في تويتر الطالبة(مها) من السعودية تسأل عن طبيب سوداني اسمه سمير كان قد عالجها و هي طفلة..
Post: #2 Title: Re: رسالة مناشدة مؤثرة و عرفان من طالبة سعودي� Author: محمد عبد الله الحسين Date: 11-05-2018, 09:54 PM Parent: #1
صورة ناصعة من حفظ الجميل.. سأحاول نقل الرسالة من تويتر
Post: #3 Title: Re: رسالة مناشدة مؤثرة و عرفان من طالبة سعودي� Author: محمد عبد الله الحسين Date: 11-05-2018, 10:07 PM Parent: #2
رسالة (مها)المرسلة لحساب هاشتاق السودان في تويتر: السلام عليكم.أتمنى أن تساعدوني .أنا مها من السعودية.أبحث عن دكتور سمير كان بيشتغل بمستشفى الدوادمي ما بين عام 2004-2005 زبس ابي اوصل له كلام و أنا كلي أمل أني بحصله من حسابكم. (مريضتك مها بنت الخمس سنوات التي بقيت بجانبها طوال ثلاث أيام بلياليها بينما انتظر الأطباء الآخرين موتي. بلغت الآن تسعة عشر عاما انت سبب دخولها للطب) شاكرة له جدا( صورة قلب) لم انساه من دعواتي يوماً.. انتهت رسالة مها.. من يعرف د. سمير يخبره
Post: #4 Title: Re: رسالة مناشدة مؤثرة و عرفان من طالبة سعودي� Author: صلاح عباس فقير Date: 11-06-2018, 05:35 AM Parent: #3
نبضة إنسانية مؤثرة! ورصيد يومي من الدعوات الصادقة، بختك يا دكتور سمير!
شكراً دكتور محمد.
Post: #5 Title: Re: رسالة مناشدة مؤثرة و عرفان من طالبة سعودي� Author: Ahmed Yassin Date: 11-06-2018, 06:34 AM Parent: #4
لم تذكر ان جنسيته (سوداني)
Post: #6 Title: Re: رسالة مناشدة مؤثرة و عرفان من طالبة سعودي� Author: سفيان بشير نابرى Date: 11-06-2018, 06:44 AM Parent: #5
Quote: لم تذكر ان جنسيته (سوداني)
هادم اللذات و مفرتق الجماعات ياخ كان تخلينا نتعوض نفسياً ساااااي فقر انت أفقر من ود البشرى
Post: #7 Title: Re: رسالة مناشدة مؤثرة و عرفان من طالبة سعودي� Author: محمد الشيخ أرباب Date: 11-06-2018, 06:48 AM Parent: #6
هو طبيب سوداني ..... تابع بقية التغريدات
Post: #8 Title: Re: رسالة مناشدة مؤثرة و عرفان من طالبة سعودي� Author: Ahmed Yassin Date: 11-06-2018, 06:52 AM Parent: #6
اههههههههههه ممكن ببساطة يا سفيان البنت دي تمشي مستشفى الدوادمي (حتى ما نعرف اذا كان العام) او مستوصف خاص المهم تمشي تسأل وحتعرف اذا كان موجود او سافر او اعتزل وممكن عن طريق موقع المستشفى تتحصل على رقم الغفير والمدير واذا ما لقت .. ربنا يتقبل دعاها باذنه تعالى وخليني اديك دي عشان اقضى ليك (احي) املك نهائيا اول حاجة اسم (سمير) دا زاتو ما منتشر في السودان
Post: #9 Title: Re: رسالة مناشدة مؤثرة و عرفان من طالبة سعودي� Author: محمد عبد الله الحسين Date: 11-06-2018, 07:24 AM Parent: #8
ههههههههه.... لذيذين الاثنين...
