Post: #1
Title: هل الرجال عينهم زايغة ولا النسوان سمحات
Author: محمد عمر محمد
Date: 11-02-2018, 10:44 PM
10:44 PM November, 02 2018 سودانيز اون لاين
محمد عمر محمد-السودان
مكتبتى
رابط مختصر دائما ماكنت اخوض نقاشات ساخنة مع ام العيال علي شاكلة ان زوغان العين دا مكون رئيسي من المكونات الفيسولجية للرجل حين تضبطني متلبسا بالتحديق في احداهن وهي تمشي الهوينا كما النسيم يعني اي رااااجل في الدنيا دي مستحيل يشوف امرأة جميلة الا وينظر اليها وانوالموضوع دا ماقلة ادب ولا تقليل من شأن الزوجة والا الراجل دا فيهو خلل..وراجلك حرم لا فيهو شق ولا طق ولكن للاسف تركيبة عقل المرأة وطريقة تفكيرها ترفضان تقبل هذه المسألة ممايؤدي الى الوقوع في المشكلة والبيتان مع الاولاد في الغرفة التانية ...اخبرتها يوما ما حين لحظة كنت ذاهب العقل فيها بأن النساء ديل حاجة جميلة جدا يعني واحدة من نعم الله علينا وانها خلقت فقط لتبهر الرجل وتسعده فاجابتني بأن هذا تقليل من شان المرأة وان المرأة لها كل الحقوق مثل الرجل ولكني رفضت هذا الدفع الذي ساقته واخبرتها بعد ان اكملت باقي (النص ) بان كل شئ في الحياة وجد لسبب مثل الشمس خلقت لتنير وتدفئ والهواء للتنفس والماء للحياة وغيرها من المخلوقات وهذه العلاقة السببية لا يمكن ان تكون تقليل من شأن المسبب كذلك المراة خلقت للسبب اعلاه وان الله زاتو قال ( زين للناس حب الشهوات من النساء ..) يعني الموضوع دا جبري ولا يخضع للتخيير ..عليه هل فعلا التحديق في الماشية والجاية دا قلة ادب زي ماتخبرني خصمتي ولا النسوان ديل سمحات ولا دا كلام سكر..؟؟ افتوني اثابكم الله عشان نوم الواطة عمل لي وجع ضهر
|
Post: #2
Title: Re: هل الرجال عينهم زايغة ولا النسوان سمحات
Author: محمد البشرى الخضر
Date: 11-02-2018, 11:33 PM
Parent: #1
ههههههههه
والله بتبالغ يا محمد عمر!
دي مواضيع بناقشوها في العلن كدا و بالبراءة دي كمان بتسال عايز الشورة !
|
Post: #3
Title: Re: هل الرجال عينهم زايغة ولا النسوان سمحات
Author: ترهاقا
Date: 11-03-2018, 02:36 AM
Parent: #2
Quote:
وراجلك حرم لا فيهو شق ولا طق ولكن للاسف تركيبة عقل المرأة وطريقة تفكيرها ترفضان تقبل هذه المسألة ممايؤدي الى الوقوع في المشكلة والبيتان مع الاولاد في الغرفة التانية . |
وماذا لو نظرت زوجتك لرجل آخر بإعجاب ؟ وقالت ده تفكير الرجال، ماذا انت فاعل يا صاح؟
|
Post: #4
Title: Re: هل الرجال عينهم زايغة ولا النسوان سمحات
Author: muntasir
Date: 11-03-2018, 05:58 AM
Parent: #3
ترهاقا يا صاح بعملوها لكن هم أحرف مننا ما بريلوا لكن بي ورانا بكونوا شغالين واي مهند وواي أحمد عز😂
|
Post: #5
Title: Re: هل الرجال عينهم زايغة ولا النسوان سمحات
Author: عبدالحفيظ ابوسن
Date: 11-03-2018, 06:03 AM
Parent: #4
يا منص الرك علي تحويل الريالة لي شنو كدة ما عارف
حاسر الرأس عند كل جمال معقولة لكن ما تحسر حاجة تانية
قالوا
البتضوق المحلات ما بشبعو ملاح واحد 😆😆
|
Post: #6
Title: Re: هل الرجال عينهم زايغة ولا النسوان سمحات
Author: muntasir
Date: 11-03-2018, 06:03 AM
Parent: #4
يا محمد انت خليك حريف بي طرف العين مش تشوف قُلبت قُلبت تمد لسانك 😎😒😛
|
Post: #7
Title: Re: هل الرجال عينهم زايغة ولا النسوان سمحات
Author: عبدالحفيظ ابوسن
Date: 11-03-2018, 06:08 AM
Parent: #6
تعديل
البتضوف الملحات
الملحات جمع ملاح وهو الادام
|
Post: #8
Title: Re: هل الرجال عينهم زايغة ولا النسوان سمحات
Author: muntasir
Date: 11-03-2018, 06:18 AM
Parent: #7
يا شيخ العرب انت قايل صفحة المنبرشات في الفيس ديل من آكلات الشاتو بريان ما ياهن ناس المِلحات ذاتن😂
|
Post: #9
Title: Re: هل الرجال عينهم زايغة ولا النسوان سمحات
Author: Kamal Alalla
Date: 11-03-2018, 01:57 PM
Parent: #1
زي ما قال ود البنا: جنني وعذبني وما عرفت السمحة يا تا
الموضوع دا ما عندو حل ولو عملت مثنى وثلاث ورباع زاتو
شوف ومتع روحك بس خليك حريف وغني مع العطبراوي:
نحن رواد الجمال اينما كان الجمال
حسبنا من هذه الدنيا كل جميل فيه فال
|
Post: #10
Title: Re: هل الرجال عينهم زايغة ولا النسوان سمحات
Author: جمال ود القوز
Date: 11-03-2018, 05:51 PM
Parent: #9
لك النظرة الأولى والتانية عليك ..
بس الأولى ما تطولها شديد لامن يكشفوا نومتك ..
خليها خطافية كده .. خخخخ ..
|
|