سلام أخي أحمد يأخي العملية دي بتزعلني شديد خلاص لانها تشويه لما نعتبره شيء عزيز وغالي علينا يرتبط باحاسيسنا وأغلى لحظات حياتنا، دا إذا غضينا الطرف عن السرقة وأكل الحقوق. سؤال محيرني: هل ما يشد الناس إلي الغناء السوداني عند الفنانين الاثيوبين هو القيمة الفنية أو محتوي الفيديو كِليب؟ أقدر لك قولك أنها مجرد حبشية طاعمة وليس شيء أخر.
Quote: أقدر لك قولك أنها مجرد حبشية طاعمة وليس شيء أخر.
سلام دكتورة Fatima Alhaj ابدا والله وحاشا وكلا ان اسى الى احبابنا الاثيوبيين وشكلك فهمتينى خطا النا قاصد اغنية حبشية طاعمة وانا دائما افتح بوستات الى بعض الفنانات الاثيوبيات البغنن سودانى وكان عنده بوست اكثر من 20 صفحة هل رايت اثيوبيا بهذا الجمال ونحن نمشى اثيوبيا سنويا حاش وكلا ان اسىء لهذا الشعب الطيب
Quote: وردي الله يرحمه لو كان اتولد عندهم ، !!!!!! دييل ناس جميلين شديد
حبيبنا ترهاقا كيف الحال الامبراطور محبوب لى حبايبنا فى الهضبة ولما يمشى الحبشية يبقى عمره 20 سنة
Post: #7 Title: Re: *** برضو حبشية طاعمة ( حلفتك يا قلبى ) الامب� Author: محمد علي البصير Date: 11-13-2018, 01:27 PM Parent: #5
Quote: سلام أخي أحمد يأخي العملية دي بتزعلني شديد خلاص لانها تشويه لما نعتبره شيء عزيز وغالي علينا يرتبط باحاسيسنا وأغلى لحظات حياتنا، دا إذا غضينا الطرف عن السرقة وأكل الحقوق. سؤال محيرني: هل ما يشد الناس إلي الغناء السوداني عند الفنانين الاثيوبين هو القيمة الفنية أو محتوي الفيديو كِليب؟ أقدر لك قولك أنها مجرد حبشية طاعمة وليس شيء أخر.
تحياتي الأخت فاطمة
رايك يحترم ـ لكني أختلف معك ـ فأكبر معضلات الفن السودان هو المحلية وعدم القدرة على الإنتشار ولذلك فأي جرعة للتجاوب مع غنانا خارج الحدود يكون لها صدى طيب في نفوسنا
ولا يقتصر ذلك على تجارب الأثيوبين وترديدهم الدائم للغناء السوداني وإنما كان تجاوب السودانيين مع غناء حليمة الصومالية وأحمد ربشة بل والصينية التي غنت لحمد الريح والأسرائلية التي غت تراث غرب السودان وغيره
على المستوى الشخصي أشعر بقدر كبير من الإرتياح لترديد الأثيوبيين للغناء السوداني ودا أكيد دليل عافية ولا أحسب أن ذلك له مردود سلبي على الأغنية .
