفيس، ثم البقية بالعربي والانجليزي.

نعم في الاول لابد من كتابة ملخص للكتاب بالعربي، للتطبيق الصوتي ليكون مسموع بي لسانا الكوشي او بي صيغة مقبولة للكبار او ده اعترف ماساهل.

نعم قناة اليوتوب مهمة للغاية، تدي ملخص مدعوم بالفيديو للعمل ده، وانا راكب حماري بالعراقي لما ازور المواقع المحددة داخل السودان!!

معليش كرهتا لبس المنطلون حقيقة لله ولا ادري لماذا!!!

اوعدكم بي عمل، انتاج، او مدخل مختلف اختلاف جذري عن المتداول، فوق للمادة الحتكون من الورقة، بمعني غير مطروحة خالص خالص في السودان!

نعم حنبدا الهجوم علي المعسكر الاخر، في الكتاب ده، اي المدرسة الاوربية، في قارات العالم باسره، بدل الاكتفاء التقليدي بالدفاع عن ارثنا داخل السودان، او داخل كمت "مصر" فقط!

بالنسبة لينا هي حرب كونية حول ارثنا نحن، او مش فقط حتة ترف اكاديمي!

نعم سننقل المعركة الي قلب اوربا وامريكا تحديدا!!

سنقود مظاهرات في الشارع في الخرطوم ضد المقرر الحالي لتاريخ السودان القديم اللي صاغو الاستعمار بعد ما نصدر هذا العمل!

بانتظارك ياحاتم.

بشاشا أمبس سرن آقمن

أنت ما محتاج وصية بس be very careful don't insult, defame or disrespect anyone's beliefs

you know our people are very simple

بعدين بوجهك لي ناس تمشي تاكل معاهم سُق وكابد بالسمن والسكر ... يا الله

التحية ليك ولي ضيوفك الكرام

ود القاضي، امبس ارسي؟

ياعزيزي
خت في بطنك بتيخة صيفية، لاني اعلم اني بكتب للقارئي المعروف في هذا الفضاء بي "عزيز" بشاشا، وبالتالي المدخل والخطاب عن طريق الكتب مختلف اختلاف جذري عن سوح النزال الاسفيرية!

الاتين ماواحد، او عشان كده الخطاب ماممكن يكون واحد!

اطمئن،

كتر خيرك.

Quote: أن يأتي الكتاب يابشاشا باللغة الفصحى هذا خيار أفضل .. العامية السودانية أي نعم محببة للنفس لكنها لاتصلح .. لهكذا أطروحات فيها معلومات وحقائق ..

ود القوذ تحياتي او مرحب بيك،

كلامك معقول جدا، ولكن تركيزي الاساسي علي طريقة، اسلوب، ولغة توصلني للقارئ، او تدخلني بدل مجرد الحوش والديوان المخصص للضيوف، لا، داير اصل البرندة او التكل لو في طريقة زي زماااان، صينية القهوة بالبلح، نعم جبنة او فناجين، مش كبابي، والبخور مدور!!

من الاسباب، الغربة البحس بيها لما اقرا تاريخنا بالانجليزي، او بالذات نطق وكتابة الاسماء، والمعاني الروحية الكبيرة!

ليس هناك مايمنع توصيل الحقائق المجردة بي لغوة وخطاب الناس العاديين، البستعملو هكذا خطاب للتواصل في حياتم اليومية، او ده ماصدفة طبعا.

واضح ان هذه مغامرة، ولكن حنخوضا، باذنه!

حاتم ابراهيم سلامي،

في الانتظار تدينا فكرة عن تصورك لي تطبيق الكتاب المسموع.

النص حيكون بالعربي او بعد داك حنختار مترجم من من كل منطقة للقيام بالترجمة لي لسانا الكوشي.

في دترفور، الجنوب، الجبال، الشرق، ثم اقصي الشمال.

في البال ترجمة لهذا العمل باهم اللغات في شرق وغرب افريقيا كمدخل لبقية القارة، سوي كتابة متي ما امكن او صوت فقط.

اعلم انو مشروع ضخم، ولكن نحنو له!

سنختم كل هذا بي قيام Study Group كما يسمونه هنا في اوساط اهلي، افارقة امريكا.

لي الشرف اني تخرجتا من هذه المدرسة العريقة اوائل التسيعات اي قبل عصر الانترنت!

نعم اول حلقة حضرتها بالصدفة كانت عن مسقط راسي، دنقلا العجوز، وهذا الي هذا التاريخ مؤثر فيني!

هناك برامج محددة الان تتيح الفرصة لاي مجموعة في اي مكان كانو كافراد، ان يجتمعو او يتناقشو صوت او صورة كانهم في غرفة واحدة. .

هذا الاسلوب عريق جدا في مجتمعات اهلنا افارقة امريكا او لعب دور اساسي في حركة التحرر بصفة عامة، وحركة الوعي الكوشي بصفة خاصة!

نعم كنا نجتمع مرة في الاسبوع بعد الاتفاق لتناول كتاب بعينه، باسناد فرد او افراد بعينهم يدروسو باب محدد في الكتاب او يقدمو للمجموعة ماتوصلو اليه، ليبدأ النقاش، باقي اليوم حول هذا الباب تحديدا، وهذا اسلوب خلاق وعبقري يجعلك تقرا تلقائيا بدل كتاب واحد وباب واحد مجموعة كتب، بقراءت مختلفة من افراد متعددين في جلسة واحدة!

حقيقة محظوظ جدا جدا اني عبرت المحيط او جيت امريكا، عشان اتعلم للمرة المولي تاريخ بلدي، مع اني خريج تاريخ، متخصص في تاريخ السودان القديم افتراضا!

المحرج والمؤسف جدا زملاي في الزمن داااك اواخر الثمانينات وبداية التسعينات، وبما انهم عرفو اني نوبي، فكانو بنظرو لي كمرجع، وانا للاسف ما كنت بعرف التكتح، كحوار تراش مركزية اوربية!!!

يجعل سره فى أضعف خلقه!! ووعود الشبش كعينة العواء المرعده غير الممطره.

محمد حمزة مرحب بيك،

المادة ما اتكتبت بعد.

نعم اكتمل البحث، او جينا هنا ناخد فكرة عن افضل المداخل.

اقصد ان تضع المادة بعد كتابتها
على النت

سؤال للمهتمين بالنشر، الاكاديمي:

باستمرار بجيني بريد الكتروني من الموقع د:

https://www.academia.edu/upgrade؟feature=name_mentionsandtrigger=mentions-reminder-readers

نعم اسمو : Academia.edu

بقول كده:





لو عندك ورقة اكاديمية، منشورة، هم برصدو حسب كلامم، الجهات الاكاديمية او الافراد اللي استخدمو بحثك، ورقتك كReference .

انا قدمت بحث للجامعة الامريكية بالقاهرة منتصف التسعينات بعنوان:

The Fallacy Of Sudan Arabism

ولكن كما ذكرت، تم اعتقالي في مطار القاهرة الدولي، ووضعي في زنزانة علي انفراد مع حراسة مشددة في المطار بواسطة جهاز الامن المصري، ولم اتمكن من تقديم هذه الورقة، اللي الي هذا التاريخ انا لم انشر هذا البحث،

ولكن باستمرار بجيني اخطار، طبعا دعاية من الموقع اعلاه كل ما تمت الاشارة للورقة دي في البحوث الاكاديمية، وهذا غريب شوية، او بتخيل كده لاني مانشرت غير مايعرف بالabstract اكاديميا،

واللي كانت صفحة واحدة، كملخص للبحث بتاعي اللي اعتقلوني بي سببو المصريين في المطار وبالتالي انا ماقدمتا الورقة دي!

باختصار انا شاكي في الموقع ده، ولم اشترك بعد معهم لنشر ورصد هذا البحث، اعلاه.

بالمناسبة دي الرحمة علي روح امي، فاطنة احمد ابراهيم، "فاطنة السمحة" كما في احاجينا الكوشية، اللي كانت السبب المباشر في كل ما اتصل بهذا البحث، وحينها كانت تقيم معنا في كالفورنيا بدعوة رسمية من جامعة جنوب كالفورنيا UCLA ضمن اكبر 10 جامعات في العالم، بغرض تكريما، والاستعانة بي خبرتا.

اشهد هي الوضعت لي الخطة المحكمة لهذا العمل!

الغرض الاساسي كان اعلان نظرية الاصل الســـــوداني للحضارة طبقا للمدرسة الســــودانية اي الافريقية، من داخل كمت!

فاطنة الله يرحما هي النصحتني ابتعد عن وضع كلام كهذا في العنوان، او حذرتني شديد من التعامل بردود الفعل مع المخابرات المصرية لو وقفوني كما توقعت مقدما، وهذا ما حدث بالضبط!

ضابط الامن حاول استفذاذي بشدة ولكن تذكرت كلام امنا فاطنة ولم انفعل رغم الاستفزاز المتعمد من ضابط الامن "الهكسوسي"!!!!

منصور المفتاح مرحب بيك.

ناس Academia edu .. شركة ربحية .. تتاجر في البحوث والمصادر العلمية .. حرامية معلوماتية ..

أعمل كوبي أند بست للأتي:
Dear Scholars, Delete Your Account At Academia.Edu

أقر أسباب الدعوة المستمرة للأبتعاد عن الموقع ..

بريمة

شلوم بريمة،

اذا الشركة legit فمافي مانع اشترك معاهم لرصد ما اتصل بالورقة بتاعتي القدمتا ملخصا للجامعة الامريكية في القاهرة.

