Post: #2 Title: Re: أغنيات عربية ياما أطربتنا في الغربة Author: عبد الصمد محمد Date: 11-12-2018, 08:38 PM Parent: #1
Post: #3 Title: Re: أغنيات عربية ياما أطربتنا في الغربة Author: عبد الصمد محمد Date: 11-12-2018, 08:41 PM Parent: #2
Post: #4 Title: Re: أغنيات عربية ياما أطربتنا في الغربة Author: عبد الصمد محمد Date: 11-12-2018, 09:06 PM Parent: #3
Post: #5 Title: Re: أغنيات عربية ياما أطربتنا في الغربة Author: عبد الصمد محمد Date: 11-12-2018, 09:11 PM Parent: #4
Post: #6 Title: Re: أغنيات عربية ياما أطربتنا في الغربة Author: محمد البشرى الخضر Date: 11-12-2018, 11:01 PM Parent: #5
اجتهد أكتر يمكن تدخل التصنيف الجاي خخخخخخ
Post: #7 Title: Re: أغنيات عربية ياما أطربتنا في الغربة Author: عبد الصمد محمد Date: 11-12-2018, 11:33 PM Parent: #6
عشان يا هاشم الحسن وبقية الأخوة تاني تجو وتلوموني ترصد بعد ترصد بعد ترصد وممن؟؟؟؟؟ جميل بس أها بعد كدا وسع مراقدك فيها
Post: #8 Title: Re: أغنيات عربية ياما أطربتنا في الغربة Author: عبد الصمد محمد Date: 11-12-2018, 11:34 PM Parent: #7
Quote: اجتهد أكتر يمكن تدخل التصنيف الجاي خخخخخخ
Post: #9 Title: Re: أغنيات عربية ياما أطربتنا في الغربة Author: محمد البشرى الخضر Date: 11-13-2018, 07:58 AM Parent: #8
Quote: يا هاشم الحسن وبقية الأخوة
يعني برضو شايل ابريق غيرك! ومهتم بنظرة الآخرين ودا يفسر جزعك من بوستات تحمل تقدير البعض للبعض و خلو اسمك منها! و محاولتك التضاري وراء غيرك!
قلت لي ترصد ههههه يا حليلك ياخي الترصد زي انّك تكون شايل يقجة غبينة فاقعاك وحافظ ليك كلام اتقال قبل تمانية سنة و جيت تكرره اسي الترصد زي انك تلقى بوست بشكر في زميلة تقوم تولع فيك النار و تدخل شمال كالعادة و تسال ليه ما دفعت في بوست التبرعات! خليها هي ادفع انت كدي في الأول بعدبن تعال سائل الناس دا الترصد يا ظريف تعليقي الاول دا لخّة خفيفة كدا ع الماشي,جيتني مدردق لايمكن ما اشوت طبعا!! أو زي ما قلت حبيت الفت الانظار ههههههه واستغل البوست الليه كم ساعة و ست فيديوهات كان عامل 114 مشاهدة فقط قبل تعليقي - تقرأ ترصّدي ابسط يا عم
Post: #10 Title: Re: أغنيات عربية ياما أطربتنا في الغربة Author: عبد الصمد محمد Date: 11-13-2018, 12:34 PM Parent: #9
على الأقل أنا ما سلفي ضلامي وخجلان منها ولأني مريض بفيروس تقبل الناس لي بحاول مرة مرة أركب مكنة إني ما سلفي بعدين خليني أنا انت في ياتو يوم خلال سنوات وجودك في المنبر قالوا اتبرعوا ولا ساعدوا زول عملت شيرك مع الرجال ولا دخلك متواضع المية درهم بتعوقو
Post: #11 Title: Re: أغنيات عربية ياما أطربتنا في الغربة Author: محمد البشرى الخضر Date: 11-13-2018, 01:41 PM Parent: #10
يا صمد ياخوي الله يرضى عليك ارتقي شوية, اي نعم انا عارفك زول بريمة ساي لكن كمان ما كنت قايلك مأزوم و حالتك متاخرة للدرجة دي! الله يسالني لولا بياخة البورد العدم الآكشن دا مع خرمتي ليه ما كنت جيتك تاني.. فا شنو .. اعفيني من عوارة شفع الابتدائي و آكشنها صاح بوعي يناسب عمرك و كان غلبك قول جلا بدل الهبل دا! والله خجلان اقرا كلامك دا تاني خلي ارد عليه! معقولة بس.. مترتر من 2004 في البورد دا ولسة بتفكر بالطريقة دي! انت متأكد يازول انّك دا انت سيد الحساب زاتو ولا دا واحد من شفّعك او شفّع الجيران لقى الباسويرد او الموقع مفتوح وكدا!!
