Post: #1
Title: تشيد مطار الخرطوم!؟؟
Author: زهير عثمان حمد
Date: 10-19-2018, 02:51 PM
Parent: #0
02:51 PM October, 19 2018 سودانيز اون لاين
زهير عثمان حمد-السودان الخرطوم
مكتبتى
رابط مختصر الخرطوم-الاحداث نيوز
ترجمة-غسان يوسف
تبدأ شركة الانشاءات التركية في بناء اكبر مطار في السودان مطلع العام المقبل وبحسب ما قاله سليم بورا رئيس الشركة
ان الشركة ستضع حجر الاساس لمطار الخرطوم الدولي في الربع الأول من عام 2019 وسيكتمل بناءه في اقل من 36 شهرا.
وذكر بورا أن المشروع الثلاثي المراحل يساوي 1.15 مليار دولار.
سيتم بناء محطة بسعة 6 ملايين فرد (سنوياً) كمرحلة اولية، الى جانب جميع خدمات البنية التحتية ومدارج المطارات وساحات المطار".
وستصل سعة المطار السنوية إلى 9 ملايين فرد في المرحلة الثانية و 12 مليون فرد في المرحلة الثالثة.
واضاف: ان المشروع الذي تم تطويره على أساس نموذج البناء والتشغيل والنقل هو الآن في مرحلة التصميم.
وأشار إلى أن المطارات في القاهرة وأديس أبابا هي في الوقت الحالي أهم المطارات وأكثرها فعالية في قارة افريقيا".
|
Post: #2
Title: Re: تشيد مطار الخرطوم!؟؟
Author: جمال ود القوز
Date: 10-19-2018, 03:00 PM
Parent: #1
الاتراك التجارب معهم مريرة لانهم بيكونوا جايين بعقود فيها سمسرة ...
شغلهم مافيهو التزام ... شوف بالله كبري الدباسين ده ..
وكان لطريقة التعاقد في المطار الجديد تستغرب من الطريقة العجيبة دي ..
عاملين زي صاحبنا عنده ارض في موقع مهم جدا ..
اتفق مع شركة تبني هي وتقعد 10 سنة نظير يستفيد هو من المباني ..
بعد ال 10 سنة لقى نفسه خسران والمباني الموجودة لاتساوي الكثير ,,
ده غير سوء استغلالها وطريقة التشطيبات الزبالة الاتعملت ..
الاتراك حيبنوا ليك مطار يمشيهم لامن يمرقوا حقهم ..
بعد داك بتكون عندك خرابة إلا شوية ..
يايكون عندك قروش تبني مطار ..
يا كمان مافي داعي للبهدلة والبشتنة ..
شغل الفايص ده جرا هوا بس ..
|
Post: #3
Title: Re: تشيد مطار الخرطوم!؟؟
Author: عثمان علي
Date: 10-19-2018, 04:15 PM
Parent: #1
المجاري راح يكون وضعها كيف؟
راح يكون التصريف في بحر ابيض؟ ولا المخطط شامل لمحطة معالجة؟
ولو شامل محطة معالجة، موقعها وين؟
عشان الناس المفكرة تسكن جهة المطار الجديد، لازم تنتبه لموقع سكنها من موقع محطة معالجة الصرف الصحي (ان وجدت)، وتتخير المواقع عكس اتجاه الهواء عشان الريحة، وربنا يعينهم علي البعوض.
وعموما، تجربة التشييد كانت ناجحة مع الانجليز والصينيين والكوريين والرومان حسب البنيات التي اسسوها في السودان.
صادفت تركي بياع في محل شاورما في بلد الاغتراب. علمت منه انه شارك في تشييد كبري الحلفايا. كان سائق ترلة تراب. كانت يوميته اربعمائة دولار. بيحضر في اليوم دور تراب واحد. ترك العمل بعد اربعة شهور لأنو القرّاص (النمتي) جننو.
|
|