ياحكومة السودان وشعبه يجب تكريم الامير توفيق عيسي مكي 🌷🌷🌷

Post: #1
Title: ياحكومة السودان وشعبه يجب تكريم الامير توفيق عيسي مكي 🌷🌷🌷
Author: محمد المسلمي
Date: 10-16-2018, 04:47 AM

04:47 AM October, 15 2018
سودانيز اون لاين
محمد المسلمي-
مكتبتى
رابط مختصر
توفيق عيسي مكي وشقيقه الواثق اعضاء هنا في المنبر ولكنهم من الذين لهم بصمات
في رواج السيارات الكورية في السودان وقد كان لهم السبق في ذلك عبر شركتهم
مكي العالمية

Post: #2
Title: Re: ياحكومة السودان وشعبه يجب تكريم الامير تو
Author: محمد المسلمي
Date: 10-16-2018, 04:48 AM
Parent: #1

في نهاية التسعينات كان سعر السيارة كريسيدا موديل 96 وهي اخر موديل كان
70 مليون جنيه. سوداني كان قيمة الجمرك للسيارة الواحدة مبلغ وقدره ثلاثون
مليون وكانت البكاب هايلوكس هو وسيلة الناس في الركوب من راسمالية
ومزرارعين وغيرهم من اهل السودان من ضمن هجرة الواثق عيسي مكي كوريا
الجنوبية واستقر فيها وأسس الشركة مع شقيقه توفيق في السودان وقاموا
بشحن سيارات كوريا للسودان ومن هنا كانت بداية الشهرة لجودة السيارات
والمنتجات الكورية التي تفوقت علي الياباني واصبح قيمة الكرسيدا يجيب
اكثر من ثلاثة او اربع سيارات في المنزل الواحد الاب وبقية الاسرة كلهم
اصبحوا يقود ا سيارات حقيقية قوية قليلة الوقود

Post: #3
Title: Re: ياحكومة السودان وشعبه يجب تكريم الامير تو
Author: محمد المسلمي
Date: 10-16-2018, 04:49 AM
Parent: #2

التحية للأمير توفيق عيسي مكي وشقيقه الواثق حيث ماكانوا

Post: #4
Title: Re: ياحكومة السودان وشعبه يجب تكريم الامير تو
Author: MOHAMMED ELSHEIKH
Date: 10-16-2018, 05:34 AM
Parent: #3

و الله اكان كدى ارفع القبعة للامير توفيق واخيه الواثق

تحياتي لكم

Post: #5
Title: Re: ياحكومة السودان وشعبه يجب تكريم الامير تو
Author: صديق مهدى على
Date: 10-16-2018, 05:46 AM
Parent: #4

قبعة يا شيخ يا مشجع الانقاذ والمريخ بس محتاج لجرعة فسيخ

Post: #6
Title: Re: ياحكومة السودان وشعبه يجب تكريم الامير تو
Author: MOHAMMED ELSHEIKH
Date: 10-16-2018, 05:48 AM
Parent: #5

المريخ عرفناه

الأنقاذ مالها ؟عيبها لي؟؟

ادينا فيها فرصة ان شاء الله شهرين ونزوق.

حمد الله على السلامة يا صدقي

Post: #7
Title: Re: ياحكومة السودان وشعبه يجب تكريم الامير تو
Author: Hassan Makkawi
Date: 10-16-2018, 06:08 AM
Parent: #6

Quote:
توفيق عيسي مكي وشقيقه الواثق اعضاء هنا في المنبر ولكنهم من الذين لهم بصمات
في رواج السيارات الكورية في السودان

شوف حكومة كوريا وشعبها
يمكننننن يكرموك

Post: #8
Title: Re: ياحكومة السودان وشعبه يجب تكريم الامير تو
Author: ود الباوقة
Date: 10-16-2018, 06:34 AM
Parent: #7

التحية لهما

وبالتوفيق

بارك الله فيك شيخي المسلمي

🌹

Post: #9
Title: Re: ياحكومة السودان وشعبه يجب تكريم الامير تو
Author: محمد المسلمي
Date: 10-16-2018, 06:51 AM
Parent: #1

Quote: و الله اكان كدى ارفع القبعة للامير توفيق واخيه الواثق

تحياتي لكم
الباشمهندس محمد الشيخ سلام يااخوي ولعلك بخير ومشكور للمشاركة توفيق والواثق عملوا الكثير من اجل الوطن ولكنهم لم يجدوا منه الا النكران وينبغي للدولة والشعب شكرهم علي جهدهم وعملهم الذي نشهد عليه

Post: #10
Title: Re: ياحكومة السودان وشعبه يجب تكريم الامير تو
Author: محمد المسلمي
Date: 10-16-2018, 06:52 AM
Parent: #1