الطريف اليوم داك لما فكوني، بي نهاية المؤتمر، وانا مارق علي صالة المغادرة عشان ارجع كالفورنيا، لميت في واحد من اهلنا نوبة اسوان بالصدفة في الباب، قال لي وردي حيغني في الهلتون في ختام المؤتمر ده القبضوني بي سببو!

اها قمتا فللي علي الهلتون، ولما وصلتا الاستقبال، سالت الموظف: وردي في ياتو صالة؟

قال لي وبذات العنجهية، وردي مين؟

تخيلو!!

خليكم من الصالة، ماسمع زاتو بي واحد اسمو وردي، المصري!

نعم اتخيلو ام كلثوم بتاعم ولا عبدالحليم بغني في هلتون الخرطوم، مغقول موظف الاستقبال او ده شغلو مايكون زاتو سمع بي ع الحليم حافظ مثلا؟

معقولة، وهل هذا صدفة؟

نترك هذا للقراء.

سلامات بشاشا.. مبروك مقدما الكتاب.. ورد في العنوان

Quote: الاصل السوداني للحضارة: واقع ام خيال؟

اها هل هو واقع ام خيال؟
وكيف عرفت قبل ما تكتب الكتاب "البحث" انه واقع .. واذن لا داعي لكلمة خيال 😄.. مساك نور واثق ان لو قدر لك تمشي دنقلا سيرى الكتاب النور.

العزيز محمد جمال الدين مرحب بيك،

مشكور جدا لاتاحة الفرصة لنا للتعليق علي نقطة واقع ام خيال:

طبعا بالنسبة لي ومن بعد البحث والتقصي، فهذا واقع، اما بالنسبة للسوداني اللي ما استثمر وكت في الموضوع ده، او بي صورة مستقلة، وبالذات امثالك تحديدا من حواريي المركزية الاوربية، فهذا قطعا خيال!

لوما كده، هذا السودان اللي بالفعل لاقول، مركز دائرة هذا الوجود تاريخيا، ما كان وبحد السيف معلن، كحتة دويلة عربية، تبيد غير العرب، اي السودانيين اي السود اللي كانت ذات ملامحم المنبوذة دي، لسادة هذا العالم، تلاميذنا حينها، الكانو حايمين بي حتة جلد تور، يغطي العورة، ثم حجل في الرجل، و"تاتو"، كانت تمثل ملامح الذات الالهية بالنسبة ليهم، هم، مش احنا!!

كنتيجىة الهة، وآلهات قدماء الاوربيين كانو سودانيين تحديدا وسودانيات!

اكرر مش انبياء فقط ورسل كاعلي مقام للعربي اللي كنتيجة ادعينا هويتو، شغل تعري من هوية امثالنا اللي من قامو "عبيد" افتراضا، وانما الهــــــــــة عديل كده، جمع اله للذكور، والهـــــــــات جمع الهة للنساء!!

نعم الشعر الفلفلي تحديدا، النخرة "المفطوسة" بالفهم الحالي- وقبلها سواد البشرة، كانت تمثل في وعي اجداد الخواجات بتاعنك، سمات الذات الالهية، وليس البشر!

اذن ووفق معطيات الوعي الحالي، فكونو السودان الحالي، المرذول، المنبوذ، الملفوظ يكون مهد ومنبع الحياة المنظمة علي سطح هذا الكوكب، فهذا خيال، والا لما كنا الان نتخاطب بلغة الاعراب، ونحن من صاغ وابتدع اول لغة علي سطح هذا الكوكب!!

نعم لما ادعينا زورا وبهتان هوية مستعبدينا الاعراب، شغل جك من اصلنا لوكنا واعين بمن نحن، وماذا قدم امثالنا اباء وامهات البشرية!

اذن حنقدم ادلتنا ونترك الحكم للقارئي!

Quote: وكيف عرفت قبل ما تكتب الكتاب "البحث" انه واقع

قرقرقرقر!

نواصل مع الصديق محمد جمال

معقولة؟

الباحث بكون مافاهم التكتح عن المادة موضوع البحث، لحدي ما يكتب بحثو، حتين بعد داك وكاي قاريئ، يفهم الهو كان بسوي فيهو العمر ده كلو، في حالتي؟

الان ننتقل الي محتويات الكتاب ونعطي فكرة عامة عن النقاط الحيقطيها الكتاب بصفة عامة، وهذا مجرد تصور عام لنعطي القارئي فكرة عن مشروع البحث الحيغطيهو هذا الكتاب،

الحيكون تقديم للمدرسة السودانية اي الافريقية اللي مركزا حاليا امريكا، للمرة الاولي بقلم سوداني، للقارئي السوداني.

نعم حنعطي فكرة للقارئي عن طبيعة الصراع الكوني حول تاريخ السودان القديم بطول وعرض ال200 سنة الماضية، او كيف المقرر الحالي المتداول في السودان في مجال تاريخ السودان القديم صاغته مدرسة المركزية الاوربية،

ككل جوانب دويلة الاحتلال الثنائي الحالية، وكنتيجة السودان مازال مصري انجليزي كما اطلقو عليه، رسميا!

بعدها سنرصد اصل الحضارة السوداني مش فقط في افريقيا وانما حول العالم كالاتي:

*في الاول افريقيا، نبدا بالسودان.

*ثم كمت اي "مصر" بالعربي.

* ثم اسيا.

*امريكا الجنوبية.

*امريكا الشمالية.

*استراليا.

*ونختم طوافنا علي قارات العالم بي اوربا.

بعدها ننتقل لانواع المعارف لنثبت الاصل السوداني:

*للفلسفة.

*الاديان.

*الفنون وتحديدا كنموذج:

@الادب.

@الموسيقي.

@المسرح..


*العلوم بشقيها، وفقا للتصنيف الحالي، اللي طبعا اري اي اوربي- النظرية منها والتطبيقية، وان كان الامر مختلف اختلاف جذري في مرجعية اجدادنا، باعتبارها في الاساس وكقاعدة معارف روحية خرجت من معابدنا، نعم من برش الصلاة زي ما بنقول، من دون اي معامل او باحثين بالفهم الاري:

@الرياضيات.

@ علوم الفضاء الخارجي اي الفلك.

@الكيمياء (من كمت).

@الفيزياء.

@الاحياء.


*التطبيقية:

@الهندسة.

@الطب.

واضح ان هذا عمل ضخم جدا، او جديد من الورقة، او ده ماصدفة وانا لا استحق فيهو ولاحتي اجر المناولة زاتو!!

بمعني غياب طرح كهذا ماصدفة وانما by design كنتيجة مباشرة للحرب الكونية الدائرة حول ارثنا الحضاري، وكنتيجة ده حالنا اليوم، نعيش في حالة غيبوبة، لا ندري:

*من نحن؟

*اين نحن؟

*من اين وكيف اتينا الي هنا، نتمدد في قاع هكذا بركة اسنة!

كنتيجة تم استخدامنا كجنود في هذه الحرب الكونية، في المعسكر الاخر، كما اسلافنا من مجندي لواء مكدونالد اللي لعبو دور حاسم في معركة كرري اوبالتالي نجح مشروع اعادة احتلال السودان!

.

Quote: لو عندك ورقة اكاديمية، منشورة، هم برصدو حسب كلامم، الجهات الاكاديمية او الافراد اللي استخدمو بحثك، ورقتك كReference . انا قدمت بحث للجامعة الامريكية بالقاهرة منتصف التسعينات بعنوان: The Fallacy Of Sudan Arabism

Quote: اذا الشركة legit فمافي مانع اشترك معاهم لرصد ما اتصل بالورقة بتاعتي القدمتا ملخصا للجامعة الامريكية في القاهرة.

رسمية يا بشاشا وأنا بنشر فيها من أربعة سنوات تقريباً.
فيها آلاف المتخصصين من كل المجالات العلمية.

بيقدموا ليك إحصائيات عن الناس الاطلعت على المنشورات بتاعتك ببياناتهم الديموغرافية والأكاديمية.
عندهم نوعين من الخدمات مجانية ومدفوعة، الإيميلات البتجيك في الأساس ترويجية، لكن مبدئياً اشترك وانشر.

بس ما بنصح بالاشتراك بالخدمات المدفوعة حالياً.

ألف مبروك يا صديقي،
نحن ممكن ندعمك مادياً
ولو إحتجت لأي شيء نحن حاضرين لإثراء المكتبة السودانية

وكذلك من هسى أنا حاجز نسختي

تحياتي يا كمال بشاشا وبالتوفيق ومبروك مقدما..
بعيدا عن الصاح والغلط والاتفاق والاختلاف
فلا شك ابدا بخصوص احاطتك الكافية بكافة أطراف موضوعك.
كتاباتك الهنا دي براها لن تكفيها مجلدات حتى لو نقحتها تنقيحا.

بالتأكيد ستكون سلسلة مثيرة للدهشة وللجدل الثقافي كذلك..
وكلاهما أمر جيد وممتع ومحتاجين ليهو في توسيع الرؤى وتحفيز التفاكير...
من الآن أبشرك بنقد الكوشيين والنوبييين جحافل (المركزيين) ههههههها،
وبفلفة حتمية من جماعة الآثار والتاريخ والأديان والفلسفات وغيره..

قرأت تصوراتك عن شكل الإصدارات ومقترحات الأفاضل الكثيرة،
لكن الذي أتمناه فعلا هو أن تكون هناك إصدارة/نسخة بنفس لغتك البتكتب بيها هنا،
خاصة للمقدمة التي ستلخص كل محاور السلسلة..
فقط غير الـ (او) البتستخدما لواو العطف، بـ (ؤ) أو واو معاوية السودانية!
وأيضا.. فقليل من بهارات (الصدمة)، لن تضر أحدا وستحرر النقاشات!