Post: #11 Title: Re: رسالة مناشدة مؤثرة و عرفان من طالبة سعودي� Author: tabaldy Date: 11-06-2018, 07:39 AM Parent: #9
سلام عليكم
Quote: (سمير) دا زاتو ما منتشر في السودان
كيف ما منتشر ياخ امسك عندك مرض سمير وسمير بتاع مستشفى اركويت ولا الصحافة ما عارف زمان وسمير بتاع اتحاد الكورة وسمير ود جيراننا (قول لي برضو ما بتعرفو)
تحياتي
Post: #10 Title: Re: رسالة مناشدة مؤثرة و عرفان من طالبة سعودي� Author: صلاح عباس فقير Date: 11-06-2018, 07:30 AM Parent: #8
حتى لو ظهر إنو ما سوداني، يظل العرق الإنساني نابض بالتقدير، لا هادم لذات، ولا مفرتق جماعات.
تحياتي سفيان وأحمد ياسين.
Post: #12 Title: Re: رسالة مناشدة مؤثرة و عرفان من طالبة سعودي� Author: Ahmed Yassin Date: 11-06-2018, 07:45 AM Parent: #10
اهههههههههه والله يا صلاح عباس انت تحفة فنية
Quote: كيف ما منتشر ياخ امسك عندك مرض سمير وسمير بتاع مستشفى اركويت ولا الصحافة ما عارف زمان وسمير بتاع اتحاد الكورة وسمير ود جيراننا (قول لي برضو ما بتعرفو)
تحياتي
بعرفهم كلهم لكن سمير المرض دا ما عرفتو قصدك مرض حامد
Post: #14 Title: Re: رسالة مناشدة مؤثرة و عرفان من طالبة سعودي� Author: محمد عبد الله الحسين Date: 11-06-2018, 07:47 AM Parent: #12
انت يا احمد ياسين..المفروض تهت نفسك في لستة تعملها برااك...و تختار اسمها..
Post: #13 Title: Re: رسالة مناشدة مؤثرة و عرفان من طالبة سعودي� Author: دفع الله ود الأصيل Date: 11-06-2018, 07:46 AM Parent: #10
و ليه يا سمير ما جيتا .. حجبوكا و لا نسيتا!!
Post: #17 Title: Re: رسالة مناشدة مؤثرة و عرفان من طالبة سعودي� Author: Ahmed Yassin Date: 11-06-2018, 07:54 AM Parent: #13
ود الاصيل
Quote: و ليه يا سمير ما جيتا .. حجبوكا و لا نسيتا!!
ودي.. لابوصلاح يا سمــــــــيــر بنظرتك أوفي الميعاد العــــــــــــــــــيون الشافتك ما أسعدا من هواك أنا جسمي دائماً في ارتعاد أما نومــــــــــي الفرُ ما منظور يعـاد يكفي وجدي ويكفي هـــــجري والبعاد رق وجود وانظر لحـــــــالة قلبي عاد لو رضـــــــاك ينجز حظوظي يساعدا
Post: #16 Title: Re: رسالة مناشدة مؤثرة و عرفان من طالبة سعودي� Author: صلاح عباس فقير Date: 11-06-2018, 07:50 AM Parent: #10
Quote: ههههههههه.... لذيذين الاثنين...
أتفق معك يا دكتورهههه
Post: #15 Title: Re: رسالة مناشدة مؤثرة و عرفان من طالبة سعودي� Author: الزبير بشير Date: 11-06-2018, 07:50 AM Parent: #1
قال سمير ما منتشر في السودان جيب لي شعب غني ( سميري الرسموك في ضميري ) عندك سمير ابارو طبيب كبير عندك سمير غبريال استاذ الهندسة جامعة الخرطوم عندك سمير لاعب الهلال الفذ
التعديل خطأ في الكتابة
Post: #18 Title: Re: رسالة مناشدة مؤثرة و عرفان من طالبة سعودي� Author: محمد علي البصير Date: 11-06-2018, 08:01 AM Parent: #15
Quote: ممكن ببساطة يا سفيان البنت دي تمشي مستشفى الدوادمي
صدقني ممكن البحث عن الطبيب أسهل لها عن طريق تويتر من الذهاب للمستشفى محتمل جداً أن لا تكون عايشة في الدوادمي الأن ـ السعوديين مولعين بالتنقل لأماكن أخرى وربما دراستها تبعدها عن هذه المدينة أيضاً .