صديق مهدي حمدلله علي سلامتك وشاكر رفع البوست

Post: #11
Title: Re: ياحكومة السودان وشعبه يجب تكريم الامير تو
Author: محمد المسلمي
Date: 10-16-2018, 06:54 AM
Parent: #10

حسن مكاوي. سلامات توفيق هناك براه وهنا غير شاكر مرورك ونعتبره مشاركة في الاحتفال به

Post: #12
Title: Re: ياحكومة السودان وشعبه يجب تكريم الامير تو
Author: محمد المسلمي
Date: 10-16-2018, 06:55 AM
Parent: #11

المجاهد ود الباوقة لعلك بخير وشايف الامور ماشة في تحسن

Post: #13
Title: Re: ياحكومة السودان وشعبه يجب تكريم الامير تو
Author: Deng
Date: 10-16-2018, 06:58 AM
Parent: #12

محمد المسلمي

أنت وأميرك المضروب أختشوا.

Post: #14
Title: Re: ياحكومة السودان وشعبه يجب تكريم الامير تو
Author: ود الباوقة
Date: 10-16-2018, 07:59 AM
Parent: #13

شيخي المسلمي

ابشرك في 2019

الاقتصاد حا يكون على مايرام

باذن الله

وشكرا

Post: #15
Title: Re: ياحكومة السودان وشعبه يجب تكريم الامير تو
Author: Hassan Makkawi
Date: 10-16-2018, 08:02 AM
Parent: #13

Quote:
توفيق هناك براه

عذراً مسلمى
ظننت ان صاحب اليوست هو توفيق نفسو "بيعملا"
تحياتى

Post: #16
Title: Re: ياحكومة السودان وشعبه يجب تكريم الامير تو
Author: ود الباوقة
Date: 10-16-2018, 08:09 AM
Parent: #15

اجتهد في موضوع التكريم شيخي المسلمي

وانا التزم بشحن المكسرات

وشكرا

Post: #17
Title: Re: ياحكومة السودان وشعبه يجب تكريم الامير تو
Author: Deng
Date: 10-16-2018, 08:14 AM
Parent: #16

Quote:
شيخي المسلمي

تشخ في لباسك

Post: #18
Title: Re: ياحكومة السودان وشعبه يجب تكريم الامير تو
Author: ود الباوقة
Date: 10-16-2018, 08:24 AM
Parent: #17

شيخي المسلمي

بعدهم طوالي نكرم الزغلباني دينق

انا علي المشك

وبربار قال ملتزم بي برميل مريسة

و4 جركانات كجمورو

سرعة

Post: #19
Title: Re: ياحكومة السودان وشعبه يجب تكريم الامير تو
Author: Deng
Date: 10-16-2018, 09:35 AM
Parent: #18

Quote: المجاهد ود الباوقة

الجهاد الوحيد الذي نعرفه لهذا الدجال هو جهاده في مطاعم الرياض.

Post: #20
Title: Re: ياحكومة السودان وشعبه يجب تكريم الامير تو
Author: kamal omer
Date: 10-16-2018, 09:44 AM
Parent: #19

غايتو يا ود المسلمي إتا بتقنطر ود الباوقة و الجماعة يجو يشوتو
و الغريبة مرات برااااهو يجي يكوم التراب و يخت الكورة هههه

Post: #23
Title: Re: ياحكومة السودان وشعبه يجب تكريم الامير تو
Author: محمد حمزة الحسين
Date: 10-16-2018, 02:45 PM
Parent: #20

شيخي المسلمي ذكرتني في التسعينات ونحن طلبه كنا في زيارة للبروفسور مدثر التنقاري في منزله بحي كوبر شمال سينما كوبر ...
البروف كان رئيس مجلس أمناء هيئة رعاية الطالب المنتج وهو منظمه طلابيه تهتم بتشجيع الطالب للعمل في (Gap) يومه الدراسي ...
وهو نظام معمول به في بلدان العالم المتقدم وقد كان لنا شرف تدشين هذه المنظمه والعمل من خلالها لخلق فرص وتشجيع طلاب كثُر ،
للدخول في عالم العمل الحر المنتج لتخفيف أعباء خلقها تراجع الدعم بعد التفات الدوله لتطوير التعليم العالي وترك مهمة رعاية الطالب لجهات أخري...
بغض النظر عن نجاحهها او فشلها في ذلك ...
الجدير بذكره في هذه الزيارة لبروف تنقاري وجدناهـ داخل لتوهـ من زيارة لأقاربه يمتطي سيارة كوريه كانت ماركة TICO فالرجل كنا نعرف حبه للمارسيديس 123وفخره بها وتمجيدها
وسرد سيرتها الذاتيه من لدن ذهابه للدراسات الماجستير والدكتوراه بألمانيا ومرافقتها له فما كان من أمين المنظمه حينها الدكتور علي مختار إلا أن غازله قادحاً في شكل مدح لسيارته الجديدهـ
وأظن كل الظن ان وصفها بالترتارهـ ...
فخذلنا الرجل بكيل المدح لمخطوبته الجديدهـ التيكو سرعتها وسهوله قيادتها (هايدروليك) واسبيرها الرخيص وتوفيرها إقتصادياً وأظن كان الجالون يكفي لتسعين كيلو غير الرسيرف...
وهي مهمه في هذا الزمن المزدحم والغالي والكثير المشغوليات وحينها بداءت تنتشر العربات الكوريه بانواعها المختلفه وكان يتم إقتنائها كبديل إقتصادي للمناسبات الإجتماعيه والأسريه ..
مع الإحتفاظ بالألماني والياباني للبرستيدج ...
لكن ما أذكره كان المورد شركة جانديل أظنها الآن تحولت لشركة الأطلسي لتوريد السوبارو والديهاتسو والكور اليابانيات ...
:
:
:
:
توفيق دا يا شيخ المسلمي ما عندنا ليهو حاجه ،،،
زمنو كولو يشتم في ناس الضهاري والآن جاء يبحث عن ناس الضهاري لتقوية إنتماءهـ ودعمه للترشح للرئاسه
مع التحيات لله الزاكيات .

