الصادقون

Post: #1
Title: الصادقون
Author: أبوذر بابكر
Date: 11-05-2018, 12:33 PM
Parent: #0

11:33 AM November, 05 2018
سودانيز اون لاين
أبوذر بابكر-
مكتبتى
رابط مختصر
فى شان الغناء الصادق حقا

منابع الصدق القدسى النميره

بلا ترتيب يذكر
فكل نبع يكفى العالمين بمنحه
ويسقى الأرض و ما عليها بمتحه

حسين بازرعة
عوض أحمد خليفة
محجوب سراج
عمر الطيب الدوش
التجانى سعيد
هاشم الصديق
محمد عثمان كجراى
أبو آمنة حامد

سننهل من فرات كل نبع
شربة لا تظما الروح بعدها ابدا

وموعدنا السقيا

===============
نشر الموضوع من قبل فى سودانيزاونلاين بتاريخ
18/4/2017

Post: #2
Title: Re: الصادقون
Author: أبوذر بابكر
Date: 11-05-2018, 12:35 PM

محمد طه القدال
محمد الحسن سالم حميد
ازهرى محمد على

Post: #3
Title: Re: الصادقون
Author: أبوذر بابكر
Date: 11-05-2018, 12:36 PM

ثلة الصادقين ديل
هى أبلغ دليل وأعلى إثبات على بطلان مقولة الأعراب الممعنة فى الافتراء والبتقول

أعذب الشعر اكذبه
الجماعة ديل ولو شلنا من كل واحد مش قصيده واحده أو اغنية واحده
لكن لو شلنا بيت واحد فقط ممكن نعلق بيه لافتة عريضة وعنوان كبير وإعلان فخيم و هتاف عميم بقول

أجمل الشعر اصدقه

و أكاد أجزم وعلى يقين اقول

انه كل كلمة طلعت ونبتت واخضرت منهم
كانت معطونه بصدق بائن ومضئ

ما كان مجرد نظم
بل خلق بديع وجميل

وصادق

وكل نص عنده بواعث اصيلة طلع بيها للناس

ما كان مجرد نظم ابدا

Post: #4
Title: Re: الصادقون
Author: أبوذر بابكر
Date: 11-05-2018, 12:38 PM

كل اغنية نتجت عن تجربة حياتية حقيقية

مافى واحد من هؤلاء الصادقين
قعد وقال عايز اكتب نص غنائى متخيل
وغير موجود

ولما تندغم الموهبة والملكة الشعرية العالية مع الصدق النبيل
حتما بتستولد وتخلق وتدى ابداعات زى

انا والنجم والمساء
عاهدتنى
قصتنا
شجن
المصير
عشقتك وقالو لى عشقك حرام
أجمل ايامى
بعد الصبر
مات الهوى
يا ليالى القمر

ده جزء يسير و وجيز من تجليات صدق بازرعة

Post: #5
Title: Re: الصادقون
Author: أبوذر بابكر
Date: 11-05-2018, 12:40 PM

عشرة الأيام
يا غاية الآمال
صدقينى
خاطرك الغالى
لو كنت ناكر للهوى
يا اغلى من عيني واحلى من ابتسامى
دنيا المحبة
ما خلاص نسيتنا وخليتنا
يا ربيع الدنيا

وما أدراك ما عوض أحمد خليفة

Post: #7
Title: Re: الصادقون
Author: محمد على طه الملك
Date: 11-05-2018, 12:54 PM
Parent: #5

سوف ابقى على صفحتك كالعادة ممتنا ومستمتعا بسيمافونية عروضك لهذه الاعمال الخالدة ..
وما ستضيفه وتضفيه عليها من اخيلتك الرطبة .