مبروك يا زول، فحقا؛ لقد بذلت جهودا كبيرة ومشهودة وتستحق التوثيق والحفظ.
وبالتوفيق قدما.. في الكتابة وفي النشر وتفاصيله..

Quote: بيقدموا ليك إحصائيات عن الناس الاطلعت على المنشورات بتاعتك ببياناتهم الديموغرافية والأكاديمية. عندهم نوعين من الخدمات مجانية ومدفوعة، الإيميلات البتجيك في الأساس ترويجية، لكن مبدئياً اشترك وانشر

حاتم تحياتي،

الخبر الاكيد عن "جهيزة" التكنلوجيا، حاتم، قاطع قول كل خطيب!

مشكور.

مازلنا في انتظارك بخصوص مشروع تطبيق للكتاب بي لسانا الكوشي.

بالنسبة للمدونتر، قررتا ابعد من الموضوع ده في الخيط ده، لانو حيجرف موضوع البوست.

نعم كنت عايز انشر اسم بشاشا مكتوب بالمدونتر، مع الاهداء لابني بشاشا الصغير!

ولكن حانشر الكيبورد "كابشر" هنا يا حاتم، واتابع معاك في الخاص!

واثق انك ممكن تنجز مشروع كيبورد متفق عليه للكتابة بالمدونتر اي الهيروغلوفية ياعزيزي القارئي.

المشكلة الاساسية حتكون، اي لسان كوشي نستخدم لنطق رموز المدونتر، لتصميم كيبورد نكتب بيهو محليا داخل نطاق اللسان المحدد في السودان؟

انجليزي او اغريقي، او عربي، ماعايزين لو في طريقة، خالص!

انا عارف ده مشروع ضخم جدا جدا، او بيحتاج لمئات الالوف من المشاركين، ميدانيا لانجازو!!!

شكراً لعزيزنا بشاشا .. تابع المركزية الكوشية التي نحترم.. انا غايتو لغاية الكتاب ما يطلع ما أزال تبع المركزية الأروبية :) طبعاً حسب بشاشا وما شاء بشاشا فعل

Quote: نواصل مع الصديق محمد جمال معقولة؟ الباحث بكون مافاهم التكتح عن المادة موضوع البحث، لحدي ما يكتب بحثو، حتين بعد داك وكاي قاريئ، يفهم الهو كان بسوي فيهو العمر ده كلو، في حالتي؟

طيب أظن كان الافضل يكون العنوان: الاصل السوداني للحضارة، واقع وليس خيال (فل إستوب).. لأن كلمة واقع أم خيال تجعل من الأمر "فيفتي فيفتي" وعندك الأمر محسوم.. والأولى نبوءة والثانية علم!.

Quote: كنتيجة تم استخدامنا كجنود في هذه الحرب الكونية، في المعسكر الاخر، كما اسلافنا من مجندي لواء مكدونالد اللي لعبو دور حاسم في معركة كرري اوبالتالي نجح مشروع اعادة احتلال السودان!

دا كلام صحيح جداً عدداً من جنود الإحتلال سودانيين ومن ضمنهم والد البطل عبد الفضيل ألماز "مماليك سابقين".

وعلى ذكره هناك وجهة نظر تقول أن الكوشيين أنفسهم رقيق "مماليك" ذلك الزمان وتم إستخدامهم بواسطة آخرين لضرب وإنهاء الحضارة السودانية العظيمة السابقة عليهم وهي كرمة.. هل تستصحب في بحثك هذه الفرضية؟. ليس بالضرورة دا رأيي أو وجهة نظري الخاصة وإنما مجرد وجهة نظر أخرى. يعني خدها معاك كفرضية من الفرضيات ولو رأيتها شاطحة، أليس بحثك من اجل الحقيقة؟.

؟ماذا كان يسمي سكان السودان القدامى أرضهم وشعبهم

كوشيين.. لا أعتقد!

؟ماذا كان يسمي سكان السودان القدامى أرضهم وشعبهم

كوشيين.. لا أعتقد!

شخصياً على قناعة مناسبة أن الكرميين (حضارة كرمة) والنبتيين (نبتة) والمرويين (مروي) لم يعرفو
أنفسهم ابدا على اساس أنهم كوشيين (هذا إسم عبري ورد لاحقا في الكتاب المقدس وحده) بل هم كرميين ونبتيين ومرويين وأسماء تاريخية أخرى وفي العهد المسيحي نوبيين (ليس قبله في تصوري) وتوجد حتى الآن تلاتة مناطق في الخرطوم إسمها "النوبة" (النوبة قرية شمال جبل أوليا وقرية شرق محافظة الخرطوم وقرية شمال ام درمان) .. ونوبا أيضا اسم جديد تردد في عهود الدويلات المسيحية في تاريخ السودان وليس قبله كأسم لدولة أو شعب.. فقط في جوطة في الفترات التاريخية وخلط في معرفة أهل الأرض
بأرضهم وأنفسهم وأوصاف الآخرين لهم في التاريخ القريب وفي زمان المركزيات السابقة للأوربية.

وما كوش إلا إستلاف من الإسطورة العبرية وكلمة كوش حتى الآن في العبرية تعني الأسمر أو الاسود. الكتاب المقدس المعمول به رسميا دون في القرون قبل الميلادية المتأخرة حوالي 350 ق.م وتعرض لعدد من التعديلات في أزمنة لاحقة.

هل ستفكر في إسم غير كوش إن وردت لك تصورات معقولة أن كوش إسم يهودي لسكان شمال مصر كل الوقت ومثله والسودان عند العرب وأثيوبيا (هو اسم السودان قبل إثيوبيا الحالية) عند اليونانيين وهي بدورها تعني الأسود ولم يسمي السودانيين أبداً أرضهم بإرادتهم كوش أو أثيوبيا أو السودان وفق ما هو حادث الآن بل بل عندهم أسماء أخرى لأرضهم وشعبهم في كل مرحلة من المراحل التاريخية؟.

بالمناسبة الإسم كوش هو الإسم المحبب للمركزية الأوربية وهي التي تلقفته من الإسطورة العبرية كما فعلت المزيد في القراءة الآيديولوجية للتاريخ كتمهيد للإستعمار الغربي ذلك الأوان وحتى الآن. أظنك مهتم بهذا أفضل مني!. هل تفكر في هذه النقطة؟.

هل تؤمن بالإسطورة اليهودية أن كوش الذي تنسب انت الحضارة إلى نسله هو بالفعل: كوش بن حام بن نوح؟. او كما ورد في الكتاب المقدس؟
---
هل ممكن لتعم الفائدة ترد على كل تلك المزاعم بالأدلة التاريخية والأركولوجية والعلمية في الكتاب المرتجى؟. صباحك خير ونور ويدنا معاك ما طلبت العون المحدد.

---
التعديل: لا شي مهم!

Quote: اقصد ان تضع المادة بعد كتابتها على النت

أتفق تماما مع عبدالمنعم....

لا زلت يابشاشة أسير أسطورة "الكتاب"، لو كان هدفك هو إيصال بحثك إلى أكبر شريحة من الناس...

كون أن الخرطوم "تقرأ"، والقاهرة تكتب وبيروت تطبع، فتلك أسطورة وتزييف للمقولة ، وهي "بغداد" تقرأ..

لو أنك تريد الوصول إلى أكبر شريحة من الناس، فمحاضرات في يوتيوب هي أكثر فعالية ألف مرة من مادة مكتوبة.....

بالتوقيق ياباشا
ومن الواضح ان هذه سنين الأخيرة السودانيون حاول بخطوات بطيئه وخجوله عوده الي تاريخ السوداني الاصيل وعمقها الأفريقي بعد عده عقود من التشريق المصتنع.
بالرغم المصريون سرق من تاربخنا ومورثنا الحضاري الإنساني بسبب خجل وجحود حكوماتنا لهوبتنا وامتدادنا الأفريقي الكوشي الاصيل

النذير حجازي، يا صديق كتر الف خيرك،

شاكرين ومقدرين مشاعرك النبيلة.

الدرويش، شيخنا هاشم الحسن مرحب بيك،

اوعا تكون اتعقدتا؟

درويش هذا، مقام محدد في ارثنا الروحي الصوفي، الكوشي، وليس بالمعني القصدوهو الانجليز كالعهد بهم، ناس الحواس الخمسة!!

لي روحي اتمني اصل مقام كهذا، ياريت!!

الدرويش زول خلاص قدر يدي ام بنايا قش، بالشلوت، او بي كده بكون عايش الحياة الاخري، في الحياة الدنيا كصوفي، لو بالغريزة ام عن وعي!!

نخش في الموضوع:

فعلا، "او" هذه عاملة لي مشكلة، من سجلت هنا!

نعم غرضي اقو "اؤ" بمعني ب"الاضافة الي"، او مش بمعني or!!!

طبعا الاتنين بالنسبة لي، لغة اعاجم، فما فارق!!

شاكرووون!

Quote: هل يّعرف كيف انتهت مملكة مروي وكيف اختفت لغتها ؟ج : إنها نهاية في غاية الغموض هي الاخرى . ففي حوالي سنة 350 ميلادية ، بلغت الصحراء الكبرى قمة حالات الجفاف . فقامت مجموعة عرقية أصلها من غرب النيل ، يسميها الاغريق "النوباي" ، ومعناها العبيد في اللغة المروية ، قامت تلك المجموعة بالتوغل شرقاً (المترجم ) من اجل الوصول الى نهر النيل لكي ترعى مواشيها . الا ان هذه القبائل السيئة الصيت سوف تتغلب على المرويين ، وتسهم في سقوط مملكتهم . --- مقطع عالم اللغويات الفرنسي كلود رييي Claude Rilly شامبليون اللغة المروية

تطرق لينا أيضا في الكتاب عن عدد المرات التي غزا فيها المماليك "العبيد" تلك الحضارات القديمة وصنعوا التاريخ من جديد إذ ليس اول مرة هي كرري 1898م بل هناك المزيد في التاريخ السحيق!