وألأهم من ذلك أن السعوديين أصبحوا يستعينوا بتويتر وكل وتطبيقات الميديا الحديثة على نطاق واسع جداً في قضاء كل حوائجهم
مع تحياتي أحمد يسن وأبو الزهور ـ وكل ضيوف البوست
Post: #19 Title: Re: رسالة مناشدة مؤثرة و عرفان من طالبة سعودي� Author: دفع الله ود الأصيل Date: 11-06-2018, 08:20 AM Parent: #18
Quote:
ودي.. لابوصلاح يا سمــــــــيــر بنظرتك أوفي الميعاد العــــــــــــــــــيون الشافتك ما أسعدا من هواك أنا جسمي دائماً في ارتعاد أما نومــــــــــي الفرُ ما منظور يعـاد يكفي وجدي ويكفي هـــــجري والبعاد رق وجود وانظر لحـــــــالة قلبي عاد لو رضـــــــاك ينجز حظوظي يساعدا
أحمد ياسين يا فنان ياخي،،، سمير الروح قلبي سميرو - صلاح بن البادية -
Post: #20 Title: Re: رسالة مناشدة مؤثرة و عرفان من طالبة سعودي� Author: Ahmed Yassin Date: 11-06-2018, 08:20 AM Parent: #18
الزبير بشير
Quote: قال سمير ما منتشر في السودان جيب لي شعب غني ( سميري الرسموك في ضميري )
وبرضو ﻣﺴﺎﺀ ﺍﻟﺨﻴﺮ ﻳﺎ ﺍﻷﻣﻴﺮ ﻳﺎ ﺍﻟﺤﺒﻚ ﺷﻐﻞ ﺍﻟﻀﻤﻴﺮ ﻏﻴﺮﻙ ﻣﺎ ﻟﻲ ﺳﻤﻴﺮ ............ يا الخيالك صار لي سمير
--- ويا سميري هووووي هوووووووووي
Post: #21 Title: Re: رسالة مناشدة مؤثرة و عرفان من طالبة سعودي� Author: Ahmed Yassin Date: 11-06-2018, 08:26 AM Parent: #20
اهلا اهلا ودالبصير
Quote: محتمل جداً أن لا تكون عايشة في الدوادمي الأن ـ السعوديين مولعين بالتنقل لأماكن أخرى مع تحياتي أحمد يسن وابو الزهور ـ وكل ضيوف البوست
ابو الزهور منو ؟
Post: #22 Title: Re: رسالة مناشدة مؤثرة و عرفان من طالبة سعودي� Author: Ahmed Yassin Date: 11-06-2018, 08:29 AM Parent: #21
يا سلام يا ود الاصيل عليك ياخ الاغنية بصوت صلاح بن البادية جات في وقتها الحيرني .. انت اشمعنى اخترت صلاح دا مع انه اتغنت بواسطة اكتر من اربعة فنانين
Post: #23 Title: Re: رسالة مناشدة مؤثرة و عرفان من طالبة سعودي� Author: عثمان علي Date: 11-06-2018, 08:31 AM Parent: #20
Quote: ويا سميري هووووي هوووووووووي
دخل السينما. الله يرحمك يا زيدان. إزيكم اجمعين😆😆
Post: #24 Title: Re: رسالة مناشدة مؤثرة و عرفان من طالبة سعودي� Author: دفع الله ود الأصيل Date: 11-06-2018, 09:46 AM Parent: #23
Quote: يا سلام يا ود الاصيل عليك ياخالاغنية بصوت صلاح بن البادية جات في وقتهاالحيرني .. انت اشمعنى اخترت صلاح دا مع انه اتغنت بواسطة اكتر من اربعة فنانين
سؤالك زاتو في محلو تامام يا ود ياسين، و ممكن نجاوبك بإنو الدم (بيحن). فأخوك زول ضهاري، و (ابن البادية) دا كان لقبي لحدي قريبات دي . بس بدلناه رجعنا للاسم الحقيقي عشان سياسة البورد هنا. و كدا.