Post: #21
Title: Re: ياحكومة السودان وشعبه يجب تكريم الامير تو
Author: محمد المسلمي
Date: 10-16-2018, 01:09 PM
Parent: #1

دينق اختشي توفيق له فضل علي الاقتصاد السوداني

Post: #22
Title: Re: ياحكومة السودان وشعبه يجب تكريم الامير تو
Author: علي عبدالوهاب عثمان
Date: 10-16-2018, 01:55 PM
Parent: #21

الحبيب أبو النسب المسلمي ..
الامير توفيق .. طلع من عندينا ( جده من منطقة حفير مشو وأكد ) من الاشراف
يستاهل ..
لكن احلى شيء في البوست الحوار بينك ودينق وودالباوقة .. واصلوا هذه الاخوة

تحياتنا الحبيب أبو النسب

Post: #24
Title: Re: ياحكومة السودان وشعبه يجب تكريم الامير تو
Author: Deng
Date: 10-16-2018, 03:14 PM
Parent: #22

Quote: الامير توفيق .. طلع من عندينا ( جده من منطقة حفير مشو وأكد )

الله الله الامير المضروب طلع من ناس الضهاري!!

Post: #25
Title: Re: ياحكومة السودان وشعبه يجب تكريم الامير تو
Author: Deng
Date: 10-16-2018, 03:17 PM
Parent: #24

Quote: شيخي المسلمي

يا لها من مشيخة مسخرة، من من لا يملك الى من لا يستحق.

Post: #26
Title: Re: ياحكومة السودان وشعبه يجب تكريم الامير تو
Author: Deng
Date: 10-16-2018, 03:20 PM
Parent: #25

Quote: دينق اختشي توفيق له فضل علي الاقتصاد السوداني

ممارسة التجارة بطريقتكم دي وفي زمن الإنقاذ ليس سوى تجارة فاسدة وتقوم بها مجموعة إنتهازية وطفيلية مثلكم.

قال لهيو الفضل قال!

ود الفضل اللي يسختك.

Post: #27
Title: Re: ياحكومة السودان وشعبه يجب تكريم الامير تو
Author: محمد بدرالدين
Date: 10-16-2018, 03:28 PM
Parent: #26

العجيب
او الاعجب .. او العبقرية
كيف اقنع الشعب السودانى او السودانيين بالعربات الكورية
و كيف اسامة داؤد برضو اقنع الناس بالمستوبيشى ..
..
و الا الحظ ساعدهم مع الظروف السائدة
لكن يبقى الاقناع شطارة لا يملكها الا البعض
شوف السودانيين طلعوا المازدا من السوق كيف ههههه ( مازدا الفاسدة) حتى اللعنة قالو تبعت المدرب مازدا
.... و الاشارة جاى و لا جاى ؟؟
سودانى و خليك سودانى ههههههههههههه
مودتى و تقديرى لكم جميعا ..و للحبيب المسلمى الامتنان و المحبة
و اللهم صلى على كامل النور

Post: #28
Title: Re: ياحكومة السودان وشعبه يجب تكريم الامير تو
Author: توفيق عيسى مكي
Date: 10-16-2018, 07:50 PM
Parent: #27