قلت عريبي و لولا الجامعة قبلناها وقلنا استعلاء مثقفاتية عادي لكن كمان قصة المعايرة بالدخل المتواضع دي بالغت فيها, متخيّل منظرك وانت غازي كوعك و قالب عينك و تاني راسك وانت بتكتب فيها وبعد انتهت اديتها واحد ردحة ومعاها صفقة: هيييييي وتاني هييييي
_______________________
غايتو قنّعتني من آكشناً يكّيف و يملا الراس, لكن غايتو النتمّها كوميديا ساي الله غالب!
Post: #12 Title: Re: أغنيات عربية ياما أطربتنا في الغربة Author: محمد البشرى الخضر Date: 11-13-2018, 01:43 PM Parent: #11
كدي دقيقة يمكن اكون أنا فاهم غلط من البداية!! انت عمرك كم يا خوي بالمناسبة السعيدة دي؟
Post: #13 Title: Re: أغنيات عربية ياما أطربتنا في الغربة Author: Ahmed Yassin Date: 11-13-2018, 04:32 PM Parent: #12
صمدو....... اغاني التمانينات....وهيام يونس طبعا اقدم يا حبيب بالله هسي زي محمدالبشرى دا بزعلوا منو..ياخ دا زول سمح لمن سمح واخو اخوان.. سمعنا عنه كلام كويس...تعرف ياعبدالصمد انت زول طبعا عندك فراسة وتعرف تميز...مالك قلشت مع محمد دا والله الكريم ما مستاهلة....زي ودالبشرى دا ..تقرب منو...تحبو ..تجرو عليك ﻻنه يتحب
Post: #14 Title: Re: أغنيات عربية ياما أطربتنا في الغربة Author: أيمن الفاضل Date: 11-13-2018, 04:51 PM Parent: #13
والله يا احمد يسن ود البشرى في البوست دة حيرني السمحين زاتم مرات بهملوها شينة
تحياتي عبد الصمد و مشكور علي البوست الجميل
Post: #15 Title: Re: أغنيات عربية ياما أطربتنا في الغربة Author: Ahmed Yassin Date: 11-13-2018, 05:31 PM Parent: #14
شفت كيف يا ايمن ياخوي ودالبشرى زول فعلا حصيف الملفت في البوست دا اختيارات عبدالصمد .. العجيبة دي
Post: #16 Title: Re: أغنيات عربية ياما أطربتنا في الغربة Author: عبد الصمد محمد Date: 11-13-2018, 06:18 PM Parent: #15
عليك الله عاين الزول البارد دا تخرب بوستي وتسألني سؤال شكله ما بريئ عمرك كم 41 أيوة 41 وبسمع لفهد بلان مشكلة يعني أها تاني داير تعرف شنو الحالة الاجتماعية مثلاً
Post: #17 Title: Re: أغنيات عربية ياما أطربتنا في الغربة Author: محمد البشرى الخضر Date: 11-13-2018, 07:20 PM Parent: #16
سألتك لأنّي شكّيت صراحة تكون واحد من وليدات اليومين ديل ناس سنة تامنة وكدا! في الحالة دي كنت بلقى ليك العذر لكن وقت طلعت عدّيت سن النبوّة يبقى اسمح لي بسؤال تاني اجابته قد تفسّر طلاشتك دي: الأخ شهادة عربية؟
_________________
احمد ياسين وابو يمن مالك يا خوانا! ما تخربوا علينا البوست ساي الغنا راقد في اليوتيوب امشوا كوسوه غادي غادي, خلّونا النكمّل القزقزة :)
Post: #18 Title: Re: أغنيات عربية ياما أطربتنا في الغربة Author: عبد الصمد محمد Date: 11-13-2018, 08:08 PM Parent: #17
لا ولله اصلي نبتت في جُغُب مضلم وأدمنت لفت النظر حاولت أكون ضحكونجي ما نفع حاولت رمادي ما نفع بقيت عديم اللون والطعم والرائحة أموت في السلف والهلال ومكايدة أعداء الإسلام سمك لبن تمرهندي ههههههههه
Post: #19 Title: Re: أغنيات عربية ياما أطربتنا في الغربة Author: عبد الصمد محمد Date: 11-13-2018, 08:17 PM Parent: #18