Post: #25 Title: Re: رسالة مناشدة مؤثرة و عرفان من طالبة سعودي� Author: محمد الشيخ أرباب Date: 11-06-2018, 09:52 AM Parent: #15
دكتور سمير شاهين اخصائي العظام
Post: #26 Title: Re: رسالة مناشدة مؤثرة و عرفان من طالبة سعودي� Author: Ahmed Yassin Date: 11-06-2018, 10:02 AM Parent: #25
دفع الله ود البادية اصلا انا من زمان شاكي فوقك.. راسك دا ما ساهل
Quote: سؤالك زاتو في محلو تامام يا ود ياسين، و ممكن نجاوبك بإنو الدم (بيحن). فأخوك زول ضهاري، و (ابن البادية) دا كان لقبي لحدي قريبات دي . بس بدلناه رجعنا للاسم الحقيقي عشان سياسة البورد هنا. و كدا.
Post: #27 Title: Re: رسالة مناشدة مؤثرة و عرفان من طالبة سعودي� Author: MOHAMMED ELSHEIKH Date: 11-06-2018, 10:16 AM Parent: #26
اها كمان في واحدة دفعة اسمها سميرة . تعال غالطني. تغالتو الزول في حلمو يا اشباح.
يعني تجي تقول للشبح دا امبارح حلمت بأني في الطريق الى جهنم بس (قلت) كدى صحيت .
يقول لك كضاب او يقول لك اثبت لي ( يعني تفتش ليك رابط تجيبو ليهو)
انا لله ياخ
Post: #28 Title: Re: رسالة مناشدة مؤثرة و عرفان من طالبة سعودي� Author: دفع الله ود الأصيل Date: 11-06-2018, 10:24 AM Parent: #26
أتاريك عشان كدا ما جبتنا معاك في (كرتلة) أشنا البوردلابمع إني بالجد كنت قافل عليك عديييل قلنا طالماود أبسن اتغاتت علينا ، طفشنا من جنتو و سقطا، فأكيد ود ياسين ح يختنا وش ع يكفا بينا العين و يكطع الخميرة من هذا المنبر، حيث بنبر من لا بنبر له .
Post: #29 Title: Re: رسالة مناشدة مؤثرة و عرفان من طالبة سعودي� Author: علي الكرار هاشم Date: 11-06-2018, 10:53 AM Parent: #28
للذين لا يعجبهم الجمال يعنى واحدة عمرها 19 سنه تنشر في هاشتاق السودان تبحث عن شخص حيكون جنسيتو شنو يعنى...سنغافوري؟؟؟؟؟؟ غايتو جنس حب للموت وجلد الذات
الاطباء وكل الكوادر السودانية بالخليج ابدعوا في صنع صورة ذهنية ممتازة جدا جدا ودكتور سمير واحد منهم\ له التحية اينما كان
Post: #30 Title: Re: رسالة مناشدة مؤثرة و عرفان من طالبة سعودي� Author: علي الكرار هاشم Date: 11-06-2018, 10:53 AM Parent: #28
للذين لا يعجبهم الجمال يعنى واحدة عمرها 19 سنه تنشر في هاشتاق السودان تبحث عن شخص حيكون جنسيتو شنو يعنى...سنغافوري؟؟؟؟؟؟ غايتو جنس حب للموت وجلد الذات
الاطباء وكل الكوادر السودانية بالخليج ابدعوا في صنع صورة ذهنية ممتازة جدا جدا ودكتور سمير واحد منهم\ له التحية اينما كان
Post: #31 Title: Re: رسالة مناشدة مؤثرة و عرفان من طالبة سعودي� Author: يحي قباني Date: 11-06-2018, 11:45 AM Parent: #30
Quote: عندك سمير غبريال استاذ الهندسة جامعة الخرطوم
الزبير الختمي
نعزيكم و انفسنا فقد انتقل الى جوار ربه البروف سمير ابراهيم غبريال يوم امس الأول ..
العلامة ... استاذ الكهرباء و الاتصالات ...
تم فصله للصالح العام !!! و هو من اندر علماء مادته التي كان يدرسها في جامعة الخرطوم ...
