|
Re: البلد محتاجة رئيس وزراء تاني (Re: حمد عبد الغفار عمر)
|
معتز موسى من جاء معلق في السيولة والجنيه والدولار ناسي انو في بلاوي تانية لحدي ما لقاها كلها قدامو خبز وغاز ووقود صحيح انها مرتبطة بالسيولة لكن تنظيم ما هو موجود والبحث عن بدائل التمويل دي كلها مسئوليات وزير المالية وفوق ليهو رئيس الوزراء نخلي معتز رئيس وزراء السيولة ورئيس وزراء تاني يشوف باقي المشاكل
| |
|
|
|
|
|
|
Re: البلد محتاجة رئيس وزراء تاني (Re: Arif Nashed)
|
ده زول دجال ساي .. سيولة شنو البحل مشكلتا ، عارف كويس الحاصل جوة خليهو عليك الله ، ما يسمعوك يقومو يجيبو اللمبي تاني .. تخيل يا حمد يكون ضَرّتو اللمبي طاحونة و مره مجنونة ، مع انو الطاحونة ذاتا لحقانة جدي
| |
|
|
|
|
|
|
Re: البلد محتاجة رئيس وزراء تاني (Re: Abdullah Idrees)
|
كيفك يا عبدالله سبب المشكلة اصلو ما ممكن يكون جزء من حلها الناس ديل بقى عندهم سعر للدولار يلفوا ويدوروا كدا عشان يستولوا على اخر دولار مع الناس حالفين يمسوا يخلوها صفرية. اللمبي عندو حلول نظرية مفروض يبقوا رئيس يا طمبجا يا طمبجا المهم بوصلنا لي لنتيجة في النهايةهههههه
| |
|
|
|
|
|
|
Re: البلد محتاجة رئيس وزراء تاني (Re: صديق مهدى على)
|
سلاام حمد معتز ليس استثناء وهو امتداد لمنظومة فساد واستبدال وقد نقلت الاخبار صراعه مع قوش الذي تدخل فيه البشير بدوافع علاقته مع وليد فايد المطلوب يا صديق نظام جديد بذهابالانقاذ ومعها البشير ومعتز وكل العصابه
| |
|
|
|
|
|
|
Re: البلد محتاجة رئيس وزراء تاني (Re: حسن ادم محمد العالم)
|
سلام يا حمد الزول دا من يوم ما جاء ما عمل اى شئ فى اقتصاد الدولة والاعجب الدولار كل يوم فى ارتفاع اليوم 58 ج الزول دا لا قدر بكبح جماح الدولار ولا قدر يرخص لينا قفة الخضار . عشان كدا الزول دا يبعد من المالية ويروح يعك هنا فى رئاسة الوزراء زى ماهو عايز ؟ ياخ الشهر الفات بداية شهر عشرة قال الكلام دا والناس استبشرت خير :
Quote: أعلن رئيس مجلس الوزراء معتز موسى وزير المالية، يوم الأربعاء، عن انتهاء أزمة شح السيولة بالصرافات الآلية اعتباراً من يوم السبت القادم بعد التزام البنك المركزي بتغذية تلك الصرافات بشكل يومي.
وقال الوزير في تغريدة له على موقع التواصل الاجتماعي “تويتر”: “كنت قد وعدتكم من داخل بنك السودان قبل حوالى أسبوعين بحل مشكلة النقود في غضون 80 يوماً. سعدت باتصال الأخ المحافظ وتأكيده لي أن الصرافات الآلية كافة سيتم تغذيتها بالنقود على مدار الساعة اعتباراً من السبت القادم 13 أكتوبر بإذن الله… إلى الأمام”.
وكان البنك المركزي قال، الثلاثاء، إنه ملتزم بتوفير الأوراق النقدية (الكاش) لعدد من المصارف التجارية، ابتداءً من يوم الأربعاء، لغرض شراء النقد الأجنبي من الجمهور.
