وكأنها كانت البارحة وانا اشب على اطراف الاصابع, صبيا لم يتخط العاشرة, ويتقافز القلب في قفصه الصدري مع ذاك الهدير وفرقة المريخ تدخل الميدان. لم يكونوا يدخلون للميدان ولكنهم كانوا يجتاحون الميدان بسرعات خرافية مع تعالي الهدير .. بالطول بالعرض مريخنا يهز الارض .. او ذاك الهتاف
اول من اتطلع اليه كان سامي عزالدين .. احسن زول في الدنيا بخت الكوره في سدرو وينزلها في الواطه و .. يرفع راسو !.. احتمالات عديدة .. الجيلي عبدالخير اجملها ثرووو باص ولا لي عبدالشيخ ساقطة وراء الباك؟! ام عرضية لي عمار خالد؟!
أي حاجة من الزمن الجميل زابطة يا مشرف...كفاية جبت لينا سيرة سامي و تلك الهتافات التي تحيا فينا.... اشعلت النار يا عمار....و سكسك و باكمبا و أبو عنجة....
اما الرشاشات....فنتمنى لهم - دائما - الانكسار و الذلة و نذكرهم بأن النحاس ما بوازن لي دهب شيبون
Post: #15 Title: Re: سأعود للمنبر لابشر بفوز المريخ .. Author: Dr. Ahmed Amin Date: 10-31-2018, 08:17 PM Parent: #14
Quote: وقد لا اعود كما هو مفهوم ولكنه اليقين الراسخ بأن المريخ العظيم كما الخيول الحرة (بجي في اللفة)
ياتو لفه دي يا دوكـ .. والله الا لفة الكلالكلة
كان كدي ما ظنيتكـ تاتي غدا لتبشــــر ...
Post: #16 Title: Re: سأعود للمنبر لابشر بفوز المريخ .. Author: Dr. Ahmed Amin Date: 10-31-2018, 08:19 PM Parent: #14
Quote: وقد لا اعود كما هو مفهوم ولكنه اليقين الراسخ بأن المريخ العظيم كما الخيول الحرة (بجي في اللفة)
ياتو لفه دي يا دوكـ .. والله الا لفة الكلالكلة
كان كدي ما ظنيتكـ تاتي غدا لتبشــــر ...
Post: #17 Title: Re: سأعود للمنبر لابشر بفوز المريخ .. Author: الحاج حمد الحاج Date: 11-01-2018, 06:08 AM Parent: #16
جوبا مالك علي..أنا اااا .. جوبا شلتي عيني أنا
أبوظبي مالك علي أنا اااا
ان شاء الله منتصرين يا دكتور.
Post: #18 Title: Re: سأعود للمنبر لابشر بفوز المريخ .. Author: الحاج حمد الحاج Date: 11-01-2018, 06:13 AM Parent: #17
حيدر الجقدلي من ظرفاء الشعبية و بحري و محب للعبة الحلوة..أيام سامي عز الدين (الله يرحمه) يوم المريخ لاعب ضد التحرير و في وسط التحرير يلعب ابن الشعبية الرشيد (حسكنيت) ، الجقدلي قابل الرشيد قبل المباراة قال ليهو: غايتو يا الرشيد الا يصرفوا ليكم قنايات الحلبي دا وقت يختها تحت رجلينو تاني الا بي قناية لكن قلع ما في زول بقدر يقلعها..رحم الله سامي عز الدين كان له ميزة الاحتفاظ بالكرة و الراس مرفوع للملعب و ميزة اراحة الكورة علي صدره كما ذكرت يا دكتور.
مشجعي المريخ اثناء المباريات الكورة تكون جايطة لما تصل سامي عز الدين يقولوا: يا داااب لقت راحتها.
Post: #19 Title: Re: سأعود للمنبر لابشر بفوز المريخ .. Author: MOHAMMED ELSHEIKH Date: 11-01-2018, 06:22 AM Parent: #18
واحد رشاشة في الواتس اب قال "والله الزناطير ديل في ابوظبي الا نديهم ثلاثية" ويقصد المريخاب.