Post: #8
Title: Re: الصادقون
Author: أبوذر بابكر
Date: 11-05-2018, 01:01 PM
Parent: #7

سيد الحضور الملكى

سيدنا العالى جد جد

كيفنك ياخ وإن شاء الله طيب وشديد و سعيد

تعرف لى فترة بكتب من الموبايل
ونفسى والله انزل ولو نموذج واحد مسموع هنا
لكين اخوك يعانى من الامية التقنية، خصوصا مع استعمال التلفون فى الكتابة

شكرا ليك يا زول يا سمح

Post: #6
Title: Re: الصادقون
Author: أبوذر بابكر
Date: 11-05-2018, 12:50 PM

محجوب سراج

صدق العشق، صدق الاحساس وصدق البوح

ثم حقيقة الأسى

مين قساك
كين قسى قلبك
ايه نساك
يا ناسى حبك

بداية الألم و استهلال الحزن المضنى الفتاك

ومع جريان وفيضان الخيبة يتشكل ويتجدد و يتمدد طمى الحزن الحقيقى

ما بغيرنى صدودك عنى
وما بحولنى نفورك يوم
سيب نيران الشوق تحرقنى
واملا ليلى على هموم

ما مهم جفاء ثم ابتعاد ثم فقد المحبوب فى اخر حكاية العشق الفتاك
لكين بى تحت تحت كان محجوب يذبل و يتلاشى و يموت تحت وطاة الفقد

و امعانا فى التظاهر بقوة و جلد غير حقيقى
يكتب

انت لو فكرت تتذكر غرامك
تطرى ماضيك البعيد
برضى زيك كنت عاشق
وكانت ايام عمرى عيد

وفاتت الاعياد عليك يا محجوب وعمت العتمة فجج الروح و استعمرت الوحشة مفاوز عقلك الوضئ المبدع

وهل العشق الا الموت ؟

Post: #9
Title: Re: الصادقون
Author: محمد على طه الملك
Date: 11-05-2018, 01:31 PM
Parent: #6

الموضوع بسيط افتح الفيديو واضغط على زر المواس اليمين
بتظهر لستة بعدد من الاكواد
اضقط على الكود نمرة 3 في اللستة وتعال الصق في البوست واعمل ارسال .

Post: #10
Title: Re: الصادقون
Author: محمد على طه الملك
Date: 11-05-2018, 01:35 PM
Parent: #9

اما النقل من الموبايل فدي شغلانة دايرا اهلها

Post: #11
Title: Re: الصادقون
Author: محمد على طه الملك
Date: 11-05-2018, 01:47 PM
Parent: #10

Post: #12
Title: Re: الصادقون
Author: أبوذر بابكر
Date: 11-05-2018, 06:53 PM
Parent: #9

مشكور كتير يا ملك
على ابو عفان البديع صحبة شجن بازرعة الفريد

الطريقة دى بعرفها فعلا
بس فى حالة الشغل ب اللاب توب
لكين من الموبايل يخربنى يا يابا

هههه

Post: #13
Title: Re: الصادقون
Author: أبوذر بابكر
Date: 11-06-2018, 10:43 AM

الدوش
عمر الطيب

اطيب من الصدق
واصدق من المطر

الود المقيم
والحزن القديم

وساقية مدوره تسقى العباد و تطمن البلاد

دايرين سعاد ؟
كايسين سعاد ؟

ما عليكن غير

تكتبوا العنوان بخط ممشوق وواضح

و تحذروا اللحظ البيضحك وهو جارِح

مُرْكَب على الله ويلأّ نجتاز الحدود

الدوش الصادق حد الفضيحه الساطعة
الدوش الواضح زى النصيحه اللامعه

بطلع من اى شى وبمرق من اى شى

من الواطا ومن الغابة ومن جيوب الاغنيات و خدود القصائد

بمرق مننا

صادق زى الموت

Post: #14
Title: Re: الصادقون
Author: عباس محمود
Date: 11-06-2018, 10:54 AM
Parent: #13

سلام يا أبوذر الله يبارك فيك ياخي بقدر ما قاعد تدينا من كل الجمال اللي في بوستاتك
وعلى زكر الراحل عمر الطيب الدوش عليه الرحمة

بناديها وبعزم كلّ زول يرتاح على ضحكة عيون فيها
واحلم اني في اكوان بترحل من مراسيها
عصافيرنبتت جنحات وطارت للغيوم بيها
مسافر من فرح لي شوق ونازل في حنان ليها
أغني مع مراكب جاتوراها بلاد حتمشيها
واحزن لي سفن جاياتوما بتلقي البلاقيها
بناديها
مشكور ألف مرة ياخي