وأشار لاستمراره في توفير الأوراق النقدية تباعاً وبصورة يومية لبقية المصارف. |
واليوم وبعد شهر كامل يقول:
Quote: #شبكة_سودان_ناو
*أكد الإبقاء على الدعم الحكومي معتز موسى: أزمة الخبز ستنتهي اليوم وسنعيد أموالاً هائلة للمصارف خلال أيام* |
| |
|
|
|
|
|
|
Re: البلد محتاجة رئيس وزراء تاني (Re: دفع الله ود الأصيل)
|
هلا حسن العالم
Quote: المطلوب يا صديق نظام جديد بذهابالانقاذ ومعها البشير ومعتز وكل العصابه |
طبعا دا المطلوب بس نحن بنحاول ونتمنى قبل الذهاب يحققوا أي نجاح يخفف عنهم العذاب بس عندهم قصور ذاتي مانعهم نهائي إنو يعملوا حاجة لمصلحة البلد الغريبة أي واحد يحس ببوادر فشل يرميها في الشعب المسكين دا وهم عارفين إنو أسباب الفشل في منظومتهم وما يحكمها من مراكز قوى تضرب بعضها بعضا
| |
|
|
|
|
|
|
Re: البلد محتاجة رئيس وزراء تاني (Re: حمد عبد الغفار عمر)
|
مرحب علاء عايز أعمل اقتباس عملت ارسال هههههههه
Quote: الكضاب دا الا يكتبوا فى جبهتوا كضـــــــــــــــــاب
|
الكضب ماركة مسجلة في الانقاذ والكضب بجيبو الطموح غير المدروس الدعم من أعلى السلطة لا يكبح جماح المتنفذين العايشين في الظل . اقتصاد البلد معروف ممسوك وين ومضروب من منو وهو ما بقدر يهبش الحتات دي لو عايز ينجح يبدأ من فوق
| |
|
|
|
|
|
|
Re: البلد محتاجة رئيس وزراء تاني (Re: حمد عبد الغفار عمر)
|
هلا أبوالريش
Quote: البلد محتاجة بلد تاني.
أما بخصوص الدولار ..... أسمعوا كلام الخبير الإقتصادي ود الباوقة. قال ليكم راخيين ليهو الحبل عشان يوصل 100 ... وبي كده يسهل عليهم (تقطيعه)
|
والله ديل لو دوروا في التقطيع صعبين
ودالباوقة عايزو يحصل مئتان وليس مية واحدة أسألني منو أنا
| |
|
|
|
|
|
|
Re: البلد محتاجة رئيس وزراء تاني (Re: حمد عبد الغفار عمر)
|
مرحب أب سن
Quote: قال ما بنفع هو يجيب السيولة والمواطن يسحب ويخزن التقول المواطن بسحب في قروش الحكومة ؟ المواطن بسحب في قروشو حقتو . وهو بقرا يوماتي عن تسويات بملايين الدولارات
|
منطق غريب هم عايزين الناس تدخل قروشا البنوك وما تسحب؟ حركة القروش دي كانت منسابة بشكل جيد براهم قاموا يطبزوا أهو النتيجة جاتهم في محلهم
ود الجبل قال الدولار دا ما تهبشو زي الياي بنط طوالي
| |
|
|
|
|
|
|
Re: البلد محتاجة رئيس وزراء تاني (Re: حمد عبد الغفار عمر)
|
مرحب ودالأصيل يا أصيل
طيب انتو ما في فيض من النعم مشكلتكم شون طيب؟
تعرف نحن لسه فينا بقايا ذاكرة قديمة لما كان موجود في السودان لكن مشكلة السودان الحالية لا يحس بها إلا من يكابدها ممكن أفهم زول ما يكون عندو دخل بس زول عندو قروش ولا يتحصل عليها هنا المحِنة ربنا يكون في العون
| |
|
|
|
|
|
|
Re: البلد محتاجة رئيس وزراء تاني (Re: Asim Ali)
|
هلا عاصم علي انا محتار ، حكومة تحرر الاقتصاد وتحرر سعر الصرف وتمسك السيولة النقدية هسه دا تبع ياتو نظرية عايز مباراة مفتوحة مافي داعي تدس الكورة عايز تلعب بدفاع المنطقة ما عندك غير تقفل بالتأميم وايلولة كافة النشاط الاقتصادي للحكومة سواء كان تجاري او صناعي او زراعي او خلافه
| |
|
|
|
|
|
|
Re: البلد محتاجة رئيس وزراء تاني (Re: حمد عبد الغفار عمر)
|
قالو سمين نقول يامين. زحمة من حمر النعم؟! طبعن، لأنكم في بلادي برة و إيدينكم معطونة في الدهن للگوع.و نحنا بجاي خامجين البحر طحينة بإخفاقاتٌ بُطُولِيَّةٌ (Heroic Failures) !! [} عاملين أضان الحامل طرشا لأننا شغالين بنظريات مُنَوِّمة زي : ( كلو زول عاجبو الصارو) و الجعران في أمو فراشة ) و لكن لعل البعض منا فقط و قليلٌ ماهم ، ربما له عينان ثاقبتان كزرقاء اليمامة ليرى ما لايراه الأخرون بالعين المجردة فى ذات الصورة و المشهد.كما يلفتنا عمنا حساس محمد حساس إلى صورٍ نمطيةٍ مقلوبةٍ عقباً على رأسٍ اليقين(Up-side -down), و ليس راساً على عقب. باعتبار أن هذه الأخيرة تمثل وضعاً طبيعياً تماماً ،في نظري شخصياً. و لعله من هنا تحديداً، تبدأ (قلبنة) الأوضاع.