خلال عشرون عاما من العمل باخلاص نحو سوداننا الحبيب لأول مرة يقال لنا كلمة طيبة في حقنا انا وشقيقي الواثق ...
فعلا نزلت مني دمعة حب وامتنان اولا لانها جات من اخ فاضل جميل عزيز خلال سنوات عمر عملنا في السيارات الكورية لم نسمع منه الا الكلام والفعل الطيب ليس هو فحسب ولكن كل قبيلة الكباشي حتى في احلك مشاغلاتي الخشنة في المنبر ده حبا وتادبا واحتراما يبتعدوا الا في القول الجميل لشخصنا ....
ما دايرين تكريم كده بكلام الحبيب محمد اتكرمنا ما دايرين زيادة ....
لكن املنا الناس تقيف معانا في العمل الهسي مقاتلين فيه وهو ادخال التقانة والحداثة والتكنلوجيا دفعلا لزيادة انتاجياتنا وخلق طفرة اقتصادية مبنية على الاستخدام الامثل لثورة المعلومات وربطها بالانتاج وزيادة صادراتنا وانفتاحنا للعالم تجاريا واقتصاديا
هو ده التكريم لو حابين تكرمونا ...
اخوي يا محمد من يومك اخوي انت والمرحوم وسيد وكل ابناء عمومتكم واهلكم
بنشكرك كتير سيبك من دينق وود الباوقة ديل ما عندهم موضوع ههههه

Post: #29
Title: Re: ياحكومة السودان وشعبه يجب تكريم الامير تو
Author: Dr. Ahmed Amin
Date: 10-16-2018, 10:06 PM
Parent: #28

Quote: دينق اختشي توفيق له فضل علي الاقتصاد السوداني

الإقتصاد السوداني وين هو ؟؟

المهم ... سلام محمد المسلمي ..

Post: #30
Title: Re: ياحكومة السودان وشعبه يجب تكريم الامير تو
Author: محمد المسلمي
Date: 10-17-2018, 04:35 PM
Parent: #1

الاخ الاستاذ kamal omer سلامات ده ماقنطرة ده واقع توفيق وشقيقه لهم إسهامات ويجب ان يشكروا عليها

—-
الما بدورك في الضلمة يحدر ليك ماشايف دينق يهرج ساهي 😂😂

Post: #31
Title: Re: ياحكومة السودان وشعبه يجب تكريم الامير تو
Author: محمد المسلمي
Date: 10-17-2018, 04:43 PM
Parent: #1

الحبيب الشيخ محمد حمزة الحسين سلام ولعلك بخير
وكيل الهونداي في السودان شركة البربري منذ قديم الزمان وهي وكيل حصري وتشمل العربات والآليات وقطع الغيار
اما وكيل الدايو كان الشركة التجارية الوسطي وهي من ادخلت الامجاد بعد ناس توفيق والان الوكالة منهم انتقلت
الي شركة دال
عايز اوريك دور الأشقاء الواثق عيسي مكي وتوفيق فهم من روج للجودة الواثق هنا في كوريا وتوفيق في السودان
وعمل الواثق شركة مكي العالمية وكان شعلة من النشاط يُستقبل السودانين ويقوم بالشراء لهم والشحن مع خدمات
كثيرة وقد جذب اغلب السودانين واصبحت بواخر كاملة تشحن من شركة مكي واصبحت اسم كبير في كوريا وتم
تكريم الواثق من قبل السلطات في كوريا
اما توفيق فقد افتتح فرع للشركة في السودان واصبح المندوب والمسؤول عن المبيعات والترويج للجودة وقام بفتح
مركز للصيانة واستورد اجود الاجهزة لدلك وكان شعلة من النشاط وكل من اراد السفر الي كوريا كان مكتب توفيق
فاتح له من استشارة وعمل الفيزا الي اخره حتي ولو كنت تريد السفر الي جهة اخري غير مكي العالمية

Post: #32
Title: Re: ياحكومة السودان وشعبه يجب تكريم الامير تو
Author: محمد المسلمي
Date: 10-17-2018, 04:46 PM
Parent: #31

ابوالنسب علي عبدالوهاب عثمان مسكاجروا وكيفك والاسرة الكريمة
توفيق مثال لابن السودان البار لو الناس ختت الكورة واطة وبعدت
عن التعصب السياسي

الزغلباني دينق ده. زبون رسمي للمجاهد ودالباوقة وبينهم
كثير من السجال في حدود الاحترام الانساني الحقيقي

—-
بالمناسبة دينق ده مرات زول كويس 😂😂

Post: #33
Title: Re: ياحكومة السودان وشعبه يجب تكريم الامير تو
Author: محمد المسلمي
Date: 10-17-2018, 04:49 PM
Parent: #32

الحبيب محمد بدرالدين بمشاركتك فرحنا ولَك الود كله ..التاجر الشاطر هو من يستطيع إقناع الزبون ولكن
نجاحه مشروط بجودة المنتج حتي يكون الإقناع الحقيقي وده كان اسلوب توفيق في إقناع عقلية
السوداني الدي يفضل بوكس موديل 81 علي اخر موديل . وقد اصبح الكوري الان الملك في السودان

Post: #34
Title: Re: ياحكومة السودان وشعبه يجب تكريم الامير تو
Author: Deng
Date: 10-17-2018, 05:10 PM
Parent: #33

Quote: توفيق مثال لابن السودان البار

ياااراجل!