لم افهم حتى تاريخه ما هو الصالح العام في فصل من هم في علمه و قدراته ...
رحم الله البروفيسور سمير غبريال بقدر ما اشاع العلم و بعدد من تتلمذوا على يديه ...
Post: #32 Title: Re: رسالة مناشدة مؤثرة و عرفان من طالبة سعودي� Author: عثمان علي Date: 11-06-2018, 11:55 AM Parent: #25
خرجت من شندى وأنا طبيب إمتياز فى التاسع عشر من اكتوبر 1983 وعدت اليها فى السادس والعشرين من فبراير 2009 لحضور فعاليات المؤتمر السابع والثلاثون لجمعية الجراحين السودانيين وكان موضوع المؤتمر «حوادث الطرق، الوقاية والتدبير» الذى اقيم بكلية الطب جامعة شندى. وجدت أهلها همَّ همَّ، البشاشة .. الترحاب .. الكرم والجود ودق النحاس، لم يتأثروا بالعولمة التى صارت الشماعة التى نعلق عليها مظاهر الإنفلات الإجتماعى. ترحيب من البروفيسور عبدالغفار مدير الجامعة والدكتور يحى فضل الله نائب المدير وبروفيسور العميرى عميد كلية الطب. ولأن سيد القوم يذكر آخرهم فالترحيب أيضا كان من الوالى البروفيسور أحمد مجذوب وصديقى القديم السيد على عبدالله وزير التربية والسيد جعفر بانقا معتمد شندى والوزير الأستاذ محمد الشيخ مدنى رئيس مجلس جامعة شندى. وأخيراً وليس آخراً طلبة كلية الطب الذين كانوا شموساً وهم يمثلون شمسة (SHAMSA) وهذه الكلمة اختصار لرابطة طلاب كلية طب شندى. خرجت من شندى وكنت طبيب الإمتياز الوحيد مع ثلاثة إختصاصيين وأربعة أطباء عموميين بمستشفى صغير يعمل كالنحلة، ورجعت اليها وبها مستشفى المك نمر الجامعى وكلية طب ومئات الطلاب ونشاط طلابى اكاديمى وفنى متميز وعشرات الأكاديميين والأطباء. وللحقيقة أقول شهدت شندى طفرة علمية أكاديمية ضخمة. كل من التقيناه يُرجِع الفضل بعد الله تعالى لأستاذى البروفيسور على برى مؤسس وأول مدير لجامعة شندى و معه كوكبة من رجالات شندى الذين آلوا على أنفسهم حمل التكليف فجزاهم الله خير الجزاء. خرجت من شندى والبنطون ينقل الحالات الحرجة من الغرب للمستشفى مصحوباً بصياح للريس « يا ريس زائدة ... ياريس نزيف .. تشخيصاً للحالة وحثاً للريس للإسراع بالبنطون لنقل الحالة الحرجة، وعدت اليها وكوبرى المتمة كما فى الصورة عند الغروب وقد شارف على الإنتهاء ويتوقع افتتاحه فى أعياد الإنقاذ إن شاء الله.التحية لجمعية الجراحين التى خرجت بنا لربوع شندى لنرى التطور والنماء والتحية لأهل شندى ولإدارة جامعة شندى وهنياً لهم بكوكبة الطلاب الذين شاهدناهم و قد أخجلونا بحرصهم على خدمتنا وراحتنا. أما عن المؤتمر وتوصياته فلنا عودة. د.سمير شاهين رئيس قسم جراحة العظام كلية الطب جامعة الخرطوم
Post: #33 Title: Re: رسالة مناشدة مؤثرة و عرفان من طالبة سعودي� Author: محمد عبد الله الحسين Date: 11-06-2018, 12:01 PM Parent: #32
بالمناسبة علي عبدالله هذا شقيقي..
Quote: .....وصديقى القديم السيد على عبدالله وزير التربية.....
و تحياتي لجميع المتداخلين.
Post: #34 Title: Re: رسالة مناشدة مؤثرة و عرفان من طالبة سعودي� Author: محمد علي البصير Date: 11-11-2018, 11:51 AM Parent: #33