من هم تتر الحضارات السودانية؟

Quote: لم ترد إشارة في المصادر إلى تحركات سكانية جديدة حتى بداية القرن الثالث عشر الميلادي حيث جاء خبر تحرك سكاني أتى من الجنوب أطلقت عليه المصادر العربية اسم الدمادم. ذكر ابن سعيد المغربي (كتاب الجغرافيا، موقع الوراق. ج 1 ص 1) أنهم خرجوا "على بلاد النوبة والحبشة سنة سبع عشرة وستمائة [1220م] في طالع خروج التتر على بلاد العجم. وهم تتر السودان." وقد اتفقت أغلب المصادر العربية على وضع الدمادم في المنطقة الواقعة جنوب حدود السودان واثيوبيا الحاليتين واتفقت على وصفهم تتر السودان. ذكر ابن خلدون (كتاب العبر، موقع الوراق. ج 1 ص 199) خروجهم على الحبشة، وذكر الدمشقي وابن الوردي أنهم " تتر السودان، يخرجون عليهم كل وقت فيقتلون ويأسرون وينهبون" (أنظر مصطفى محمد مسعد، المكتبة السودانية، ص 211 و216 وابن الوردي، خريدة العجائب وفريدة الغرائب، موقع الوراق. ج 1 ص 29) ويبدو أن الدمادم اسم عام أطلق على الهجرات التي اجتاحت المنطقة الواقعة بين حدود مملكة علوة الجنوبية والقرن الأفريقي. كما يبدو أن تلك الهجرات كانت كبيرة العدد وعنيفة لدرجة وُصفت كتحركات المغول. ومن المقبول جداً أن تكون الهجرات التي دخلت مملكة علوة أدت إلى إضعاف سلطة المملكة، ولعل ذلك يتضح في وجود عدد كبير من الممالك وفي الاضطراب الذي كان سائداً في المنطقة إبان دخل سفارة المماليك في نهاية القرن الثالث عشر والتي أرسلت إلى عشرة ممالك في السودان كما ذكر ابن عبد الظاهر. (في مسعد، المكتبة السودانية، ص 196 – 197) وربما كان أثر هذه الهجرة على مملكة علوة في النواحي السياسية والتركيبة السكانية واللغوية مثل هجرة النوبة على مملكة كوش في القرن الرابع الميلادي --- مقطع من د. أحمد الياس حسين .

نتمنى أن نقرا في الكتاب المرتجى إضاءات على كل تلك المحاور

Quote: لو أنك تريد الوصول إلى أكبر شريحة من الناس، فمحاضرات في يوتيوب هي أكثر فعالية ألف مرة من مادة مكتوبة.....

تحياتي ياخواض،

مافي شك اليوتوب هو افضل وسائل النشر، ولكن هذا مشروع منفصل شغال فيهو.

نعم لاحظت موضوع تاريخ السودان في اليوتوب بنافس افضل واكبر برامج الغنا في السودان، ولكن كلو بالانجليزي طبعا ولهذا بلم كل سكان قارات العالم.

عادي الشريط يدق ال1,000,000 نقرة في خلال شهور، وهذا عجيب يوضح مدي الاهتمام بهذا الموضوع والصراع العنيف جدا معظم الوكت حول هذا الموضوع، بالذات مابين بيض امريكا واهلنا افارقة امريكا اي تاريخ السودان القديم وتحديدا "كمت" بالذات.

نعم في برنامجي بالنسبة لليوتوب بخلاف الترجمة، حيكون هناك برنامج ثابت ندير فيهو حوارات، مقابلات مع ابرز المختصين في هذا المجال، اللي ناسنا ما بعرفو عنهم شئ اطلاقا.

العشم ده كلو ينتهي بنا المطاف الي محطة تلفزيونية متخصصة في تاريخ الثقافة الكوشية، تبث من هنا، نعم من كالفورنيا موجهة لشرق وغرب افريقيا او مش فقط السودان.

Quote: هل يّعرف كيف انتهت مملكة مروي وكيف اختفت لغتها ؟ج : إنها نهاية في غاية الغموض هي الاخرى . ففي حوالي سنة 350 ميلادية ، بلغت الصحراء الكبرى قمة حالات الجفاف . فقامت مجموعة عرقية أصلها من غرب النيل ، يسميها الاغريق "النوباي" ، ومعناها العبيد في اللغة المروية ، قامت تلك المجموعة بالتوغل شرقاً (المترجم ) من اجل الوصول الى نهر النيل لكي ترعى مواشيها . الا ان هذه القبائل السيئة الصيت سوف تتغلب على المرويين ، وتسهم في سقوط مملكتهم . --- مقطع عالم اللغويات الفرنسي كلود رييي Claude Rilly شامبليون اللغة المروية

تطرق لينا أيضا في الكتاب عن عدد المرات التي غزا فيها المماليك "العبيد" تلك الحضارات القديمة وصنعوا التاريخ من جديد إذ ليس اول مرة هي كرري 1898م بل هناك المزيد في التاريخ السحيق!

حياك الله يا بشاشا وجهد مقدر
وفعلا يا ريت لو في دارنش عبر هذا الموقع تطبع ابداعات السودانيين وتنشرها عبر العالم
هذه الموقع الامريكي ممتاز وسبق نشرت عبره كتاب شعر ووصلني امازون
ما بكلف اكثر من قدرة عالية في الطباعة والالكرتونية وفيزا كارد لاحاقا لاستلام النسخ التجربية

Quote: طيب أظن كان الافضل يكون العنوان: الاصل السوداني للحضارة، واقع وليس خيال (فل إستوب).. لأن كلمة واقع أم خيال تجعل من الأمر "فيفتي فيفتي" وعندك الأمر محسوم.. والأولى نبوءة والثانية علم!.

العزيز محمد جمال مشكور علي المثابرة

جزئية واقع ام خيال الغرض منو ترك الاستنتاج للقارئي، بناءا علي الادلة المقدمة في هذا العمل، انطلاقا من انو طرح كهذا جديد او غير مبذول في المقرر الحالي اللي صاغو الاستعمار، انطلاقا من نكتة الاصل الاري للحضارة، بما في ذلك حضارة السودان ذات نفسو!

نعم كطالب تاريخ، في كلية غردون التذكارية، استاذي السوداني قال لي كده، وهذا عجيب للوهلة الاولي!!

Quote: وعلى ذكره هناك وجهة نظر تقول أن الكوشيين أنفسهم رقيق "مماليك" ذلك الزمان وتم إستخدامهم بواسطة آخرين لضرب وإنهاء الحضارة السودانية العظيمة السابقة عليهم وهي كرمة..

مافي علاقة مابين عصر كرمة وعصر المماليك، ولكن المماليك فعلا لعبو دور كبير في القضاء علي اخر المعاقل، وبوابة الفيضان، عرش كوش، في دنقلا في القرن الرابع عشر ميلادي، وليس كرمة.

لوغرضك مماليك بي معني سودانيين مستعبدين، هم النهو كرمة، فهذا مضحك بحق يعبر عن عقلية البتكلم كده باكثر منه عن الموضوع البتكلم عنو!

في عصر كرمة اي قبل اكثر من 4,000 سنة من تاريخ، السودانيين كانو مستعبدين؟

بواسطة من؟

يازول في الزمن داك ماكان في وجود يذكر ذاتو لي غيرنا حضاريا، وهذا الكون حينها كان تحت مداسنا لامؤاخذة، تقول لي سودانيين مستعبدين؟

دعك من الزمن داك، لحدي نهاية مملكة كوش في مروي جل العالم باسره كان مقسم الي غرب وشرق السودان او اثيوبيا، بمعني اسيا كلها كان يشار اليها كشرق السودان اي اثيوبيا، وبالفعل اسم كوش منتشر بكثافة الي هذا التاريخ بطول وعرض اسيا!

Quote: شخصياً على قناعة مناسبة أن الكرميين (حضارة كرمة) والنبتيين (نبتة) والمرويين (مروي) لم يعرفو أنفسهم ابدا على اساس أنهم كوشيين (هذا إسم عبري ورد لاحقا في الكتاب المقدس وحده)

اسم كوش وايضا او بي صورة اكبر اسم مروي، يدور حولهما جدل كبير.

ولكن الثابت اسم "كوش" سوداني اي كوشي من Qevs.

بمعني في 1914 تم العثور علي وثائق اسببت اصل هذا الاسم اي كوش السوداني، وهذا الاسم مدون في الوثائق الكمتية من كمت، اي مصر بالعربي، ابنتنا الكبري، وايضا في الوثائق العبرية والفارق لاي سبب، في الوثائق العبرية بيكتبوها بالانجليزي بي صيغة Cush بالC، اما في وثائق كمت اسم كوش بيكتب بي حرف الK، اي Kush.

قطعا ما حاخوض في مشروع هذا الكتاب في التفاصيل دي، لانو الكتاب حيكون ملخص ومقدمة كمدخل لدراسة وتناول تاريخنا من وجهة نظر:

ســـــــــــودانية اي افــــــــريقيــــــــة للمـــــــــرة الاولـــــــــي!