Post: #15
Title: Re: الصادقون
Author: أبوذر بابكر
Date: 11-06-2018, 02:17 PM
Parent: #14

ازيك يا عباس
واريت حالك سعادة و عافية ياخ

بنحاول نحمع و نلقط جمال الناس السمحين ب الجد
نتجمل بيه و نجمل الفجه

بنادبها دى حديقة كاملة والله يا عباس من الكلام العجيب والمعانى العالية العميقة

معاها و مع الدوش بنحلم بكل مافى الاكوان من جمال و صدق

شكرا على جيتك المعطرة

Post: #16
Title: Re: الصادقون
Author: أبوذر بابكر
Date: 11-07-2018, 01:47 PM

التجانى سعيد

سيدى احمد التيجانى سعيد محمود
محمود فى الشعر ومحمود فى الصدق

صحيت فى نفس الدنيا الوجود
ورجعت لعيون العالمين النهار

بميعاد و من غير ميعاد

وكل الطيوب الحلوه يا مولانا
نابعه منك وماليه كل الامكنه

رحلت وجيت
ورحلنا معاك وجينا
وانت مافى فعلا كل الارض اكيد منفى موحش و معتم

وانت غائب حتما حيتوارى الصدق
وتضمحل المشاعر الحقيقية

دمت صادقا و عاليا

Post: #17
Title: Re: الصادقون
Author: أبوذر بابكر
Date: 11-08-2018, 12:40 PM

هاشم صديق

وصادق
صدق فواح
يخرج من بين صلب الدهشة و ترائب التفرد

حروف اسمه
جمال فال الدنيا كلها
وراحة بال تسكنك بدون استئذان وانت بتعاين لاساور الطفلة القاعد تحفظ فى كتاب الدين

او طلة الوردة و متاوقتها من فوق السور

وفرحة صادقة تستعمرك وتحتل فجج حواسك كلها زى

زفاف العشاق بعد فرقة، وسط باقات معطرة من دعا الطيبين

هو فى اطيب منك ؟

وعن كلامك للحلوه

و غنا الفارس الخت الصورة فى اطار ريدو

صادق يا هاشم
و مدهش و سمح لامن تعشرق حلق النشوة

و
فى الليالى
نجم بلالى

تشرق و تضوى وتملا الواطا باخضرارك العميم

وابداعك الهميم

Post: #18
Title: Re: الصادقون
Author: Ahmed Yassin
Date: 11-08-2018, 01:15 PM
Parent: #17

ابوذر
مجرد الدخول هنا .. تصيبك حالة من حالات الصدق المستعصية
Quote: انا والنجم والمساء
عاهدتنى
قصتنا
شجن
المصير
عشقتك وقالو لى عشقك حرام
أجمل ايامى
بعد الصبر
مات الهوى
يا ليالى القمر

ده جزء يسير و وجيز من تجليات صدق بازرعة

مات الهوى: صلاح احمد محمد صالح

Post: #20
Title: Re: الصادقون
Author: أبوذر بابكر
Date: 11-08-2018, 01:39 PM
Parent: #18

احمد ياسين

ازيك يا ميوزيشن يا فنان

أيوه
فعلا مات الهوى من صدق صلاح احمد ود الرئيس

صلاح بحكى بصوته و يضحك من المفارقة اللطيفة

قال من اغرب الاشياء، سنة 1952 طلعت ليه اسطوانتين اتنين

مات الهوى
و
اهواك

اهواك احمد المصطفى

انت عارف يا ابو حميد

بكون بس عشان زحمة الصدق الجميل فى غناء بازرعة و ابو عفان، بكون رسالة على الصدق

الغريبة نفس الطعم العجيب عند بازرعة و صلاح

Post: #19
Title: Re: الصادقون
Author: Osama Siddig
Date: 11-08-2018, 01:21 PM
Parent: #17

الشفيف "أبو ذر"

ما وددت أن "أخرب تسلسل أفكارك" و لكن هلا سمحت لى باضافة:

الصادق الرضى "غناء العزلة ضد العزلة"
عبدالرحيم أبو ذكرى "أيها الراحل فى الليل وحيدا"

لك صادق الود....