رد عليهو رشاشة تاني:" ديل ما اسمهم الزناطير , ديل الدلاقين. الزناطير ديل نحن"
غايتو العارفو في قروب هلالاب ماشي الامارات .. ود اختي معاهم هلالابي .. قال لي التذاكر وكلو من القروب خشيت عشان عمنا ابن كوستي الجيلي عبدالخير .. من الاسر التي اشتهرت بالرياضة واللاعبين حتي الآن . اظن اولادو الاتنين لعيبة كورة
Post: #21 Title: Re: سأعود للمنبر لابشر بفوز المريخ .. Author: بدر الدين الأمير Date: 11-01-2018, 06:42 AM Parent: #20
تبشر شنو ياودحيدر المشرف غايتو اليوم داك انا وولدى امير حانعمل حسابنا ونطلب العشا من حوش السمك فرع الدوحة لاننا نبلاء ولانجهز على المهزومين ههههههه
Quote: وقد لا اعود كما هو مفهوم ولكنه اليقين الراسخ بأن المريخ العظيم كما الخيول الحرة (بجي في اللفة)
غايتو بكرة يامتنا من الضحك ياكمان الضحك كتلنا
Post: #24 Title: Re: سأعود للمنبر لابشر بفوز المريخ .. Author: علي دفع الله Date: 11-01-2018, 06:47 AM Parent: #21
بشر ولك الجنة يا صفوة
والعارف عزو مستريح او كما قال الوالي😂
Post: #22 Title: Re: سأعود للمنبر لابشر بفوز المريخ .. Author: Salah Zubeir Date: 11-01-2018, 06:44 AM Parent: #19
الله يستر عليكم من ود البشرى وحركتو الما ياها ديك ... انا غايتو ما عندي فهم في متابعة الكورة لكن بستني ود البشرى هنا بس .. التحيات محمد المشرف ...
Post: #25 Title: Re: سأعود للمنبر لابشر بفوز المريخ .. Author: Ahmed Yassin Date: 11-01-2018, 07:25 AM Parent: #22
كابتن المشرف والفرقة الموقرة واخرين انا اصلا بستغرب كيف المسلم البالغ العاقل الراشد يشجع الهلال ؟!!
Post: #26 Title: Re: سأعود للمنبر لابشر بفوز المريخ .. Author: Kamal Alalla Date: 11-01-2018, 09:15 AM Parent: #1
يا اخوانا ما ترحمونا من الفضائح المحمولة جواً في داعي هس العك الكروي بتاعنا نعمل ليهو مرقنبو قرنبو خلو الطايق مستور وبلاش منها المباراة دي .. المريخ والهلال في اسوأ مستوياتم غايتو الا كان يستمتعو بالتشجيع لكن كورة تك تحت تحت اتمناها حمرا
حاجة تفرح والله .. هذه الكوكبة من المريخاب التي ازدان بها البوست .. ولم يعكر صفوها حفنة الرشاشات ناس مين كده بهاء بكري الخ ..
اسم الصفوة لم يأت من فراغ .. انظر لوجهاء القوم, تعرف الصفوة
صديقة في الفيسبوك الاسبوع الفات كتبت نصيحة للناس البلقوا نفسهم فجأة وسط مجتمعات راقية ولمات ظريفة .. قالت ليهم في مواضيع يجب تجنبها .. وضربت مثل بفرفور واسحق فضل الله وربيع والهلال وما الى ذلك
Post: #31 Title: Re: سأعود للمنبر لابشر بفوز المريخ .. Author: الحاج حمد الحاج Date: 11-01-2018, 02:08 PM Parent: #29
واحد عمنا من الشعبية هلالابي موت ، يوم في مناسبة في ولد صغير يوزع في حلاوة (و كانت مغلفة باللون الأحمر)..عمنا قدموا ليهو الحلاوة..قال للولد: يا ولدي أنا الحمار دا في البطيخ ما بدورو جايب حلاوة حمرا ههههههههههههههههه
أجمل حاجة في الرياضة (و رغم كورتنا التعبانة) الماكيدات بين المريخاب و الهلالاب.
Quote: غايتو يا الرشيد الا يصرفوا ليكم قنايات الحلبي دا وقت يختها تحت رجلينو تاني الا بي قناية
هههههههه .. سامي ده كان لو داير يخت الباص ليك في نخرتك بختها ليك .. وكضاب البقلع منو كورة ..
كنت يا الحاج يا صفوة فترة كده بدخل الكورة جوه الميدان .. خط اللاين .. وكنت بسمع سامي لمن يهرش اللعيبة وحتى الحكام.. شخصيتو قوية جدا في الميدان ..