أتذكر أن مطرب أثيوبي أدى أغنية ( جاري وأنا جاري ) في أحدي المناسبات العامة بالخرطوم فما كان من مطربنا الراحل سيد خليفة أن صعد للمسرح وغنى معه وهو غارق في الطرب
التحايا و التقدير احيانا لا ينسجم رقصاتهم مع الكلمات و لا المعنى و احيانا يضيع جمال الاغنية و قدسيتها و ربما تكون مشمئزة ... و مرات يدوه بعد جمالى و موسيقى .. ... و نشكر لهم اهتمامهم بفننا و غنانا .. و اجتهادتهم فيها ..و نقدر و نحترم لهم ذلك ... مودتى و تقديرى
الفيديو كليب ضعيف...جدا حتى رقص الحبشية ..ممل وخاصةوهي تجلس على كعبيها وتهز طبعا انا بتكلم من ناحية تصويرية وصراحة اغنيتنا دي لها تاريخ...والحبشية مرمطت واساءت لهذه الوصية ممكن يرقصو لى فرفور او ياسر تمتام..لكن يصل اﻻمر الى وردي بهذه الصورة الشائهة دي تعتبر جريمة
فرق شتّى بين الاحساس بنبل الكلمات و ما تجلبة العين من احساس بالرقص المصاحب شوف القفلة بتاعت ايوه يا قلبى و الحركة الراقصة المتزامنة معاها يا زول قصة تحبيش الغنا دى ما قلناها من فراغ و ح يعقبا تحبيش كل ما هو سودانى
اﻻخت فاطمة الحاج..قالت كلام جميل ومهم لكن شايفها تراجعت اخونا احمودي يبدو انه مافهم مداخلتها بصورة صحيحة خلاص عشان الناس قالت الحبش بعملو وبعيدو غنانا ووووو الكلام الكتير داك كمان ما للدرجة دي..اي حبشي وﻻ حبشية تغني العايزة تغنيهو ..وتهز وهي ﻻبسة الجنز الضيق..وجايبين واحد مخنفس كل مايظهر يقعد يبوس بالذمة دا فن دا؟ دا اسلوب مقرف بصراحة.....
مساك الله بالخير أخي محمد ويا هلا يالاختلاف الذي لا يفسد للود قضية.
Quote:
فأكبر معضلات الفن السودان هو المحلية وعدم القدرة على الإنتشار
يا محمد تفاعلي مع الاغنية أي أغنية يأتي من احساسي بالكلمة والموسيقى أولاً ثم الصورة الكلية التي تتولد في دأخلي من هذا التزاوج حسب الحالة العاطفية التي أعايشها في تلك اللحظة فيحدث الارتباط الشرطي صح؟ لننظر ماذا حدث للكلمة للقصيدة نفسها، ثم أنظر إلى هذا العتاب الرقيق الغير مباشر إلي ماذا تحول في هذا الفيديو كِليب؟ رحم الله اسماعيل حسن أعتقد أنه سيصاب بالصدمة إذا ما سمع ما صارت اليه كلماته. محمد يا أخوي ما أظن الفن السودان سينتشر بواسطة غناء الاخوه الاثيوبين لأغانينا وإنما يجب على أهل الفن السوداني إيجاد أين يكمن الخلل. مودتي
التحية والتجلة الي اهلي في اثيوبيا، لو لي انا غايتو حبـــــــــــــشي، بل المتحدث الرسمي باسم محبي الاحباش في هذا الفضاء.
اولا، اهلنا في اثيوبيا بادو اغانينا باحسن منا بما لايقارن، والاخت اعلاه ادت الاغنية دي باحسن من اي سوداني او سودانية كالعهد بهم!
الانتاج من حيث الquality بتاع التسجيل الصوتي للاغنية فمافي مقارنة زاتو، والعزف لو الي او يدوي برضو مافي مقارنة زاتو!
رغم انف حاجز اللغة، فوق للحاجز النفسي للسوداني البتمثل في عقدة وعي الاستلاب العروبي المتزمت تجاه الاريحية التلقائية، النقية، الافريقية الكوشية البعبر بيها الاثيوبي والاثيوبية عن مشاعرو ومشاعرا، من دون عقد، ذنوج اعراب حاصل ليهم ارتباك نفسي تجاه الرقص تحديدا الغريب، وافد، واجنبي علي وجدان غير الافارقة وبالذات العرب اللي للاسف السوداني بينظر للحتة دي بالعدسات اياها اللاصقة هولة السيد العربي، البتشوف الرقيص كخلاعة ذنوج يجمعهم الطبل، وبالتالي حرام في شرعهم!
في ذات الوكت اللي فيهو السوداني بيكشف عديل كما اي اثيوبية لما تنتابو الحالة، او يوم العرس، عروستو بتكشف امام الملا كما اي اثيوبية وعلي ذات الايقاع!