Post: #35
Title: Re: ياحكومة السودان وشعبه يجب تكريم الامير تو
Author: أبوبكر عباس
Date: 10-17-2018, 06:46 PM
Parent: #34

توفيق عندي من الشخصيات المهمة جداً وله عندي معزَّة ومحبّة خاصة من غير معرفة.
التحيّة للأمير توفيق وهو يثير دائماً القضية الأهم بالسودان وهي:
مأزق ترييف المدن وأثره على الإقتصاد ونهضة السودان
والتحيّة موصولة للشيخ المسلمي

Post: #36
Title: Re: ياحكومة السودان وشعبه يجب تكريم الامير تو
Author: توفيق عيسى مكي
Date: 10-17-2018, 08:34 PM
Parent: #35

ارواحنا النقية كان لابد لها ان تتلاقا وتتعارف وفعلا حصل ...
لهذا كانت المعزة متبادلة اخي ابو بكر واكثر
واكثر لكل الجميلين هنا في هذا المنبر الذي اعشقه
واحب كل من فيه
صعبة لكن بقولها ههههه بما فيهم دينق وبقية المشاغبين

Post: #37
Title: Re: ياحكومة السودان وشعبه يجب تكريم الامير تو
Author: النذير حجازي
Date: 10-17-2018, 08:47 PM
Parent: #36

والله انا برضو، توفيق دا من الشخصيات التي أحبها جداً،
وأتمنى أن ألتقيه في قهوة زي ستاربكس عندنا في أمريكا،
فهو إنسان نقي وما بعرف النفاق والزيف، بس يختى لينا الإسلاميين ديل

بس يا ود المسلمي ما قلته عنه هو والواثق اخوهو بدل على
أنهم تفاتيح، وقبضوا ثمن اجتهادهم،
نكرمهم في حالة انو تبرعوا للوطن بهذه العربات، وهذا لم يحدث

Post: #38
Title: Re: ياحكومة السودان وشعبه يجب تكريم الامير تو
Author: توفيق عيسى مكي
Date: 10-17-2018, 09:52 PM
Parent: #37

نفس الحب واكتر اخي النزير والحي بلاقي وكله مسطر ...
بوستيك بتاع الاسئلة داك مالك زغت منه خفت علي من الرش والردم ولا شنو ... عادي ومتعود وما مزاجي بيجي الا بكلام زي ديل ...
Quote: وقبضوا ثمن اجتهادهم،

فعلا قبضنا ثمن اجتهادنا اوريك كيف ؟؟ ..
مثلا الاسبوع الفات ده عشان ما اصل من مدينة لمدينة من مدن سوداننا الحبيب اتضطريت اركب دفار بي ورا والدفار شاحن ابقار وحمير لمدة ساعتين وانا مريض غضروف اقل دقسة ثانية بس التيران يهرسوك وده كله عشان شنو عشان بقاتل قتال مر اكل عيش واثبت شغلي واضيف ليه معلومات مهمة للغاية عشرة سنين ما عندي عربية لمن قربت انسى السواقة برغم ياما اهدينا عربات كمية للناس لا قرش لا تعريفة
وتاني الاتمان اديك فيهم مثل قريب برضو اتخيل منظري مرحلني قاضي من حراسة الدروشاب لحراسة الجيلي يوم الوقفة مضرة عشان اعيد في حراسة لا عنبر احد سجوننا الكبيرة البرحة وانا مقيد ومكبل بالجنازير مربط في بوضي البوكس ومعي كمية خراف للعيد غير مقيدة وحرة مجازا وتقريبا وتقريبا كل دقيقة تطلع فيني وتبعر وانا فاقد الحراك
بامانة وانت امين اخوي النزير مش تمن استاهلوا ...
هو ده مهر حبنا للبلد اهو كل يوم بندفعوا وراضين وسعيدين

Post: #39
Title: Re: ياحكومة السودان وشعبه يجب تكريم الامير تو
Author: سيف النصر محي الدين
Date: 10-18-2018, 03:04 AM
Parent: #38

لا حولا
والله اولاد الضهاري ما بتكون بعرت فوقهم خرفان يا توفيق يا اخوي.
يا حليلك يا صافيناز هانم.

Post: #40
Title: Re: ياحكومة السودان وشعبه يجب تكريم الامير تو
Author: Deng
Date: 10-18-2018, 08:27 AM
Parent: #39

يا محمد المسلمي.

أميرك المضروب ده لي هسع في امدرمان ست العرقي عاوزة حقها.

أنت لو بتهمك سمعة الامير حقو تتكفل بدفع الديون والمتأخرات.