Post: #34 Title: Re: سأعود للمنبر لابشر بفوز المريخ .. Author: صلاح عباس فقير Date: 11-02-2018, 06:23 AM Parent: #33
م ح م أول ما شفتك عايد للتبشير بفوز المريخ، عرضت الأمر على نفسي: هل ممكن مجاراة م ح م، هل بقي شيء من النوستالجيا القديمة، لهلال مريخ؟ هل استطيع أن أقول له: بل سينتصر الهلال؟ *** حقيقة ما وجدت رصيد كافي، قلت: فلتكن مناسبة لاستعادة بعض الذكريات. *** ويبدو إنكم قربيين من الاستاد، نحنا كنا بنجي كداري من الشعبية بحري، لتمارين الهلال، وفعلاً كان عالم بنكهة تانية، ونظل طوال اليوم نستعيد ألق تلك اللحظات، إضافة إلى جمع صور اللاعبين، من الجرايد القديمة، أنا لأني كنت حارس مرمى، كان عندي ألبوم خاص بصور حراس المرمى المشهورين على مستوى العالم: ياشين الروسي، سيب ماير الألماني، وهلم جرّاً، لكن رغم أني كنت هلالابي، الطيب سند فرض عليّ الإعجاب به، الغريبة إلى الآن له في النفس مكان، *** الإبداع الكروي دليل على وجود جذوة الإبداع الكلي في نفس المبدع! *** إنت شكلك كنت حريف، وإنسايد هداف بالتحديد *** (ابتسامة)
Post: #35 Title: Re: سأعود للمنبر لابشر بفوز المريخ .. Author: محمد حيدر المشرف Date: 11-02-2018, 06:37 AM Parent: #1
نوستاجيا!!
نعم كلنا ذاك الرجل يا ص ع ف حقيقة لا اعرف من لاعبي المريخ الا التش والسماني .. وحضرت تلاته اربعة كور لهلال مريخ في السنوات الماضية ..
نشأت في حي البوسته امدرمان وتعويضات بيت المال .. الهلال عن يميني والمريخ عن يساري .. واخترت ذلك اليسار السوداني الحميم في اوساط عائلة هلالية بالكامل الا والدي واحد الاعمام .. وعلى قلتهم كانوا الاغلبية لزمان لسه
كان الزمان لسه ندي واشياءنا بسيطة جدا واجملها على الاطلاق باسطة الطيب سيد مكي بعد كل فوز للمريخ .. تصور!!
هي اشياء لا تشترى
Post: #36 Title: Re: سأعود للمنبر لابشر بفوز المريخ .. Author: حمد عبد الغفار عمر Date: 11-02-2018, 11:51 AM Parent: #35
المباراة دي ذكرتني مباريات كأس الدهب الاتنين والدحيش الذي اراه يتمثل امامي في وليد الشعلة
قدم الهلال شوط اول افضل من المريخ او اقل سوءا من المريخ واستحق الفوز في الشوط الاول ..
المريخ لا يتمتع بنوعبة جيدة من اللاعبين .. ولا يوجد اثر فني ملموس للتدريب .. بمعني لو دخل المريخ هذه المبارة بدون مدرب لما تغير الحال .. بل لو مرت فترة الاعداد بدون مدرب لما تغير شيئا ..
النوعية الجيدة من اللاعبين اعني بها لاعبين يتمتعون بالمهارات الاساسية في الكرة .. التمركز والاستلام والتمرير والعمل وفق تكتيكات جماعية مختلفة بالاضافة للثبات الانفعالي والذهني ..
اول مرة ارى المريخ بدون خط وسط متميز او جيد.. تأريخيا كان المريخ على الدوام يتمتع بخط وسط جيد جدا الى ممتاز .. اتحدث وحتى 5 سنوات قبل الانقطاع عن المشاهدة ..
لا يوجد في المريخ الان من هو بقامة ابراهومة على سبيل المثال .. يخلو الوسط من لعيبة بقامة باكمبا مثلا .. لا حتى راجي .. او السماني
تفاجأت بتواضع امكانيات التش .. البعد المهاري لاي لاعب محترف لا يكتمل الا بالحضور الذهني والبدني ..
سيف تيري متواضع جدا (اول مرة اشوفو) ولا يمكن ان يكون هذا مستوى لاعب في المريخ ..