بعدين تقليد الجهلة في الإستهانة بجهود ونباغة أبنائنا في ديار الإغتراب مفهوم لما يجي من واجد في مستوى جهالتك وللأسف انت نفسك هربت من السودان للبحث عن لقمة العيش في الخليج رغم إنه الجاثمين على صدور الناس في السودان هم أشياعك وأشباهك أعتذر هنا لكل المغتربين وأبنائهم عن مثل هذه التخرصات التي بدلاً عن ردع هؤلاء الذين استصغروا شهاداتهم ونجاحاتهم يلوك في مثل ما يلوكون لكن عن جهل كريه
Post: #20 Title: Re: أغنيات عربية ياما أطربتنا في الغربة Author: Ahmed Yassin Date: 11-13-2018, 11:26 PM Parent: #19
عبدالصمد البوست دا موضوعه عن شنو تحديدا... ماممكن تتكلم عن اغنيات عربية (اطربتك) في غربتك وتحول الموضوع لجهة مغايرة تماما...زي ماقلت انت سمك وتمرهندي كان فرصة نتكلم عن المقامات العربية..والموسيقى الشرقية..والسنباطي والموجي وبليغ...وفترة بعد ام كلثوم وحليم ﻻنه رحيلهما كان خلال سنتين ونماذج من اداء سوزان عطية ﻻنها في نفس الفترة. الموضوع دسم جدا وغني بالشجن الخوف انك بطريقتك دي تودينا لى جمالات شيحة..وفاطمة سرحان (والدة سوزان عطية) و فاطمة عيد....يعني مطربات شعبيات اتسلطنوا
Post: #21 Title: Re: أغنيات عربية ياما أطربتنا في الغربة Author: جلالدونا Date: 11-14-2018, 03:38 AM Parent: #20
Post: #23 Title: Re: أغنيات عربية ياما أطربتنا في الغربة Author: عبد الصمد محمد Date: 11-14-2018, 05:57 AM Parent: #21
تقديري يا جلال هذه المداخلات التي كنت آمل أن تغني البوست لكنه تخرب وإتنكد ووهبته قربان لليالي الآسية
Post: #22 Title: Re: أغنيات عربية ياما أطربتنا في الغربة Author: عبد الصمد محمد Date: 11-14-2018, 05:55 AM Parent: #20
أنا برضو الحولت البوست لجهة مغايرة يا أحمد يسن فلتعلم إنه لن تسعدني على الإطلاق رؤية إسمك يتداخل معي في أي بوست وبالنسبة لي فإن هذا البوست مات وشبع موت فما تخاف لا حنوديك لي جمالات شيحة ولا أي كوميديات أخرى تشرح قلبك الأبيض والله في
Post: #24 Title: Re: أغنيات عربية ياما أطربتنا في الغربة Author: Ahmed Yassin Date: 11-14-2018, 06:25 AM Parent: #22
انت انسان معقد بالمناسبة خلاص من اهمية بوستاتك يعني تسعد شنو وتفرح شنو واسم شنو . هو انا اسمي دا اسم هسي !!؟ ما عضو اقل من عادي .. معليش ..والله البوست دا رغم ان محتواه ممل ومافي زول بسمع الانت جايبو دا حاولنا بس نلطف الاجواء بينك وبين الاخ محمد .. يشهد الله وحاولنا نصلح بينكم بالكلام الطيب وتفادي الخصومة لكن انت فاجر في خصومتك .. وقلبك اسود يعلم الله قلبك اسود لانك جبت وصف لزميلك زي ما انت ذكرت اتقال من سنوات وسنوات طويلة لكن ياها نفسيتك .. وعدم تسامحك ومحاولة الحاق اكبر قدر من الاذي النفسي للناس عندها الفكرة عنك وضحت تماما... عموما .. هداك الخالق وهو المسامح وهو الذي يغفر ويتجاوز نهايتو اتمنى لك السعادة
Post: #25 Title: Re: أغنيات عربية ياما أطربتنا في الغربة Author: Sharif Nasirladeen Date: 11-14-2018, 08:24 AM Parent: #1
يا سلام على البوست الجميل أخي عبدالصمد
بلفعل الأغاني خاصة أغنية سميرة توفيق و نادية مصطفى أغاني منتصف الثمانينات بتذكرنا بأيام جميلة مضت
تخيل كان لي فترة بفتش على الأغاني دي.