Post: #41
Title: Re: ياحكومة السودان وشعبه يجب تكريم الامير تو
Author: محمد علي البصير
Date: 10-18-2018, 09:20 AM
Parent: #40

Quote: في رواج السيارات الكورية في السودان وقد كان لهم السبق في ذلك عبر شركتهم
مكي العالمية

تحياتي محمد المسلمي
غايتوبالنسبة لي توفيق دا لو فتح ليه مصنع رولس رويس في السودان ، حيظل هو توفيق دقارات

Quote: توفيق مثال لابن السودان البار

هههها أ لكن زودت العيار كثير جداً يا أبو حميد

ياخ أبن السودان البار يكون أكبر عنصري في البورد

بالطبع مع وافر التقدير لأخونا الواثق مكي

Post: #42
Title: Re: ياحكومة السودان وشعبه يجب تكريم الامير تو
Author: توفيق عيسى مكي
Date: 10-21-2018, 10:09 PM
Parent: #41

تعرف يا محمد يا اخوي كلامك ده بتجيب بيه المرض لابرويسن فاضي الاسمو دينق ده ومقص لناس الضهاري عشان بحاول ابلعهم الحقيقة المرة حقتهم ...
ويخيل لي لو بي موية النيلين ونهر النيل زاتو ما بتتبلع ليهم
اللهم كان يشوفو ليهم فولة ولا حفير
امكن ....

Post: #43
Title: Re: ياحكومة السودان وشعبه يجب تكريم الامير تو
Author: Deng
Date: 10-21-2018, 10:25 PM
Parent: #42

قبل "تكريمك" ده مش مفروض تحلل ديونك؟؟

Post: #44
Title: Re: ياحكومة السودان وشعبه يجب تكريم الامير تو
Author: توفيق عيسى مكي
Date: 10-22-2018, 10:05 PM
Parent: #43

Quote: قبل "تكريمك" ده مش مفروض تحلل ديونك؟؟

وكمان ما بتعرف تقره يا عره = ابن السودان البار =
بعدين داير اقول ليك حاجة اولاد المسلمي ديل عندي خط أحمر محل ما تتنطط ليهم بتلاقني في وشك اديك كف
وما دي اول مرة

Post: #45
Title: Re: ياحكومة السودان وشعبه يجب تكريم الامير تو
Author: Deng
Date: 10-23-2018, 08:11 AM
Parent: #44

الامير المضروب.

أنت زول عليمك ديون، وست العرقي لسه بتفتش فيك، قبل أن يتم تكريمك يجب أن تدفع للناس حقوقهم.
لأن تكريمك ده لا يحل بالطريقة دي.

بعدين لك حق تدافع على اولاد المسلمي وتقول هم "خط أحمر" طالما في زول زي محمد المسلمي ده عاوز يكرمك لك حق.

محمد المسلمي

أختشي.

Post: #46
Title: Re: ياحكومة السودان وشعبه يجب تكريم الامير تو
Author: توفيق عيسى مكي
Date: 10-24-2018, 11:51 AM
Parent: #45

Quote: لأن تكريمك ده لا يحل بالطريقة دي.

قريبتك من سكرتها مغبية ما بتعرف تفرق بين الناس وامكن تكون وغالبا مسطولة سلسيون فعليك الله كلمها قول ليها مولانا ده بهتي ساااي خليتينا غلطنا معاه ... دايرة تضحكي الناس فينا 95% من الشعب السوداني عارفنه اتربي داخل اسر اﻹخوان المسلمين في ود البنا وفي بيت المال ال 24 ساعة في الجامع قول ليها كضبي لكن ما قدر ده يقوم يجيب ليك هوا يقفل ليك طرمبتك دي

Post: #47
Title: Re: ياحكومة السودان وشعبه يجب تكريم الامير تو
Author: النذير حجازي
Date: 10-24-2018, 03:11 PM
Parent: #46

Quote: قول ليها مولانا ده بهتي ساااي خليتينا غلطنا معاه

سلام يا توفيق،
حيرتنا والله بكلامك دا،
أنا كنت فاكر القاضي بتاع الدروشاب دخلك الحراسة في الجيلي لأنو قبضك سكران في يوم الوقفة، وأظن الناس دي كلها افتكرت كدا، حتى انا قلت لنفسي بالله شوفو توفيق
دا تفتيحة كيف وما بسكر في الحلة، علشان كدا اختار الدروشاب لانو مافي زول بعرفك هناك.
طيب ما وريتنا قاضي الدروشاب دخلك الحراسة في شنو؟!

Post: #48
Title: Re: ياحكومة السودان وشعبه يجب تكريم الامير تو
Author: Arif Nashed
Date: 10-24-2018, 03:48 PM
Parent: #47

النذير مشتاااااغون
ياااخي ما للدرجة دي تقبقب في الأمير توفيق المسلمي عامل ليهو تكريم واتا تزرزر فيهو قبضوك سكران في الدروشاب وشنو كده ما عارف ودينق يقولوا ست العرقي وود البصير يقولوا دفارات..
علي قول دينق
اختشوا...