دفاع المريخ حدث ولا حرج .. ولا توجد اطراف ..
عدد قليل من العكسيات .. وعلى قلتها باقدام المهاجمين حيث يفترض بهم استقبال العكسيات او يتبادلو الادوار بتقدم لاعب الوسط ..
وفق المعطيات .. سيزيد الهلال غلته من الاهداف .. بينما يكون تعادل المريخ وانتصارو من قبيل المفاجأت والحظ ..
😂😂😂 اها يا دوك قنعتا من خيرا" فيها ... ياخي ديل عيان بيعمل شنو كدا ما عارف لي ميت ... الفريقين يفتقدون لعيبة الكرة ... والله البوستات التعملت هنا كتيرة عليهم ولا يستحقونها ...
التمركز والثبات الذهني والانفعالي ومهارات الكرة الاساسية .. لو توفرت هذه الاساسيات لما احرز لاعب المريخ الهدف الهلالي ..
لو توفرت هذه الاساسيات لاحرز المريخ في الشوط الثاني 3 اهداف ..
لو كان سيف تيري بعرف يتمركز للكره لاحرز تلك الرأسية .. ولاحرز المريخ هدفا في الدقيقة 92 من انفراد لاعبين لا يتطلب الا التمرير للاعب التاني او في حالة تحرك الحارس وضعها في الشباك بكل سهولة ..
ولاحرز التش هدفا لو كان يتمتع بخضور ذهني بجانب مهاراته ..
سيبقى عشق المريخ مقيما في الروح وحتى آخر رمق .. عشق الاحمر الوهاج .. التاريخ والقادم الذي نتمنى ان يكون افضل
مفروض دا العنوان بالله اعمل معروف تاني المريخ دا لو ﻻعب تمرين ما تجي تبشرنا اها كدة كويس؟ بى دي كم مرة؟؟ كجيتتا ياخ والله انا من قريت بوستيك دا عرفت انه انحنا حننضرب وفي اخر الثواني...وحصل شايفك . بقيت تلولو....لو كان عكس ولو كان وقف زي التاس وضرب هد بالراس
Post: #49 Title: Re: سأعود للمنبر لابشر بفوز المريخ .. Author: كمال عباس Date: 11-03-2018, 01:44 PM Parent: #48
عاد ( عاد من وين ؟ وهو مشي وين وكان وين؟ ) عاد ليبشرنا بفوز المريخ - وإنتهي أمره مبشرا بهزيمته المحمولة جوا ! بل ويعتبر أن ( تعادل المريخ وانتصارو من قبيل المفاجأت والحظ ..) ! إلا أنه قد صدق حينما قال ( الخيول الحرة (بجي في اللفة)! تجي في اللفة بعد خصم نقاط الفيفا وبعد فورة الأندروس المريخية في الشوط الثاني لمبارة الأمس ! *صدق حينما قال ( الخيول الحرة (بجي في اللفة) ولكنه نسي أن يقول العرجاء لي مراحها والنسي وصافته ( تقرأ قديمه) تاه ! ثلاثة أعوام لم يتذوق فيها الوصيف الدائم طعم الفوز بالبطولة الكبري بالسودان ! * إنتهي ومع هذا يردد بعض - مقولات مزمل أبو القاسم ويرددونها كما يردد بعض السلفية مقولات شيوخ الكتب الصفراء ! الصفر الدولي - وكأنما قد أمتلأت خزائن المريخ بكؤوس بطولات مسابقة الأندية الأفريقية لامجردكأس صدفة وحظ في بطولة أفريقية ثانوية وهامشية ! كأس - مضي عليه أكثر من ربع قرن من الزمان ! ياأخي الإسماعيلي يعد أول فريق مصري يفوز ببطولة أفريقية ومع هذا إندثر وإنتهي أمره اليوم ! أصحي يابريش ! * الصفوة وهو توصيف آخر مضحك لمزمل - ! وهو تعويض نفسي - لاأكثر ! يقال في مواجهة حقيقة أن الهلال هو الأكبر جماهيرية والأكثر شعبية ! وهو نادي الحركة الوطنية والطلائع المثقفة والمتعلمة وهو أغلبية - وسط هولاء كما هو أغلبية وسط الجماهير الشعبية وغمار الناس وعامتهم ! أغلبية هنا وأغلبية هناك ! نحي الأخ محمد المشرف - في غير الرياضة السودانية !