انا ككوشي وافريقي ماعندي مشكلة اطلاقا مع الرقيص، بل وانا طفل فتحتا علي الحلة كلها رجالا ونساء بستمتعمو بي رقيص العروس، بل الحلة كلها بتكون حاضرة ليلة الدخلة، وكنتيجة ده كان اعف، وانقي مجتمع لدرجة الي يوم الدخلة الرجل قبل المراة بكون اعذر!
العفاف، عفاف دواخل مش مظاهر، نعم سلوك مش شو او نفاق، والسبب الاساسي في ده كلو هو التداخل والتواصل الطبيعي اليومي العفيف مابين النوعين من دون ايها حواجز فوق لي صلة الدم، فوق للارث الروحي!
من الجانب الاخر تعالو شوفو ثقافة الاعراب البدوية، الرعوية، الذكورية ادت لي شنو في السودان وعلي مستوي جهاز الدولة!!
كنا اعف، وانظف اخلاقيا ايام الاندايات وبيوت الدعارة، جكسا في خط 6 من الماثل امامنا في ظل دويلة شرع الله اي شريعة ثقافة الاعراب، اللي انتهت بالاخ في ديار العرب، لايثق في ود امو او ابوهو يدخل بيتو في غيابو، فوق للمثلية والشذوذ العادي، جدا، بينما السوداني مؤتمن علي كل بنات حلتو او من طرف، كقاعدة دعك من ود امو او ابوهو، لانو العلاقة لو ماعلاقة دم او صلة رحم مابين افراد الحلة، فهي عشرة عقود ثم عقود، اقلاه نصف قرن!!!
الاعرابي بحكم التنقل تاريخيا ماعندي حاجة زي دي خالص، او علي الدوام شايل روحو في كفو بحكم حياة التنقل والبداوة، فوق للفصل التام مابين النوعين الادي للشذوذ!!!
البلبلة في شخصية السوداني جاية من الاثر المدمر للثقافة الوافدة هذه، المقدمة كدين، اسلام او بتيخ!
وكنتيجة كنظام معاوضة تجد المهاويس يدعو الاخلاق العالية بالذات في تنميطم لاهلنا في اثيوبيا، الاكثر نقاء ثقافي واصالة اكثر مننا، حيث وعيهم اكثر اتساق مع لاوعيهم مقارنة بنا!
ليه؟
لانهم لم يتعرضو لربع الاتعرضنا ليهو، بحكم الموقع الجغرافي للسودان والسودانيين في الواجهة، وبالتالي ظلو احرار وانقياء ثقافيا، نسبيا، مقارنة بنا بطول وعرض ال1400 سنة علي اقل تقدير، نقرطع في كاس الحياة بذلة باسم الخلافة الاسلامية ذات نفسها!!
إقتباس ________________________سلام أخي أحمد يأخي العملية دي بتزعلني شديد خلاص لانها تشويه لمانعتبره شيء عزيز وغالي علينا يرتبط باحاسيسنا وأغلى لحظاتحياتنا، دا إذا غضينا الطرف عن السرقة وأكل الحقوق.سؤال محيرني: هل ما يشد الناس إلي الغناء السوداني عند الفنانين الاثيوبينهو القيمة الفنية أو محتوي الفيديو كِليب؟أقدر لك قولك أنها مجرد حبشية طاعمة وليس شيء أخر.-----------------------------------------------------------------------رد على الاخت المحترمة فاطنة ….مع التقدير مافي سرقة للحقوق أبدا لانها لم تنسب هذا العمل لنفسها ثانيا و مع ثقتي في ذوقي الفني أعتبر أن هذه ما يسمى بالحبشية قد أدت الأغنية بي إمكانات صوتية و تطريب عالي جدا جدا " مطلوب راي الموسيقين في هذا الصدد إضافة لحاتم " هذه الإمكانات ربما لا تقل كثيرا عن إمكانات الإمبراطور وردي This has nothing to do with the video clip .
Quote: أقدر لك قولك أنها مجرد حبشية طاعمة وليس شيء أخر
Quote: و الحركة الراقصة المتزامنة معاها يا زول قصة تحبيش الغنا دى ما قلناها من فراغ و ح يعقبا تحبيش كل ما هو سودانى
هذا ماعنينا بالربكة الحاصلة لذنوجة الاعراب في السودان فيما اتصل بالفن وبالذات الرقص!