Post: #49
Title: Re: ياحكومة السودان وشعبه يجب تكريم الامير تو
Author: Arif Nashed
Date: 10-24-2018, 03:50 PM
Parent: #48

ود المسلمي وضيوفك سلام

Post: #50
Title: Re: ياحكومة السودان وشعبه يجب تكريم الامير تو
Author: توفيق عيسى مكي
Date: 10-24-2018, 05:16 PM
Parent: #49

Quote: طيب ما وريتنا قاضي الدروشاب دخلك الحراسة في شنو؟!

يعني عامل رايح ما عارف يا خسارة فيك ... وحكيت هنا في البورد قصتي امكن الف مرة بالتفصيل الملل وهي يا سيدي قدمت عرض لتمليك عربات لكل نقابات السودان بسعر 12 مليون في الوقت نفس الغربية بتملكها البنوك ب 36 مليون بقسط 250 الف زمن قسط البنك الف ونص في الشهر بزمن 18 شهر مقارنة بزمن البنوك 5 سنوات بمقدم 2 مليون زمن الناس بتدفع مقدم للبنك 18 مليون ممكن لو زول ما عارف يقول ده خيال لكن في وزارة المالية في اول اجتماع التزم الكوريين طرفي واصدقائي بتسليم هذه السيارات في المنطقة الحرة قري وتاتي لجنة للمعاينة ولن يتم الدفع الا من بعد اجتياز واخيار اللجنة للسيارات التي يريدون وكان الاجتماع ده محضور امنيا واقتصاديا
العرض كان مقدم من من .. من اباطرة وملوك استيراد السيارات المستعملة من كوريا يعني ما كذب
ناس وزارة المالية قالوا العرض ده حا يعمل خلل خصوصا في قطاع البنوك قلت ليهم انا قاصد كده عشان البنوك توجه تمويلها لتمويلات طويلة لمشاريع كبيرة
اهو ده السبب الخلاهم يختوني مع المتهمين بقتل الصحفي محمد طه محمد احمد في زنازينهم شوية وكان روحوني معاهم
السودان زي مافيه ناس راقية وواعية بس الاغلبية جزم وواطية
ده من وجهة نظري بسبب لحدي قبل ساعة بنصدم في الناس

Post: #51
Title: Re: ياحكومة السودان وشعبه يجب تكريم الامير تو
Author: النذير حجازي
Date: 10-24-2018, 05:26 PM
Parent: #50

وين يا أبو العوارف ومشتاقين يا فردة،
تصدق يا أبو العوارف زي ما بيقولوا الخليجيين
افتكرت الأمير توفيق راعي كاس هههههههههه

Post: #52
Title: Re: ياحكومة السودان وشعبه يجب تكريم الامير تو
Author: النذير حجازي
Date: 10-24-2018, 05:31 PM
Parent: #51

حبيبنا توفيق،
والله قصة شيقة وفاتت علي، والله لم اكن اعرف
بأنه تم اتهامك في مقتل الصحفي محمد طه محمد أحمد،
الموضوع دا ح انقلو للبوست الذي فتحته عنك،
وبرضو متشوق لمعرفة أكثر عن موضوع البرمجيات الذي ذكرته
سابقا بشئ من التفصيل.

Post: #53
Title: Re: ياحكومة السودان وشعبه يجب تكريم الامير تو
Author: Deng
Date: 10-24-2018, 07:20 PM
Parent: #52

Quote: اتربي داخل اسر اﻹخوان المسلمين في ود البنا وفي بيت المال ال 24 ساعة في الجامع قول ليها كضبي لكن ما قدر ده يقوم يجيب ليك هوا يقفل ليك طرمبتك دي

وهل يوجد أفسد من الاخوان المسلمين على وجه الارض؟

بالله أمشي أدفع قروش العرقي الشربتوا ده وبطل زوغان.

الواحد فيكم حق الكباية ما عندوا وبرضوا بيمشي يكابس.

Post: #54
Title: Re: ياحكومة السودان وشعبه يجب تكريم الامير تو
Author: علي دفع الله
Date: 10-24-2018, 07:28 PM
Parent: #53

تكريم شنو يا مسلمي لتوفيق صاحب اشهر صاجة في منبر بكري عليه السلام

Post: #55
Title: Re: ياحكومة السودان وشعبه يجب تكريم الامير تو
Author: توفيق عيسى مكي
Date: 10-24-2018, 08:40 PM
Parent: #54