كل بند في الكتاب ده حيكون مشروع كتاب قائم لذاتو بل ربما كتب!

الفلسفة مثلا كما اسموه الخواجات، بي مفردا محتاجة لي كتب مش كتاب، دع عنك باب في كتاب!

تاريخ السودان في اوربا لوحدو محتاج لي كتاب!

تاريخ السودان في الولايات المتحدة الامريكية محتاج لي كتاب واضيف فيديوهات!

جاييك لي موضوع اللقط حول اسم مروي كنموذج للبلبلة البثيروها جنود المعسكر الاخر، اي المعسكر الاري!

تذكرو يا سودانيين:

هذه حرب كونية تدور رحاها، حول ارثكم الحضاري لانو الوعي هو امضي الاسلحة علي سطح هذا الكوكب، اي الارض، وليس القنبلة الذرية كما نتوهم!

يكفي حالنا اليوم كسودانيين، مقارنة بماضينا كنتيجة مباشرة للهيمنة المطلقة علي وعينا المغيب، المحتل، المستعمر، المسترق، من قبل مستعمرينا ومستعبدينا!

نقطة نظام ياعزيزي محمد جمال:

شايفك بتستعمل مصطلح "عبيد" بي براءة او تلقائية شديدة في الاشارة الي سودانيين زيك، وهذا عيب او غلط، لو تاريخيا او اخلاقيا او من منظور معرفي.

افهم "مستعبدين" مثلا بغض النظر، لانو موضوعي باعتبار المجني عليه ضحية اعتداء معتدي عليهو استعبدو، او مش صفة بالميلاد لايا كان عشان تقول عليهو "عبد"!

ياعزيزي لازم تتفهم طبيعة الصراع الكوني الدائر حول تاريخنا، بحيث انك تعرف مقدما، البقول الكلام ده اقصد اي كلام، بينطلق من ياتو مرجعية، من ياتو معسكر، من ياتو مدرسة!

نعم لازم تعرف هو جاي وين عشان تعرف هو ماشي وين!

هذا مهم للغاية كمنهج لدراسة هذا الحقل اي تاريخ السودان الملغوم جدا جدا لانو ساحة حرب لخطورة هكذا وعي في اوساط السود علي مصالح القوي المهيمنة علي عالم اليوم!

انا ناقشت الموضوع ده وجها لوجه مع المئات من بيض امريكا تحديدا، ولهذا عارف بقول في شنو عن تجربة فيما يختص بخطورة عودة الوعي الكوشي للانسان الاسود علي مصالح المهد الشمالي المنفرد بعالم اليوم!

الموضوع ده، معقد، مركب، مشربك، بي صورة ليس من السهل علي عابر السبيل، اي غير المتخصص ومن منطلق وعي كوشي ان يدرك تفاصيل هذه اللعبة!

كمثال خد كلام الفرنسي المستنكح المستعلواتي العنصري اعلاه، بتاع نوبي معناه "عبد" في اللغة المروية!

نعم شوف البراءة بل السذاجة البتعاملو بيها ناسنا مع هؤلاء، انطلاقا من ذات وعي الانبهار والاعجاب المفرط بالخواجة، اي الانسان الكامل في وعينا المسترق الحالي!

لاحظ للمستعلواتي ده بتكلم كيف عن كمت!

نعم حريص جدا جدا كما غيرو من نازية البيض علي فصل كمت عن نوبيا او السودان ، هل تدري لماذا؟

لاحظتا لي كلامو عن اللغات الارية الرفيعة في مقابل اللغات الذنجية الرقيعة؟

زي ده جماعاتنا، وبذات السذاجة ثم الانبهار بقولو عليهو ابرز خبير في اللغة المروية!!!

لاحظ ليهو الحبرتجي بقول كيف هو بحب الافارقة المستهبل كالعهد بهم كقاعدة!

حاجيب ليك مقطع لي كلام واحد من ملوكنا في مواجهة جاسوس ايراني اي فارسي، جانا عامل مقددا، قبل اكثر من 2,400 سنة عن العدل، الاستعمار والعبودية!!

ذا كلامك ادناه.. فقط انا حاولت اقول ليك أن هناك مسافات في التاريخ وجب اضاءتها أيضا في الكتاب أو هي الآمال لمزيد من العلم بالشي ومن ثمة رسوخ القناعة

Quote: كنتيجىة الهة، وآلهات قدماء الاوربيين كانو سودانيين تحديدا وسودانيات! اكرر مش انبياء فقط ورسل كاعلي مقام للعربي اللي كنتيجة ادعينا هويتو، شغل تعري من هوية امثالنا اللي من قامو "عبيد" افتراضا، وانما الهــــــــــة عديل كده، جمع اله للذكور، والهـــــــــات جمع الهة للنساء!! نعم الشعر الفلفلي تحديدا، النخرة "المفطوسة" بالفهم الحالي- وقبلها سواد البشرة، كانت تمثل في وعي اجداد الخواجات بتاعنك، سمات الذات الالهية، وليس البشر! اذن ووفق معطيات الوعي الحالي، فكونو السودان الحالي، المرذول، المنبوذ، الملفوظ يكون مهد ومنبع الحياة المنظمة علي سطح هذا الكوكب، فهذا خيال، والا لما كنا الان نتخاطب بلغة الاعراب، ونحن من صاغ وابتدع اول لغة علي سطح هذا الكوكب!! نعم لما ادعينا زورا وبهتان هوية مستعبدينا الاعراب

تاريخ استغلال الإنسان لأخيه الإنسان أقدم مما نظن.. هذا ما اعنيه.. وهذا وجب الإحاطة به كله في رقعتنا الجغرافية.. ذلك مهم للعلم الحق بالشي وجلاء الصورة الواقعية.
اما حقوق الإنسان في الراهن فهي غربية تماما حتى هذه اللحظة.. ومعلوم كيف تقول وتكتب الناس وفق تلك الإعلانات العالمية لحقوق الإنسان والأخلاق الإنسانية التي للأسف صنعها الرجل الأبيض وحده في هذا العصر.. نحن لسا في السودان وفي الجانب الآخر من الكوكب نعيش في التاريخ.. وبما انك تعدني من المركزية الأوروبية فنحن إذن نعرف حقوق الإنسان أكثر من حضارات الماضي 😅

---
استخدام كلمة رقيق وعبيد هو مجاراة للغتك انت دوما وفي هذا البوست وفي الاقتباس اعلاه.. هل تفرق أن قلنا مستعبدين لا عبيد.. لا اظن.. علينا أظن محاربة القبح عمليا لا شكليا فحسب.. لا تنسى اننا نتحدث عن جماعة مزعوم في نص الخواجة أعلاه انها السبب في انهيار آخر حضارة سودانية عظيمة وهي مروي سنة 35 ب م.. هذه النقطة الجوهرية هنا!.
واعرف انك قلت انك لا تود مناقشة نقاط تفصيلية في الكتاب.. إذن لا داعي لمقترحاتي هنا لأنها فعلا تفصيلية.. اقدر قرارك طبعا

أعني سنة 350 ب م (إشارة إلى آخر مداخلة اعلاه)

Quote: استخدام كلمة رقيق وعبيد هو مجاراة للغتك انت دوما وفي هذا البوست وفي الاقتباس اعلاه..

محمد ياعزيزي،

وين بشاشا وصم سودانيين زيو ب"العبيد"؟

انا بتكلم عن تنميط الاخرين لنا ك"عبيد"، او بعد ده قنا افتراضا، او ختيناهو بين قوسين!

اما انت، فسوداني وتنمط سودانيين زيك، من اجدادك ك "عبيد" عادي من دون تقويس!

بخلاف حالات الاسر في الحروب، ليس هناك مايدل علي استرقاق السوداني للسوداني، بالصيغة العايشناها نحن كقوم سود علي ايدي القوقاذ، اطلاقا.

لهذا فمنطلقك طبعا مفضوح لي تصورك المسبق لتاريخ استغلال الانسان لاخيه الانسان!

نعم انت بتتصور هذا كان في الماضي فقط، اما الان انتهي بفضل استنارة امثال الطرمبة في البيت الابيض، اي الخواجات او كده!!!

بالنسبة لي ككوشي اشهد، ومقارنة بعصر سيادتنا، ان ال2,000 سنة الماضية تمثل اسوأ عصور الاستغلال للانسان باسم الدين، علي اساس العرق، لون الاضان، وباسم العلم وباسم الحضارة، وتحديدا امثالنا من "الذنوج" حتي علي ايدي اخوانم "الذنوج" بالوكالة!

انا يبدو لي فهمتا كلامي عن عبادة الانسان الاسود كاله في عصر سيادتو، خطأ!

هذا حدث طوعا واختيار بواسطة الاخرين، كنتيجة مباشرة للنموذج القدمو الكوشي في سلوكو وما انجز، فوق لي ريادتو او روحانيتو، مش بالغزو، بالسطو، بالاحتلال، الاستعمار، والاسترقاق للاخر المختلف بي مفردات ادبيات خطاب الثقافة الارية السائدة!

نعم ما كان عندنا مفاهيم اخر، او مختلف من اساسو كاباء وامهات للبشرية!

حارجع واواصل من مكان وقفتا واقدم كلمة احد ملوكنا قبل اكثر من 2,400 سنة، الوجهو للايرانيين وهو يخاطب جاسوس اتي الي ديارنا كمبعوث لي ملك الفرس، وعلاقة هذا بالبلبلة الاثيرت حول اسم مروي.

يتبع...