طبعا أغنية بلان و هيام قديمة شديد أعتقد أنها تسجيل الستينات.
شكرا لهذا البوست الجميل
Post: #26 Title: Re: أغنيات عربية ياما أطربتنا في الغربة Author: عبد الصمد محمد Date: 11-14-2018, 01:19 PM Parent: #25
تقديري يا شريف بالفعل أغنيات الثمانينيات عندما لم تكن الجولات قد ظهرت بعد ولا الأقمار الفضائية كانت نادية مصطفى تلهب قلوب المهاجرين من كل الجنسيات التي تتكلم العربية فهد بلان قديمة كنت اسمعها من الوالدة ربنا يرحمها أما جوليا بطرس فهي حديثة نوعاً ما كنت قبل تخريب البوست أود التعريج على فيروز وعبد الحليم ثم دكتور إبراهيم ناجي في رائعته الأطلال التي غنتها أم كلثوم فأبكت كل العشاق ثم قصيدة شاعرنا الكبير له الرحمة الهادي آدم غداً ألقاك
Post: #27 Title: Re: أغنيات عربية ياما أطربتنا في الغربة Author: عبدالغني محمد الحاج Date: 11-14-2018, 01:23 PM Parent: #26
معليش يا صمد والجاتك في بوستك سامحتك بوست جميل ولله وهذه أم كلثوم في الأطلال
Post: #28 Title: Re: أغنيات عربية ياما أطربتنا في الغربة Author: عبد الصمد محمد Date: 11-14-2018, 03:15 PM Parent: #27
شكراً الأخ عبدالغني
وقد كرهت روحي البقاء مع هؤلاء في البوست فليستمتع هذا السلفي المتلون وصاحبه أحمد يسن الذي ظلمنا عثمان محمد صالح عندما فتح بوستاً يصفه به أوصاف شنيعة فوداعاً
Post: #29 Title: Re: أغنيات عربية ياما أطربتنا في الغربة Author: Ahmed Yassin Date: 11-14-2018, 03:45 PM Parent: #28
انت فعلا مليان كره
Quote: وصاحبه أحمد يسن الذي ظلمنا عثمان محمد صالح عندما فتح بوستاً يصفه به أوصاف شنيعة
اكمل جميلك واتحفنا باﻻوصاف الشنيعة هذه..دا اوﻻ وثانيا اكمل القصة كلها وماذا حصل من صاحب البوست ذو اﻻوصاف الشنيعة..... خليك رجل ياخ
Post: #30 Title: Re: أغنيات عربية ياما أطربتنا في الغربة Author: محمد البشرى الخضر Date: 11-14-2018, 04:01 PM Parent: #28
معليش يا اخينا انشغلت الليلة يادوب دي الرجعة ما أكون شفّفتك علي بس ولا حاجة ! ما علينا شايفك لسّة بتلعب على وتر الاستعداء و الاستنجاد بالناس في قصة الشهادة العربية! ما حزرت يا ظريف, المصطلح دا معروف سياقه وانت هنا استحققته تماما بي قصة سؤالك عن مشاركتي في التبرعات اولا و معايرتي بقلّة دخلي و المية درهم بتعوقه ولا شنو ما عارف العوارة الكتبتها دي ثانيا الله يسالك كدي بعد رقت و قريت الكلام دا تاني ما كرهت روحك و خجلت ليها! مصيبة لو ما خجلت وفاكر انو دا الصاح كدا! عشان كدا أنا شكّيت في عمرك زي ما قلت ليك, عشان دي عوارة لا تصدر عن من تخطّى الأربعين عمرا ووعيا - أو مفروض كدا! بعدين ياخي انسى لي الناس ديل و اعتبر نفسك لاعب معاي راس, مافي داعي كل مداخلة و التانية تتشكّى و تتبكّى ليهم ما فضّل ليك غايتو إلّا تضرب الروراي و تكورك الحقوني! وهم ما ماشينن ينفعوك بي شي, انكرب وشيل روحك براك النكتة بتقول - بتصرف - الما شالته عدته الكافيار ما بشيله خخخخخخ