ده آخر منشور لينا في صفحتنا في فيس بوك

Quote: مؤسسة الشفافية للخدمات التجارية
ترنسبيرنسي للخدمات
تطبيقات Sudaway
استديوهات الشفافية المتطورة
++++++++++++++++++++++
قروباتنا على السوشال ميديا هي امتداد لتفاعلنا مع مجتمعاتنا الاقتصادية فهي تضم صفوة الصفوة من خيرة المهمومين بقضايانا الاقتصادية والتجارية الملحة والحاضرة ويكفي انها ساعدت مباشرة في حل كثير من المواقف الصعبة في نفس لحظة حدوثها . وكذلل رسائلنا الدورية في صفحتنا في الفيس بوك وتغريداتنا على تويتر شكلت اداة تعريفية وشكلت مدرسة متطورة لتعلم كافة الناس باهمية استخدام التقانة في مناحي الانتاج كلها لرفع من معدلات انتاجياتنا الكلية وتغذية خزينتنا بالعائدات الدولارية بدلا من استخدام التكنلوجيا وتقانتها في اشكال الخدمات تسهيلا لواقعنا الذي لم يصل للآن ان نرتاح ونترفه في ظل مشكلات ضخمة في كل مناحي الانتاج وصولا للتصدير والاستفادة من عائده
+++++++++++++++
خمسة سنوات من عمل شاق متواصل ولم تتفاعل معنا الدولة كما يجب وقصتنا مع وزارتي الاعلام والاتصالات فيها المثير المؤلم كيف وقد اتصلنا بوزيرة الاتصالات قبل ان تعفى ودخلنا وزارتها مكتب مكتب فيقولون لنا انتم من نحتاجه لهذه المرحلة من عمر بلادنا ثم نرى باعيوننا يدعمون من لا يستحق حتى ان يعبر استقبال وزارتهم باحتفاليات كبيرة مضحكة لدرجة حدث حوار بيننا وبين تلك الوزيرة على صفحتها في الفيس وانفعلت وظننا خيرا ووعدت بالرد غدا والبحث غدا فكان الغد مزيدا من دعم الخدمات ومزيدا من محاولات هدم الجادين لرفع الانتاج باستخدام التقانة مثلنا
+++++++++++++++
اما الاعلام فبمجرد تغير طاقمه في رأس وزارته اوقفوا موقعنا الذي صمموه لنا ومنع دخولنا وكاننا لم يوما من الايام تحت رعايتهم والمشاركة الفاعلة في المحاولات الجادة لخلق ارضية ثابتة لسوق للمعلومة ومحاولة ادخالها حيز المشاركة في عمق اصول مناطق انتاجنا واسواقنا والترويج لنا ولفكرنا
+++++++++++++++
اما الشركة التي صممت لنا تطبيقاتنا برغم تعاونها وتفهمها لهذا العمل فتقف ساكنة فالنشر يحتاج للمال الذي ينقصنا ونحاول بشتى السبل توفيره واما استديوهاتنا فتبقى ايضا خارج السودان تنتظر ان تتوفر لنا بعض السيولة لنشحنها كما وعدنا من دولة اليابان كاحدث اجهزة لهذه التطبيقات وهذا العمل تحديدا وتخصصا

كدي مرة واحدة في عمر الناس الاتجاههم ون وي حقيقي بدل التكريم ما طالبين غير بس دعم معنوي .. اتفهمونا بس ..الماضي فات ومات ونسيناهو خلاس بي خيره وشره خلونا اولاد النهار ده ...السودان اولا.. واولا ... واولا ... واولا ... وما دايرين حتى تاني غيره

Post: #56
Title: Re: ياحكومة السودان وشعبه يجب تكريم الامير تو
Author: Deng
Date: 10-25-2018, 09:33 AM
Parent: #55

أنت بتقول أنت تربية أخوان مسلمين.

عاوز الناس تساعدك كيف؟؟

Post: #57
Title: Re: ياحكومة السودان وشعبه يجب تكريم الامير تو
Author: توفيق عيسى مكي
Date: 10-25-2018, 10:03 AM
Parent: #56

Quote:
أنت بتقول أنت تربية أخوان مسلمين.

عاوز الناس تساعدك كيف؟؟

اوكي نكون جادين شوية ...
في الوقت داك كانت تربية الاخوان المسلمين تربية دينية بحتة ولا كنا بنعرف السياسة ولا بنتكلم فيها امكن ربما لسننا الصغيرة كان الاسبوع كله مقسم لبرامج مثلا الاثنين والخميس صيام والفطور في جامع ود البنا الاحد من بعد المغرب للعشاء تلاوة وتفسير الثلاثاء دروس في السيرة بعد صلاة العصر الخميس رياضة وكان كل اسبوعين تلاتة رحلة كانت حياة جميلة بالمناسبة ما كان شرط تكون منضم للتنظيم لتمارس هذه البرامج بل كانت مفتوحة لكل من زاملنا من جيلنا للاحياء بيت المال وود ارو والشفايعة والهجرة وكل ما حولنا عشان كده جيلنا في كل هذه المناطق بيتميز باخلاق رفيعة وفي الاغلب ملتزم جدا

Post: #58
Title: Re: ياحكومة السودان وشعبه يجب تكريم الامير تو
Author: Deng
Date: 10-25-2018, 10:06 AM
Parent: #57

كنتو لسه أشبال وكان بيتم الاعداد لكم.