فيما يلي نص خطاب او كلمة قدما احد ملوكنا في حضور جاسوس ايراني جانا في هيئة مبعوث ملكي ايراني:

The king of the Persians sent you not with these gifts because he much desired to become my sworn friend; nor is the account which you give of yourselves true, for you are come to search out my kingdom.
Also your king is not a just man; for were he so, he would not have coveted a land which is not his own, nor brought slavery on a people who never did him any wrong. Bear him this bow, and say:
'The king of the Ethiops thus advises the king of the Persians; when the Persians can pull a bow of this strength thus easily, then let him come with an army of superior strength against the long-lived Ethiopians.
Till then, let him thank the gods that they have not put it into the heart of the sons of the Ethiops to covet countries which do not belong to them.' "

حنترجم النص اعلاه ونعطي نبذة عن الحصل، والاهم علينا التركيز علي كلامنا جدنا ده، عن الاستعمار واستعباد الاخرين!

يا الهي!!

...يتبع....

عزيزي القارئ،

راس الدولة في تاريخ السودان تاريخيا كان وكقاعدة من اقطاب الصوفية بي تعابير عصرنا اشبه مايكونو في عصرنا بي امثال الشهيد محمود، الياقوتي، البرعي، او ازرق طيبة ... الخ.

لهذا فيما اتصل بالسياسة ممكن نخلص ارثنا كلو في مفردة واحدة لاغير، هي مفردة:

*عدالة..
او
*عدل..

لانو المنطلق دائما وابدا روحي!

لهذا حوارنا افلاطون مؤسس ما اسموه الخواجات، "فلسفة" اي Philo-Sophy لذات التصوف الحالي، نعم Sophy قال نظامنا التعليمي ينتج بشر، بينما نظامم هم، ينتج حيوانات!!!

لهذا ماصدفة كيف جمهورية افلاطون مستلهمة من وحي ارثنا الروحي الصوفي الكوشي عكس التصور العام، ولهذا كانو بشيرو لي رموذنا علي مستوي راس جهاز الدولة، كفلاسفة!

طيب خلونا نخش في موضوع الكلمة او الخطاب الوجهو احد ملوكنا للجاسوس الايراني ونبدا بالترجمة الاقرب للشرح:

The king of the Persians sent you not with these gifts because he much desired to become my sworn friend; nor is the account which you give of yourselves true, for you are come to search out my kingdom.

جدنا قال للجاسوس اللي جانا في لباس مبعوث او موفد من ملك ايران Cambyses اللي يشاع امو كانت كوشية:

ملك الفرس، ما رسلك بلحيل، خامي الهدايا دي لينا، كعربون صداقة، وانما للتجسس علينا وليس الا!

Also your king is not a just man; for were he so, he would not have coveted a land which is not his own, nor brought slavery on a people who never did him any wrong

نعم، ملكم ده، انسان ماعادل.

والا لما طِمِع في اوطان الاخرين، او اتي بالعبودية لابرياء ما ضروهو بي شئ!(1).

Bear him this bow, and say: 'The king of the Ethiops thus advises the king of the Persians; when the Persians can pull a bow of this strength thus easily, then let him come with an army of superior strength against the long-lived Ethiopians. Till then, let him thank the gods that they have not put it into the heart of the sons of the Ethiops to covet countries which do not belong to them.' "

علي كده، اها في مقابل الهدية الرسلا لي، الملك بتاعك، انا بهديهو هذا القوس، او بقول ليهو ملك السودان بقول ليك، لو قدرت تفرد قوس بهذه الصلابة، فيازول علينا جاي باعظم ما تملك من جيوش نحن السودانيين، طويلي العمر!(2)

نعم قول ليهو، اشكر ربك، الماوضع في قلب السودانيين نزعة السطو علي اوطان الاخرين!!



(1) الاشارة هنا في الغالب، وهذا استنتاج من لدن بشاشا لي غزو واحتلال الفرس لي كمت قبل محاولات غزوهم للسودان الفشلت فشل ذريع.

(2) طويلي العمر، كان هو انطباع قدماء الاوربيين العام عن السودانيين اللي كان الواحد فيهم فعلا طويل العمرMacrobians مقارنة بالاخرين في عصرهم، وكذلك اشتهرو بي انهم اسعد البشر، والاكثر روحانية فوق للاكثر عدلا، بل والاجمل!

لاحظ الخواجات حاولو ينقلو صفة الMacrobians اي طويلي العمر، للهنود!

اي سكان الهند الحالية من منطلق استعلاء عنصري طبعا!!!

Quote: هل يّعرف كيف انتهت مملكة مروي وكيف اختفت لغتها ؟ج : إنها نهاية في غاية الغموض هي الاخرى . ففي حوالي سنة 350 ميلادية ، بلغت الصحراء الكبرى قمة حالات الجفاف . فقامت مجموعة عرقية أصلها من غرب النيل ، يسميها الاغريق "النوباي" ، ومعناها العبيد في اللغة المروية ، قامت تلك المجموعة بالتوغل شرقاً (المترجم ) من اجل الوصول الى نهر النيل لكي ترعى مواشيها . الا ان هذه القبائل السيئة الصيت سوف تتغلب على المرويين ، وتسهم في سقوط مملكتهم . --- مقطع عالم اللغويات الفرنسي كلود رييي Claude Rilly شامبليون اللغة المروية

Quote: تطرق لينا أيضا في الكتاب عن عدد المرات التي غزا فيها المماليك "العبيد" تلك الحضارات القديمة وصنعوا التاريخ من جديد إذ ليس اول مرة هي كرري 1898م بل هناك المزيد في التاريخ السحيق!

Quote: هل تفرق أن قلنا مستعبدين لا عبيد.. لا اظن..

أستاذ محمد جمال يبدو إنك مقتنع بكلام المدعو كلود ريلي ذراع الكوشيين الجدد لتشويه وتسفيه كلما لديه صلة بالنوبة والنوباي والنوباتيا والنوباوي والنوبي والنوبري ذاتو
بعدين كيف ما في فرق بين مستعبد وعبد أو مستعبدين وعبيد ؟

من أهداف الكوشيين الجدد

أولا إبعاد النوبة بأي شكل كان عن الحضارة الكوشية
ثانيا حصر حضارة كوش في منطقة مروي وما جاورها فقط لا غير

طبعا الخواجة كلود ريلي درس وعرف نفسيات ناسنا المساكين بتاعين كوش الجدد فبيسمعهم الكلام اللي بيعجبهم ويريحهم ... شوفوا قال شنو؟ النوباي قبيلة جاية من الصحراء
غرب النيل .. طيب يا خواجة إذا النوبة نبت شيطاني خرج من بطن الصحراء فكانوا عبيد لي منو؟ وكيف قدروا يدمروا حضارة كانت هي السايدة والمتسيدة علي الدنيا كلها؟؟؟

للأسف بعض من يدعون أنفسهم علماء وباحثين تاريخ وتراث وعلم إنسان وإجتماع من السودانيين واقعين في فخ وشرك الخواجات من حيث يدروا أو لا يدروا وهذه هي المصيبة

Quote: بالرغم المصريون سرق من تاربخنا ومورثنا الحضاري الإنساني بسبب خجل وجحود حكوماتنا لهوبتنا وامتدادنا الأفريقي الكوشي الاصيل

سليمان تودي مرحب بيك، شرفتا.

ياعزيزي في السودان المازال مصري، اي هكسوسي، وطبقا للمقرر الرسمي لتاريخ السودان القديم "افتراضا" اللي صاغو الاحتلال الثنائي، مصري بالمعني التاريخي، معناها مصريي اليوم تحديدا!!!

ده هو التصور العام المسبق في فاخورة حتي حملة الدكتوراة، في السودان، في المجال ده، طبقا لي طرح المركزية الاوربية، لدرجة الموضوع ده ماعايز نقاش زاتو من شدة ما مسلم بيهو!

مصريي اليوم واعين بي ده كلو، ولهذا جهاز مخابراتم مستعد يكتل كل من تسول له، نفسه هبش الحتة دي!

لهذا تم اعتقالي في مطار القاهرة الدولي في منتصف التسعينات ووضعي في زنزانة منفصلة، تحت الحراسة، مع انو عنوان الورقة الكانت مفروض تتقدم كان عن نكتة عروبة السودان تحديدا!

ذي ما قتا، سلفا كنتا متوقع حاجة قبل ما اصل مطار القاهرة، ولكن بعد ما اقدم ورقتي او مش قبلها!

نعم ضابط المخابرات المصري كان ملم بي موضوع الورقة بتاعتي، او ده، خلعني حقيقة!

نعم اطلاقا ما خطر بي بالي، ورقة بحث اكاديمي مقدمة الي مؤسسة اكاديمية، بتاع الامن حيتطلع عليها قبل ما تقدم!!

انا عرفتا ده كلو لانو بتاع المخابرات او بي حرقة، حاول يعيرني باستخدام الكتبتو، بما معناه، ده عيب، وانتا عربي، وماشابه!!

في سري طبعا، قتا ليهو، لو فعلا امثالنا من "النوبة" كانو عرب في عيون امثالك، فهل ده، كان بكون حال "عم عبدو" اياه، بتاع الدراما الخديوية، السفرجي، البواب، العبيط الاهبل كما نمطوه؟

الي هذا التاريخ، في كل 1,000,000 سوداني، ممكن او احتمال تلاقي واحد مؤمن بي انو قدماء الكمتيين وحضارتم، لاعلاقة لها، لهم، بمصريي اليوم، وثقافتم اطلاقا!

لي روحي، عرفتا الكلام ده، بعد ما قطعت المحيط او وصلت كالفورنيا، اواخر الثمانينات!