قلت لي خربت عليك البوست! يا راااجل, انظر طيب للنص المليان, البوست بعد ست فيديوهات يادوب عمل 114 مشاهدة بما فيهن حقاتك انت لي رقبتك انا نكته ليك من قاع الصفحة واهو اخد راو و شعبية و جاب ليك الشباب! ثم هل سمعت بكما تدين تدان؟ أو لا تنه عن فعل وتأتي مثله! وما شابه عرفتها بايخة كيف الدخلة عرض وشمال في بوستات الناس حاجة تانية,, انت يا ببّا يا شبه المربّى اوعى تكون فاكر سلفي دي شتيمة مثلا أو كدا اها النقوم على النادي وبجيك تاني بالليل اونّسك واتونّس بيك شوية
Post: #31 Title: Re: أغنيات عربية ياما أطربتنا في الغربة Author: عبد الصمد محمد Date: 11-14-2018, 07:56 PM Parent: #30
أيوى سلفي شتيمة عندي وفهمي إنه أن تختار موقعك في هذا الزمن العصيب من عمر السودان في خندق السلفية شتيمة وخيانة وأكتر من ذلك كمان وأرتكبت باسمها خيانات وسفكت دماء مش لو جملتها بماشي النادي ولّا معجب بالبوشي في خطبته العصماء ضد الطاغية بالله عليك أرجع لمداخلاتك التي لا زالت محفوظة وتهجمك على الشرفاء وإتأمل
Post: #32 Title: Re: أغنيات عربية ياما أطربتنا في الغربة Author: محمد البشرى الخضر Date: 11-14-2018, 08:39 PM Parent: #31
Quote: وإتأمل
وتأمّل !!! يا كافي البلا حس موسيقي ساي مافي ينبّهك لشتارة وصعوبة نطق الهمزة المكسورة في بداية الكلمة!! انت فاتح بوست اغاني للشهرة ساي ولاّ شنو بي شتارتك دي خخخخخخخ ما علينا, قلت لي سلفي شتيمة عندك! طيب مشّيناها كدا! هي عندك انت ولا يعني هذا سوى انّها عندك انت فقط ولا تعني للآخرين نفس الفهم ومشّي كمان افتراضك انّي سلفي من الاساس! طيب بأي منطق يا ببّا يا علب المربّى انت افترضت انّي السلفي دا اجمّلها و أتضارى منّها ! ليه ما اعتبرتني سلفي معجب بسلفيتي و لا اخجل منها! يا سيدي لا تحكم على الناس بعين طبعك, ولا تعتبر ان كل الدنيا معقّدة زيّك او شهادة عربية كحالك وما كل البورداب قايمين بجهلم كما انت! قلت لي ارجع لمداخلاتي البتهجّم فيها على الشرفاء! شرفاء! انت يا حبّة لسّة رابط سوفتوير التسعينات ولاّ شنو؟ كدي اديني نموذج للمداخلات دي اصلك ما شاء الله بتحفظ لغاية تمانية سنة لا ورا :) وبعدين اربط لي النموذج بقصة السلفية - حقيقة اثرت فضولي عايز اعرف ح تلايقها كيف وبياتو منطق - او عدمه - وبياتو فهم - او قلته!
Post: #33 Title: Re: أغنيات عربية ياما أطربتنا في الغربة Author: عبد الصمد محمد Date: 11-14-2018, 11:01 PM Parent: #32
يا ود البشرى شوية إرتفع للمستوى البحاورك بيه نحن مافي روضة بقول ليك إنه إتخاذك موقع سلفي بيضعك وجه لوجه مع مجابهة كل ضحايا التحالف الضلامي الجاثم على صدر الوطن من 1989 ياخ قول إني غلطان وإنك من مناصري القوى الديمقراطية العلمانية وهنا لازمك إعتذار على الملأ أو إستمر متضاري بالنادي والضحكونجية وبوستات لفت النظر والمشاترات يعني زول بيناقشوه نقاش جاد يرد يا ببّا يا علب المربىّ انت قايل نفسك في بوست الجماعة إياهم (ناسك) ولا شنو ؟