Post: #21
Title: Re: الصادقون
Author: Ahmed Yassin
Date: 11-08-2018, 02:20 PM
Parent: #19

عارف يا ابوذر .. شوف العالم دا قول قبل 100 سنة فيهو كم فنان .. كم اغنية كم فرقة كم موسيقى؟
تسمع الدنيا دي كلها.. وتدخل لايف فيل هارموني فينا .. برضو عثمان ودالحسين دا يكون ساكن جواك
من يوم ما عمل (قالب) الفراش الحائر كان روح التجديد وكسر اي قانون غير قابل للتطور وكان التجديد
ولا زال ذلك الفراش يطير حوالينا ويطوف على عيوننا وقلوبنا

في شجن كل كلمة يا ابوذر عبارة عم كوبليهان محببة تلامس الروح بشجنها
وفي شجن بتعرف معنى الروح الاصيلة والبعد الانساني والصدق العميق لدى عثمان/ بازرعة

Post: #23
Title: Re: الصادقون
Author: أبوذر بابكر
Date: 11-09-2018, 07:56 AM
Parent: #21

صباحك خير يا احمد
بتوقيت امدرمان

قبل فترة انا كتبت موضوع عن عثمان حسين الملحن
ولسه مصر على انه ابوعفان ملحن عبقرى بالجد
وجاب رؤى لحنيه ما مسبوقة، غير الموهبة العالية الفريدة الفياضة
ابوعفان مبدع استثنائي

Post: #22
Title: Re: الصادقون
Author: أبوذر بابكر
Date: 11-08-2018, 08:55 PM
Parent: #19

اسامة صديق
إزيك ياخ و كيفنك

بالعكس والله
جيتك فتحت مسارب الحبور
وفاضت وديان عطور

بالنسبة ل اضافاتك السمحة
عن الرضى و ابو ذكرى

تعرف
القصد من الكلام هنا، هو صدق الشعراء المغنيين، اسياد الصدق المموسق و المسموع عند الناس
اما لو جينا لباقى الشعراء الصادقين فعلا وشعرا
فاكيد حنحتاج ل مجرة كاملة من الكتابة

هل تصدق يا اسامة انه فى نوع من الشعراء، بجيهو زول و يقول ليهو

عليك الله يا استاذ، عايزك تكتب لى اغنية
والشاعر يقول ليهو عايزها كيف

وتتعمل الاغنية و تتصنع و تتغنى

وهناك بازرعة يقول

يا رؤى البحر اشهدى
هاهنا كان موعدى
هاهنا كان مقعدى

اتخيل عليك الله

Post: #24
Title: Re: الصادقون
Author: أبوذر بابكر
Date: 11-09-2018, 05:05 PM

محمد عثمان محمد صالح

اللقب: المحارب
المحارب بلغة السبدرات فى شرق السودان هى

كجراى

اختار الشاعر اللقب بلغته الأم و بدا يكتب وينشر اعماله به

وهل اصدق انسانا من المحارب ؟

قلبه أخضر
ولسه فى ريعان شبابه

صدق باهر
مع محمد عثمان وردى و مع ابراهيم حسين

نفس التماهى و ذات السريان النمير

يخاصم يوم ويرجع يوم
ويعذبنا بى ريدو
ويتحدانا يوم يزعل
يقول اقدارنا فى ايدو

و

مافى داعى تقولى مافى
يا الربيع فى عطرو دافى

طابت روحك ايها المحارب الصادق

Post: #25
Title: Re: الصادقون
Author: أبوذر بابكر
Date: 11-09-2018, 05:11 PM

محمد عثمان محمد صالح

اللقب: المحارب
المحارب بلغة السبدرات فى شرق السودان هى

كجراى

اختار الشاعر اللقب بلغته الأم و بدا يكتب وينشر اعماله به

وهل اصدق انسانا من المحارب ؟

قلبه أخضر
ولسه فى ريعان شبابه

صدق باهر
مع محمد عثمان وردى و مع ابراهيم حسين

نفس التماهى و ذات السريان النمير

يخاصم يوم ويرجع يوم
ويعذبنا بى ريدو
ويتحدانا يوم يزعل
يقول اقدارنا فى ايدو

و

مافى داعى تقولى مافى
يا الربيع فى عطرو دافى

طابت روحك ايها المحارب الصادق