[} من هنا نود توجيه عناية أولئك الذين يغالون في محدنا دوبيتاً وسجعاً بقافية (نحنا و نحنا) إلى جدلية أن المطلوب من كل مادح أن يتحلى و لو بحدٍ أدنى من الأمانة ، و ليفتح الدفتر من دفته اليسرى . ثن ليقرأ بأم عينه أنه كم هو عجيب أمرنا و أمر ما يجري لنا و أظرط و ألعن منه أن ندري ، و لكن قد لا ندري ي أننا ندري.
[} ياخ بقينا رو حنا مگركرة الواحد يشاكل ضلو، يقوللو : يازول أختاني خيرليك؛ أگان قبلت عليك علا بعدؤنك يفرزونا باللباسات. صرنا نتوجس خيفةَ أن نضغط بالغلط على «نجمة» فنشيل لينا «نغمة» فتعود علينا وبالاً و (نقمةً) لأن الذي سوف نشيله هي النغمة السائدة في بلدنا الحبوب هذا في زماننا هذا تقوللك بكل فخر : نحنا و نحنا كرمنا نيرانو بتوقد قج و نحنا و نحنا سعنا بلبن الطيور بنخج و نحنا و نحنا بنقنص النجم البنوّر صج و نحنا ونحنا بنفقه الدود البكاتل رج **** نحنا نسبنا من نسب الرسول مالخينو ونحنا وشينا بي وسم الكرم شالخينو نحنا قلبنا بي دم الأسد جالخينو نحنا بلا فخر جلد النمل سالخينو **** نحنا الليدنا جوادة وطبيعة كريمة نحنا شيمنا لي شيم الصحابة غريمة نحنا شكرنا مو عركة رجال وجريمة نحنا الدود نعلقوا ونسولو صريمة فشوف ليك بالله، جنس بوبار .!!!
| |
|
|
|
|
|
|
Re: البلد محتاجة رئيس وزراء تاني (Re: دفع الله ود الأصيل)
|
مرحبا استاذة نور عادل كلر قال زمان امو عندها حلل قيزان ما بتزلن من راس الدولاب الا للموت لما تقول نزلوهن معناها الزول الراقد دا بموت بموت فقال هسه السودان حقو ينزلو ليهو القيزان ديل صحيح السودان به من الموارد ما يكفيه ولكن لا بد من ذهاب هؤلاء ووجود حكومة جديدة مع دعم خارجي حتى يتم استغلال هذه الموارد
| |
|
|
|
|
|
|
Re: البلد محتاجة رئيس وزراء تاني (Re: حمد عبد الغفار عمر)
|
يا ابو الريش انا مرة حضرت فيلم هندي كان فيهو بطلين وعصابتين وحبيبة واحدة اي بطل متفرغ لعصابة ههههه في النهاية بعد انتهوا من العصابتين دورت بيناتهم وحجزتهم الحبيبة عشان ما يطلع واحد مهزوم بعدها الثلاثة كل واحد مشى في اتجاه ههههه
| |
|
|
|
|
|
| |