هم بتعرو من اهلنا في اثيوبيا لانهم بنظرو ليهم بعدسات استلاب عروبي لاصقة! اما الاثيوبية والاثيوبي فانسان حر مقارنة بذنوجة الاعراب، بمعني من شعوب الارض القليلة اللي ماتعرضت للاستعباد والاستعمار الثقافي، الذهني والنفسي بالصورة اللي كابدا السوداني عبر القرون، في داخل اراضيهم!
لاحظ بعد ده كلو السوداني عادي بيكشف وهو رجل كما اي اثيوبية، بي تعابير وعي هؤلاء، والسودانية عروستو بتكشف امام الملا، وهذا مانعني بالتناقض وانفصام الشخصية البعاني منها السوداني كنتيجة، بالذات هكذا وعي استرقاق هو الان اساس الدويلة ذات نفسها، وهكذا منفصمين نفسيا هم المتحكمين في السودان باسم الدين، باسم الاسلام، وهو في حقيتو استرقاق ثقافي وليس الا!
ده هو السبب، في اعلام "الخال" الطيب مصطفي، الغنا اضحي جلوسا، حتي في المسرح!!
نعم كاميرا التلفزيون هي البتقوم بالرقيص، داقة في السقف كل مرة!
ليه؟
عشان المخرج يتفادي نقل مشهد رقيص بالخطا، لانو الغنا زاتو حرام "شرعا"!
هذا يفضح مرضك انتا الجواك كسوداني مستعبد اعراب وقن من اقنانو ثقافيا، مشوه الدواخل، باكثر منه وصف لاخلاق اهلنا في اثيوبيا!
اهو ده، رد الجميل؟
طبعا بتدو اعتبار فقط للبديكم بالصرمة القديمة تاح في وجه ادميكم، لتبصقو بوقاحة في وجه من ترون في مرآة وجوههم ذاتكم المرذولة!
Quote: وإلى حين عودة وبعض الانطباعات من زيارة لأديس أبابا الاسبوع الماضى..
حبيبنا سيف كيف الحال وحمدلله على السلامة
Post: #29 Title: Re: *** برضو حبشية طاعمة ( حلفتك يا قلبى ) الامب� Author: سيف اليزل سعد عمر Date: 11-22-2018, 08:12 PM Parent: #28
السنة الفاتت مشينا احد المطاعم فى اديس ابابا مع مجموعة من سودانى المهجر ومن داخل السودان. كانت فى مغنية صاحب الفديو الفوق ده اسمها (فِكر يتجاقسو) ابهجت ليلتنا بأجمل الاغانى السودانية..غنيت لينا (ارض الخير إفريقيا مكانك) واحد مننا من غير ما يحس لقي نفسه بيبكى.. الأسبوع الفات كانت نفس المجموعة فى اديس..وكانت ايضا فِكر فى المسرح جات سلمت علي كل زول فينا وما قصرت معانا..
فى نفس الساعة كانت فى حفلة فى مكان آخر غنى فيها فنان سودانى معروف وغنت فيها فنانة إثيوبية إغنية لمحمد وردى..نفس الفنان حاول يجاريها لكن ما قدر لانه السلم كان مختلف ولانه صوتها كان قوى ورائع بعد ماسمعتها فى فديو مصور من الحفلة.. الاثيوبيين شعب منفتح على الاغانى السودانية وخوفى نصيبه بالإحباط بسبب الدمار الذي لحق بالبلد من كافة النواحي..
على العموم فى محاولات تحتاج للتمويل لتطوير الغناء الإثيوبي_السودانى..نحن برضو محتاجين نتقرب من الغناء الاثيوبي ونتعرف عليه. انا بعتقد ان الفنانيين الاثيوبيين ساهموا مؤخرا فى نشر الاغنية السودانية وبصورة كبيرة..استطاعوا ان يخرجوا بها من حيز التقيد الى رحب التجديد واللون المختلف..