اطلاقا ما خطر بي بالي، وانا سوداني، متخصص في تاريخ السودان القديم، ان مصريي اليوم لاعلاقة لهم بكمت، الا كوافدين، لاجئين، مهاجرين، غزاة، ومستعمرين!

نعم في امريكا عرفت للمرة الاولي انو هذا الرجل:

مات مقتول، كاول شهيد في تاريخ الصراع مابينا وهؤلاء المصريين، قبل اكثر من 5,000 سنة من تاريخ اليوم، وهو يقود المقاومة ضد هجمات اجداد مصريي اليوم علي اهلنا في اسوان اليوم!!!

هذا الرجل، هو اول "فرعـــــــــــــــــــون" بي تعابير ادبيات الثقافة العربية، حيث مفردة "فرعون" هذه وافدة، ومؤسس حضارة كمت علي مستوي جهاز الدولة!

هذا الرجل اسمو APA نعم بي لسان اهلنا في دنقلا، في الجبال، في اسوان، المفردة تعني "ابانا" او "ابوي". هذا الرجل، جيشو اللي وحد كمت شمال وجنوب، كان من جنوب السودان الحالي!! صورة هذا الرجل، تعتبر اقدم صورة لي فرد بعينه، في تاريخ البشرية كلها!!!

واخيرا، هذا الرجل، كان من نوبة اسوان الحالية، بي تعابير عصرنا! نعم هذا الرجل او صورتو، او بالذات صورتو محاربة في المواقع المصرية!!!

هي فعلا صورة خطرة جدا، وتكفي بي مفردة لحسم هذا الصراع الكوني Once and For All!!!!0

سلامات محمد محمد قاضي.. شكرا لك

Quote: أستاذ محمد جمال يبدو إنك مقتنع بكلام المدعو كلود ريلي ذراع الكوشيين الجدد لتشويه وتسفيه كلما لديه صلة بالنوبة والنوباي والنوباتيا والنوباوي والنوبي والنوبري ذاتو بعدين كيف ما في فرق بين مستعبد وعبد أو مستعبدين وعبيد ؟ من أهداف الكوشيين الجدد

لا والله ما عندي علم بدا.. كلام غريب عندي.. انا فقط هنا نقلت ما قال القائل لمصلحة الحوار وتنويع الرؤى

عادل امين، تحياتي او مرحب بيك،

مشكورعلي المعلومة.

عندك اي معلومات اضافية عن النشر داخل السودان؟

امازون نعم مطلوب في المهاجر ولكن لا ادري فيما اتصل بالنشر داخل السودان.

ما اظن امازون بينفع داخل السودان.

مبدئياً يا بشاشا بتحتاج موقع لإدارة المحتوى
وفي الحالة دي مافي أسهل وأنسب من ووردبرس
wordpress

لأنو من الواضح أن المحتوى يشمل أصناف متنوعة
والأنسب الاشتراك الرسمي في الموقع وهو خدمة مدفوعة ويريحك من تعقيدات مزودي الخدمة
ويكون عليك الاهتمام بالمحتوى فقط، دا من ناحية المادة وبالتأكيد في إمكانك الكتابة بأي لغة مكتوبة
أما بالنسبة لأي نظام كتابة غير متوفر في الكيبورد أو مدعوم من الووردبريس فأنا على استعداد لتقديم العون.


ثانياً حتحتاج لقناة على اليوتيوب بخصوص المادة المسموعة الموجهة بلغات ولهجات مختلفة وبالتأكيد معاونة من شخص
متخصص في عمليات التسجيل والمونتاج، لا اعتقد أن هنالك تكلفة تذكر.

القناة كذلك يجب أن تكون مسجلة رسمياً عند غوغل.

.*.

Quote: طبعا الخواجة كلود ريلي درس وعرف نفسيات ناسنا المساكين بتاعين كوش الجدد فبيسمعهم الكلام اللي بيعجبهم ويريحهم ...

ود القاضي سرن اقمن؟

عشان نكون صادقين، من الجهة الاخري السويسري اياهو برضو درس او عرف نفسيات "النوبيين الجدد" بذات الطريقة!

الاتنين والمدرسة الاوربية كقاعدة خليك عارف ماعايزين غير الشماليين تحديدا او نموذج انسان شرق افريقيا بعامة كجزء من هذا التاريخ.

ده زاتو اضطرو ليهو اضطرار بعد ماهزمو في الميدان شر هزيمة، ولتمرير نكتة الاصل الاري هم تبنو مصطلح "الافارقة الاوربيين" ايوا وحات امون زي مابقول ليك في الاشارة لنموذج انسان شمال السودان، او من الطرح ده داخل المدرسة الاوربية انتشر مفهوم ونكتة "حاميين" لامثالنا حصريا لفصلنا عن بقية اهلنا في السودان وافريقيا، اي نموذج انسان غرب وجنوب السودان او غرب افريقيا بعامة!

نعم نموذج انسان غرب السودان وغرب افريقيا يرعب الخواجات، ولهذا حاولو التخلص منه once and for all بدفنو حيا لو ممكن!!

نعم لهذا، الزول ده الخواجات جروووهو جر زي مابنقول خارج مركب نوح او رموهو في البحر!!

نعم الي هذا التاريخ مافي زول عارف انسان غرب وجنوب السودان ده، جا مقلع من وين؟

ابانا كانسلر وليمز مؤلف :

The Destruction Of Black Civilization

اللي زار دنقلا في الستينات، واللي طبيعي مافي سوداني بيعرف عنو حاجة، هو اللي اثار النقطة دي، وسال من اين اتي للوجود نموذج انسان غرب افريقيا اللي قطعا ماحامي في ترهات الخواجات؟

خت في بالك، نوح ده، كان سامي زي ناس نتنياهو وملك الوهابية MPS واحد!!

وقع ليك الكلام ده؟

فهمتا هم قاصدين شنو؟

لاحظ ده كلو احنا في السودان بنردد فيهو كما الببغاوات دون ادني ادراك!!

نعم النكتة دي جاية من فرية الاصل الاري للحضارة!!

لهذا عادي يقولو ليك الجعزية، لغة اهلنا في اثيوبيا، من عائلة اللغات السامية، مش اللغات السامية امها اثيوبية، اي كوشية!

ياعزيزي، الناس ديل عادي بياكلو بي مخنا حلاوة!

عادي بودونا البحر او بجيبونا ميتين من العطش!

فعلا لاقول، نحنو الطيورو ايها الخواجة!

عفوا بتكلم عن حملة ال"دال" في هذا المجال، في السودان، اي مجندي لواء مكدونالد الجديد، البجو معابدنا، شايلين جزم، مراكيب، شباشب "سيدي" بوني من جهة، ثم "سيدي" كلود، من الجهة الاخري، او بي كده تاني نرجع لي نظام السيدين!!

موضوعي الاساسي هنا، كيف اهلنا في الهامش محاربين، ملفوظين، او مطرودين خارج بيت تاريخ السودان القديم كلو الخاص حصريا بالشماليين من امثالنا!

اكرر هذا ملعوب وبدقة ومنذ القرن ال19 لو نعلم وكنتيجة ده حالنا اليوم في السودان، نكتل بعض بالملايين، والسؤال هل ده صدفة؟

الاعزاء الزملاء سننتقل الان لي موضوع الغلاف، مهم جدا تدونا رايكم.

نعم الغلاف خاتي ليهو مجموعة صور لاجدادنا عايزنكم تساعدو في اختيار الصورة او الصور البتعبر اكثر عن محتوي الكتاب، شغل الجواب يكفيك عنوانو.

*التصور الاول انو الغلاف نكتفي فيهو بي صورة الكمتي اي المصري في مقابل السوداني تاريخيا، كما صاغه وقدمه اجدادنا كتعريف للعالم ب" من هم".

*اتنين في بالي اكتفي بي صورة اول ملك لي كمت اي مصر جدنا "آبا" مؤسس الاسرة الاولي وموحد كمت العليا والدنيا للمرة الاولي.

*التصور الثالث ان اكتفي بي صورة الملكة التاية، من الاسرة 18 تقديرا وعرفان منا لدور السودانية في تاريخ البشرية كلها.

حقيقة انا عايز باي طريقة افرطق، التصور والتنميط الاوربي العام، اللي ببتذل ويختصر تاريخنا في السودان في سكان شمال السودان حصريا، ومن الجهة الاخري عايزين ندي السودانية مقاما الفعلي الحقيقي كرائدة، بل واهبة لتاريخ الحضارة السودانية وبالتالي الحضارة البشرية بي رمتا.

مفكر في باب منفصل للنقطة دي في الكتاب.

تقديري تجربة حضارتنا الكوشية، حقيقة فريدة في جانب تاريخ العلاقة بين النوعين، بي صورة لم تتكرر قط، واضيف لن تتكرر قط!

احنا زي غيرنا منبهرين بي انجازات الحضارة الارية اي الاوربية الحالية المهيمنة علي مقادير العالم، ناسين انها ذكـــــــــــورية للطيــــــــش يا خلق!

انا مقدر، كيف استنتاج كهذا صعب بلعو لما نضع في الاعتبار ما نتصورو تحرر للمراة في مجتمع الثقافة الارية مقارنة بي مجتمع الوهابية مثلا، في السعودية، مش مجتمع مروي مثلا او كمت، قبل عشرات الاف السنين او اقلاه قبل 5,000 سنة في كمت!!

لا وجه للمقارنة ذاتو مابين مجتمع واسلوب حياة انجزتو السودانية تحديدا، ومجتمع واسلوب حياة انجزو الاوربي الذكر تحديدا وحصريا!

Quote: لتصور الثالث ان اكتفي بي صورة الملكة التاية، من الاسرة 18 تقديرا وعرفان منا لدور السودانية في تاريخ البشرية كلها.

|
أعتقد حبوبتنا افضل خيار إمراة عظيمة بعظمة من خرجوا من الرحم الكوشي
تستحق ان تكون في افضل
تحياتنا يا بشاشا

اميرنا الكوشي عبدالله شم يامراحب،

انا زاتي زيك مايل لي صورة الملكة التاية لتتصدر عنوان الكتاب، لانو المراة السودانية تحديدا حقيقة، وباكثر من الرجل السوداني هي الوضعت اللبنات الاولي لحضارتنا، ام، واصل الحضارات في قارات العالم كما سنثبت، عكس التصور العام الذكوري الخاطئ اللي صاغتو المدرسة الاوربية الذكورية بطبع ثقافتا الذكورية، البدوية، تاريخيا اللي نسبت هذا الدور لنوع الذكور {الاوربيين} حصريا،.

وان كان ما يعرف ب وثيقة 'باب الملوك" اللي قدمت اجابة مباشرة، قاطعة، نهائية لاتقبل اي نقاش او جدل، لي سؤال من هم قدماء الكمتيين، اي المصريين في مقابل قدماء السودانيين الكوشيين، النوبيين، بتلخص موضوع الكتاب كلو! وبذات القدر صورة اول ملك، اي اول "فرعون" في مرجعية الثقافة العربية، ايضا قاطعة ونهائية في الاجابة علي سؤال من هم قدماء الكمتيين اي المصريين. حاجيب باقي الصور بعد قليل..

Quote: القناة كذلك يجب أن تكون مسجلة رسمياً عند غوغل.

وين بالضبط يا حاتم؟؟؟

ياخي ما تضلل بشاشة. المسألة أبسط من ذلك.

العبدلله عنده قناة في يوتيوب...

بعدين يا بشاشة نصيحة لوجه الله:
ما تبقى زي حشاش بي دقينتو...

انتهي من الكتابة أولا بعد داك فكر في الغلاف...

أسالْ كاتب وما تسأل قارئ في مسائل الكتابة!!!!

Quote: انتهي من الكتابة أولا بعد داك فكر في الغلاف... أسالْ كاتب وما تسأل قارئ في مسائل الكتابة!!!!

صديقنا اللدود الخواض يامراحب،

انا عايز اشاور الزملاء كقراء، او عاوز الشورة دي، دفعة واحدة، وانا زي ماقتا ليك شعبوي او مش مثقفاتي وان كنت، قصبا عني بمعني قريت او كده في المدارس اياها، الله لاكسبا، المسؤولة من وعي الاستلاب الحالي!!

لي روحي محظوظ جدا جدا، اني خريج خلوة في المقام الاول، ولو كان بالايد لسعيت لاستلهام مدارسنا اسلوب التعليم في الخلاوي، وكما شهد افلاطون شخصيا القبل برحابة صدر، يطهرو، كحوار، كيف اسلوب التعليم عندنا تاريخيا قدم نموذج فريد بحق للمخلوق المترع او مشبع روحانية، مقارنة بي نموذج التعليم الاري اللي خرج "حيوانات" علي قول افلاطون شخصيا!!

ارسطو ايضا ابدي اعجابو بهكذا نظام اقتضي 40 سنة من التلقي المتواصل الخالص لوجه امون، نعم 40 سنة مقارنة ب 18 سنة"تقريبا" متوسط السنين المطلوبة للحصول علي الدكتوراة، طبقا لنظام الحضارة الحالية، في عالم اليوم لدرجة عالم اليوم وبكل ماملك، ورث، من معرفة وامكانيات تكنولوجية، فشل، فشل ذريع في اعادة بناء هرم واحد من اهرامات كمت، نعم بعد اكثر من 4,000 سنة تراكم معرفي، بلوشي، من دون حفر بالاظافر كما فعل اجدادنا كرواد او من الصفر!

اليابانيين اضحو اضحوكة لما حاولو اؤ فشلو فشل ذريع يقلدو، مش يجارو، او يجتازو، دعك من يتفقو كمان، علي "تكنولجيا" عمرها اكرر اكثر من 4,000 سنة خريجة خلاوي مش معامل، ارتادت الفضاء الخارجي دعك من كوكب الارض اكرر من دون معامل!!!

WOW!!!0

تقولي منو، او تقول لي شنو؟

لهذا كاتب مابفيدني مقارنة باكبر عدد ممكن من القراء، واذا لابد فكل اعضاء هذا الفضاء بي تعريفي كتاب من الدرجة الاولي. اقدر تعريفك للكاتب مختلف اللي واضح لازال مصطكي في عصر ماقبل الاسافير او كده!!

الكمتي اي المصري تاريخيا:



السوداني اي الكوشي اي النوبي تاريخيا:



اعلاه هو اختياري الاول لي صورة الغلاف لحسم قضية الاصل السوداني للحضارة من قولة تيت once and for all لننتقل بين سطور الكتاب للتفصيل، او بي كده حاكسب القارئي من البداية او مش في الصفحة الاخيرة.

ساعود لاعطي بعض التفاصيل المتعلقة بالوثيقة اعلاه اللي صيغت بواسطة اجدادنا خصيصا كتعريف رسمي قبل اكثر من 3,000 سنة من تاريخ اليوم، للعالم ب من هو المصري القديم، ومن هو السوداني القديم!

سلام يا بشاشة

ربنا يعنيك .. سيكون جهدا كبيراً كتابة ما يجول فى رأسك وكم المعلومات التى تعرضها
لو فعلا إستقريت على أن تعتكف بدنقلا للكتابة فأقترح عليك تأسيس علاقة جيدة
مع جامعة دنقلا فقد تجد عندها ما يعينك وربما تتبنى الجامعة مشروع الكتاب ونشره

وأرى أنك ستحتاج لصديق أو صديقين صدوقين تثق فى معرفتهم وقدراتهم فى
تقييم ما يكتب لتأخذ رأيهم أولا بأول كل ما تكتب بضع صفحات .. ليس لتقييم
المعلومات ولكن أسلوب الطرح والكتابة وقد يساعدوا فى بعض التتغييرات
أو الصياغة .. سيكونون أول المتلقين لما تكتب ويقيمونه .. ربما تصل معهم
انك محتاج لكتابين جزء أول وثانى .. جامعة دنقلا أيضا قد تساعد فى هذا

أعتقد الأولوية لكتابة الكتاب ليكون المرجع .. بعدها تكون مسألة الكتاب
المقرؤ بالصوت بأى لغات كانت .. وأكيد الأحسن كتابة الكتاب باللغة العربية
وبعذ ذلك ترجمته للإنجليزية والفرنسية.

بخصوص الغلاف .. لتقترح تصوراتك وأيضا من هم قريبين منك الملمين
بفحوى الكتاب .. كل المقترحات تعطى لفنان ليصمم الغلاف
وإقتراحى عن الغلاف الأنسب أن يحتوى تصميمه على صورة لتمثال أحد
الملوك مثل بعانخى أو ترهاقا مع تركيبة فنية جمالية خلفه أو بأى وضع
لهرم .. دا مع العنوان المذكور فيه السودان والحضارة.. بتكون لوحة
أبلغ من ألف كلمة أن الحضارة التى يفتخر بها المصريون هى حضارة أصلاً
سودانية .. والمقصود قبل الحدود السياسية الآن أن المنطقة الممتده من مناطق
الحضارة القديمة فى سودان اليوم عند مروى وحتى الجيزة شمالاً حضارة واحدة
ومركزها فى الجنوب. (طبعا هذا ما ستشرحه بالكتاب)

وأنت كباحث وتأتى بجديد يقلب الطاولة على من سبقوك .. فعليك بصرامة تجرد الباحث
الأكاديمى العلمى فتجنب العواطف والإنحياز السلبى الذى يجعل طرحك يسهل نسفه
فالأدلة والتحليل المنطقى السليم هى الوصفة لنجاح الكتاب.

الله يعينك وأتمنى لك التوفيق ..

Quote: أسالْ كاتب وما تسأل قارئ في مسائل الكتابة!!!!

اهلا بشاشة

قصدي واضح لمن له علاقة بالكتابة...

التخطيط للكتابة شيئ والكتابة نفسها شيئ آخر..

في معظم الأحايين يُجري الكاتب تعديلات هائلة على المخطط الأولي....

بعدين زي ما قال ليك الاستاذ نادر أنت لا تحتاج في مسائل الكتابة نفسها إلى مطلق قارئ،

ولكن إلى قارئ ممتاز..

ونصيحة أخيرة :

لو كنت حريصا على نوعية ممتازة لنتاجك القادم، وخاصة في ما يتعلق بالترجمة:
ابعدْ عن حاتم ابراهيم، فلغته الفصحى متواضعة.

ولك الخيار، وهذي آخر كلماتي معك, وتجدني آسفاً لتداخلي معك...

شالوم يا بشاشا
اتمني لك التوفيق والنجاح في مشروعك وان يري النور في اقرب وقت ممكن
اكيد هذا المشروع يحتاج لجهد وامكانيات اتمني من الاخوة والاخوات الزملاء في هذا المنبر وخارج المنبر ان يقفوا معك ويساعدوك في كل ما تحتاجه حتي يكتمل هذا المشروع الذي يفيد كل سوداني في الوقت الحاضر وفي المستقبل.
اخوك تحت الخدمة ونتمني لك التوفيق

.*.

نواصل بعد قليل..

المجد للثوار، ومشوار العودة للجذور بدا، باذنه امـــــــــــون رع!